ന്യൂയോര്‍ക്ക്: ഫിഫ ലോകകപ്പ് ഫൈനലിനിടെ അര്‍ജന്റീന നായകന്‍ ലയണല്‍ മെസി നടത്തിയ ഒരു ആംഗ്യം വലിയ വിവാദത്തിന് വഴിവെച്ചു. സ്പാനിഷ് പ്രതിരോധ താരം മാര്‍ക്ക് കുക്കുറേയ വായ കൈകൊണ്ട് ഭാഗികമായി മറച്ച് സംസാരിച്ചുവെന്നാരോപിച്ച് അദ്ദേഹത്തിന് ചുവപ്പ് കാര്‍ഡ് നല്‍കണമെന്ന് മെസി റഫറി സ്ലാവ്കോ വിന്‍സിച്ചിനോട് ആവശ്യപ്പെട്ടതാണ് കടുത്ത വിമര്‍ശനങ്ങള്‍ക്ക് ഇടയാക്കിയത്.

മത്സരത്തിന്റെ അവസാനഘട്ടത്തില്‍ എന്‍സോ ഫെര്‍ണാണ്ടസ് ചുവപ്പ് കാര്‍ഡ് കണ്ട് പുറത്തായതോടെ അര്‍ജന്റീന പത്ത് പേരായി ചുരുങ്ങിയിരുന്നു. പാവ് കുബാര്‍സിക്കെതിരായ അപകടകരമായ ടാക്കിളിനായിരുന്നു എന്‍സോയ്‌ക്ക് രണ്ടാമത്തെ മഞ്ഞക്കാര്‍ഡ് ലഭിച്ചത്. ഇതിനെതിരെ അര്‍ജന്റീന താരങ്ങള്‍ റഫറിയെ വളഞ്ഞ് പ്രതിഷേധിക്കുന്നതിനിടെയാണ് കുക്കുറേയ മെസിയുമായി സംസാരിക്കാന്‍ എത്തിയത്.

ഈ സമയത്ത് കുക്കുറേയ ഏതാനും നിമിഷങ്ങള്‍ വായ കൈകൊണ്ട് മറച്ചുപിടിച്ച് സംസാരിച്ചതാണ് ടെലിവിഷന്‍ ദൃശ്യങ്ങളില്‍ പതിഞ്ഞത്. ഇത് ശ്രദ്ധയില്‍പ്പെട്ട മെസി, നിയമലംഘനം നടന്നുവെന്ന സൂചന നല്‍കി റഫറിയോട് നടപടി സ്വീകരിക്കണമെന്ന് ആംഗ്യം കാണിക്കുകയായിരുന്നു. ഈ ലോകകപ്പില്‍ നടപ്പാക്കിയ പുതിയ നിയമപ്രകാരം തര്‍ക്കസാഹചര്യങ്ങളില്‍ മുഖം കൈകൊണ്ട് മറച്ച് സംസാരിക്കുന്നത് റഫറിയുടെ നിരീക്ഷണവിധേയമാണ്. വംശീയ അധിക്ഷേപങ്ങളും അനുചിത പരാമര്‍ശങ്ങളും തടയുക എന്ന ലക്ഷ്യത്തോടെയാണ് ഈ നിയമം നടപ്പാക്കിയത്.

എന്നാല്‍ എല്ലാ സാഹചര്യങ്ങളിലും ഇത് ചുവപ്പ് കാര്‍ഡിലേക്ക് നയിക്കണമെന്നില്ല. സംഭാഷണത്തിന്റെ സ്വഭാവം വിലയിരുത്തിയാണ് റഫറി തീരുമാനം എടുക്കേണ്ടത്. കുക്കുറേയയുടെ ഭാഗത്ത് നിയമലംഘനമൊന്നും നടന്നിട്ടില്ലെന്നാണ് റഫറി സ്ലാവ്കോ വിന്‍സിച്ച് വിലയിരുത്തിയത്. അതിനാല്‍ അദ്ദേഹത്തിനെതിരെ യാതൊരു നടപടിയും സ്വീകരിച്ചില്ല. എന്നാല്‍, അര്‍ജന്റീന പത്ത് പേരായി ചുരുങ്ങിയ സാഹചര്യത്തില്‍ സ്‌പെയിനെയും പത്ത് പേരാക്കാനുള്ള തന്ത്രമായിരുന്നു മെസിയുടെ നീക്കമെന്നാണ് മുന്‍ താരങ്ങളും ഫുട്‌ബോള്‍ നിരീക്ഷകരും വിലയിരുത്തുന്നത്. ഇതാണ് സാമൂഹിക മാധ്യമങ്ങളിലടക്കം വലിയ ചര്‍ച്ചകള്‍ക്ക് വഴിവെച്ചത്.

കൊച്ചി | കോറോ ഹെല്‍ത്തിലെ കൂട്ടപ്പിരിച്ചുവിടല്‍ വിഷയത്തില്‍ നടത്തിയ ചര്‍ച്ച ഫലപ്രദമാണെന്നും ധാരണയുണ്ടായതായും തൊഴില്‍ വകുപ്പ് മന്ത്രി മന്ത്രി ബിന്ദു കൃഷ്ണ. മാധ്യമങ്ങളോട് സംസാരിക്കവേയാണ് മന്ത്രി ഇക്കാര്യം അറിയിച്ചത്.

ജീവനക്കാരുടെ താത്പര്യം പരിഗണിച്ചുള്ളതാണ് തീരുമാനം. അഞ്ചുമാസത്തെ ശമ്പളം അടുത്ത ഞായറാഴ്ചക്കുള്ളില്‍ നല്‍കും. നേരത്തെ നല്‍കിയ രണ്ടുമാസത്തേതിന് പുറമെയാണിത്. മറ്റ് സ്ഥാപനങ്ങളില്‍ ജോലിക്ക് കയറാനുള്ള രേഖകള്‍ നല്‍കും. എക്സ്പീരിയന്‍സ് സര്‍ട്ടിഫിക്കറ്റ്, റിലീവിങ് രേഖകള്‍ തുടങ്ങി എല്ലാ രേഖകളും നല്‍കുമെന്നും മന്ത്രി വ്യക്തമാക്കി.

എന്നാല്‍, പന്ത്രണ്ട് ശതമാനം ആളുകളെ മറ്റ് സ്ഥാപനങ്ങളിലേക്ക് ക്രമീകരിക്കാമെന്ന കമ്പനി നിര്‍ദേശം നിരസിച്ചതായും ബിന്ദു കൃഷ്ണ പറഞ്ഞു. തൊഴില്‍ സുരക്ഷയുമായി ബന്ധപ്പെട്ട പ്രശ്നം ഉള്ളതിനാലാണിത്.

Content Highlights:
Kerala Labor Minister announced successful discussions regarding Corro Health layoffs. An initial agreement was reached between management and employee representatives. The decision aims to address concerns and secure worker rights in Kerala.

പാലക്കാട്| മുലപ്പാല്‍ തൊണ്ടയില്‍ കുടുങ്ങി നവജാത ശിശു മരിച്ചു. കാരാകുറുശ്ശി പള്ളിക്കുറുപ്പ് പുലാക്കല്‍ സ്വദേശികളായ ഷെഫീഖ് – ഹസീന ദമ്പതികളുടെ 56 ദിവസം പ്രായമുള്ള ആണ്‍കുഞ്ഞാണ് മരിച്ചത്. പാല്‍ നല്‍കിയ ശേഷം കിടത്തിയ കുഞ്ഞിന് പെട്ടെന്ന് ശാരീരിക അസ്വസ്ഥതകള്‍ അനുഭവപ്പെടുകയായിരുന്നു.

തുടര്‍ന്ന് മണ്ണാര്‍ക്കാട് താലൂക്ക് ആശുപത്രിയിലും വിദഗ്ധ ചികിത്സയ്ക്കായി പെരിന്തല്‍മണ്ണയിലെ സ്വകാര്യ ആശുപത്രിയിലും എത്തിച്ചെങ്കിലും ജീവന്‍ രക്ഷിക്കാന്‍ സാധിച്ചില്ല. ഇരട്ടക്കുട്ടികളില്‍ ഒരാളാണ് മരിച്ച കുഞ്ഞ്.

Content Highlights:
A 56-day-old baby boy died after choking on breast milk at Karakurussi in Palakkad. The infant experienced sudden distress after feeding. Though rushed to Mannarkkad Taluk Hospital and later to a hospital in Perinthalmanna, the child could not be saved. The deceased was one of twins.

കൊച്ചി: ശബരിമല സ്വർണക്കൊള്ള കേസില്‍ അന്തിമ റിപ്പോർട്ട് ഉടൻ നൽകണമെന്ന് ഹൈക്കോടതി. എസ്ഐടിയ്ക്കാണ് കോടതി നിർദേശം നില്‍കിയത്. ശാസ്ത്രീയ പരിശോധനാ ഫലം ലഭിച്ച സാഹചര്യത്തിലാണ് നിർദേശം. 2025 ൽ ദ്വാരപാലക പാളി കടത്താൻ ശ്രമിച്ച കേസില്‍ 54 പേരുടെ മൊഴി രേഖപ്പെടുത്തിയെന്നും ശാസ്ത്രീയ പരിശോധനാ ഫലത്തിൽ നിന്നും പ്രതികൾ നടത്തിയ കുറ്റകൃത്യത്തിന്റെ രീതി മനസിലായെന്നും എസ്ഐടി കോടതിയെ അറിയിച്ചു. സെപ്റ്റംബർ 3 ന് കേസ് വീണ്ടും പരിഗണിക്കും.

സ്വർണ്ണക്കൊള്ള കേസിൽ തിരുവിതാംകൂർ ദേവസ്വം ബോർഡ് മുൻ പ്രസിഡന്റ് പി എസ് പ്രശാന്തും, ദേവസ്വം ഭരണസമിതിയെയും തന്ത്രിയെയും പ്രതിയാക്കി എസ്ഐടി നേരത്തെ ഹൈക്കോടതിയിൽ റിപ്പോർട്ട് നൽകിയിരുന്നു. 2019ൽ സ്വർണ്ണംപൊതിഞ്ഞ ദ്വാരപാലക പാളികളിൽ അളവ് കുറച്ച് സ്വർണ്ണം പൂശിയ നടപടി മറച്ച് വയ്ക്കാൻ പ്രതികൾ ക്രിമിനൽ ഗൂഡാലോചന നടത്തിയെന്നാണ് എസ്ഐടി കണ്ടെത്തൽ. ദേവസ്വം ചട്ടങ്ങൾ ലംഘിച്ച് ദ്വാരപാലക പാളികൾ ചെന്നൈയിലേക്ക് കൊണ്ട് പോയത് സ്പോൺസറും ദേവസ്വം ബോർഡ് ഉദ്യോഗസ്ഥരും ചേർന്ന് നടത്തിയ വർഷങ്ങൾ നീണ്ട കൃത്യമായ പദ്ധതിയിലൂടെയെന്നാണ് എസ്ഐടി കണ്ടെത്തൽ.

രാജസ്ഥാനിലെ പ്രശസ്തമായ എന്‍ട്രൻസ് കോച്ചിംഗ് കേന്ദ്രമായ കോട്ടയിലെ ആൺകുട്ടികളുടെ ഹോസ്റ്റൽ മെസിലേക്ക് അപ്രതീക്ഷിതമായി എത്തിയ അതിഥിയെ കണ്ട് വിദ്യാർത്ഥികൾ ഭയന്ന് നിലവിളിച്ചു. സ്വപ്നത്തിൽ പോലും വിചാരിക്കാത്ത ഒരതിഥിയായിരുന്നു അത്. ഒത്ത ഒന്നാന്തരമൊരു മുതല! ഭക്ഷണം കഴിക്കാനായി എത്തിയപ്പോൾ ഹോസ്റ്റലിലെ മെസിൽ മുതലയെ കണ്ട് പരിഭ്രാന്തരായി തലങ്ങും വിലങ്ങുമോടുന്ന വിദ്യാർത്ഥികളുടെ സിസിടിവി ദൃശ്യങ്ങൾ സമൂഹ മാധ്യമങ്ങളിൽ വൈറലായി.

കോട്ടയിലെ കോറൽ പാർക്കിലെ ഒരു ആൺകുട്ടികളുടെ ഹോസ്റ്റലിൽ കഴിഞ്ഞ വെള്ളിയാഴ്ച ഉച്ചയ്ക്ക് ഒരു മണിക്കാണ് സംഭവം നടന്നത്. കെട്ടിടത്തിന്‍റെ ബേസ് മെന്‍റിലായിരുന്നു മെസ്. മുകളിൽ നിന്നുള്ള പടികൾ ഓരോന്നായി ഇറങ്ങി മുതല, ഹോസ്റ്റലിന്‍റെ മെസിലേക്ക് നടന്ന് നീങ്ങുന്നത് സിസിടിവി ദൃശ്യങ്ങളിൽ കാണാം. മെസിൽ പാചകക്കാരൻ ചപ്പാത്തിക്ക് മാവ് കുഴയ്ക്കുന്നതിനിടെ ശബ്ദം കേട്ട് പിന്നിലേക്ക് നോക്കുകയും പിന്നാലെ നിലവളിച്ച് കൊണ്ട് ഓടുകയും ചെയ്യുന്നത് വീഡിയോയിൽ കാണാം. പിന്നാലെ അടുക്കളയിലേക്ക് നടന്ന് വരുന്ന ഏതാണ്ട് നാല് അടിയിൽ കൂടുതൽ നീളമുള്ള ഒരു മുതലയെ കാണാം. മറ്റ് ചില വീഡിയോകളിൽ കുട്ടികൾ ഭയന്ന് നിലവിളിച്ച് കൊണ്ട് പല മുറികളിലേക്ക് ഓടിക്കയറുന്നതും ദൃശ്യങ്ങളിൽ കാണാം. വിദ്യാർത്ഥികളുടെ നിലവിളി കേട്ട് അല്പ നിമിഷത്തിനകം ഹോസ്റ്റലിലേക്ക് നൂറുകണക്കിനാളുകളെത്തി.

A 4-ft crocodile sneaked into a boys’ hostel mess in Kota’s Borkhera area Friday afternoon, sparking panic. CCTV shows it crawling across the kitchen as the cook fled! pic.twitter.com/avDwObkPo2

— Ghar Ke Kalesh (@gharkekalesh) July 19, 2026

ഇതിനിടെ വിദ്യാർത്ഥികളിൽ ചിലർ മുതലയെ പിടിക്കാൻ ശ്രമിച്ചത് ഹോസ്റ്റലിൽ നാടകീയ സംഭവങ്ങൾ സൃഷ്ടിച്ചു. ഒടുവിൽ വിവരമറിഞ്ഞ് വനപാലകരും പരിശീലനം നേടിയ ഉദ്യോഗസ്ഥരും സ്ഥലത്തെത്തി മുതലയെ പിടികൂടി ചമ്പൽ നദിയിൽ സുരക്ഷിതമായി വിട്ടയച്ചെന്നും റിപ്പോർട്ടിൽ പറയുന്നു. മുതലയെ സുരക്ഷിതമായി പിടികൂടി അതിന്‍റെ സ്വാഭാവിക ആവാസവ്യവസ്ഥയായ ചമ്പൽ നദിയിൽ വിട്ടയച്ചെന്ന് വനം വകുപ്പ് ഉദ്യോഗസ്ഥനായ വീരേന്ദ്ര സിംഗ് മാധ്യമങ്ങളോട് പറഞ്ഞു. വന്യമൃഗങ്ങൾ ജനവാസ കേന്ദ്രങ്ങളിലേക്ക് എത്തുമ്പോൾ സ്വയം പിടിക്കാൻ ശ്രമിക്കാതെ വനം വകുപ്പ് ഉദ്യോഗസ്ഥരെയോ പരിശീലനം ലഭിച്ച ആളുകളെയോ വിളിക്കണമെന്നും അദ്ദേഹം കൂട്ടിച്ചേർത്തു.

ദില്ലി : കോക്രോച്ച് ജനതാ പാർട്ടിയുടെ പാർലമെന്റ് മാർച്ചിൽ അണിനിരന്ന അഖിലേഷ് യാദവിന്റെ ഭാര്യയും ലോക്സഭാ എംപിയുമായ ഡിംപിൾ യാദവ് പൊലീസ് കസ്റ്റഡിയിൽ. മത്സരപ്പരീക്ഷകളുടെ ചോദ്യപേപ്പർ ചോർച്ചയിൽ സർക്കാർ ഉത്തരവാദിത്തം ഏറ്റെടുക്കണമെന്നും മന്ത്രിരാജിവെക്കണമെന്നും ആവശ്യപ്പെട്ട് അഭിജീത് ദിപ്‌കെയുടെ നേതൃത്വത്തിൽ നടക്കുന്ന കോക്രോച്ച് ജനതാ പാർട്ടി പ്രതിഷേധത്തിന് പിന്തുണ പ്രഖ്യാപിച്ച് ജന്തർ മന്തറിൽ നിന്ന് പാർലമെന്റിലേക്ക് നടത്തിയ 'ചലോ സൻസദ്' മാർച്ചിനിടെയായിരുന്നു അറസ്റ്റ്. മാർച്ചിന് നേതൃത്വം നൽകിയ അഭിജീത്ത് ദീപ്കയെയും പൊലീസ് കസ്റ്റഡിയിലെടുത്തിട്ടുണ്ട്.

പാർലമെന്റിന്റെ വർഷകാല സമ്മേളനത്തിന്റെ ആദ്യ ദിനത്തിൽ നടന്ന മാർച്ചിൽ വലിയ സംഘർഷങ്ങളാണ് ഉണ്ടായത്. പരീക്ഷാപേപ്പർ ചോർച്ച അടക്കം വിഷയങ്ങളിൽ വിദ്യാർത്ഥികളുടെ പ്രതിഷേധം ശബ്ദം കേൾക്കാൻ കേന്ദ്ര സർക്കാർ തയ്യാറാകുന്നില്ല. യുവാക്കളും വിദ്യാർത്ഥികളും വലിയ പ്രതിസന്ധിയാണ് നേരിടുന്നതെന്നും മാർച്ചിൽ പങ്കെടുത്ത് ഡിംപിൾ യാദവ് ചൂണ്ടിക്കാട്ടിയിരുന്നു.

കോക്രോച്ച് ജനതാ പാർട്ടിയുടെ പാർലമെന്റ് പൊലീസ് മാർച്ച് തടഞ്ഞതോടെ ദില്ലി വീണ്ടും സംഘർഷഭരിതമായി. മാർച്ചിന് ഔദ്യോഗിക അനുമതി നിഷേധിച്ചിരുന്നതിനാൽ, തടിച്ചുകൂടിയ ആയിരക്കണക്കിന് വിദ്യാർത്ഥികളെയും യുവാക്കളെയും പിരിച്ചുവിടാൻ സുരക്ഷാ സേന കണ്ണീർ വാതകവും ലാത്തിച്ചാർജ്ജും പ്രയോഗിച്ചു. സെൻട്രൽ ഡൽഹിയുടെ ചില ഭാഗങ്ങളിൽ മൊബൈൽ ഇന്റർനെറ്റ് സേവനങ്ങൾ താൽക്കാലികമായി നിർത്തലാക്കുകയും ചെയ്തു. രാജീവ് ചൗക്ക് ഉൾപ്പെടെയുള്ള അഞ്ച് പ്രധാന മെട്രോ സ്റ്റേഷനുകൾ അടച്ചിടുകയും ചെയ്തു.

ജന്തർ മന്തർ യുദ്ധക്കളത്തിന് സമാനം, യുവാക്കളുടെ ഒഴുക്ക്; ബാരിക്കേഡ് മറികടക്കാൻ ശ്രമിച്ച് പ്രതിഷേധക്കാർ, ലാത്തിച്ചാർജ് നടത്തി പൊലീസ് Cockroach Janta Party | Parliament March | Delhi | Jantar Mantar protest | Abhijeet Dipke | CJP | Dharmendra Pradhan

ദില്ലി: ദില്ലിയിൽ സിജെപി സമരത്തിനെതിരെ കടുത്ത നടപടിയുമായി പൊലീസ്. സമരപ്പന്തലായ ജന്തർമന്ദറിൽ നിന്ന് സമരക്കാരെ പൊലീസ് അടിച്ചോടിച്ചു. സോനം വാങ് ചുക്ക് അടക്കമുള്ളവർ സമരം ചെയ്ത വേദിയാണ് പൊലീസ് പൊളിച്ചുമാറ്റിയത്. ലാത്തി ചാർജ്ജ് നടത്തിയും ടിയർ ​ഗ്യാസ് പ്രയോ​ഗിച്ചുമാണ് സമരക്കാരെ മാറ്റിയത്. സമരപ്പന്തലിലെ ഷീറ്റുകളടക്കം പൊളിച്ചുമാറ്റി. പ്രദേശമാകെ ദ്രുതകർമ സേനയെയും വിന്യസിച്ചു. അതേസമയം, ന​ഗരത്തിൽ സമരം ശക്തിപ്പെട്ടതോടെ തലസ്ഥാന ന​ഗരത്തിൽ സംഘർഷമുണ്ടായി. 

ജന്തർ മന്തറിൽ വീണ്ടും സംഘർഷമുണ്ടാകുകയും സമരക്കാർ പാർലമെന്റിലേക്ക് നീങ്ങാൻ ശ്രമിക്കുകയും ചെയ്തു. എന്നാൽ, ബാരിക്കേഡ് ഉപയോ​ഗിച്ച് പൊലീസ് സമരക്കാരുടെ നീക്കം തടഞ്ഞു. അഭിജിത് ദീപ്കെയുടെ നേതൃത്വത്തിലാണ് മാർച്ച്. പൊലീസ് ലാത്തിച്ചാർജ് നടത്തുകയും ടിയർ ഗ്യാസ് പ്രയോഗിക്കുകയും ചെയ്തു. പാർലമെൻറ് മന്ദിരത്തിനടുത്തും പൊലീസ് കണ്ണീർവാതകം പ്രയോഗിച്ചു.

പാർലമെൻറ് ഗേറ്റുകൾ അടച്ച് സുരക്ഷ കൂട്ടി. സമരം കടുത്തതോടെ ദില്ലിയിൽ കടുത്ത ജാഗ്രത നിർദേശം നൽകി. മെട്രോ സ്റ്റേഷനുകളിലും പ്രതിഷേധവുമായി സി ജെ പി പ്രവർത്തകൾ എത്തിയതോടെ മെട്രോ സ്റ്റേഷനുകൾ അടച്ചു. സമരം കടുത്തതോടെ പാർലമെൻ്റിൽ വിദ്യാഭ്യാസമന്ത്രി ധർമ്മേന്ദ്ര പ്രധാൻ അമിത്ഷായെ കാണുന്നതായി റിപ്പോർട്ടുകൾ. ധർമ്മേന്ദ്ര പ്രധാൻ രാജിവെക്കണമെന്നായിരുന്നു സമരക്കാരുടെ ആവശ്യം.

ചെന്താമരയെ തൂക്കിക്കൊല്ലും വരെ പേടിയാണ്, ജയിൽ ചാടി കുട്ടികളെ എന്തെലും ചെയ്യുമോയെന്നാണ് പേടി: സജിതയുടെ സഹോദരി

എല്ലാവരോടും നന്ദിയുണ്ട്, പ്രതിഭാഗം അപ്പീൽ പോയാൽ ഞങ്ങളും പോകും, അച്ഛൻ്റെയും അച്ഛമ്മയുടെയും ഓർമകളുള്ള ആ വീട്ടിലേക്ക് ഇനി ഞങ്ങളില്ല, അയാൾ ജയിൽ ചാടുമോയെന്നും പേടിയുണ്ട്; കൊല്ലപ്പെട്ട സുധാകരൻ്റെ മക്കൾ

10 വർഷമായി കല്യാണം നടത്തിയില്ല; പരാതി നൽകി ചെറുപുഴ സ്വദേശി അജിത്ത്, മാരേജ് ബ്യൂറോയ്ക്ക് പിഴ ചുമത്തി ഉപഭോക്തൃ തർക്ക പരിഹാര കമ്മീഷൻ Marriage bureau | Consumer court | Kannur

വാര്‍ധ| മഹാരാഷ്ട്രയിലെ വാര്‍ധ ജില്ലയില്‍ മുംബൈ-നാഗ്പൂര്‍ സമൃദ്ധി എക്‌സ്പ്രസ് വേയിലുണ്ടായ വാഹനാപകടത്തില്‍ ആറുപേര്‍ മരിച്ചു. ഇന്ന് പുലര്‍ച്ചെ മൂന്ന് മണിയോടെയായിരുന്നു സംഭവം. എഥനോള്‍ കൊണ്ടുപോവുകയായിരുന്ന കണ്ടെയ്‌നര്‍ ലോറി മറിഞ്ഞിരുന്നു. തുടര്‍ന്ന് നിര്‍ത്തിയിട്ടിരുന്ന കാറിലേക്ക് മറ്റൊരു ട്രക്ക് ഇടിച്ചുകയറുകയായിരുന്നു.

അപകടത്തിന് പിന്നാലെ ഇരുവാഹനങ്ങളും കത്തി നശിച്ചു. കാറിലുണ്ടായിരുന്ന നാല് യാത്രക്കാരും ട്രക്കിലുണ്ടായിരുന്ന രണ്ടുപേരുമാണ് മരിച്ചത്. അപകടത്തെത്തുടര്‍ന്ന് എക്‌സ്പ്രസ് വേയില്‍ ഗതാഗതം തടസ്സപ്പെട്ടു. ഹൈവേ സേഫ്റ്റി പട്രോള്‍, വാര്‍ധ പോലീസ്, അഗ്‌നിശമന സേന എന്നിവര്‍ ചേര്‍ന്ന് രക്ഷാപ്രവര്‍ത്തനം നടത്തി. എഥനോള്‍ തീപിടുത്ത സാധ്യതയുള്ള വസ്തുവായതിനാല്‍ അതീവ ജാഗ്രതയോടെയാണ് വാഹനങ്ങള്‍ മാറ്റാനുള്ള നടപടികള്‍ സ്വീകരിച്ചത്.

Content Highlights:
Six people were killed in a tragic accident on the Samruddhi Expressway in Maharashtra Wardha district. An ethanol container overturned, causing a truck to crash into a parked car. Both vehicles caught fire instantly, killing four car passengers and two truck occupants on the spot.

ന്യൂയോര്‍ക്ക്: മൂന്ന് രാജ്യങ്ങളിലായി നടന്ന 2026 ഫിഫ ലോകകപ്പ് അവസാനിച്ചതോടെ ഇനി ഫുട്‌ബോള്‍ ലോകത്തിന്റെ കണ്ണുകള്‍ 2030 ലോകകപ്പിലേക്ക്. ഫിഫ ലോകകപ്പിന്റെ നൂറാം വാര്‍ഷികം ആഘോഷിക്കുന്ന പ്രത്യേക പതിപ്പായതിനാല്‍, ചരിത്രത്തില്‍ ഇതുവരെ കാണാത്ത രീതിയിലാണ് അടുത്ത ടൂര്‍ണമെന്റ് അരങ്ങേറുന്നത്. മൂന്ന് ഭൂഖണ്ഡങ്ങളിലായി ആറ് രാജ്യങ്ങള്‍ ചേര്‍ന്നാകും ലോകകപ്പിന് ആതിഥേയത്വം വഹിക്കുക.

യൂറോപ്പിലെയും ആഫ്രിക്കയിലെയും സ്പെയിന്‍, പോര്‍ച്ചുഗല്‍, മൊറോക്കോ എന്നീ രാജ്യങ്ങളാണ് 2030 ലോകകപ്പിന്റെ പ്രധാന ആതിഥേയര്‍. ഈ മൂന്ന് രാജ്യങ്ങളും ആതിഥേയരെന്ന നിലയില്‍ നേരിട്ട് ലോകകപ്പിന് യോഗ്യതയും നേടി. രണ്ട് ഭൂഖണ്ഡങ്ങളിലായി നടക്കുന്ന ആദ്യ ലോകകപ്പെന്ന ചരിത്രനേട്ടവും ഈ എഡിഷനെ പ്രത്യേകതയുള്ളതാക്കും.

1930ല്‍ ഉറുഗ്വെയില്‍ ആരംഭിച്ച ലോകകപ്പിന്റെ നൂറാം വാര്‍ഷികം പ്രമാണിച്ച് ഉദ്ഘാടന മത്സരമുള്‍പ്പെടെയുള്ള ആദ്യ മൂന്ന് മത്സരങ്ങള്‍ ഉറുഗ്വെ, അര്‍ജന്റീന, പരാഗ്വെ എന്നീ ലാറ്റിനമേരിക്കന്‍ രാജ്യങ്ങളിലായിരിക്കും നടക്കുക. ഓരോ രാജ്യത്തും ഓരോ മത്സരം വീതമാണ് സംഘടിപ്പിക്കുക. തുടര്‍ന്ന് ടൂര്‍ണമെന്റ് യൂറോപ്പിലേക്കും ആഫ്രിക്കയിലേക്കും മാറും.

ഇതോടെ 2030 ലോകകപ്പിന് ആകെ ആറ് രാജ്യങ്ങളാണ് വേദിയൊരുക്കുന്നത്. ഉദ്ഘാടന മത്സരങ്ങള്‍ക്ക് വേദിയാകുന്ന ഉറുഗ്വെ, അര്‍ജന്റീന, പരാഗ്വെ എന്നീ രാജ്യങ്ങള്‍ക്കും ആതിഥേയ പദവി ലഭിച്ചതിനാല്‍ നേരിട്ടുള്ള ലോകകപ്പ് യോഗ്യത ഉറപ്പായി. 48 ടീമുകള്‍ പങ്കെടുക്കുന്ന ലോകകപ്പില്‍ ആറ് ആതിഥേയ രാജ്യങ്ങള്‍ നേരിട്ട് യോഗ്യത നേടിയതിനാല്‍, ശേഷിക്കുന്ന 42 സീറ്റുകള്‍ക്കായാണ് ലോകമെമ്പാടുമുള്ള ടീമുകള്‍ യോഗ്യതാ മത്സരങ്ങളില്‍ പോരാടുക.

1930ല്‍ ഉറുഗ്വെയിലെ മോണ്ടെവിഡിയോയില്‍ നടന്ന ആദ്യ ലോകകപ്പിലാണ് ടൂര്‍ണമെന്റിന് തുടക്കമായത്. അന്ന് ഫൈനലില്‍ അര്‍ജന്റീനയെ തോല്‍പ്പിച്ച് ഉറുഗ്വെ ലോകചാമ്പ്യന്മാരായി. ആ ചരിത്രത്തിന്റെ നൂറാം വാര്‍ഷികം അനുസ്മരിക്കുന്നതിനായാണ് ഉദ്ഘാടന മത്സരങ്ങള്‍ വീണ്ടും ലാറ്റിനമേരിക്കയിലേക്ക് എത്തിക്കുന്നത്. ആദ്യ ലോകകപ്പിലെ റണ്ണറപ്പായിരുന്ന അര്‍ജന്റീനയ്‌ക്കും ഉദ്ഘാടന മത്സര വേദി നല്‍കാന്‍ ഫിഫ തീരുമാനിച്ചു.

അതേസമയം, അന്നത്തെ ഏക ദക്ഷിണ അമേരിക്കന്‍ ഫുട്‌ബോള്‍ സംഘടനയായ കോണ്‍മെബോളിന്റെ ആസ്ഥാനം പരാഗ്വെയിലായിരുന്നതിനാലാണ് ആ രാജ്യത്തെയും ഈ ചരിത്രാഘോഷത്തിന്റെ ഭാഗമാക്കിയത്. മൂന്ന് ഭൂഖണ്ഡങ്ങള്‍, ആറ് ആതിഥേയ രാജ്യങ്ങള്‍, നൂറാം വാര്‍ഷികാഘോഷം, ഉദ്ഘാടന മത്സരങ്ങള്‍ ലാറ്റിനമേരിക്കയിലും പ്രധാന ടൂര്‍ണമെന്റ് യൂറോപ്പിലും ആഫ്രിക്കയിലും എന്നിങ്ങനെ, 2030 ഫിഫ ലോകകപ്പ് ലോക ഫുട്‌ബോള്‍ ചരിത്രത്തിലെ ഏറ്റവും വ്യത്യസ്തവും വൈവിധ്യമാര്‍ന്നതുമായ പതിപ്പായി മാറുമെന്ന് ഉറപ്പാണ്.

ആശിർവ്വാദ് സിനിമാസിന്റെ ബാനറിൽ ആന്റണി പെരുമ്പാവൂർ നിർമ്മിച്ച് ജൂഡ് ആന്ഖണി ജോസഫ് സംവിധാനം ചെയ്യുന്ന തുടക്കം എന്ന ചിത്രത്തിന് പുതിയ പോസ്റ്റർ എത്തി. ഓഗസ്റ്റ് ഏഴിന് പ്രദർശനത്തിനെത്തുന്നതിന്റെ മുന്നോടിയായിട്ടാണ് ഈ പോസ്റ്റർ എത്തിയിരിക്കുന്നത്. വിസ്മയാ മോഹൻലാലിൻ്റെയും, മോഹൻലാലിൻ്റേയും വലിയ ക്ലോസപ്പ് ലുക്ക്. അതിനു തൊട്ടു താഴെയായി ആശിഷ് ജോ ആൻ്റെണി, ബോബി കുര്യൻ, ഗണേഷ് കുമാർ, വീൽച്ചെയറിൽ സായ് കുമാർ, പൊലീസ് യൂണിഫോമിൽ മനോജ് .കെ. ജയൻ, എന്നിവർ ഏറ്റവും താഴെയായി ഇരുട്ടിൽ ലൈറ്റ് തെളിയിച്ചു വരുന്ന പൊലീസ് ജീപ്പ്.. ഓടുന്ന നായയുടെ കഴുത്തിൽ ചങ്ങല പിടിച്ച് കൂടെ ഓടുന്ന രണ്ടു പെൺകുട്ടികൾ ... അതിലൊന്ന് ... വിസ്മയാ മോഹൻലാൽ... ഈ ചിത്രത്തിൻ്റെ എല്ലാ പ്രൊമോഷൻ പോസ്റ്ററുകളിലും ഈ നായയേയും കാണാം. ചിത്രത്തിലെ ഒരു സുപ്രധാനമായ ക്യാരക്ടർ തന്നെയാണ് ഈ നായയെന്ന് തീർച്ചയായും അനുമാനിക്കാം.

വിസ്മയാ മോഹൻലാലിന്റെ ആദ്യ ചിത്രവും മോഹൻലാലിന്റെ സാന്നിദ്ധ്യവുമായി ഏറെ പ്രശസ്തി നേടിയ ചിത്രമാണ് തുടക്കം.. ഒരു മലയോര ഗ്രാമത്തിലെ തികച്ചും സാധാരണ കുടുംബ പശ്ചാത്തലത്തിലൂടെയാണ് സംവിധായകനായ ജൂഡ് ആന്റണി ജോസഫ് ഈ ചിത്രത്തെ പ്രേഷകരിലേക്ക് എത്തിക്കുന്നത്. ഈ കുടുംബത്തിന്റെ പിന്നാമ്പുറങ്ങളിൽ എന്തെങ്കിലും ഒളിപ്പിച്ചിരിക്കുന്നോ എന്നതാണ് പ്രേഷകർ ആകാംക്ഷയോടെ കാത്തിരിക്കുന്നത്. ചില ഗിമിക്‌സുകൾ സംവിധായകൻ ഈ ചിത്രത്തിൽ ഒളിപ്പിച്ചിരിക്കുന്നു എന്നാണ് ആരാധകർക്കിടയിൽ പരക്കുന്ന സംസാരം . അതിനായി ഓഗസ്റ്റ് ഏഴുവരെ കാക്കാം..

ഡോ. എമിൽ വിൻസന്റും ഡോ. അനീഷ ആൻ്റെണിയുമാണ് എക്സിക്യുട്ടീവ് പ്രൊഡ്യൂസേർസ്. മേൽപ്പറഞ്ഞ അഭിനേതാക്കൾക്കു പുറമേ ദിനേശ് പ്രഭാകർ, 'ജാഫർ ഇടുക്കി കോട്ടയം രമേഷ്, ജിബിൻ ഗോപിനാഥ്, ശിവദാസ് കണ്ണൂർ ,,ജയ്സ് ജോസ്,,ജയാക്കുറുപ്പ്, അശ്വിനി വിജയൻ, എന്നിവരും പ്രധാന താരങ്ങളാണ്.

ലിനീഷ് നെല്ലിക്കൽ, ,അഖിൽ കൃഷ്‍ണ, ജൂഡ് ആന്റണി ജോസഫ്, എന്നിവരാണ് തിരക്കഥ രചിച്ചിരിക്കുന്നത്. സംഗീതം. ജെയ്ക്ക് ബിജോയ്സ്. ഛായാഗ്രഹണം ,- അഖിൽ ജോർജ്, , ജോമോൻ.ടി. ജോൺ, എഡിറ്റിംഗ്- ചമൻ ചാക്കോ. പ്രൊഡക്ഷൻ ഡിസൈൻ - സന്തോഷ് രാമൻ. മേക്കപ്പ് - ജിതേഷ് പൊയ്യ . കോസ്റ്റ്യം ഡിസൈൻ -അരുൺ മനോഹർ. ചീഫ് അസ്സോസ്സിയേറ്റ് ഡയറക്ടർ - സൈലക്സ് എബ്രഹാം. ഫിനാൻസ് കൺട്രോളർ - മനോഹരൻ' കെ. പയ്യന്നൂർ. പ്രൊഡക്ഷൻ എക്സിക്യൂട്ടീവ്സ് - വിനോദ് ശേഖർ, ശ്രീക്കുട്ടൻ. പ്രൊഡക്ഷൻ കൺട്രോളർ- ബിജു തോമസ്. പിആര്‍ഒ വാഴൂർ ജോസ്.

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക

തിരുവനന്തപുരം: തിരുവനന്തപുരം വെമ്പായത്തെ ബാറിൽ മദ്യപസംഘങ്ങൾ തമ്മിലുണ്ടായ തർക്കത്തിനിടെ പൊള്ളലേറ്റ ഒരാൾ മരിച്ചു. നവാസ് ആണ് മരിച്ചത്. ഇന്നലെ ഉണ്ടായ സംഘർഷത്തിനിടെ പൊള്ളലേറ്റ നവാസ് മെഡിക്കൽ കോളേജിൽ ചികിത്സയിലായിലിരിക്കെ ആണ് മരിച്ചത്. അൻപത് ശതമാനത്തിലേറെ പൊള്ളലേറ്റ് ചികിത്സയിലുള്ള അനീഷിൻ്റെ സ്ഥിതി ഗുരുതരമായി തുടരുകയാണ്. വെന്റിലേറ്ററിലുള്ള അനീഷാണ് പെട്രോളൊഴിച്ച് തീകൊളുത്തിയതെന്ന് പൊലീസ് അറിയിച്ചു.

ഇന്നലെ 9 മണിയോടെ വെമ്പായം റിസോർട്ട് ബാറില്‍ വെച്ച് ഉണ്ടായ തർക്കമാണ് ആറ് പേര്‍ക്ക് പൊള്ളേലേല്‍ക്കുന്ന സംഭവത്തിലേക്ക് നയിച്ചത്. നന്നാട്ടുകാവ് സ്വദേശി അനീഷ് മറ്റ് നാല് പേരും ചേർന്ന് ബാറില്‍ വെച്ച് മദ്യപിച്ച് കൊണ്ടിരിക്കേ തർക്കം ഉണ്ടായി. അനീഷിനെ സംഘത്തില്‍ ഉണ്ടായിരുന്ന നവാസ് മുഖത്തടിച്ചു. ഇതില്‍ പ്രകോപതിനായ അനീഷ് ഒരു കന്നാസില്‍ പെട്രോളുമായി വന്ന് എല്ലാവരുടെയും ദേഹത്തേക്ക് ഒഴിച്ച് തീ കൊളുത്തുകയായിരുന്നു. മദ്യപിച്ചിരുന്നതിനാല്‍ ബാറില്‍ പല തവണ അനീഷ് കന്നാസുമായി വീഴുകയും പെട്രോള്‍ ദേഹത്ത് ആകുകയും ചെയ്തിരുന്നു. സംഭവത്തില്‍ നിലവില്‍ വധശ്രമത്തിനാണ് പൊലീസ് കേസെുത്തിരിക്കുന്നത്. യുവാക്കളുടെ ദേഹത്ത് പെട്രോളൊഴിച്ച പൊലീസ് അനീഷിനെതിരെയാണ് കേസെടുത്തിരിക്കുന്നത്. അനീഷ് മെഡിക്കല്‍ കോളേജ് ആശുപത്രിയില്‍ ഗുരുതരാവസ്ഥയില്‍ ചികിത്സയില്‍ തുടരുകയാണ്.

ദുബൈ | സര്‍ക്കാര്‍ സേവനങ്ങള്‍ കൂടുതല്‍ വേഗത്തിലും സൗകര്യപ്രദമായും ജനങ്ങളിലെത്തിക്കുകയെന്ന ലക്ഷ്യത്തോടെ ജനറല്‍ ഡയറക്ടറേറ്റ് ഓഫ് ഐഡന്റിറ്റി ആന്‍ഡ് ഫോറിനേഴ്‌സ് അഫയേഴ്സ് (ജി ഡി ആര്‍ എഫ് എ) ദുബൈ നടപ്പാക്കിയ ഇന്‍സ്റ്റന്റ് വീഡിയോ കോള്‍ സേവനം ശ്രദ്ധേയമാകുന്നു. സേവന കേന്ദ്രങ്ങളിലെത്താതെ തന്നെ ഉദ്യോഗസ്ഥരുമായി തത്സമയം വീഡിയോ കോളിലൂടെ ആശയവിനിമയം നടത്തി വിസ, റെസിഡന്‍സി ഉള്‍പ്പെടെയുള്ള വിവിധ സേവനങ്ങളുമായി ബന്ധപ്പെട്ട നടപടികള്‍ പൂര്‍ത്തിയാക്കാന്‍ കഴിയുന്ന ഈ സംവിധാനം ഡിജിറ്റല്‍ ഗവണ്‍മെന്റ് സേവന രംഗത്ത് പുതിയ മാതൃകയായി മാറിയിരിക്കുകയാണ്.

2026-ലെ ആദ്യ ആറുമാസത്തിനിടെ മാത്രം 19,507 ഇടപാടുകളാണ് വീഡിയോ കോള്‍ സംവിധാനത്തിലൂടെ പൂര്‍ത്തിയാക്കിയതെന്ന് ദുബൈ ജി ഡി ആര്‍ എഫ് എ മേധാവി ലഫ്. ജനറല്‍ മുഹമ്മദ് അല്‍ മര്‍റി പറഞ്ഞു. 97.93 ശതമാനം സേവന കാര്യക്ഷമതയും വെറും 5.38 മിനുട്ട് ശരാശരി കാത്തിരിപ്പ് സമയവും രേഖപ്പെടുത്തിയതായി അദ്ദേഹം വ്യക്തമാക്കി. സേവന കേന്ദ്രങ്ങളിലെത്താതെ ഉദ്യോഗസ്ഥരുമായി നേരിട്ട് സംസാരിക്കാനും രേഖകള്‍ പരിശോധിക്കാനും വിവരങ്ങള്‍ സ്ഥിരീകരിക്കാനും വീഡിയോ മുഖേന തിരിച്ചറിയല്‍ പൂര്‍ത്തിയാക്കാനും ഈ സംവിധാനം സഹായിക്കുന്നുവെന്ന് ലഫ്. ജനറല്‍ പറഞ്ഞു.

അപേക്ഷകളിലെ തടസ്സങ്ങള്‍ പരിഹരിക്കുക, രേഖകളുടെ അപാകതകള്‍ പരിശോധിക്കുക, അധിക രേഖകള്‍ തത്സമയം സമര്‍പ്പിക്കുക, അപേക്ഷകളുടെ പുരോഗതി സംബന്ധിച്ച വിശദീകരണം ലഭിക്കുക തുടങ്ങിയ സേവനങ്ങളും വീഡിയോ കോള്‍ സംവിധാനത്തിലൂടെ ലഭ്യമാണ്. അപേക്ഷകര്‍ക്ക് സമയനഷ്ടവും യാത്രാചെലവും കുറക്കുന്നതിനൊപ്പം അപേക്ഷകള്‍ കൂടുതല്‍ വേഗത്തില്‍ തീര്‍പ്പാക്കാനും ഇതിലൂടെ സാധിക്കും.

നിലവില്‍ എന്‍ട്രി പെര്‍മിറ്റുകള്‍, വിവിധ വിസാ സേവനങ്ങള്‍, ഫാമിലി റെസിഡന്‍സി, വിസ പുതുക്കല്‍, റദ്ദാക്കല്‍, അപേക്ഷകളിലെ രേഖാപരമായ പ്രശ്നങ്ങള്‍ പരിഹരിക്കല്‍, എസ്റ്റാബ്ലിഷ്‌മെന്റ് ഫയലുകളും ലീഗല്‍ അഫയേഴ്സുമായി ബന്ധപ്പെട്ട അന്വേഷണങ്ങളും ഉള്‍പ്പെടെ വിവിധ സേവനങ്ങളാണ് ഈ പ്ലാറ്റ്‌ഫോമിലൂടെ ലഭ്യമാകുന്നത്.

ജി ഡി ആര്‍ എഫ് എയുടെ വീഡിയോ കോള്‍ സേവനവും ആമര്‍ കോള്‍ സെന്ററും വ്യത്യസ്ത ആവശ്യങ്ങള്‍ക്കായാണ് പ്രവര്‍ത്തിക്കുന്നത്. ആമര്‍ കോള്‍ സെന്റര്‍ പ്രധാനമായും വിസ, റെസിഡന്‍സി, എന്‍ട്രി പെര്‍മിറ്റ് തുടങ്ങിയ സേവനങ്ങളെക്കുറിച്ചുള്ള വിവരങ്ങളും മാര്‍ഗനിര്‍ദേശങ്ങളും നല്‍കുന്നതിനും ഉപയോക്താക്കളുടെ സംശയങ്ങള്‍ക്ക് മറുപടി നല്‍കുന്നതിനുമുള്ള സേവനമാണ്.

ഇതിനിടെ, 2026-ലെ ആദ്യ ആറ് മാസത്തിനിടെ ദുബൈയില്‍ വിവിധ വിസാ, റെസിഡന്‍സി സേവനങ്ങളിലായി ലക്ഷക്കണക്കിന് അപേക്ഷകള്‍ കൈകാര്യം ചെയ്തതായി ജി ഡി ആര്‍ എഫ് എ ദുബൈ കഴിഞ്ഞ ദിവസം പുറത്തുവിട്ട കണക്കുകള്‍ വ്യക്തമാക്കുന്നു. എന്‍ട്രി പെര്‍മിറ്റുകള്‍, റെസിഡന്‍സ് വിസകള്‍, വിസ പുതുക്കല്‍, സ്റ്റാറ്റസ് മാറ്റം, വിസ റദ്ദാക്കല്‍ തുടങ്ങി വിവിധ സേവനങ്ങള്‍ ഡിജിറ്റല്‍ പ്ലാറ്റ്‌ഫോമുകളിലൂടെ വേഗത്തിലും കാര്യക്ഷമമായും പൂര്‍ത്തിയാക്കാന്‍ സാധിച്ചതായി അധികൃതര്‍ അറിയിച്ചു.

Content Highlights:
Dubai GDRFA has launched a convenient video call service for visa and entry permit processing. Applicants can now interact directly with immigration officers to resolve query issues quickly. This official initiative simplifies administrative tasks and saves significant time for residents and visitors.

തിരുവനന്തപുരം: ഇടതു സർക്കാരിന്‍റെ അഭിമാന പദ്ധതിയായിരുന്ന കെ ഫോണിനും യുഡിഎഫ് സർക്കാരിന്‍റെ പൂട്ട്. സംസ്ഥാനത്തെ സ്കൂളുകൾക്കിനി സൗജന്യമായി ഇന്‍റർനെറ്റ് കണക്ഷൻ നൽകില്ലെന്നാണ് കെ ഫോണിൽ നിന്നുള്ള അറിയിപ്പ്. സ്കൂളുകൾക്ക് മാത്രമല്ല ഒരു ഓഫീസിനും ഇന്‍റർനെറ്റ് സേവനം സൗജന്യമായിരിക്കില്ലെന്നും കെ ഫോൺ പറയുന്നു. സൗജന്യവും സാർവത്രികവുമായ സേവനം അതായിരുന്നു കെഎഫോൺ പദ്ധതിക്ക് എൽജിഎഫ് സർക്കാരിന്‍റെ ക്യാപ്ഷൻ.

എന്നാൽ പദ്ധതി ലക്ഷ്യങ്ങളിൽ നിന്ന് വ്യതിചലിച്ചെന്നും അഴിമതിയുണ്ടെന്നുമുളള വലിയ വിമർശനമായിരുന്നു തുടക്കം മുതൽ യുഡിഎഫിന് ഉണ്ടായിരുന്നത്. അന്ന് രമേശ് ചെന്നിത്തലയും പ്രതിപക്ഷ നേതാവ് വി.ഡി. സതീശനും പദ്ധതിയിൽ ക്രമക്കേട് ആരോപിച്ച് ഹൈക്കോടതിയെ സമീപിച്ചു. കരാറുകൾ നൽകിയതിൽ അഴിമതിയും സ്വജനപക്ഷപാതവും നടന്നിട്ടുണ്ടെന്നും ടെൻഡർ വ്യവസ്ഥകൾ ലംഘിച്ചാണ് കരാറുകൾ അനുവദിച്ചതെന്നും ഇരുവരും ഹർജിയിൽ ആരോപിച്ചു.

സ്കൂളുകളടക്കം 30,897 സർക്കാർ ഓഫീസുകളിൽ സൗജന്യ കണക്ഷൻ ഉപയോഗിച്ച് വരുന്നു. അതിനി ഉണ്ടാകില്ലെന്നാണ് കെ ഫോൺ അറിയിക്കുന്നത്. കെ ഫോൺ കണക്ഷൻ ആവശ്യമുണ്ടോ എന്ന് അതാത് സ്കൂളുകൾ സർക്കാരിനെ അറിയിക്കണം. ആവശ്യമുണ്ടെങ്കിൽ ബില്ല് സ്കൂളുകൾ തന്നെ അടയ്ക്കണം. കെ ഫോണിൽ നിന്നുള്ള ഇമെയിൽ സന്ദേശം പൊതുവിദ്യാഭ്യാസ വകുപ്പ് സ്കൂളുകളിൽ എത്തിച്ചു. 6000 ത്തോളം സ്കൂളുകൾ ഇതോടെ ഒന്നുകിൽ ബില്ലടച്ച് കെ ഫോൺ തുടരുകയോ അല്ലെങ്കിൽ മറ്റ് സർവീസ് പ്രൊവൈഡർമാരെ സമീപിക്കുകയോ വേണം.

2009 ലാണ് സംസ്ഥാത്തെ ഹൈസ്കൂളുകളിലും ഹയർ സെക്കൻഡറി സ്കൂളുകളിലും ഇന്‍റർനെറ്റ് സംവിധാനം വരുന്നത്. 2016 അത് പ്രൈമറി സ്കൂളുകളിലേക്ക് കൂടി എത്തി. പൊതുമേഖല സ്ഥാപനമായ ബിഎസ്എൻഎൽ കണക്ഷനായിരുന്നു ഉപയോ​ഗിച്ചിരുന്നത്. സൗജന്യമായി കെ ഫോൺ കിട്ടി തുടങ്ങുന്നത് 2018 മുതലായിരുന്നു. സൗജന്യ സേവനം ഇനി പറ്റില്ലെന്ന് കെഫോൺ തീരുമാനിക്കുമ്പോൾ ഇതുവരെ ഉണ്ടായിരുന്ന ഘടന സ്കൂളുകൾ പുനക്രമീകരിക്കേണ്ടിവും. സംസ്ഥാനത്ത് ഇതുവരെ 1,47,485 കണക്ഷനുകളുണ്ടെന്നാണ് കെ ഫോൺ കണക്ക്. ഇതിൽ 1,16,360 കണക്ഷൻ ബിപിഎൽ കുടുംബങ്ങളെ ഉദ്ദേശിച്ചാണ്. ഇതിന്‍റെയെല്ലാം തുടർച്ചയും പുതിയ സർക്കാരിന്‍റെ നയസമീപനങ്ങൾക്ക് അനുസരിച്ചാകും.

തിരുവനന്തപുരം| വെമ്പായത്തെ ബാറില്‍ സംഘര്‍ഷത്തില്‍ പൊള്ളലേറ്റ ഒരാള്‍ മരിച്ചു. നവാസ് ആണ് മരിച്ചത്. ഇന്നലെ ഉണ്ടായ സംഘര്‍ഷത്തിനിടെ ഗുരുതരമായി പൊള്ളലേറ്റ നവാസ് മെഡിക്കല്‍ കോളജില്‍ ചികിത്സയിലായിരുന്നു.

പരുക്കേറ്റ ശ്യാം, റിയാസ്, അരുണ്‍, നൗഫല്‍, അനീഷ് എന്നിവര്‍ ചികിത്സയിലാണ്. വെന്റിലേറ്ററിലുള്ള അനീഷ് ആണ് പെട്രോളൊഴിച്ച് തീകൊളുത്തിയത്.

വെമ്പായം ഹോട്ടല്‍ ആന്‍ഡ് റസിഡന്‍സിയില്‍ ഇന്നല രാത്രി ഒമ്പത് മണിയോടെയാണ് സംഘര്‍ഷം ഉണ്ടായത്. ബാറിലെ എ സി മുറിയില്‍ ഇരുന്ന് മദ്യപിച്ചവര്‍ തമ്മിലായിരുന്നു പ്രശ്‌നം. തര്‍ക്കത്തിനിടെ ബാറില്‍നിന്ന് പുറത്തുപോയ അനീഷ് പെട്രോള്‍ വാങ്ങി തിരിച്ചെത്തുകയും ബാറിലുണ്ടായിരുന്നവര്‍ക്കുനേരേ ഒഴിച്ചശേഷം തീ കൊളുത്തുകയുമായിരുന്നു.

അതിനിടെ അനീഷിന്റെ ശരീരത്തിലും തീ പടര്‍ന്നു. പെട്ടെന്ന് തീ പടര്‍ന്നതോടെ ബാറിനുള്ളില്‍ ഉണ്ടായിരുന്നവര്‍ പരിഭ്രാന്തരായി പുറത്തേക്ക് ഓടി. തുടര്‍ന്ന് ഫയര്‍ഫോഴ്‌സ് എത്തിയാണ് തീ കെടുത്തിയത്. എട്ടോളം പേര്‍ മദ്യപിച്ചിരുന്ന സംഘത്തിലേക്കാണ് അനീഷ് പെട്രോള്‍ ഒഴിച്ചത്.

Content Highlights:
One person died after suffering severe burn injuries in a violent conflict at a bar in Vembayam. The deceased was identified as Nawas, who was under treatment at Trivandrum Medical College. Anish, currently on ventilator support, allegedly poured petrol and set fire following an argument.

തൃശൂർ: കേരള ക്രിക്കറ്റ് ലീഗിന് മുന്നോടിയായി നടക്കുന്ന കെസിഎൽ ഫാൻ ലീഗിന്റെ തൃശൂർ ജില്ലാ മത്സരങ്ങളിൽ ലെജൻഡ്സ് പൊന്നൂക്കര ജേതാക്കളായി. ഫൈനലിൽ ലോർഡ്സ് ഇലവനെയാണ് ലെജൻഡ്സ് പൊന്നൂക്കര തോൽപ്പിച്ചത്. കെസിഎല്ലിലെ ആറ് ടീമുകൾ പ്രതിനിധീകരിക്കുന്ന ജില്ലകളിലാണ് ഫാൻ ലീഗ് മത്സരങ്ങൾ നടക്കുന്നത്. തിരുവനന്തപുരം, കോഴിക്കോട് ജില്ലകളിലെ മത്സരങ്ങൾ നേരത്തെ പൂർത്തിയായിരുന്നു.

ഫൈനലിൽ ആദ്യം ബാറ്റ് ചെയ്ത ലെജൻഡ്സ് പൊന്നൂക്കര ആറ് ഓവറിൽ രണ്ട് വിക്കറ്റ് നഷ്ടത്തിൽ 72 റൺസെടുത്തു. സനൂപ് കുക്കുവിന്റെയും വിഷ്ണു സുന്ദറിന്റെയും തകർപ്പൻ ബാറ്റിങ്ങാണ് ലെജൻഡ്സിന് മികച്ച സ്കോർ സമ്മാനിച്ചത്. സനൂപ് 18 പന്തുകളിൽ 40-ഉം വിഷ്ണു ഒൻപത് പന്തുകളിൽ 23-ഉം റൺസ് നേടി പുറത്താകാതെ നിന്നു. മറുപടി ബാറ്റിങ്ങിന് ഇറങ്ങിയ ലോർഡ്സിന് ആറ് ഓവറിൽ രണ്ട് വിക്കറ്റ് നഷ്ടത്തിൽ 57 റൺസ് മാത്രമാണ് നേടാനായത്. ബൗളിങ്ങിലും തിളങ്ങി രണ്ട് വിക്കറ്റ് വീഴ്ത്തിയ വിഷ്ണു സുന്ദറാണ് പ്ലെയർ ഓഫ് ദി മാച്ച്.

ലോർഡ്സ് ഇലവന്റെ ശ്രീഷ് ലാൽ പ്ലെയർ ഓഫ് ദി ടൂർണമെന്റും മികച്ച ബാറ്ററുമായി തിരഞ്ഞെടുക്കപ്പെട്ടു. ടൂർണമെന്റിൽ ഏറ്റവും കൂടുതൽ സിക്സുകൾ നേടിയതും ശ്രീഷ് ലാൽ ആണ്. ലെജൻഡ്സ് ഒ. എസ്. ശശിധരനാണ് മികച്ച ബൗളർ.

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക

ജയ്പൂർ: രാജസ്ഥാനിലെ അൽവാർ സ്വദേശികളായ നവദമ്പതികളെ ഉത്തർപ്രദേശിലെ ബിജ്‌നോറിലുള്ള വനത്തിൽ ദുരൂഹ സാഹചര്യത്തിൽ തൂങ്ങിമരിച്ച നിലയിൽ കണ്ടെത്തി. ആറുമാസം മുമ്പ് വിവാഹിതരായ സത്‌വീന്ദർ സിംഗ്, മൂന്ന് മാസം ഗർഭിണിയായിരുന്ന ഭാര്യ അമൻദീപ് കൗർ എന്നിവരാണ് മരിച്ചത്. ജൂലൈ 17-നാണ് ഇവരുടെ മൃതദേഹങ്ങൾ കണ്ടെത്തിയത്. ഇത് ആത്മഹത്യയല്ലെന്നും കൂട്ടബലാത്സംഗത്തിന് ശേഷം കൊലപ്പെടുത്തിയതാണെന്നും ആരോപിച്ച് കുടുംബം രംഗത്തെത്തിയിട്ടുണ്ട്. ബിജ്‌നോർ സ്വദേശിയായ അമൻദീപ് കഴിഞ്ഞ 15 ദിവസമായി സ്വന്തം വീട്ടിലായിരുന്നു. ജൂലൈ 15-നാണ് ഭർത്താവ് സത്‌വീന്ദർ ഇവരെ തിരികെ കൊണ്ടുപോകാനായി ബിജ്‌നോറിൽ എത്തിയത്. ജൂലൈ 16-ന് മൊബൈൽ ഫോൺ നന്നാക്കാനായി ഇരുവരും ബൈക്കിൽ കോട്ദ്വാറിലേക്ക് പോയി. എന്നാൽ വൈകുന്നേരമായിട്ടും ഇവർ തിരിച്ചെത്തിയില്ല. ഫോണുകൾ സ്വിച്ച് ഓഫ് ആയതിനെ തുടർന്ന് കുടുംബം പോലീസിൽ പരാതി നൽകി.

ജൂലൈ 17-ന് പ്രേംനഗറിന് സമീപം റോഡരികിൽ ചാവി ഊരാത്ത നിലയിൽ ഒരു ബൈക്കും അതിൽ ഒരു സ്ത്രീയുടെ ബാഗും നാട്ടുകാർ കണ്ടെത്തുകയും പോലീസിനെ വിവരമറിയിക്കുകയുമായിരുന്നു. തുടർന്ന് വനത്തിൽ നടത്തിയ തിരച്ചിലിലാണ് പുലർച്ചെ ഒരു മണിയോടെ ഇരുവരുടെയും മൃതദേഹങ്ങൾ മരത്തിൽ തൂങ്ങിയ നിലയിൽ കണ്ടെത്തിയത്. സത്‌വീന്ദറിന്റെ മൃതദേഹം അമൻദീപിന്റെ ദുപ്പട്ടയിലും, അമൻദീപിന്റെ മൃതദേഹം സത്‌വീന്ദറിന്റെ തലപ്പാവിലും തൂക്കിയ നിലയിലായിരുന്നു.

ഇത് ആസൂത്രിതമായ കൊലപാതകമാണെന്ന് കുടുംബം ഉറപ്പിച്ചു പറയുന്നു. അതിനുള്ള കാരണങ്ങളായി അവർ ചൂണ്ടിക്കാണിക്കുന്നത് മൃതദേഹങ്ങൾ കണ്ടെത്തുമ്പോൾ ഇരുവർക്കും മുട്ടുകുത്തിയ നിലയിലായിരുന്നെന്നും മൃതദേഹങ്ങൾ തൂങ്ങിനിന്ന മരച്ചില്ല വളരെ ചെറുതും താഴ്ന്നതുമായിരുന്നു. അതുകൊണ്ട് തന്നെ അവിടെയൊരു ആത്മഹത്യ സാധ്യമല്ല. അമൻദീപിന്റെ സ്വകാര്യഭാഗങ്ങളിൽ പരിക്കേറ്റതായും അവർ കൂട്ടബലാത്സംഗത്തിന് ഇരയായതായുമാണ്. കൂടാതെ, സത്‌വീന്ദറിന്‍റെ ശരീരത്തിലും ക്രൂരമായ മർദ്ദനമേറ്റതിന്റെ പാടുകളുണ്ട്. ദമ്പതികളുടെ ആഭരണങ്ങളോ പണമോ ഒന്നും തന്നെ നഷ്ടപ്പെട്ടിട്ടില്ല. അക്രമികൾ ഇവരുടെ മൊബൈൽ ഫോൺ തകർത്ത ശേഷമാണ് കടന്നുകളഞ്ഞത് എന്നും കുടുംബം ആരോപിക്കുന്നു.

ശനിയാഴ്ച നൗഗാവിലെ കമ്മ്യൂണിറ്റി ഹെൽത്ത് സെന്‍ററിൽ മൃതദേഹങ്ങൾ പോസ്റ്റ്‌മോർട്ടത്തിനായി എത്തിച്ചപ്പോൾ, നാട്ടുകാരും കുടുംബവും ചേർന്ന് വീണ്ടും പോസ്റ്റ്‌മോർട്ടം ചെയ്യണമെന്നും ഉന്നതതല അന്വേഷണം വേണമെന്നും ആവശ്യപ്പെട്ടു. പോലീസ് നിയമപരമായ അന്വേഷണം ഉറപ്പുനൽകിയെങ്കിലും, രണ്ടാമത് പോസ്റ്റ്‌മോർട്ടം ചെയ്യാൻ സമ്മതിക്കാതെ കുടുംബം മൃതദേഹങ്ങൾ നാട്ടിലേക്ക് കൊണ്ടുപോവുകയും സംസ്‌കരിക്കുകയും ചെയ്തു. സംഭവത്തിൽ പോലീസ് അന്വേഷണം ഊർജ്ജിതമാക്കിയിട്ടുണ്ട്.

മലപ്പുറം: പൊലീസിനെ കണ്ട് രക്ഷപ്പെടാന്‍ ശ്രമിക്കുന്നതിനിടെ അപകടത്തില്‍പ്പെട്ട കാറില്‍ നിന്നും നാല് കിലോ കഞ്ചാവുമായി തിരൂരില്‍ രണ്ട് യുവാക്കള്‍ പിടിയിൽ. പുറത്തുര്‍ ആശുപത്രി പടി മുഹമ്മദ് ഷാനില്‍ (29), കൈ നിക്കര സ്വദേശി അമര്‍ജല്‍ കൃഷ്ണ (27) എന്നിവരാണ് തിരൂര്‍ പൊലീ സിന്റെ പിടിയിലായത്. ബീരാഞ്ചിറ- പെരുന്തല്ലൂര്‍ റൂട്ടില്‍ പുലര്‍ച്ചെ 2.30 ന് പട്രോളിങ് നടത്തുന്നതിനിടെ ചെറിയ പറപ്പൂരില്‍വെച്ചാണ് പിടികൂടിയത്. കാറിലിരിക്കുയായിരുന്ന പ്രതികള്‍ പൊലീസ് വാഹനത്തെ കണ്ടതോടെ കാര്‍ അതിവേഗത്തില്‍ പുറകോട്ട് എടുക്കുന്നതിനിടെ ഫുട്പാത്തില്‍ ഇടിച്ച് കുടുങ്ങി. 

അതോടെ വാഹനത്തിലുണ്ടായിരുന്നവര്‍ ഓടി രക്ഷപ്പെടാന്‍ ശ്രമിച്ചെങ്കിലും പൊലീസ് പിന്തുടര്‍ന്ന് പിടികൂടുകയായിരുന്നു. തുടര്‍ന്ന് നടത്തിയ പരിശോധനയില്‍ വാഹനത്തില്‍ നിന്ന് 4.200 കിലോഗ്രാം കഞ്ചാ വ് കണ്ടെത്തുകയായിരുന്നു. ചോദ്യം ചെയ്യലില്‍ പ്രതികള്‍ സ്ഥിരമായി കേരളത്തിന് പുറത്തുനി ന്ന് കഞ്ചാവ് കടത്തിക്കൊണ്ടുവരുന്നവരാണെന്ന് വ്യക്തമായതായി പൊലീസ് അറിയിച്ചു. തിരൂര്‍ സി.ഐ അനില്‍കുമാര്‍ ടി. മേപ്പള്ളി, എസ്.ഐ എന്‍.ആര്‍. സുജി ത്, എസ്.ഐ ജിഷ്ണു, സി.പി.ഒമാരായ അനന്തു, ആദര്‍ശ്, ആശിഷ് സ്റ്റീഫന്‍ എന്നിവരങ്ങുന്ന സംഘമാണ് പ്രതികളെ പിടികൂടിയത്. 

ദുബൈ | യു എ ഇയുടെ എണ്ണയിതര വിദേശ വ്യാപാരം 2026-ലെ ആദ്യ ആറ് മാസത്തിനുള്ളില്‍ സര്‍വകാല റെക്കോര്‍ഡിട്ടതായി വൈസ് പ്രസിഡന്റും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിന്‍ റാശിദ് അല്‍ മക്തൂം പ്രഖ്യാപിച്ചു. വെറും ആറ് മാസത്തിനുള്ളില്‍ 1.937 ലക്ഷം കോടി (1.937 ട്രില്യണ്‍) ദിര്‍ഹത്തിന്റെ വ്യാപാരമാണ് രാജ്യം കൈവരിച്ചത്. കഴിഞ്ഞ വര്‍ഷത്തെ ഇതേ കാലയളവിനെ അപേക്ഷിച്ച് 13.1 ശതമാനം വര്‍ധനയാണിത്.

രാജ്യത്തിന്റെ എണ്ണയിതര കയറ്റുമതിയും പുതിയ റെക്കോര്‍ഡിലെത്തി. മുന്‍ വര്‍ഷത്തെ അപേക്ഷിച്ച് 23.4 ശതമാനം വളര്‍ച്ചയോടെ 452.8 ബില്യണ്‍ ദിര്‍ഹത്തിന്റെ കയറ്റുമതിയാണ് ആദ്യ പകുതിയില്‍ രേഖപ്പെടുത്തിയത്. ഇത് രാജ്യത്തിന്റെ മികച്ച വ്യാപാര പ്രകടനത്തെയും സാമ്പത്തിക വളര്‍ച്ചയെയുമാണ് പ്രതിഫലിപ്പിക്കുന്നത്. സമഗ്ര സാമ്പത്തിക പങ്കാളിത്ത കരാര്‍ (സെപ) നിലവിലുള്ള രാജ്യങ്ങളുമായുള്ള വ്യാപാരം 304.3 ബില്യണ്‍ ദിര്‍ഹത്തില്‍ എത്തിയതായും യു എ ഇ ഗവണ്‍മെന്റ് മീഡിയ ഓഫീസ് വ്യക്തമാക്കി.

ഈ കണക്കുകള്‍ കേവലം വ്യാപാര വിവരങ്ങള്‍ മാത്രമല്ലെന്ന് ശൈഖ് മുഹമ്മദ് ചൂണ്ടിക്കാട്ടി. യു എ ഇ സമ്പദ് വ്യവസ്ഥയുടെ കരുത്ത്, വികസന തന്ത്രങ്ങളുടെ ഫലപ്രാപ്തി, രാജ്യത്തിന്മേലുള്ള ആഗോള സമൂഹത്തിന്റെ വര്‍ധിച്ചുവരുന്ന വിശ്വാസം എന്നിവയാണിത് തെളിയിക്കുന്നത്. പ്രാദേശികമായ വെല്ലുവിളികളും പ്രതിസന്ധികളും നിലനില്‍ക്കുമ്പോഴും ഭാവി വീക്ഷണത്തോടെയും ഇമാറാത്തി മാതൃകയുടെ കരുത്തോടെയും രാജ്യം സാമ്പത്തിക പുരോഗതിയിലേക്ക് ആത്മവിശ്വാസത്തോടെ കുതിക്കുകയാണെന്നതിന്റെ തെളിവാണിതെന്ന് ചൂണ്ടിക്കാണിക്കപ്പെടുന്നു.

Content Highlights:
The UAE has recorded a historic milestone in its non-oil foreign trade performance. This achievement reflects the nation’s strong economic diversification strategies and expanding global trade partnerships. The record growth highlights the UAE’s position as a premier global commercial hub.

കുഞ്ചാക്കോ ബോബനും ലിജോമോള്‍ ജോസും ആദ്യമായി ഒന്നിക്കുന്ന 'ഉന്മാദം' എന്ന ചിത്രം റിലീസിനായി ഒരുങ്ങുകയാണ്. മലയാളി പ്രേക്ഷകർ ഏറെ ആകാംക്ഷയോടെ കാത്തിരിക്കുന്ന പനോരമ സ്റ്റുഡിയോസിന്‍റെ മലയാളത്തിലെ മൂന്നാം നിർമ്മാണ സംരംഭമായ ചിത്രം മലയാള സിനിമയിലെ ഏറ്റവും ശ്രദ്ധേയരായ എഡിറ്റർമാരിൽ ഒരാളായ കിരൺ ദാസ് ആദ്യമായി സംവിധാനം ചെയ്യുന്ന ചിത്രമാണ്. ജൂലൈ 31-നാണ് ചിത്രം തീയേറ്ററുകളിൽ എത്തുന്നത്. തീർത്തും വേറിട്ടൊരു പോലീസ് കഥാപാത്രമാണ് കുഞ്ചാക്കോ ബോബൻ്റേത് എന്നാണ് കഴിഞ്ഞ ദിവസം പുറത്തിറങ്ങിയ ട്രെയിലർ സൂചന നൽകിയിരിക്കുന്നത്. ഇപ്പോഴിതാ തിരക്കഥയൊരുക്കിയ ഷാഹി കബീർ ചിത്രത്തെ കുറിച്ച് പറഞ്ഞ വാക്കുകള്‍ ശ്രദ്ധ നേടിയിരിക്കുകയാണ്.

''ഈ പ്രാവശ്യം ആരുടേയും സമാധാനം കളയില്ല, ഇതുവരെ ചെയ്ത സിനിമകളിൽ ലൈറ്റർ ആയിട്ടുള്ള സിനിമയാണ് ഉന്മാദം. ഒന്നോ രണ്ടോ മൂന്നോ പ്രാവശ്യം കാണാൻ പറ്റും. എനിക്ക് വളരെ പ്രിയ്യപ്പെട്ട സിനിമയാണ്. എന്‍റെ കഴിഞ്ഞ സിനിമകളുമായി യാതൊരു ബന്ധവുമില്ല'', ഷാഹി കബീർ ഉന്മാദം ട്രെയിലർ ലോഞ്ച് ചടങ്ങിനിടയിൽ പറഞ്ഞു.

ഒരു സ്റ്റേഷനിൽ അന്ധവിശ്വാസവുമായി ബന്ധപ്പെട്ട, തൊട്ടാൽ പ്രശ്‌നമാകുന്ന ഒരു ഫയലിന് പിന്നാലെ നായക കഥാപാത്രം നീങ്ങുന്നതും അതിനെ തുടർന്നുണ്ടാകുന്ന സംഭവങ്ങളുമാണ് സിനിമയുടെ ഇതിവൃത്തം. അസാധ്യ അഭിനയ മുഹൂർത്തങ്ങളുമായി ഈ ചിത്രത്തിൽ കുഞ്ചാക്കോ ബോബൻ ഞെട്ടിക്കുമെന്നാണ് ട്രെയിലർ സൂചന നൽകിയിരിക്കുന്നത്. ദേശീയ പുരസ്കാര ജേതാവായ ഷാഹി കബീർ 'ഓഫീസർ ഓൺ ഡ്യൂട്ടി'ക്ക് ശേഷം കുഞ്ചാക്കോ ബോബനുമായി വീണ്ടും ഒന്നിക്കുന്നു എന്ന പ്രത്യേകതയും ഈ ചിത്രത്തിനുണ്ട്.

സിദ്ദിഖ്, സുധീഷ്, വിശാഖ് നായർ, സാബു മോൻ, കോട്ടയം നസീർ, ജിജോയ് രാജഗോപാൽ, ഗോകുലൻ, അരുൺ ചെറുകാവിൽ, ഉണ്ണി ലാലു, ഷാജു ശ്രീധർ, കൃഷ്ണപ്രഭ, കിരൺ പീതാംബരൻ, വിഷ്ണു, റെയ്ന രാധാകൃഷ്ണൻ, സിജോയ് വർഗീസ്, വിഘ്നേശ്വർ സുരേഷ് തുടങ്ങിയ വൻ താരനിര തന്നെ ചിത്രത്തിൽ അണിനിരക്കുന്നു. ടി-സീരീസും പനോരമ സ്റ്റുഡിയോസും സംയുക്തമായി അവതരിപ്പിക്കുന്നതാണ് ചിത്രം.

എഡിറ്റർക്കുള്ള കേരള സംസ്ഥാന ചലച്ചിത്ര അവാർഡ് ഇഷ്‌ക് എന്ന ചിത്രത്തിലൂടെ കരസ്ഥമാക്കിയ കിരൺ ദാസ്, തൊണ്ടിമുതലും ദൃക്‌സാക്ഷിയും, ജോജി, മൂത്തോൻ, രോമാഞ്ചം, റോഷാക്ക്, ജോസഫ്, ഇലവീഴാ പൂഞ്ചിറ തുടങ്ങി മലയാളത്തിലെ ശ്രദ്ധേയമായ നിരവധി ചിത്രങ്ങളുടെ എഡിറ്റിംഗ് നിർവ്വഹിച്ചിട്ടുണ്ട്. ഗുൽഷൻ കുമാർ, ഭൂഷൺ കുമാർ, ടി-സീരീസ് ഫിലിംസ്, പനോരമ സ്റ്റുഡിയോസ് എന്നിവർ ചേർന്ന് അവതരിപ്പിക്കുന്ന 'ഉന്മാദം' നിർമ്മാണം നിർവ്വഹിക്കുന്നത് കുമാർ മംഗത് പഥക്, അഭിഷേക് പഥക് എന്നിവർ ചേർന്നാണ്. റാം മിർച്ചന്ദാനി, രാജേഷ് മേനോൻ എന്നിവർ സഹനിർമ്മാതാക്കളും അഭിനവ് മെഹ്‌റോത്ര ക്രിയേറ്റീവ് പ്രൊഡ്യൂസറുമാണ്.

ഛായാഗ്രഹണം: അർജുൻ സേതു, എഡിറ്റർ: കിരൺ ദാസ്, സംഗീതം: മുജീബ് മജീദ്, പ്രൊഡക്ഷൻ ഡിസൈനർ: ദിലീപ് നാഥ്, വസ്ത്രാലങ്കാരം: ഗായത്രി കിഷോർ, മേക്കപ്പ്: റോണക്‌സ് സേവ്യർ, സൗണ്ട് ഡിസൈൻ: ജിതിൻ ജോസഫ്, വിഎഫ്എക്‌സ്: എഗ്ഗ് വൈറ്റ് വിഎഫ്എക്സ്, പ്രൊഡക്ഷൻ കൺട്രോളർ: ഷബീർ മലവട്ടത്ത്, അസോസിയേറ്റ് പ്രൊഡ്യൂസർ: കമലേഷ് കുമാർ, എക്‌സിക്യൂട്ടീവ് പ്രൊഡ്യൂസർ: വിനോദ് രാഘവൻ, സ്റ്റിൽസ്: നന്ദു ഗോപാലകൃഷ്ണൻ, പബ്ലിസിറ്റി ഡിസൈൻസ്: ഓൾഡ്‌മോങ്ക്സ്. പിആർഒ: ആതിര ദിൽജിത്ത്.

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക

പഴങ്ങളുടെയും പച്ചക്കറികളുടെയും ഗുണനിലവാരവും ദിവസേനയുള്ള ലഭ്യതയും ഉറപ്പാക്കാൻ യൂണിയൻ കോപ് ഒരു ഇന്റഗ്രേറ്റഡ് സപ്ലൈ ചെയിൻ മാനേജ്മെന്റ് സിസ്റ്റം ആരംഭിച്ചതായി സി.ഇ.ഒ മുഹമ്മദ് അൽ ഹഷെമി അറിയിച്ചു.

വിതരണകേന്ദ്രങ്ങളിലും ശാഖകളിലും സ്വീകരിക്കുന്ന ഉൽപ്പന്നങ്ങൾ ഏറ്റവും മികച്ചതാണെന്ന് ഉറപ്പാക്കും. അന്താരാഷ്ട്ര ഭക്ഷ്യ സുരക്ഷാ മാനദണ്ഡങ്ങൾ നടപ്പിലാക്കും. ഇതിന്റെ ഭാഗമായി ഹസാഡ് അനാലിസിസ് ആൻഡ് ക്രിട്ടിക്കൽ കൺട്രോൾ പോയിന്റ്സ് സിസ്റ്റം, സ്ഥിരമായുള്ള ലാബ് പരിശോധനകൾ, സ്വതന്ത്ര ഓഡിറ്റുകൾ എന്നിവ ഉണ്ടാകും.

ശാഖകളിൽ ഉൽപ്പന്നങ്ങളുടെ സ്ഥിരമായ ലഭ്യതയും ഉറപ്പാക്കുന്നുണ്ട്. ഡിമാൻഡ് കണക്കാക്കാൻ എ.ഐ ഉപയോഗിക്കുന്നുണ്ട്. ഇത് സ്റ്റോക്ക് മെച്ചപ്പെടുത്താനും അതേ സമയം ഭക്ഷ്യോൽപ്പന്നങ്ങൾ പാഴാകാതിരിക്കാനും സഹായിക്കുമെന്നും അദ്ദേഹം പറഞ്ഞു.

ജോർദാൻ, സ്പെയിൻ, മൊറോക്കോ, തുർക്കി രാജ്യങ്ങളിൽ നിന്നുള്ള ഫാമുകളിൽ നിന്നുള്ള ഉൽപ്പന്നങ്ങൾ ലഭ്യമാക്കിയിട്ടുണ്ട്. ഇത് വർഷം മുഴുവൻ ഉൽപ്പന്നങ്ങൾ ലഭിക്കുന്നതിന് സഹായിക്കും.

യൂണിയൻ കോപ് നടപ്പിലാക്കുന്ന സുസ്ഥിര പദ്ധതികളുടെ അടിസ്ഥാനപരമായ ഘടകങ്ങളിലൊന്നാണ് ഭക്ഷണം പാഴാകുന്നത് തടയുന്നതെന്നും സി.ഇ.ഒ പറഞ്ഞു. ഉൽപ്പന്നങ്ങളുടെ ലഭ്യത കണക്കാക്കുക, സ്റ്റോക്ക് റൊട്ടേഷൻ, തൊഴിലാളികൾക്ക് പരിശീലനം എന്നിവയും നൽകുന്നുണ്ട്.

ദേശീയ ഭക്ഷ്യ സുരക്ഷ നടപ്പിലാക്കാൻ പ്രാദേശികമായ ഉൽപ്പാദനം പ്രോത്സാഹിപ്പിക്കുക, സപ്ലൈ സോഴ്സുകൾ വിപുലീകരിക്കുക, ഏറ്റവും പുതിയ സാങ്കേതികവിദ്യകൾ നടപ്പിലാക്കുക എന്നിവയും യൂണിയൻ കോപ് നയങ്ങളിൽ ഉൾപ്പെടുന്നു.

ന്യൂയോര്‍ക്ക്: ഫിഫ ലോകകപ്പ് ഫൈനലില്‍ സ്‌പെയിനിന്റെ ടോട്ടല്‍ ഫുട്‌ബോളിന് മുന്നില്‍ അര്‍ജന്റീന പതറിയപ്പോള്‍, ഗോള്‍വലക്ക് മുന്നില്‍ ഒറ്റയാള്‍ പോരാട്ടം നടത്തിയ എമിലിയാനോ മാര്‍ട്ടിനസിനെയാണ് ലോകം കണ്ടത്. ഒടുവില്‍ സ്‌പെയിന്‍ 1-0ന് ലോകകപ്പ് കിരീടം നേടിയെങ്കിലും, ന്യൂജേഴ്സി സ്റ്റേഡിയത്തില്‍ ഏറ്റവും വലിയ കൈയടി സ്വന്തമാക്കിയത് അര്‍ജന്റീനന്‍ ഗോള്‍കീപ്പറായ ‘എമി’യായിരുന്നു. മത്സരത്തില്‍ 11 സേവുകളുമായി എമി ലോകകപ്പ് ചരിത്രത്തില്‍ പുതിയ റെക്കോര്‍ഡ് കുറിച്ചു.

ഫിഫ 1966 മുതല്‍ മത്സരങ്ങളുടെ ഔദ്യോഗിക കണക്കുകള്‍ രേഖപ്പെടുത്താന്‍ തുടങ്ങിയ ശേഷമുള്ള 60 വര്‍ഷത്തിനിടെ ലോകകപ്പ് ഫൈനലില്‍ ഒരു ഗോള്‍കീപ്പര്‍ നടത്തിയ ഏറ്റവും കൂടുതല്‍ സേവുകളാണിത്. ഫൈനലില്‍ ഇത്രയും സേവുകള്‍ നടത്തിയ മറ്റൊരു ഗോള്‍കീപ്പറില്ല. മത്സരത്തിന്റെ തുടക്കം മുതല്‍ തന്നെ സ്‌പെയിന്‍ അര്‍ജന്റീനന്‍ പ്രതിരോധത്തെ നിരന്തരം പരീക്ഷിച്ചു. പന്തടക്കത്തിലും ആക്രമണത്തിലും സമ്പൂര്‍ണ ആധിപത്യം പുലര്‍ത്തിയ സ്പാനിഷ് താരങ്ങള്‍ ഒന്നിന് പിന്നാലെ ഒന്നായി ഗോള്‍ ശ്രമങ്ങള്‍ നടത്തി. എന്നാല്‍ ഓരോ തവണയും മതിലായി മാറിയത് എമിലിയാനോ മാര്‍ട്ടിനസായിരുന്നു.

പൗ കുബാര്‍സി, നിക്കോ വില്യംസ്, ദാനി ഒല്‍മോ, ബയേന എന്നിവരുടെ ദൂരപ്രഹരങ്ങള്‍ പറന്ന് രക്ഷപ്പെടുത്തിയ മാര്‍ട്ടിനസ്, ലാമിന്‍ യമാലിന്റെ അപകടകരമായ ഡിഫ്ലെക്ടഡ് ഷോട്ടും അസാധ്യമായ ഡൈവിങിലൂടെ പുറത്തേക്ക് തട്ടിയകറ്റി. ബോക്‌സിനുള്ളില്‍ നിന്നുള്ള സ്‌പെയിനിന്റെ ഹെഡ്ഡറുകളും ശക്തമായ ഷോട്ടുകളും പോലും എമിയുടെ കൈകളില്‍ സുരക്ഷിതമായി. മത്സരത്തിന്റെ നിര്‍ണായക നിമിഷം ഇഞ്ചുറി ടൈമിലായിരുന്നു. എന്‍സോ ഫെര്‍ണാണ്ടസ് ചുവപ്പ് കാര്‍ഡ് കണ്ട് പുറത്തായതോടെ പത്ത് പേരായി ചുരുങ്ങിയ അര്‍ജന്റീനയെ സ്‌പെയിന്‍ പൂര്‍ണമായും വളഞ്ഞു.

അപ്പോഴാണ് 22 വാര അകലെ നിന്ന് ലാമിന്‍ യമാല്‍ എടുത്ത ഫ്രീകിക്ക് നേരെ വലയുടെ ടോപ്പ് കോര്‍ണറിലേക്ക് വളഞ്ഞെത്തിയത്. സ്റ്റേഡിയം മുഴുവന്‍ ഗോള്‍ ഉറപ്പിച്ച നിമിഷം, വായുവിലേക്ക് പറന്നുയര്‍ന്ന മാര്‍ട്ടിനസ് വിരല്‍ത്തുമ്പുകൊണ്ട് പന്ത് തട്ടിയകറ്റി. ലോകകപ്പ് ഫൈനല്‍ ചരിത്രത്തിലെ തന്നെ ഏറ്റവും മികച്ച സേവുകളിലൊന്നായി വിലയിരുത്തപ്പെടുന്ന രക്ഷപ്പെടുത്തലായിരുന്നു അത്. ആ സേവ് കൊണ്ടാണ് മത്സരം എക്സ്ട്രാ ടൈമിലേക്ക് നീണ്ടത്.

എന്നാല്‍ എക്സ്ട്രാ ടൈമിന്റെ 106-ാം മിനിറ്റില്‍ പകരക്കാരനായി ഇറങ്ങിയ ഫെറാന്‍ ടോറസിന്റെ ഷോട്ടിന് മുന്നില്‍ ഒടുവില്‍ എമിക്കും കീഴടങ്ങേണ്ടി വന്നു. ആ ഒരൊറ്റ ഗോള്‍ മതി സ്‌പെയിന് രണ്ടാം ലോകകപ്പ് കിരീടം സ്വന്തമാക്കാന്‍. ലോകകപ്പിന് തൊട്ടുമുമ്പ് തന്നെ മാര്‍ട്ടിനസിന്റെ കൈവിരലില്‍ പൊട്ടലുണ്ടായിരുന്നു. ശസ്ത്രക്രിയ നിര്‍ദേശിച്ചിരുന്നെങ്കിലും അത് മാറ്റിവെച്ച് വേദനസംഹാരികള്‍ കഴിച്ചാണ് താരം ലോകകപ്പില്‍ കളിച്ചത്. ടീമിനുവേണ്ടിയുള്ള ആ സമര്‍പ്പണം ഫൈനലിലെ പ്രകടനത്തിലും വ്യക്തമായി.

ഖത്തര്‍ ലോകകപ്പില്‍ അര്‍ജന്റീനയുടെ കിരീടനേട്ടത്തിന് നിര്‍ണായക പങ്കുവഹിച്ച ഗോള്‍ഡന്‍ ഗ്ലൗ ജേതാവായ എമി, ഇത്തവണ കിരീടം നിലനിര്‍ത്താന്‍ കഴിഞ്ഞില്ലെങ്കിലും ലോകകപ്പ് ചരിത്രത്തിലെ ഏറ്റവും മികച്ച വ്യക്തിഗത ഗോള്‍കീപ്പര്‍ പ്രകടനങ്ങളിലൊന്ന് സമ്മാനിച്ചാണ് മടങ്ങുന്നത്. തോല്‍വി അര്‍ജന്റീനയുടേതായിരുന്നെങ്കിലും, ലോക ഫുട്‌ബോളിന്റെ ബഹുമാനവും ആരാധകരുടെ കൈയടിയും സ്വന്തമാക്കിയത് ഗോള്‍വല കാത്ത ആ പോരാളി തന്നെയായിരുന്നു.

1. താടി നീട്ടി, ക്ഷീണിതനായി റാം, ‘ആത്മഹത്യയിൽ പങ്കില്ല’; പൊലീസിനെ വെട്ടിച്ചത് 3 മാസത്തോളം  Manorama Online
2. ഡോ. റാം കസ്റ്റഡിയിൽ, പിടിയിലാകുന്നത് മൂന്ന് മാസം നീണ്ട ഒളിവുജീവിതത്തിനൊടുവിൽ  Mathrubhumi
3. നിതിൻ രാജിന്‍റെ മരണം: കൈ വിറയ്ക്കുന്ന പൊലീസിന് എങ്ങനെ നീതി നടപ്പാക്കാനാകും? ഡോ. എംകെ റാമിനെ അറസ്റ്റ് ചെയ്യാത്തതില്‍ അതൃപ്തി പ്രകടിപ്പിച്ച് ഹൈക്കോടതി  Asianet News Malayalam
4. നിതിന്‍ രാജിന്‍റെ മരണം; ഡോ.എം.കെ.റാം പിടിയില്‍ ‌  manoramanews.com
5. നിതിന്‍ രാജിന്റെ ആത്മഹത്യ : മാസങ്ങള്‍ നീണ്ട ഒളിവുജീവിതത്തിനൊടുവില്‍ മുഖ്യപ്രതി ഡോ. എം.കെ റാം കുടകില്‍ പിടിയില്‍  Suprabhaatham

നടൻ കൃഷ്‍ണകുമാറിന്റെയും കുടുംബത്തിന്റെയും വ്ളോഗുകൾ ഫോളോ ചെയ്യുന്നവർക്ക് സുപരിചിതയാണ് വ്ളോഗറായ തൻവി സുധീർ ഘോഷ്. സിന്ധു കൃഷ്‍ണയുടെ സഹോദരിയുടെ മകളാണ് തൻവി. കുടുംബത്തോടൊപ്പം കാനഡയിൽ സ്ഥിരതാമസമാക്കിയിരിക്കുകയാണ് തൻവി. അടുത്തിടെയാണ് ഇവർക്ക് രണ്ടാമത്തെ കുഞ്ഞ് പിറന്നത്. അടുത്തിടെ തൻവിയുടെ യൂട്യൂബ് ചാനലിൽ പ്രത്യക്ഷപ്പെട്ട വീഡിയോയെത്തുടർന്ന് സിന്ധു കൃഷ്‍ണയ്‍ക്കും മക്കൾക്കുമെതിരെ വലിയ വിമർശനങ്ങൾ ഉയർന്നിരുന്നു. വിവാദങ്ങൾക്കെല്ലാം ശേഷം പുതിയ വീഡിയോയുമായി എത്തിയിരിക്കുകയാണ് തൻവി.

''കാനഡ വിട്ടുവന്നതിൽ ലിയാന് പരാതിയുണ്ട്. അത് മാറ്റാനായി ഞങ്ങൾ അവനെ ഇടയ്ക്ക് ലുലു മാളിലൊക്കെ കൊണ്ടുപോകും. കേരളത്തിലെ കാലാവസ്ഥ ഞാനും യോജിയും അഡ്ജസ്റ്റ് ചെയ്യുന്നുണ്ടെങ്കിലും മോനും മോൾക്കും ഏസി ഇല്ലാതെ പറ്റില്ല. അതിനാൽ തന്നെ നല്ലൊരു സംഖ്യ കറന്റ് ചാർജുമാകുന്നുണ്ട്. മക്കൾ ഇവിടുത്തെ കാലാവസ്ഥയുമായി അഡാപ്റ്റാകാൻ സമയം എടുക്കും. ഞങ്ങളുടെ വീട്ടിലെ എല്ലാ കാര്യത്തിനും യോജിയാണ് ഓടുന്നത്. അതിൽ എനിക്ക് നല്ല വിഷമമുണ്ട്. ഞങ്ങൾക്കുവേണ്ടി ഓരോന്ന് ചെയ്യുന്നത് കാണുമ്പോൾ വലിയ റെസ്പെക്ട് തോന്നുന്നു. സ്വന്തം വീട്ടിൽ‌‍ പോയി നിൽക്കാൻ പോലും യോജിക്ക് ഇതുവരെ സാധിച്ചിട്ടില്ല. എനിക്കും യോജിയുടെ വീട്ടിൽ കുറച്ച് ദിവസം പോയി നിൽക്കണമെന്നുണ്ട്. എന്റെ അമ്മച്ചിക്ക് ചെയ്യുന്നതുപോലെ ഞാൻ അമ്മൂമ്മയ്ക്ക് ചെയ്ത് കൊടുക്കുന്നു എന്നേയുള്ളു എന്നാണ് യോജി പറയുന്നത്.

അമ്മൂമ്മയും ലിയാനും തമ്മിൽ എപ്പോഴും ക്ലാഷാണ്. അമ്മൂമ്മയ്ക്ക് പ്രായമായതാണെന്ന് ഞാൻ മോനെ പറഞ്ഞ് മനസിലാക്കും. കുറച്ച് അഡ്ജസ്റ്റ് ചെയ്യാനൊക്കെ പറയും. ചൂട് കാരണം ബോക്സർ മാത്രമാണ് മോൻ വീട്ടിലിടുന്നത്. കൊതുക് കടിച്ചാലോയെന്ന് ഭയന്ന് അമ്മൂമ്മ അവനെ ബെനിയൻ ഇടാൻ നിർബന്ധിക്കും. അത് അവന് ഇഷ്ടമല്ല. ഇവർക്കിടയിൽ ക്ലാഷുണ്ട്. പക്ഷെ എനിക്ക് ഒന്നും ചെയ്യാൻ പറ്റില്ല. ആരോട് എന്ത് പറയാനാണ്. ഒരുപാട് റെസ്പോൺസിബിലിറ്റിയുണ്ട്. പക്ഷെ എല്ലാം ചെയ്തല്ലേ പറ്റൂ. പ്രായമായ ആളുകളെ നോക്കുന്നത് ഒത്തിരി ബുദ്ധിമുട്ടുള്ള കാര്യമാണ്. അതാണ് പലരും പല കാര്യങ്ങൾ പറഞ്ഞ് അമ്മുമ്മയെ ഇട്ടിട്ട് പോയത്'', തൻവി വ്ളോഗിൽ പറഞ്ഞു.

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക

തിരുവനന്തപുരം| സംസ്ഥാനത്ത് മഴ മുന്നറിയിപ്പില്‍ മാറ്റം. രണ്ട് ജില്ലകളില്‍ കൂടി യെല്ലോ അലേര്‍ട്ട് പ്രഖ്യാപിച്ചു. മലപ്പുറം, തൃശൂര്‍ ജില്ലകളിലാണ് യെല്ലോ അലേര്‍ട്ട് പ്രഖ്യാപിച്ചത്. അതേസമയം, കാസര്‍കോട്, എറണാകുളം, പാലക്കാട്, കോഴിക്കോട്, വയനാട്, കണ്ണൂര്‍, ജില്ലകളില്‍ യെല്ലോ അലേര്‍ട്ട് തുടരുമെന്നും കാലാവസ്ഥ വകുപ്പ് അറിയിച്ചു.

വടക്കന്‍ ജില്ലകളിലും ഒറ്റപ്പെട്ടയിടങ്ങളിലും ശക്തമായ മഴ തുടരാണ് സാധ്യത. നാളെ മുതല്‍ മഴ മുന്നറിയിപ്പില്ല. വരും ദിവസങ്ങളില്‍ മഴയുടെ തീവ്രത കുറയുമെന്നാണ് കാലാവസ്ഥ നിരീക്ഷണ കേന്ദ്രത്തിന്റെ വിലയിരുത്തല്‍.

Content Highlights:
The Meteorological Department updated Kerala’s rain forecast, issuing yellow alerts for Malappuram and Thrissur. Alerts stay active in Kasaragod, Ernakulam, Palakkad, Kozhikode, Wayanad, and Kannur. Heavy rain will continue in northern districts today, with intensity easing from tomorrow.SEO (English):

മാരുതി സുസുക്കിയുടെ ജനപ്രിയ കോംപാക്റ്റ് എസ്‌യുവിയായ ബ്രെസ്സയുടെ പുതുക്കിയ പതിപ്പ് ഈ മാസം വിപണിയിലെത്തുമെന്നാണ് റിപ്പോർട്ടുകൾ. ഔദ്യോഗിക പ്രഖ്യാപനത്തിന് മുമ്പ് പുറത്തുവന്ന വിവരങ്ങൾ പ്രകാരം, ഡിസൈൻ, എൻജിൻ, ഫീച്ചറുകൾ എന്നിവയിൽ കാര്യമായ മാറ്റങ്ങളോടെയാണ് പുതിയ ബ്രെസ എത്തുന്നത്. കൂടുതൽ പ്രീമിയം ലുക്കും പുതിയ സാങ്കേതികവിദ്യകളും ഉൾപ്പെടുത്തി ടാറ്റ നെക്‌സോൺ, ഹ്യുണ്ടായി വെന്യു, കിയ സോനെറ്റ് തുടങ്ങിയ മോഡലുകളെ ലക്ഷ്യമിട്ടാണ് മാരുതിയുടെ നീക്കം.

നിലവിലെ 1.5 ലിറ്റർ K15C നാച്ചുറലി ആസ്പിറേറ്റഡ് പെട്രോൾ എൻജിൻ പുതിയ ബ്രെസ്സയിലും തുടരുമെന്നാണ് സൂചന. 103 PS കരുത്തും 139 Nm ടോർക്കും നൽകുന്ന ഈ എൻജിനൊപ്പം 5-സ്പീഡ് മാനുവൽ, ഓട്ടോമാറ്റിക് ഗിയർബോക്സ് ഓപ്ഷനുകൾ ലഭ്യമാകും. അതേസമയം, പുതിയ 1.0 ലിറ്റർ ബൂസ്റ്റർജെറ്റ് ടർബോ പെട്രോൾ എൻജിൻ അവതരിപ്പിക്കുമെന്ന റിപ്പോർട്ടുകളാണ് കൂടുതൽ ശ്രദ്ധ നേടുന്നത്. ഏകദേശം 110 PS കരുത്തും 170 Nm ടോർക്കും ഉൽപ്പാദിപ്പിക്കുന്ന ഈ എൻജിനൊപ്പം 6-സ്പീഡ് മാനുവൽ ഗിയർബോക്സും ലഭിച്ചേക്കും. ഇത് ബ്രെസ്സയുടെ ഡ്രൈവിംഗ് പ്രകടനം കൂടുതൽ മെച്ചപ്പെടുത്തുമെന്നാണ് വിലയിരുത്തൽ.

പുതിയ ബ്രെസയുടെ സിഎൻജി പതിപ്പും നിരയുടെ ഭാഗമാകുമെന്നാണ് സൂചന. ഇത്തവണ അണ്ടർബോഡി സിഎൻജി ടാങ്ക് ഉപയോഗിക്കുമെന്നാണ് റിപ്പോർട്ടുകൾ. ഇതിലൂടെ ബൂട്ട് സ്പേസ് വർധിക്കുകയും ദൈനംദിന ഉപയോഗത്തിൽ കൂടുതൽ സൗകര്യം ലഭിക്കുകയും ചെയ്യും.

ചോർന്ന വിവരങ്ങൾ പ്രകാരം, 1.5 ലിറ്റർ പെട്രോൾ മാനുവൽ വേരിയന്റിന് ലിറ്ററിന് ഏകദേശം 21.1 കിലോമീറ്റർ വരെ മൈലേജ് ലഭിച്ചേക്കും. ഓട്ടോമാറ്റിക് പതിപ്പിന് 20.18 കിലോമീറ്ററും പുതിയ ടർബോ പെട്രോൾ എൻജിന് ഏകദേശം 20.82 കിലോമീറ്ററും ഇന്ധനക്ഷമത ലഭിക്കുമെന്നാണ് പ്രതീക്ഷ. സിഎൻജി വേരിയന്റിന് കിലോഗ്രാമിന് 26.55 കിലോമീറ്റർ വരെ മൈലേജ് ലഭിക്കുമെന്ന വിവരങ്ങളും പുറത്തുവന്നിട്ടുണ്ട്.

മൊത്തത്തിലുള്ള ഡിസൈൻ നിലനിർത്തിയെങ്കിലും മുൻവശത്തും പിൻവശത്തും ശ്രദ്ധേയമായ മാറ്റങ്ങളുണ്ടാകും. പുതിയ ഗ്രിൽ, പരിഷ്‌കരിച്ച എൽഇഡി ഹെഡ്‌ലാമ്പുകൾ, പുതുക്കിയ ഡിആർഎൽ, പുതിയ ബമ്പർ, പുതിയ അലോയ് വീലുകൾ എന്നിവ എസ്‌യുവിക്ക് കൂടുതൽ ആകർഷകമായ രൂപം നൽകും. പിൻവശത്ത് കണക്റ്റഡ് എൽഇഡി ടെയിൽലൈറ്റുകളും പുതിയ ബമ്പറും ഉൾപ്പെടുമെന്ന് റിപ്പോർട്ടുകളുണ്ട്. പുതിയ സിംഗിൾ-ടോൺ, ഡ്യുവൽ-ടോൺ കളർ ഓപ്ഷനുകളും കമ്പനി അവതരിപ്പിച്ചേക്കും.

ഇന്റീരിയർ ഡിസൈനിൽ വലിയ മാറ്റമില്ലെങ്കിലും ഫീച്ചർ പട്ടിക കൂടുതൽ സമ്പന്നമാകും. 10.1 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം, ബിൽറ്റ്-ഇൻ ആപ്പുകൾ, അലക്‌സ സപ്പോർട്ട്, വെന്റിലേറ്റഡ് ഫ്രണ്ട് സീറ്റുകൾ, PM 2.5 മോണിറ്ററിംഗോടുകൂടിയ എയർ പ്യൂരിഫയർ, 64-കളർ ആംബിയന്റ് ലൈറ്റിംഗ് എന്നിവ പുതിയ ബ്രെസ്സയിൽ പ്രതീക്ഷിക്കുന്ന പ്രധാന സവിശേഷതകളാണ്. ഓട്ടോമാറ്റിക് വേരിയന്റിൽ പാഡിൽ ഷിഫ്റ്ററുകളും നൽകിയേക്കും.

പുതിയ എൻജിൻ ഓപ്ഷനുകൾ, കൂടുതൽ പ്രീമിയം ഫീച്ചറുകൾ, മെച്ചപ്പെട്ട മൈലേജ് എന്നിവയുമായി എത്തുന്ന ബ്രെസ്സ കോംപാക്റ്റ് എസ്‌യുവി വിഭാഗത്തിലെ മത്സരം കൂടുതൽ ശക്തമാക്കുമെന്നാണ് വിലയിരുത്തൽ. ടാറ്റ നെക്‌സോൺ, ഹ്യുണ്ടായി വെന്യു, കിയ സോനെറ്റ്, മഹീന്ദ്ര XUV 3XO തുടങ്ങിയ മോഡലുകൾക്ക് പുതിയ ബ്രെസ്സ ശക്തമായ എതിരാളിയാകുമോയെന്നത് ലോഞ്ചിന് ശേഷമുള്ള വിപണി പ്രതികരണം വ്യക്തമാക്കും.

ക്വാലാലംപൂര്‍ | കേരള മുസ്‌ലിം ജമാഅത്ത് സംസ്ഥാന ജനറല്‍ സെക്രട്ടറിയും മഅ്ദിന്‍ അക്കാദമി ചെയര്‍മാനുമായ സയ്യിദ് ഇബ്രാഹീമുല്‍ ഖലീല്‍ അല്‍ ബുഖാരി തങ്ങളുടെ ഒരാഴ്ച നീണ്ട മലേഷ്യന്‍ ദഅ്വാ-വിദ്യാഭ്യാസ പര്യടനത്തിന് സമാപനമായി. മലേഷ്യന്‍ മതകാര്യ വകുപ്പിന്റെ അതിഥിയായാണ് ഖലീല്‍ തങ്ങള്‍ വിവിധ പരിപാടികളില്‍ സംബന്ധിച്ചത്.

ക്വലാലംപൂര്‍ ആസ്ഥാനമായുള്ള മലേഷ്യ, ഇന്തോനേഷ്യ, സിംഗപ്പൂര്‍, തായ്‌ലന്‍ഡ് എന്നീ രാജ്യങ്ങളിലെ പണ്ഡിത സഭയായ മുവാസലയും മഅ്ദിന്‍ അക്കാദമിയും തമ്മില്‍ വൈജ്ഞാനിക-സാംസ്‌കാരിക പ്രവര്‍ത്തനങ്ങള്‍ക്ക് ധാരണയായി. അല്‍ മുവാസല ശൈഖ് ഇന്റര്‍നാഷണല്‍ പണ്ഡിത സഭാ പ്രസിഡന്റ് അല്‍ ഹബീബ് അബ്ദുല്ല അബ്ദുല്‍ ഖാദിര്‍ അല്‍ ഹബ്ഷിയും മഅ്ദിന്‍ അക്കാദമി ചെയര്‍മാന്‍ സയ്യിദ് ഇബ്റാഹീമുല്‍ ഖലീല്‍ അല്‍ ബുഖാരിയും കരാറില്‍ ഒപ്പുവെച്ചു.

പര്യടനത്തിന്റെ അവസാനഘട്ടത്തില്‍ ക്വാലാലംപൂരിലെ മുവാസല (Muwasalah) ഓഫീസില്‍ വിവിധ ഇസ്‌ലാമിക സംഘടനാ പ്രതിനിധികളും പണ്ഡിതന്മാരും പ്രവര്‍ത്തകരും ചേര്‍ന്ന് തങ്ങള്‍ക്ക് സ്വീകരണം നല്‍കി. മലേഷ്യയിലെ വിവിധ സംസ്ഥാനങ്ങളില്‍ നടന്ന മത-വിദ്യാഭ്യാസ പരിപാടികള്‍, ഖുര്‍ആന്‍ സെമിനാറുകള്‍, മഹബ്ബ സമ്മേളനങ്ങള്‍, പണ്ഡിത സംഗമങ്ങള്‍, സാമൂഹിക-സാംസ്‌കാരിക കൂടിക്കാഴ്ചകള്‍ എന്നിവക്ക് ഖലീലുല്‍ ബുഖാരി തങ്ങള്‍ നേതൃത്വം നല്‍കി. പര്യടനത്തിനിടെ മലേഷ്യയിലെ പ്രമുഖ ഇസ്‌ലാമിക സ്ഥാപനങ്ങളുടെയും വിദ്യാഭ്യാസ കേന്ദ്രങ്ങളുടെയും നേതൃത്വവുമായി കൂടിക്കാഴ്ചകള്‍ നടത്തുകയും കേരളവും മലേഷ്യയും തമ്മിലുള്ള മത-വിദ്യാഭ്യാസ സഹകരണത്തിനുള്ള പുതിയ സാധ്യതകള്‍ ചര്‍ച്ച ചെയ്യുകയും ചെയ്തു. മലയാളത്തിലെ ഇസ്‌ലാമിക വൈജ്ഞാനിക പാരമ്പര്യം മലായ് ഭാഷയിലേക്ക് പരിചയപ്പെടുത്തുന്ന പ്രവര്‍ത്തനങ്ങള്‍ക്കും രൂപം നല്‍കി.

മുവാസല ഓഫീസില്‍ നടന്ന സമാപന സ്വീകരണത്തില്‍ വിവിധ സംഘടനാ പ്രതിനിധികള്‍ ഖലീലുല്‍ ബുഖാരി തങ്ങളുടെ സേവനങ്ങളെ അഭിനന്ദിച്ചു. മലേഷ്യയിലെ മുസ്‌ലിം സമൂഹവുമായി കേരളത്തിന്റെ ആത്മീയ-വിദ്യാഭ്യാസ ബന്ധം കൂടുതല്‍ ശക്തിപ്പെടുത്തുന്നതിന് ഖലീലുല്‍ ബുഖാരി തങ്ങളുടെ പര്യടനം ഏറെ സഹായകമാകുമെന്ന് മലേഷ്യാ മതകാര്യ വകുപ്പ് യാദിം ബോര്‍ഡ് ഓഫ് ട്രസ്റ്റീസ് അംഗം ഡോ. ബഷീര്‍ മുഹമ്മദ് അല്‍ അസ്ഹരി പറഞ്ഞു. ഇരു രാജ്യങ്ങളിലെയും വിജ്ഞാന-ദഅ്വാ സഹകരണം ഭാവിയിലും കൂടുതല്‍ വിപുലമാക്കാന്‍ ശ്രമങ്ങള്‍ തുടരുമെന്ന് ഖലീലുല്‍ ബുഖാരി തങ്ങള്‍ പറഞ്ഞു.

Content Highlights:
Muwasala International Scholars Council and Ma’din Academy signed an MoU for educational exchange. The agreement aims to advance Islamic research and academic collaboration globally. This partnership opens new avenues for joint cultural initiatives.

കൊച്ചി: കൊച്ചിയിലെയും കോഴിക്കോട്ടെയും കോറോ ഹെൽത്തിലെ കൂട്ടപ്പിരിച്ചുവിടലിൽ തീരുമാനമായതായി മന്ത്രി ബിന്ദു കൃഷ്ണ. കമ്പനി അധികൃതരുമായുള്ള ചർച്ചയിലാണ് തീരുമാനമായത്. പിരിച്ചുവിടപ്പെട്ട ജീവനക്കാർക്ക് അഞ്ച് മാസത്തെ ശമ്പളം കൊടുക്കുമെന്ന് മന്ത്രി അറിയിച്ചു. ആദ്യം കൊടുത്ത രണ്ട് മാസത്തെ ശമ്പളത്തിന് പുറമെയാണ് അഞ്ച് മാസത്തേത് കൂടി കൊടുക്കുക. 26-ാം തീയതിക്ക് മുമ്പ് കൊടുക്കും. മറ്റു ജോലികൾ ലഭിക്കുന്നതിന് വേണ്ട എക്സ്പീരിയൻസ് സർട്ടിഫിക്കറ്റ്, ലീവിങ് സർട്ടിഫിക്കറ്റ് തുടങ്ങി മറ്റ് രേഖകളും കമ്പനി നൽകുമെന്നും മന്ത്രി അറിയിച്ചു. ഐഎൻടിയുസി സംസ്ഥാന പ്രസിഡന്റ് ആർ.ചന്ദ്രശേഖരനും ചർച്ചയിൽ പങ്കെടുത്തു. 

തീരുമാനത്തിൽ തൃപ്തരാണെന്ന് കോറോ ഹെൽത് ജോലിക്കാർ അറിയിച്ചു. കിട്ടാവുന്നതിൽ ഏറ്റവും നല്ല പരിഹാരമാണ് ലഭിച്ചത്. സർക്കാരിന്റെ ഇച്ഛാശക്തിയുടേതാണ് തീരുമാനം. അഞ്ച് മാസത്തെ ശമ്പളം കൊണ്ട് മറ്റു ജോലികൾക്ക് നോക്കാൻ ഞങ്ങൾക്ക് സമയം കിട്ടുന്നുവെന്ന് തൊഴിലാളികൾ പറഞ്ഞു.

പ്രതിഷേധക്കടലായി പാറ്റ പ്രതിഷേധം; പാർലമെന്‍റ് മാർച്ചിൽ വൻ സംഘർഷം, വിദ്യാർത്ഥികൾക്ക് നേരെ കണ്ണീർ വാതകം പ്രയോഗിച്ച് പൊലീസ്

സിജെപി പാർലമെന്റ് മാർച്ചിൽ വീണ്ടും സംഘർഷം; കേരളാ ഹൗസിന് സമീപം മാർച്ച് തടഞ്ഞ് പൊലീസ്, പലയിടങ്ങളിലും പൊലീസ് ലാത്തിച്ചാർജ് നടത്തുന്നെന്ന് ആരോപണം

നിതിൻ രാജിന്റെ മരണം; ഒന്നാംപ്രതി ഡോ. റാം പിടിയിൽ, ക്രൈം ബ്രാഞ്ച് ചോദ്യംചെയ്തു, സം​ഗീതയെയും അറസ്റ്റ് ചെയ്യണമെന്ന് കുടുംബം Dr. MK Ram | Nithin Raj Death case | Crime Branch | Kerala Police | Ancharakandi Dental College

അയാൾക്ക് വധശിക്ഷ തന്നെ ലഭിക്കണമെന്ന് ഞങ്ങൾ പ്രാർത്ഥിച്ചിരുന്നു, അയാൾ ജയിലിൽ ആയിരുന്നപ്പോൾ പോലും പുറത്തുവന്ന് ഞങ്ങളെ കൊല്ലുമോ എന്ന ഭയത്തിലായിരുന്നു ഞങ്ങൾ ജീവിച്ചിരുന്നത്: ചെന്താമരയുടെ അയൽവാസി പുഷ്പ

ചെന്താമരയ്ക്ക് കുറ്റബോധമില്ല, വീണ്ടും കുറ്റകൃത്യങ്ങൾ ചെയ്യാൻ സാധ്യത; നെന്മാറ ഇരട്ടക്കൊല കേസിലെ കോടതി നിരീക്ഷണങ്ങൾ ഇങ്ങനെ

ന്യൂയോര്‍ക്ക്: ഫിഫ ലോകകപ്പ് 2026ലെ മികച്ച താരത്തിനുള്ള ഗോള്‍ഡന്‍ ബോള്‍ സ്‌പെയിന്‍ നായകന്‍ റോഡ്രി സ്വന്തമാക്കി. ലോകകപ്പ് കിരീടത്തിലേക്ക് സ്‌പെയിനെ നയിച്ച പ്രകടനത്തിനാണ് മാഞ്ചസ്റ്റര്‍ സിറ്റി മിഡ്ഫീല്‍ഡര്‍ ഈ ബഹുമതി നേടിയത്. എന്നാല്‍ ലയണല്‍ മെസിക്ക് പകരം റോഡ്രിയെ തിരഞ്ഞെടുത്ത ഫിഫയുടെ തീരുമാനം ആരാധകര്‍ക്കിടയില്‍ വലിയ ചര്‍ച്ചയ്‌ക്കും വിവാദത്തിനും വഴിവെച്ചു.

ന്യൂജേഴ്സിയില്‍ നടന്ന ഫൈനലില്‍ അര്‍ജന്റീനയെ എക്‌സ്ട്രാ ടൈമില്‍ 1-0ന് കീഴടക്കിയാണ് സ്‌പെയിന്‍ രണ്ടാം ലോകകപ്പ് കിരീടം സ്വന്തമാക്കിയത്. ഇതോടെ ടൂര്‍ണമെന്റിലെ പ്രധാന വ്യക്തിഗത പുരസ്‌കാരങ്ങളിലും സ്‌പെയിന്‍ ആധിപത്യം സ്ഥാപിച്ചു. റോഡ്രി ഗോള്‍ഡന്‍ ബോള്‍ നേടിയപ്പോള്‍, ഗോള്‍കീപ്പര്‍ ഉനായ് സിമോണ്‍ ഗോള്‍ഡന്‍ ഗ്ലൗവും, യുവ പ്രതിരോധ താരം പൗ കുബാര്‍സി മികച്ച യുവതാരത്തിനുള്ള പുരസ്‌കാരവും നേടി.

അര്‍ജന്റീന നായകന്‍ ലയണല്‍ മെസിയ്‌ക്ക് സില്‍വര്‍ ബോള്‍ ലഭിച്ചു. 39-ാം വയസിലും മെസി ലോകകപ്പില്‍ എട്ട് ഗോളുകളും നാല് അസിസ്റ്റുകളും നേടി അര്‍ജന്റീനയെ തുടര്‍ച്ചയായ രണ്ടാം ഫൈനലിലെത്തിച്ചു. ടൂര്‍ണമെന്റില്‍ അഞ്ച് തവണ പ്ലെയര്‍ ഓഫ് ദി മാച്ച് പുരസ്‌കാരവും മെസി സ്വന്തമാക്കി. എന്നിട്ടും ഗോള്‍ഡന്‍ ബോള്‍ ലഭിക്കാത്തത് ആരാധകരെ നിരാശരാക്കി. പുരസ്‌കാര പ്രഖ്യാപന വേളയില്‍ സ്റ്റേഡിയത്തില്‍ ‘മെസി… മെസി…’ എന്ന മുദ്രാവാക്യവും ഉയര്‍ന്നിരുന്നു.

അതേസമയം, ഫ്രാന്‍സ് നായകന്‍ കിലിയന്‍ എംബാപ്പെ 10 ഗോളുകളുമായി ഗോള്‍ഡന്‍ ബൂട്ട് സ്വന്തമാക്കി. എട്ട് ഗോളുകളുമായി മെസി രണ്ടാം സ്ഥാനത്തായതിനാല്‍ സില്‍വര്‍ ബൂട്ടും അദ്ദേഹത്തിനാണ് ലഭിച്ചത്. റോഡ്രിയുടെ നേട്ടത്തിന് പിന്നില്‍ ഗോളുകളേക്കാള്‍ സ്‌പെയിന്റെ കളിയുടെ താളം നിയന്ത്രിച്ച മിഡ്ഫീല്‍ഡ് മികവാണ് നിര്‍ണായകമായത്. എട്ട് മത്സരങ്ങളിലും ആദ്യ ഇലവനില്‍ ഇറങ്ങിയ റോഡ്രി പന്തടക്കത്തിലും കളി നിയന്ത്രിക്കുന്നതിലും നിര്‍ണായക പങ്കുവഹിച്ചതാണ് ഫിഫയുടെ ടെക്‌നിക്കല്‍ സ്റ്റഡി ഗ്രൂപ്പ് വിലയിരുത്തിയത്.

എന്നാല്‍ മെസിയുടെ വ്യക്തിഗത മികവും മത്സരങ്ങളെ സ്വാധീനിച്ച പ്രകടനങ്ങളും പരിഗണിച്ചാല്‍ ഗോള്‍ഡന്‍ ബോള്‍ അദ്ദേഹത്തിനായിരിക്കേണ്ടതായിരുന്നുവെന്നാണ് നിരവധി മുന്‍ താരങ്ങളുടെയും ആരാധകരുടെയും അഭിപ്രായം. അതുകൊണ്ടുതന്നെ ലോകകപ്പ് അവസാനിച്ച ശേഷവും ഏറ്റവും കൂടുതല്‍ ചര്‍ച്ചയാകുന്നത് ഗോള്‍ഡന്‍ ബോള്‍ തിരഞ്ഞെടുപ്പാണ്.

കാസർകോട്: നിലവിലെ വൈദ്യുതി പ്രതിസന്ധിക്ക്‌ കാരണം ഇടത് സർക്കാരെന്ന് വൈദ്യുത മന്ത്രി സണ്ണി ജോസഫ്. എൽഡിഎഫ് സർക്കാർ കടം വാങ്ങിയ വൈദ്യുതി മടക്കി കൊടുത്തു കൊണ്ടിരിക്കുകയാണ്. വൈദ്യുതി നിയന്ത്രണം ഏർപ്പെടുത്തിയത് അതുകൊണ്ടാണ്. കേരളത്തിൽ വൈദ്യുതി ഉപഭോഗം കൂടി. പ്രതിസന്ധി പരിഹരിക്കാൻ ശ്രമം തുടരുകയാണ്. ഇപ്പോൾ മഴ കിട്ടുന്നത് ആശ്വാസമാണ്. വൈദ്യുതി നിയന്ത്രണം പരമാവധി കുറയ്ക്കാനാണ് ശ്രമമെന്നും മന്ത്രി പറഞ്ഞു.

മുൻ മന്ത്രി എം എം മണിയുമായി താരതമ്യം ചെയ്തുള്ള സോഷ്യൽ മീഡിയ ചർച്ചകളെ കുറിച്ചുള്ള ചോദ്യത്തിന് അദ്ദേഹം തന്നേക്കാൾ എത്രയോ ഉയർന്ന ആളാണെന്നും എന്നാൽ അദ്ദേഹത്തിന് ശിഷ്യപ്പെടാനില്ലെന്നും സണ്ണി ജോസഫ് പറഞ്ഞു. താൻ മന്ത്രിയായിട്ട് രണ്ട് മാസത്തിൽ താഴെയേ ആയിട്ടുള്ളൂവെന്നും ദീർഘകാലാടിസ്ഥാനത്തിനുള്ള പ്രശ്ന പരിഹാരത്തിനാണ് ശ്രമിക്കുന്നതെന്നും മന്ത്രി സണ്ണി ജോസഫ് മറുപടി നൽകി. സോളാർ വൈദ്യുതി രാത്രി കാലങ്ങളിലേക്ക് കൂടുതലായി സ്റ്റോർ ചെയ്യാനുള്ള സംവിധാനം അടക്കം വേണമെന്നും മന്ത്രി പറഞ്ഞു.

ചീമേനിയിലെ ആണവ നിലയം പരിഗണനയിലെന്ന് മന്ത്രി ആവർത്തിച്ചു. ലോകത്ത് എല്ലായിടത്തും ആണവ നിലയങ്ങളുണ്ട്. കേരളവും ലോകത്തിന്റെ ഭാഗമാണ്. ഇത്‌ സംബന്ധിച്ച് തുറന്ന ചർച്ച നടത്തുമെന്നും സണ്ണി ജോസഫ് പറഞ്ഞു.

ഊട്ടി: മസിനഗുഡിയിൽ നിന്ന് മായാറിലേക്കും സിങ്കാരയിലേക്കും പോകുന്ന വിനോദസഞ്ചാരികളുടെ വാഹനങ്ങൾക്ക് ഇന്നുമുതൽ (ജൂലൈ 20) നിരോധനം. മദ്രാസ് ഹൈക്കോടതിയുടെ നിർദേശത്തെ തുടർന്നാണ് വനംവകുപ്പ് നിയന്ത്രണം ഏർപ്പെടുത്തിയത്.

കടുവ, പുലി, കരടി, ആന, മാൻ, മയിൽ തുടങ്ങി നിരവധി വന്യജീവികൾ സ്വൈരവിഹാരം നടത്തുന്ന ഈ മേഖലകളിൽ വാഹനങ്ങൾ നിർത്തുന്നതും വിനോദസഞ്ചാരികളുടെ തിരക്കും വന്യജീവികളുടെ സ്വാഭാവിക ആവാസവ്യവസ്ഥയെ ബാധിക്കുന്നുവെന്ന പരാതിയെ തുടർന്നാണ് കോടതി ഇടപെട്ടത്.

അതേസമയം, വനംവകുപ്പ് അംഗീകരിച്ച ജീപ്പ് സഫാരികൾക്കും പ്രദേശവാസികളുടെ വാഹനങ്ങൾക്കും നിയന്ത്രണം ബാധകമല്ലെന്ന് അധികൃതർ അറിയിച്ചു.

ബൊക്കാപുരം റോഡിലുള്ള വിഭൂതിമലയിലേക്കും ഇന്നുമുതൽ വിനോദസഞ്ചാരികളുടെ വാഹനങ്ങൾക്ക് പ്രവേശനമില്ല. എന്നാൽ മുതുമല കടുവസങ്കേതത്തിലെ പ്രശസ്തമായ തെപ്പക്കാട് ആനപരിപാലന കേന്ദ്രത്തിലേക്കുള്ള യാത്രയ്‌ക്ക് നിലവിൽ നിയന്ത്രണമില്ലെന്ന് വനംവകുപ്പ് വ്യക്തമാക്കി.

'കരാർ ലംഘനം നടന്നു, LDF സർക്കാർ കടം വാങ്ങിയ വൈദ്യുതി മടക്കി കൊടുത്തുകൊണ്ടിരിക്കുകയാണ്'; വൈദ്യുതി നിയന്ത്രണം ഏർപ്പെടുത്തിയത് അതുകൊണ്ടെന്ന് സണ്ണി ജോസഫ് Sunny Joseph | KSEB | UDF | Congress

ചാനലുകളിൽ വന്നപ്പോഴാണ് ആ പേര് ഒരു വിഷയമായി എന്ന് ഞാൻ അറിയുന്നത്; എന്റെ പേര് യഥാർത്ഥത്തിൽ കള്ളൻ വിജയൻ എന്ന് തന്നെയാണ്: കള്ളൻ വിജയൻ Deshabhimani | CPM | VS Achuthanandan ​

ടൈപ്പ് 2 പ്രമേഹമുള്ളവർക്ക് ഡെങ്കിപ്പനി മൂലമുണ്ടാകുന്ന ഗുരുതരവും ജീവന് ഭീഷണിയാകുന്നതുമായ സങ്കീർണതകൾക്കുള്ള സാധ്യത വളരെ കൂടുതലാണെന്ന് പഠനം. 'ഇന്റർനാഷണൽ ജേണൽ ഓഫ് ഡയബറ്റീസ് & ടെക്നോളജി'യിൽ പഠനം പ്രസിദ്ധീകരിച്ചു. ഡെങ്കിപ്പനി വ്യാപകമായ പ്രദേശങ്ങളിലെ അപകടസാധ്യതയുള്ള ജനവിഭാഗങ്ങൾക്ക് മികച്ച സംരക്ഷണം ഉറപ്പാക്കുന്നതിനായി, പതിവ് പ്രമേഹ ചികിത്സാ രീതികളിൽ ഡെങ്കിപ്പനി പ്രതിരോധ കുത്തിവയ്പ്പ് കൂടി ഉൾപ്പെടുത്തണമെന്ന് വിദ​ഗ്ധർ പറയുന്നു.‌

രക്തത്തിലെ പഞ്ചസാരയുടെ അളവ് തുടർച്ചയായി ഉയർന്ന നിലയിൽ തുടരുന്നത് പ്രതിരോധശേഷിയെ ദുർബലപ്പെടുത്തുകയും രക്തക്കുഴലുകൾക്ക് കേടുപാടുകൾ വരുത്തുകയും ചെയ്യുന്നു; ഇത് പ്രമേഹരോഗികളിൽ ഗുരുതരമായ ഡെങ്കിപ്പനി ബാധിക്കാനുള്ള സാധ്യത വർദ്ധിപ്പിക്കുന്നതായി വിദ​ഗ്ധർ പറഞ്ഞു.

അമിതമായ വീക്കം ഉണ്ടാക്കുന്ന പ്രതികരണം അഥവാ 'സൈറ്റോകൈൻ സ്റ്റോം' (cytokine storm) ഉണ്ടാകാൻ സാധ്യത കൂടുതലാണ്. ഇത് ഡെങ്കി ഹെമറാജിക് ഫീവർ, ആന്തരിക രക്തസ്രാവം എന്നിവയിലേക്കും, ഗുരുതരമായ സാഹചര്യങ്ങളിൽ രക്തസമ്മർദ്ദം പെട്ടെന്ന് കുറയുന്നതിലൂടെ ജീവന് തന്നെ ഭീഷണിയായേക്കാവുന്ന 'ഡെങ്കി ഷോക്ക് സിൻഡ്രോമി'ലേക്കും നയിച്ചേക്കാമെന്നും പഠനത്തിൽ പറയുന്നു.

ഉയർന്ന അപകടസാധ്യതയുള്ളവരിലെ ഗുരുതരമായ രോഗാവസ്ഥയും ആശുപത്രിവാസവും കുറയ്ക്കാൻ സഹായിക്കുമെന്നതിനാൽ, പ്രമേഹത്തിനുള്ള പതിവ് ചികിത്സാക്രമത്തിൽ ഡെങ്കിപ്പനി വാക്സിനേഷനും ഉൾപ്പെടുത്തണമെന്ന് ​ഗവേഷകർ പറഞ്ഞു.

ഡെങ്കിപ്പനി പടർന്നുപിടിക്കുന്ന സമയത്ത് ഏറ്റവും അപകടസാധ്യതയുള്ള വിഭാഗങ്ങളിലൊന്നാണ് പ്രമേഹരോഗികൾ. ഡെങ്കിപ്പനി വ്യാപകമായ പ്രദേശങ്ങളിൽ, പതിവ് പ്രമേഹ ചികിത്സാ രീതിയിൽ ഡെങ്കിപ്പനിക്കുള്ള വാക്സിനേഷൻ കൂടി ഉൾപ്പെടുത്തുന്നത് രോഗം ഗുരുതരമാകുന്നതും ആശുപത്രിയിൽ പ്രവേശിപ്പിക്കേണ്ട സാഹചര്യം ഉണ്ടാകുന്നതും കുറയ്ക്കാൻ സഹായിക്കുമെന്ന് പ്രമേഹരോഗ വിദഗ്ധൻ ഡോ. ജ്യോതിദേവ് കേശവദേവ് പറയുന്നു.

പാലക്കാട്: വധശിക്ഷയ്ക്ക് വിധിക്കപ്പെട്ട നെന്മാറ ഇരട്ടക്കൊലക്കേസ് പ്രതി ചെന്താമരയെ വിയ്യൂരിലെ അതിസുരക്ഷാ ജയിലിലേക്ക് മാറ്റും. മറ്റ് രണ്ട് പേര്‍ കൂടി വധശിക്ഷയ്ക്ക് വിധിക്കപ്പെട്ട് വിയ്യൂരിലെ അതി സുരക്ഷാ ജയിലില്‍ കഴിയുന്നുണ്ട്. 37 തടവുകാരാണ് സംസ്ഥാനത്ത് വിവിധ ജയിലുകളിലായി വധശിക്ഷയ്ക്ക് വിധിക്കപ്പെട്ട് കഴിയുന്നത്. പൂജപ്പുര സെൻട്രൽ‌ ജയിലിൽ 24 പേരും വിയ്യൂർ ജയിലിൽ 4 പേരും, കണ്ണൂരിൽ മൂന്നും, തവനൂർ ജയിലിൽ ഒരാളും വിയ്യൂർ സുരക്ഷ ജയിലിൽ 2 പേരും തിരുവനന്തപുരം വനിത ജയിലിൽ 3 പേരുമാണ് വധശിക്ഷ കാത്തുകഴിയുന്നത്.

കേസ് അപൂർവങ്ങളിൽ അപൂർവമാണെന്ന് ചൂണ്ടിക്കാട്ടിയാണ് ചെന്താമരയ്ക്ക് കോടതി വധശിക്ഷ വിധിച്ചത്. പാലക്കാട് അഡിഷണൽ സെഷൻസ് കോടതിയുടേതാണ് വിധി. പ്രതി 20 ലക്ഷം രൂപ സുധാകരന്റെ മക്കൾക്ക് നഷ്ടപരിഹാരം നൽകണം. പിഴയടച്ചില്ലെങ്കിൽ മൂന്നുവർഷം തടവ് അനുഭവിക്കണം. ചെന്താമര വീണ്ടും കുറ്റകൃത്യം ചെയ്യാൻ സാധ്യതയുണ്ടെന്നും, പ്രതിക്ക് കുറ്റബോധം ഇല്ലെന്നും, മാനസിക പ്രശ്നങ്ങൾ ഇല്ലെന്നും കോടതിക്ക് ബോധ്യപ്പെട്ടു. അപൂർവങ്ങളിൽ അപൂർവമായ കേസാണെന്നും കോടതി നിരീക്ഷിച്ചു. വിവിധ സംസ്ഥാനങ്ങളിൽ നടന്ന കൊലപാതക കേസുകൾ റഫർ ചെയ്ത ശേഷമാണ് വധ ശിക്ഷ വിധിച്ചത്.

സംസ്ഥാനത്ത് 35 വർഷം മുൻപ് 1991ൽ കണ്ണൂരിലാണ് അവസാനമായി വധശിക്ഷ നടപ്പാക്കിയത്. നീലേശ്വരം കരിന്തളം സ്വദേശി റിപ്പർ ചന്ദ്രൻ എന്ന മുതുകുറ്റി ചന്ദ്രനെയാണ് കണ്ണൂർ സെൻട്രൽ ജയിലിൽ തൂക്കിലേറ്റിയത്. 1985-86 കാലഘട്ടത്തിൽ വടക്കൻ കേരളത്തെ വിറപ്പിച്ച കൊലയാളിയായിരുന്നു റിപ്പർ ചന്ദ്രൻ. രാത്രിയിൽ ആളുകളെ ചുറ്റികകൊണ്ട് തലയ്ക്കടിച്ച് കൊലപ്പെടുത്തുന്നതായിരുന്നു ചന്ദ്രൻ്റെ രീതി. കണ്ണൂർ, കാസർകോട്, വയനാട് ജില്ലകളിലായി നിരപരാധികളായ 14 പേരെ കൊലപ്പെടുത്തിയ കേസുകളിൽ പ്രതിയായിരുന്നു ചന്ദ്രൻ. ഇതിൽ, ദമ്പതിമാരെ വധിച്ച കേസിലാണ് ചന്ദ്രന് വധശിക്ഷ വിധിച്ചത്. മറ്റുള്ള കേസുകളിൽ ജീവപര്യന്തമായിരുന്നു ശിക്ഷ.

ന്യൂഡൽഹി : വിശ്വഹിന്ദുപരിഷത്ത് ദ്വിദിന കേന്ദ്രീയ സമിതിക്ക് ഛത്തര്‍പൂരിലെ തേരാപന്ത് ഭവന്‍ ആശ്രമത്തില്‍ തുടക്കമായി. അന്താരാഷ്‌ട്ര അദ്ധ്യക്ഷന്‍ അഡ്വ. അലോക് കുമാര്‍ ആമുഖഭാഷണം നടത്തി. അയോദ്ധ്യയുമായി ബന്ധപ്പെട്ട് ഉയര്‍ന്നുവന്ന വാര്‍ത്തകള്‍ ഹൈന്ദവ സമൂഹത്തിന് മാത്രമല്ല എല്ലാ വിഭാഗങ്ങള്‍ക്കും വിഷമം ഉണ്ടാക്കിയതായി അദ്ദേഹം പറഞ്ഞു.

പ്രാണപ്രതിഷ്ഠാ ചടങ്ങുകള്‍ കൃത്യമായും ഭംഗിയായും പൂര്‍ത്തിയാക്കി ഹിന്ദുസ്വാഭിമാനം ഉയര്‍ത്താന്‍ സാധിച്ചു. അയോദ്ധ്യയുമായി ബന്ധപ്പെട്ട് നിലവില്‍ ഉണ്ടായിരിക്കുന്ന ആരോപണങ്ങളില്‍ മഹാഭൂരിപക്ഷവും വ്യാജമാണെന്ന് പ്രത്യേക അന്വേഷണ സംഘം അന്തിമ റിപ്പോര്‍ട്ട് സമര്‍പ്പിക്കുന്നതോടുകൂടി തെളിയുമെന്നും അദ്ദേഹം പറഞ്ഞു. ട്രസ്റ്റുമായി ബന്ധപ്പെട്ട വരവുചെലവ് കണക്കുകള്‍ കൃത്യമാണ്. കാണിക്ക എണ്ണാന്‍ ചുമതലയുള്ള പുറംകരാര്‍ ജീവനക്കാര്‍ വരുത്തിയ വീഴ്ചകളാണ് അയോദ്ധ്യയില്‍ ഉണ്ടായതെന്നും അദ്ദേഹം ചൂണ്ടിക്കാട്ടി.

അശോക് സിംഗാള്‍ ജന്മശതാബ്ദിയുമായി ബന്ധപ്പെട്ട് രാജ്യവ്യാപകമായി ഒരു വര്‍ഷത്തെ പരിപാടികള്‍ ആസൂത്രണം ചെയ്യുമെന്ന് ജനറല്‍ സെക്രട്ടറി ബജരംഗലാല്‍ ബാംഗഡ പറഞ്ഞു. അന്താരാഷ്‌ട്ര സംഘടനാ ജനറല്‍ സെക്രട്ടറി മിലിന്ദ് പരാന്തേ, ദേശീയ ജോ. ജനറല്‍ സെക്രട്ടറി ജി. സ്ഥാണുമാലയന്‍ തുടങ്ങിയവര്‍ ബൈഠക്കില്‍ പങ്കെടുക്കുന്നുണ്ട്. വിവിധ സംസ്ഥാനങ്ങളില്‍ നിന്നും വിദേശരാജ്യങ്ങളില്‍ നിന്നുമുള്ള നൂറ്റിയന്‍പതോളം പ്രതിനിധികളാണ് രണ്ടു ദിവസത്തെ ബൈഠക്കില്‍ പങ്കെടുക്കുന്നത്. കേരളത്തില്‍ നിന്ന് സംഘടനാ സെക്രട്ടറി കെ. ആര്‍. കണ്ണന്‍, ജനറല്‍ സെക്രട്ടറി അഡ്വ. അനില്‍ വിളയില്‍ എന്നിവരാണ് പങ്കെടുക്കുന്നത്.

ദുബൈ | വേനലവധിക്കാലം ആരംഭിച്ചതോടെ കുട്ടികള്‍ വീടുകള്‍ക്കുള്ളില്‍ കൂടുതല്‍ സമയം ചെലവഴിക്കുന്നതും സ്മാര്‍ട്ട് ഫോണുകള്‍, ടാബ്‌ലെറ്റുകള്‍, ലാപ്ടോപ്പുകള്‍ എന്നിവയുടെ അമിത ഉപയോഗവും കുട്ടികളുടെ ആരോഗ്യത്തെ സാരമായി ബാധിക്കുന്നതായി വിദഗ്ധരുടെ മുന്നറിയിപ്പ്. ദീര്‍ഘനേരം ഇത്തരം ഉപകരണങ്ങള്‍ നോക്കിയിരിക്കുന്നത് കുട്ടികളുടെ ശരീരഘടനയെയും നട്ടെല്ലിന്റെ ആരോഗ്യത്തെയും ദോഷകരമായി ബാധിക്കുന്നുണ്ട്.

കഴുത്തിലും തോളിലും അനുഭവപ്പെടുന്ന അസ്വസ്ഥതകള്‍, കഠിനമായ തലവേദന, കൈകാലുകളുടെ ചലനശേഷിയിലുണ്ടാകുന്ന കാഠിന്യം എന്നിവയാണ് പോസ്ചര്‍ തകരാറുകളുടെ ആദ്യകാല ലക്ഷണങ്ങള്‍. തുടക്കത്തില്‍ ഇവ ചെറിയ പ്രശ്നങ്ങളായി തോന്നാമെങ്കിലും കൃത്യമായി ശ്രദ്ധിച്ചില്ലെങ്കില്‍ ഭാവിയില്‍ പേശീവലിവ്, ഞരമ്പ് ഞെരുങ്ങല്‍ തുടങ്ങിയ വലിയ ശാരീരിക ബുദ്ധിമുട്ടുകളിലേക്ക് നയിച്ചേക്കാം. യു എ ഇയില്‍ നടത്തിയ പഠനങ്ങള്‍ പ്രകാരം വലിയൊരു ശതമാനം കുട്ടികളും പ്രതിദിനം ഏഴ് മണിക്കൂറിലധികം സ്‌ക്രീനുകള്‍ക്ക് മുന്നില്‍ ചെലവഴിക്കുന്നുണ്ടെന്നും ഇത് അവരുടെ ശാരീരിക പ്രവര്‍ത്തനങ്ങള്‍ കുറയുന്നതിന് കാരണമാകുന്നുണ്ടെന്നും വ്യക്തമാക്കുന്നു.

തുടര്‍ച്ചയായി താഴേക്ക് നോക്കി വാഹനം ഉപയോഗിക്കുമ്പോള്‍ കഴുത്ത് മുന്നോട്ട് തള്ളിനില്‍ക്കുന്ന ‘ടെക് നെക്ക്’ എന്ന അവസ്ഥ കുട്ടികളില്‍ വ്യാപകമാവുകയാണ്. സ്‌ക്രീന്‍ ഉപയോഗത്തിന് ശേഷം കുട്ടികള്‍ കഴുത്തോ തോളോ തിരുമ്മുകയോ വൈകുന്നേരങ്ങളില്‍ തലവേദനയെന്ന് പരാതിപ്പെടുകയോ ചെയ്യുന്നത് പേശികള്‍ക്ക് സംഭവിക്കുന്ന തളര്‍ച്ചയുടെ ലക്ഷണമാണ്. ഇത്തരം അസ്വസ്ഥതകള്‍ ആഴ്ചകളോളം നീണ്ടുനില്‍ക്കുകയോ രാത്രിയില്‍ വേദന കാരണം ഉറക്കം ഉണരുകയോ കൈകളിലേക്ക് തരിപ്പ് പടരുകയോ ചെയ്താല്‍ അടിയന്തരമായി വൈദ്യസഹായം തേടണമെന്ന് വിദഗ്ധര്‍ ഓര്‍മിപ്പിക്കുന്നു.

സ്‌ക്രീന്‍ ഉപയോഗം കുറക്കുന്നത് കൊണ്ട് മാത്രം ഈ പ്രശ്നം പരിഹരിക്കാനാകില്ല. കുട്ടികള്‍ക്ക് കൃത്യമായ ശാരീരിക ചലനങ്ങള്‍ ആവശ്യമാണ്. ഓരോ 20-30 മിനുട്ടിലും സ്‌ക്രീനുകളില്‍ നിന്ന് ബ്രേക്ക് എടുക്കുക, ഉപകരണങ്ങള്‍ കണ്ണിന്റെ നേരെ ഒരേ ലെവലില്‍ വെച്ച് ഉപയോഗിക്കുക, ഇരിക്കുമ്പോള്‍ നട്ടെല്ലിന് കൃത്യമായ സപ്പോര്‍ട്ട് ഉറപ്പാക്കുക എന്നിവ ശീലമാക്കണം. കൂടാതെ ദിവസവും കുറഞ്ഞത് 60 മിനുട്ടെങ്കിലും ഔട്ട്ഡോര്‍ ഗെയിമുകള്‍, സൈക്ലിംഗ്, നീന്തല്‍ തുടങ്ങിയ കായിക വിനോദങ്ങളില്‍ കുട്ടികള്‍ ഏര്‍പ്പെടുന്നുണ്ടെന്ന് മാതാപിതാക്കള്‍ ഉറപ്പുവരുത്തണമെന്നും ആരോഗ്യവിദഗ്ധര്‍ നിര്‍ദേശിക്കുന്നു.

Content Highlights:
Doctors have issued a warning regarding the rising cases of tech neck among children due to excessive screen time. Prolonged posture strain from using smartphones and tablets causes severe neck and spine issues in young kids. Experts recommend limiting device usage and encouraging physical activities to prevent long-term damage.

രാമന്തളി:ചായക്കടയിൽ വച്ച് പരിചയപ്പെട്ട 16കാരനെ പീഡിപ്പിക്കാൻ ശ്രമിച്ച കേസിൽ കണ്ണൂർ രാമന്തളിയിൽ നാടക നടനും ഓട്ടോറിക്ഷ ഡ്രൈവറുമായ വയോധികൻ അറസ്റ്റിൽ. മറ്റൊരു പോക്സോ കേസിൽ ജാമ്യത്തിൽ കഴിയുന്നതിനിടെയാണ് രാമന്തളി സ്വദേശിയും ഓട്ടോറിക്ഷ ഡ്രൈവറുമായ എ.കെ. ഉണ്ണിക്കൃഷ്ണൻ വീണ്ടും പോക്സോ കേസിൽ പിടിയിലാവുന്നത്.

കഴിഞ്ഞ ജൂലൈ പതിനഞ്ചാം തീയതിയാണ് കേസിനാസ്പദമായ സംഭവം നടക്കുന്നത്. പയ്യന്നൂരിലെ ഒരു ഹോട്ടലിൽ വെച്ച് ചായ കുടിക്കുന്നതിനിടയിലാണ് പ്രതിയായ ഉണ്ണിക്കൃഷ്ണൻ ഈ വിദ്യാർഥിയെ പരിചയപ്പെടുന്നത്. ഹോട്ടലിൽ വച്ച് ഇയാൾ 16കാരനോട് ചങ്ങാത്തത്തിൽ ആവുകയായിരുന്നു. ഹോട്ടലിൽ നിന്ന് ഇറങ്ങിയ 16കാരനെ വീട്ടിൽ കൊണ്ടുപോയി വിടാമെന്ന് പറഞ്ഞ് ഉണ്ണികൃഷ്ണൻ ഓട്ടോയിൽ കയറ്റുകയായിരുന്നു. ഓട്ടോയിൽ കയറ്റി 16കാരനെ ഉണ്ണികൃഷ്ണൻ എത്തിച്ചത് സ്വന്തം വീട്ടിലേക്കാണ്. വീട്ടിൽ വച്ച് പീഡന ശ്രമം ഉണ്ടായതോടെ 16കാരൻ പുറത്തേക്ക് ഓടി രക്ഷപ്പെട്ടു.

വീട്ടിലെത്തിയ 16കാരൻ നടന്ന വിവരങ്ങൾ മാതാപിതാക്കളെ അറിയിക്കുകയായിരുന്നു. കുട്ടിയുടെ മൊഴിയുടെ അടിസ്ഥാനത്തിലാണ് പൊലീസ് ഉണ്ണികൃഷ്ണനെ അറസ്റ്റ് ചെയ്തത്. ഉണ്ണിക്കൃഷ്ണൻ മുൻപും സമാനമായ കുറ്റകൃത്യങ്ങളിൽ ഏർപ്പെട്ടിട്ടുള്ള ആളാണെന്ന് പോലീസ് വ്യക്തമാക്കുന്നുണ്ട്. ഏകദേശം ഒരു വർഷം മുൻപും ഇയാൾക്കെതിരെ വിവാദമായ മറ്റൊരു പോക്സോ കേസ് രജിസ്റ്റർ ചെയ്തിട്ടുണ്ടായിരുന്നു. ആ കേസിൽ ജാമ്യത്തിൽ ഇറങ്ങി നിൽക്കുന്നതിനിടയിലാണ് ഇയാൾ വീണ്ടും സമാനമായ കേസിൽ പിടിയിലാകുന്നത്.

ഏഷ്യാനെറ്റ് ന്യൂസ് ലൈവ് വീഡിയോ കാണാം

സുരക്ഷയെ മുൻനിർത്തി മോട്ടോർ വാഹന വകുപ്പും പോലീസും ഇരുചക്ര വാഹന യാത്രക്കാരിൽ നിന്നും ഏറ്റവും കൂടുതൽ പിഴ ഈടാക്കാറുള്ളത് ഹെൽമറ്റ് ധരിക്കാത്തതിനും രണ്ടിൽ അധികം യാത്രക്കാരുമായി പോകുമ്പോഴുമായിരിക്കും. എന്നാൽ ഈ നിയമം സാധാരണക്കാർക്ക് മാത്രമാണോ ബാധകം? പോലീസിനും മോട്ടോർ വാഹന വകുപ്പിനും ഈ നിയമം ബാധകമല്ലേയെന്ന് ചോദിക്കുകയാണ് നെറ്റിസെൺസ്. കഴിഞ്ഞ ദിവസം സമൂഹ മാധ്യമങ്ങളിൽ വൈറലായ ഒരു വീഡിയോയാണ് സമൂഹ മാധ്യമങ്ങളിൽ വലിയ പ്രതിഷേധം ഉയർത്തിയിരിക്കുന്നത്. ഒരു ബൈക്കിൽ ഹെമറ്റ് പോലുമില്ലാതെ നാല് പോലീസ് ഉദ്യോഗസ്ഥർ യാത്ര ചെയ്യുന്നതായിരുന്നു വീഡിയോ.

ബീഹാറിൽ നിന്നുമാണ് വീഡിയോ സമൂഹ മാധ്യമങ്ങളിൽ പങ്കുവയ്ക്കപ്പെട്ടത്. അതേസമയം ബീഹാറിൽ എവിടെ നിന്നാണെന്ന് വ്യക്തമല്ല. തിരക്കേറിയ റോഡിലൂടെയാണ് നാല് പേരെയും കൊണ്ട് പോലീസ് ബൈക്ക് പാഞ്ഞ് പോകുന്നത്. ഇതിൽ ഡ്രൈവർക്ക് ഒഴികെ മറ്റാർക്കും ഹെൽമറ്റുകളില്ല. ഏറ്റവും പുറകിൽ ഇരിക്കുന്നയാണ് അപകടകരമായ രീതിയിലാണ് ഇരിക്കുന്നതെന്ന് വീഡിയോയിൽ വ്യക്തം. ബൈക്ക് റോഡിലെ കുഴികളിൽ വീഴുമ്പോൾ താഴെ വീഴാതിരിക്കാൻ ഏറ്റവും പുറകിൽ ഇരിക്കുന്നയാൾ തനിക്ക് തൊട്ട് മുന്നിലിരിക്കുന്നയാളെ വട്ടം പിടിച്ചിരിക്കുകയാണ്. വീണാൽ രണ്ട് പേരും താഴേയ്ക്ക് പോകുമെന്ന് ഉറപ്പ്. മാധ്യമങ്ങളിൽ പങ്കുവയ്ക്കപ്പെട്ടതിന് പിന്നാലെ പോലീസിന്‍റെ ഇരട്ട നീതി ചൂണ്ടിക്കാട്ടി നൂറുകണക്കിന് ഹാൻറിലുകളാണ് വീഡിയോ സമൂഹ വീണ്ടും പങ്കുവച്ചത്.

4 Police at one bike pic.twitter.com/3EqwRaokG2

— Ghar Ke Kalesh (@gharkekalesh) July 19, 2026

പോലീസിനും സാധാരണ പൗരനും രണ്ട് നിയമമാണോയെന്നും നിയമം ലംഘിച്ച പോലീസുകാർക്കെതിരെ ക‍ശന നടപടി വേണമെന്നും നിരവധി സമൂഹ മാധ്യമ ഉപയോക്താക്കൾ ആവശ്യപ്പെട്ടു. അതേസമയം പോലീസിനെ കണക്കിന് പരിഹസരിക്കുന്ന കുറുപ്പുകളും കുറവായിരുന്നില്ല. 'ആരാണ് അവരെ തടയുക? ഒരു ട്രാഫിക് വകുപ്പ് മൊത്തം ബൈക്കിലുണ്ടല്ലോ' എന്നായിരുന്നു ഒരു പരിഹാസ കുറിപ്പ്. 'ഇരട്ടത്താപ്പ്, പോലീസിന് ബൈക്കിൽ നാല് പേർക്ക് കയറാം. പക്ഷേ സാധാരണക്കാര് മൂന്ന് പേര് കയറിയാൽ ഫൈൻ. നിയമം അവർക്ക് മാത്രം നമ്മുക്കല്ല' എന്നായിരുന്നു മറ്റൊരു കുറിപ്പ്. അതേസമയം ബൈക്ക് ഓടിച്ചിരുന്നയാൾ മാത്രമാണ് പുരുഷ പോലീസെന്നും മറ്റ് മൂന്ന് പേരും വനിതാ പോലീസാണെന്ന സംശയവും മറ്റ് ചിലർ പ്രകടിപ്പിച്ചു.

ന്യൂയോർക്ക്: ലോകകപ്പ് ഫൈനലിൽ സ്പെയിനിനോടേറ്റ തോൽവിക്ക് പിന്നാലെ വാർത്താസമ്മേളനത്തിൽ പൊട്ടിക്കരഞ്ഞ് അർജന്‍റീനിയൻ പരിശീലകൻ ലയണൽ സ്കലോണി. തോൽവിയുടെ കടുത്ത വിഷമത്തിൽ വാർത്താസമ്മേളനം പാതിവഴിയിൽ നിർത്തി സ്കലോണി കണ്ണീരോടെ മടങ്ങി. ടീമിന്‍റെ പരിശീലകസ്ഥാനത്ത് തുടരുന്ന കാര്യത്തിൽ നിലപാട് വ്യക്തമാക്കിയില്ലെങ്കിലും കരാര്‍ കാലാവധി തീരുന്നതുവരെ തുടരുമെന്നാണ് സൂചന.

തുടർച്ചയായ രണ്ടാം ലോകകപ്പ് ഫൈനലിലേക്ക് ടീമിനെ നയിച്ച 48-കാരനായ സ്കലോണിക്ക്, ന്യൂജേഴ്‌സിയിൽ എക്സ്ട്രാ ടൈമിൽ വഴങ്ങിയ ആ ഒരൊറ്റ ഗോൾ താങ്ങാവുന്നതിലും അപ്പുറമായിരുന്നു. കിരീടം നഷ്ടപ്പെട്ടതിൽ സങ്കടമുണ്ടെങ്കിലും പെട്ടെന്നൊരു രാജിക്ക് താനില്ലെന്ന് സ്കലോണി വ്യക്തമാക്കി. അർജന്‍റീനിയൻ ഫുട്ബോൾ അസോസിയേഷൻ പ്രസിഡന്‍റ് ക്ലോഡിയോ ടാപിയയുമായി ഉടൻ കൂടിക്കാഴ്ച നടത്തുമെന്നും 2026 ഡിസംബർ വരെയുള്ള തന്‍റെ നിലവിലെ കരാർ പൂർത്തിയാക്കുമെന്നും സ്കോലോണി പറഞ്ഞു.

Following their World Cup final defeat to Spain, Argentina manager Lionel Scaloni walked out of his post-match press conference after becoming too emotional to carry on. pic.twitter.com/c7NQjN2MG8

— BBC Sport (@BBCSport) July 20, 2026

ഞാൻ പ്രസിഡന്‍റുമായി സംസാരിക്കും. എനിക്ക് എന്താണ് ചെയ്യേണ്ടതെന്നതിനെക്കുറിച്ച് കൃത്യമായ ധാരണയുണ്ട്. എന്‍റെ കരാർ കാലാവധി ഞാൻ പൂർത്തിയാക്കും. പക്ഷേ എനിക്ക് കുറച്ചുകൂടി കാര്യങ്ങൾ ആലോചിക്കേണ്ടതുണ്ട്. ഇത്രയും വലിയൊരു നേട്ടത്തിന് ശേഷം ഇനിയെന്ത് എന്നതിനെക്കുറിച്ച് നമ്മൾ സംസാരിക്കേണ്ടതുണ്ട്- സ്കലോണി പറഞ്ഞു. 2018 ൽ അർജന്‍റീനയുടെ ചുമതലയേൽക്കുമ്പോൾ ഉയർന്ന തലത്തിൽ പരിശീലന പരിചയമില്ലാത്ത സ്കലോണിയെ വലിയ വിമർശനങ്ങളോടെയാണ് ഫുട്ബോൾ ലോകം വരവേറ്റത്. എന്നാൽ, തന്‍റെ മികച്ച മാന്‍ മാനേജ്മെന്‍റ് തന്ത്രങ്ങൾ കൊണ്ട് 28 വർഷത്തെ അർജന്‍റിനയുടെ കിരീട വരൾച്ച അവസാനിപ്പിച്ച് ലോകകപ്പ് ഉള്‍പ്പെടെ 4 പ്രധാന കിരീടങ്ങളാണ് സ്കലോണി ടീമിന് നേടിക്കൊടുത്തത്.

സ്പെയിനിനെതിരെ ഇറങ്ങിയ ആദ്യ ഇലവനിൽ 8 പേരും 2022 ലോകകപ്പ് ഫൈനൽ കളിച്ചവരായിരുന്നു. ഖത്തറിലെ ആ പഴയ ആധിപത്യം പുലർത്താൻ പലപ്പോഴും ഈ അർജന്‍റീനിയൻ പടയ്ക്ക് കഴിഞ്ഞിരുന്നില്ല. കളി പൂർണ്ണമായും ലയണൽ മെസിയെ മാത്രം ആശ്രയിച്ചായിരുന്നു. ഇനിയൊരു പുതിയ തലമുറയെ വാർത്തെടുക്കുക എന്നത് കഠിനമായ ദൗത്യമാണെന്ന് സ്കലോണി സമ്മതിച്ചു. മുന്നോട്ട് പോകണമെങ്കിൽ ഒരുപാട് കാര്യങ്ങൾ ആവശ്യമുണ്ട്. പ്രധാനമായും മാനസികമായി റീസെറ്റ് ചെയ്യണം. വീണ്ടുമൊരു മികച്ച ഗ്രൂപ്പ് ഉണ്ടാക്കിയെടുക്കണം. അത് വളരെ ബുദ്ധിമുട്ടേറിയ കാര്യമാണ്. തോൽവി എന്‍റെ ആത്മാവിനെ വേദനിപ്പിക്കുന്നു, എന്നോട് ക്ഷമിക്കുക എന്ന് കരഞ്ഞുകൊണ്ട് പറഞ്ഞ്, കൈയ്യടികൾക്കിടയിലൂടെ സ്കലോണി വാർത്താസമ്മേളനത്തിൽ നിന്നും ഇറങ്ങിപ്പോയി.

ക്യാപ്റ്റൻ ലയണൽ മെസിയെ പ്രശംസിക്കാനും സ്കലോണി മറന്നില്ല. 39-ാം വയസ്സിലും ലോകകപ്പ് കളിക്കാനിറങ്ങിയ മെസി 21 ഗോളുകളോടെ ലോകകപ്പ് ചരിത്രത്തിൽ ഏറ്റവും കൂടുതൽ ഗോൾ നേടുന്ന രണ്ടാമത്തെ താരമായും 9 അസിസ്റ്റുകളോടെ ഏറ്റവും കൂടുതൽ അസിസ്റ്റ് നൽകിയ താരമായും തിളങ്ങി. അദ്ദേഹം എക്കാലത്തെയും മികച്ച ഫുട്ബോൾ കളിക്കാരനാണ്. 39-ാം വയസ്സിൽ അദ്ദേഹം ചെയ്തത് അവിശ്വസനീയമായ കാര്യമാണ്. അദ്ദേഹം ആഗ്രഹിക്കുന്നിടത്തോളം കാലം കളിക്കുമെന്ന് എനിക്ക് ഉറപ്പായിരുന്നു- സ്കലോണി കൂട്ടിച്ചേർത്തു.

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക

ന്യൂഡൽഹി : ഔപചാരിക വിദ്യാഭ്യാസത്തോടൊപ്പം സാംസ്‌കാരിക വിദ്യാഭ്യാസവും ചെറുപ്പത്തിലേ ലഭ്യമാക്കേണ്ടത് ബാലികാബാലന്മാരുടെ സര്‍വതോമുഖ വികാസത്തിന് അത്യാവശ്യമാണെന്നും, അതിനായി ബാലഗോകുലം നടത്തുന്ന ക്ലാസുകള്‍ കാലഘട്ടത്തിന്റെ അനിവാര്യതയാണെന്നും ദല്‍ഹി ഹൈക്കോടതി ജഡ്ജി ജസ്റ്റിസ് സി. ഹരിശങ്കര്‍ അഭിപ്രായപ്പെട്ടു. ബാലഗോകുലം ദല്‍ഹി എന്‍സിആറിന്റെ 26-ാം സംസ്ഥാന വാര്‍ഷിക സമ്മേളനവും രജതജയന്തി ആഘോഷങ്ങളുടെ ആശിര്‍വാദസഭയും ഉദ്ഘാടനം ചെയ്യുകയായിരുന്നു അദ്ദേഹം.

ബാല്യകാലത്തില്‍ മുത്തശ്ശിമാരുടെയും മറ്റും കഥകളും കവിതകളും കേള്‍ക്കാന്‍ ഭാഗ്യം ലഭിച്ചവരാണ് മഹാന്മാരായ പലരും. സമൂഹത്തിലെ ഈ വിടവ് നികത്താന്‍ ബാലഗോകുലം നടത്തുന്ന സാംസ്‌കാരിക വിദ്യാഭ്യാസ പദ്ധതി ശ്ലാഘനീയമാണ്, അദ്ദേഹം കൂട്ടിച്ചേര്‍ത്തു. ചടങ്ങില്‍ ബാലഗോകുലം കേരളം സംസ്ഥാന കാര്യദര്‍ശി വി. ഹരികുമാര്‍ മുഖ്യപ്രഭാഷണം നടത്തി. ആശീര്‍വാദ സഭയില്‍ രജത ജയന്തി ആഘോഷങ്ങളുടെ ഭാഗമായി നടന്ന രചനാ മത്സരവിജയികള്‍ക്കും അമൃതഭാരതി പരീക്ഷാ വിജയികള്‍ക്കും ഉന്നത പരീക്ഷകളില്‍ വിജയം കൈവരിച്ചവര്‍ക്കും കൈയെഴുത്ത് പുസ്തക മത്സര വിജയികള്‍ക്കും കൃഷ്ണാര്‍പ്പണത്തില്‍ പങ്കെടുത്ത കലാകാരന്മാര്‍ക്കും സമ്മാനങ്ങള്‍ നല്‍കി ആദരിച്ചു. പദ്മശ്രീ മനു ശര്‍മ്മയുടെ ഹിന്ദി നോവലായ ശ്രീകൃഷ്ണന്റെ ആത്മകഥ മലയാളത്തിലേക്ക് തര്‍ജ്ജമ ചെയ്ത ദക്ഷിണ മദ്ധ്യ മേഖലയിലെ ദ്വാരകാദീഷ് ബാലഗോകുലാംഗം ശാന്തകുമാരിയെ ജസ്റ്റിസ് സി. ഹരിശങ്കര്‍ ആദരിച്ചു.

ഭാരത് ഭാരതി ദല്‍ഹി പ്രാന്ത സംയോജക് അംബരീഷ്, കേരളം സ്‌കൂള്‍ മുന്‍ ചെയര്‍മാന്‍ കെ.പി. മേനോന്‍, എന്‍. വേണുഗോപാല്‍, ബാബു പണിക്കര്‍ എന്നിവര്‍ സംസാരിച്ചു.

തിരുവനന്തപുരം: വിവാഹാലോചന നിരസിച്ചതിലുള്ള വൈരാഗ്യത്താൽ ഗൃഹനാഥനെയും മകനെയും വിളിച്ചുവരുത്തി മര്‍ദിച്ച് കൊലപ്പെടുത്താന്‍ ശ്രമിച്ച സംഭവത്തില്‍ പ്രതികള്‍ തമിഴ്നാട്ടിലേക്ക് കടന്നതായി വിവരം. വർക്കല വടശേരിക്കോണം ആര്യഭവനിൽ അനിൽ കുമാർ (51), മകൻ അച്ചു (20) എന്നിവരെയാണ് മുഖ്യപ്രതിയായ വെള്ളല്ലൂർ പുളിയറക്കോണം സ്വദേശി സുധീഷും സുഹൃത്തുക്കളും ചേർന്നാണ് വെള്ളല്ലൂര്‍ വട്ടവിളയിലെ പണി പൂര്‍ത്തിയാകാത്ത വീട്ടിലേക്ക് വിളിച്ചുവരുത്തി മർദിച്ച് കൊലപ്പെടുത്താൻ ശ്രമിച്ചത്.

അനില്‍ കുമാറിന്‍റെ മകളെ മുഖ്യ പ്രതി സുധീഷിന് വിവാഹം ചെയ്ത് നൽകാത്തതിലുള്ള വൈരാഗ്യമാണ് കൊലപാതകശ്രമത്തില്‍ കലാശിച്ചത്. അമ്മയെയും കുടുക്കാൻ ശ്രമിച്ചതോടെയാണ് പദ്ധതി പാളിയതും പൊലീസ് സ്ഥലത്തെത്തി അനിൽ കുമാറിനെ രക്ഷപെടുത്തിയതും. ഗുരുതരമായി പരിക്കേറ്റ അനിൽ കുമാർ വർക്കലയിലെ ആശുപത്രിയിൽ ചികിത്സയിലാണ്.

ഒറ്റപ്പെട്ട സ്ഥലത്ത് പൂട്ടിക്കിടന്ന വീട്ടിൽ സൗണ്ട് പ്രൂഫ് മുറിയടക്കം തയാറാക്കിയായിരുന്നു ഇവർ പദ്ധതി നടപ്പിലാക്കിയത്. സുധീഷിന് പുറമെ സുഹൃത്തുക്കളായ മൂന്നുപേർ ഉൾപ്പെടെ ഉള്ളവരാണ് അക്രമിസംഘത്തിൽ ഉണ്ടായിരുന്നത്. കൃത്യത്തിന് ശേഷം പൊലീസ് എത്തിയതോടെ സ്വന്തം വാഹനങ്ങൾ ഒഴിവാക്കി മൊബൈൽ ഫോണുകൾ സ്വിച്ച് ഓഫ് ചെയ്താണ് പ്രതികൾ രക്ഷപ്പെട്ടത്.

തെന്മല, ആര്യങ്കാവ് ഭാഗങ്ങളിൽ ഒളിവിലുണ്ടായിരുന്ന പ്രതികൾ തമിഴ്നാട്ടിലേക്ക് കടന്നതായാണ് നിലവിൽ പൊലീസിന് ലഭിച്ച വിവരം. ഇവരുമായി അടുപ്പമുള്ള ബന്ധുക്കളെ സ്റ്റേഷനിൽ വിളിച്ചുവരുത്തി ചോദ്യം ചെയ്ത പൊലീസ്, ഇവരുടെ ഫോൺ കോളുകൾ ഉൾപ്പെടെ നിരീക്ഷിച്ചുവരികയാണ്. പ്രതികള്‍ നാലുപേരും ബൈക്ക് ഉപേക്ഷിച്ച് ബസില്‍ കയറുന്നതിന്‍റെ സിസിടിവി ദൃശ്യങ്ങള്‍ പൊലീസ് ശേഖരിച്ചിട്ടുണ്ട്.

നിലവില്‍ പൊലീസ് സംഘം മൂന്ന് ടീമുകളായി തിരിഞ്ഞാണ് അന്വേഷണം നടത്തുന്നത്. പ്രതികളെ കണ്ടെത്തുന്നതിനായി പൊലീസ് ലുക്കൗട്ട് നോട്ടീസ് പുറത്തിറക്കിയിട്ടുണ്ട്. സുധീഷ്, ആരോമല്‍, ലാല്‍കൃഷ്ണ, അരുണ്‍ എന്നീ നാലുപ്രതികളുടെ ചിത്രങ്ങള്‍ ഉള്‍പ്പെടുത്തിയ ലുക്കൗട്ട് നോട്ടീസ് തിരുവനന്തപുരം കൊല്ലം ജില്ലകളിലും അതിർത്തികളിലും പൊലീസ് പ്രചരിപ്പിക്കുന്നുണ്ട്. ഇവരുടെ തമ്ഴ്നാട്ടിലെ ബന്ധവും പൊലീസ് അന്വേഷിക്കുകയാണ്.

അഗർത്തല: ത്രിപുര പോലീസ് ഡയറക്ടർ ജനറൽ (ഡിജിപി) അനുരാഗ് ധങ്കറിനെ തിങ്കളാഴ്ച അഗർത്തലയിലെ പോലീസ് ആസ്ഥാനത്തെ ഓഫീസിനുള്ളിൽ മരിച്ച നിലയിൽ കണ്ടെത്തി. മുതിർന്ന ഐപിഎസ് ഉദ്യോഗസ്ഥന്റെ മരണം ആത്മഹത്യയാകാമെന്നാണ് പ്രാഥമിക വിവരം. എന്നാൽ മരണകാരണം അധികൃതർ ഇതുവരെ ഔദ്യോഗികമായി സ്ഥിരീകരിച്ചിട്ടില്ല.

സംഭവം അറിഞ്ഞതോടെ ത്രിപുര മുഖ്യമന്ത്രി ഉൾപ്പെടെ മുതിർന്ന സർക്കാർ ഉദ്യോഗസ്ഥർ പോലീസ് ആസ്ഥാനത്തെത്തി. തുടർന്ന് ഡിജിപിയുടെ മൃതദേഹം അഗർത്തലയിലെ ജി.ബി. ആശുപത്രിയിലേക്ക് മാറ്റി.

സംഭവത്തിൽ അന്വേഷണം ആരംഭിച്ചിട്ടുണ്ടെന്നും മരണത്തിന്റെ യഥാർത്ഥ കാരണം അന്വേഷണത്തിന് ശേഷമേ വ്യക്തമാകൂ എന്നും അധികൃതർ അറിയിച്ചു. കൂടുതൽ വിവരങ്ങൾ പുറത്തുവന്നിട്ടില്ല.

ന്യൂയോര്‍ക്ക്: ഫിഫ ലോകകപ്പ് ഫൈനലില്‍ സ്‌പെയിനിനോട് അര്‍ജന്റീന തോറ്റതിന് പിന്നാലെ കളിക്കളത്തില്‍ പൊരിഞ്ഞ അടി. മത്സരാവസാന വിസില്‍ മുഴങ്ങിയ ഉടന്‍ അര്‍ജന്റീന താരം ലിയാന്‍ഡ്രോ പാരഡെസും സ്‌പെയിന്‍ പ്രതിരോധ താരം എറിക് ഗാര്‍സിയയും തമ്മിലുണ്ടായ ഏറ്റുമുട്ടലാണ് സംഘര്‍ഷത്തിന് വഴിവെച്ചത്. അധികസമയത്തിന്റെ 106-ാം മിനിറ്റില്‍ ഫെറാന്‍ ടോറസ് നേടിയ ഏകഗോളില്‍ സ്‌പെയിന്‍ 1-0ന് വിജയിച്ച് രണ്ടാമത് ലോകകപ്പ് കിരീടം സ്വന്തമാക്കിയതിന് പിന്നാലെയായിരുന്നു സംഭവം.

മത്സരത്തിന്റെ 90-ാം മിനിറ്റില്‍ സ്‌പെയിന്‍ താരം പൗ കുബാര്‍സിക്കെതിരായ കടുത്ത ടാക്കിളിന് അര്‍ജന്റീന മിഡ്ഫീല്‍ഡര്‍ എന്‍സോ ഫെര്‍ണാണ്ടസ് ചുവപ്പ് കാര്‍ഡ് കണ്ട് പുറത്തായിരുന്നു. ഇതിനൊപ്പം അര്‍ജന്റീനന്‍ താരങ്ങള്‍ക്ക് ലഭിച്ച ആറ് മഞ്ഞക്കാര്‍ഡുകളും മത്സരം തുടക്കം മുതല്‍ തന്നെ കടുത്ത പോരാട്ടമായിരുന്നുവെന്നതിന് തെളിവായി. അവസാന വിസില്‍ മുഴങ്ങിയതിന് പിന്നാലെ പാരഡെസ് എറിക് ഗാര്‍സിയയ്‌ക്ക് നേരെ പാഞ്ഞെത്തി കഴുത്തില്‍ കൈവച്ചതോടെ സ്പാനിഷ് താരം നിലത്തുവീണു.

A post shared by S2G® (@seat2go)

ഇതോടെ ഇരുടീമിലെയും താരങ്ങളും ബെഞ്ചിലുണ്ടായിരുന്ന പകരക്കാരും പരിശീലകസംഘാംഗങ്ങളും ഉള്‍പ്പെടെ രംഗത്തിറങ്ങി. ഏതാനും നിമിഷങ്ങള്‍ കളിക്കളം സംഘര്‍ഷഭരിതമായെങ്കിലും അധികൃതര്‍ ഇടപെട്ട് താരങ്ങളെ പിടിച്ചുമാറ്റുകയായിരുന്നു. മത്സരത്തിനിടെ ഫൗള്‍ നടത്തിയതിനും പാരഡെസിന് മഞ്ഞക്കാര്‍ഡ് ലഭിച്ചിരുന്നു. സംഘര്‍ഷത്തിനുശേഷം ഇരുടീമിലെയും ഭൂരിഭാഗം താരങ്ങളും പരസ്പരം ആശംസകള്‍ കൈമാറി.

സ്‌പെയിന്‍ താരങ്ങള്‍ ലയണല്‍ മെസിയെ അഭിനന്ദിച്ചപ്പോള്‍, അര്‍ജന്റീന പരിശീലകന്‍ ലയണല്‍ സ്‌കലോണിയും സ്‌പെയിന്‍ പരിശീലകന്‍ ലൂയിസ് ഡി ലാ ഫുവെന്റെയും മധ്യവൃത്തത്തില്‍ പരസ്പരം ആലിംഗനം ചെയ്ത് ആശംസകള്‍ പങ്കുവച്ചു. പരാജയത്തിന് ശേഷം പ്രതികരിച്ച സ്‌കലോണി, തോല്‍വി മാന്യമായി അംഗീകരിക്കുന്നതാണെന്ന് വ്യക്തമാക്കി.

‘വിജയത്തില്‍ എത്രമാത്രം മാന്യത പുലര്‍ത്തുന്നുവോ, തോല്‍വിയിലും അതേ മാന്യത വേണം. ഞങ്ങള്‍ പരാജയം അംഗീകരിക്കുന്നു. താരങ്ങള്‍ അവസാന നിമിഷം വരെ എല്ലാം നല്‍കി പോരാടി. ഇത്തരമൊരു പോരാട്ടവീര്യം രാജ്യത്തിനാകെ മാതൃകയാണ്. തോല്‍വി ജീവിതത്തിന്റെ ഭാഗമാണ്; വീണ്ടും ഉയിര്‍ത്തെഴുന്നേല്‍ക്കണം,’ സ്‌കലോണി പറഞ്ഞു.

ദുബൈ| പ്രാദേശികമായ ഭൗമരാഷ്ട്രീയ സംഘർഷങ്ങൾ നിലനിൽക്കുമ്പോഴും 2026-ന്റെ ആദ്യ പകുതിയിൽ ദുബൈയിലെ റസിഡൻഷ്യൽ പ്രോപ്പർട്ടി വിപണിയിൽ വൻ മുന്നേറ്റം. ഇന്ത്യൻ, ബ്രിട്ടീഷ് പ്രവാസികളുടെ ശക്തമായ പങ്കാളിത്തത്തോടെ ആദ്യ ആറ് മാസത്തിനുള്ളിൽ ദുബൈയിലെ ഭവന വിപണിയിലെ ഇടപാടുകൾ 225.7 ബില്യൺ ദിർഹത്തിൽ എത്തിയതായി പ്രമുഖ കൺസൾട്ടൻസിയായ അനാറോക്ക് പുറത്തുവിട്ട റിപ്പോർട്ടിൽ വ്യക്തമാക്കുന്നു.

വിപണിയിലെ നിക്ഷേപകരിൽ 22 ശതമാനം ഓഹരിയുമായി ഇന്ത്യക്കാരാണ് ഏറ്റവും മുന്നിൽ. 17 ശതമാനവുമായി ബ്രിട്ടീഷ് നിക്ഷേപകരും 14 ശതമാനവുമായി ചൈനീസ് നിക്ഷേപകരും തൊട്ടുപിന്നിലുണ്ട്. മുൻവർഷം 150-ലധികം രാജ്യങ്ങളിൽ നിന്നുള്ള ബയർമാരാണ് ദുബൈയിൽ നിക്ഷേപം നടത്തിയത്. അമേരിക്ക-ഇറാൻ പ്രാദേശിക സംഘർഷത്തിന്റെ സമയത്ത് വിപണിയിൽ നേരിയ മന്ദഗതി ദൃശ്യമായെങ്കിലും, വാങ്ങലുകാരുടെ ആത്മവിശ്വാസം അതിവേഗം തിരിച്ചുവന്നതോടെ റിയൽ എസ്റ്റേറ്റ് മേഖല ശക്തമായ പ്രതിരോധശേഷി പ്രകടിപ്പിച്ചു.

2026-ന്റെ ആദ്യ പകുതിയിൽ റസിഡൻഷ്യൽ പ്രോപ്പർട്ടികളുടെ ശരാശരി വില ചതുരശ്ര അടിക്ക് 1,900 ദിർഹമായി ഉയർന്നു. കഴിഞ്ഞ വർഷം ഇതേ കാലയളവിൽ ഇത് 1,800 ദിർഹമായിരുന്നു (ആറ് ശതമാനം വർധനവ്). മാർച്ച്, ഏപ്രിൽ മാസങ്ങളിലുണ്ടായ വിലയിലെ ചെറിയ വ്യത്യാസങ്ങൾ താത്കാലിക പ്രതിഫലനങ്ങൾ മാത്രമായിരുന്നെന്നും വിപണിയുടെ ഘടനയെ അത് ബാധിച്ചിട്ടില്ലെന്നും അനാറോക്ക് മിഡിൽ ഈസ്റ്റ് റസിഡൻഷ്യൽ സി ഇ ഒ ആയുഷ് പുരി വ്യക്തമാക്കി. ഈ കാലയളവിൽ നടന്ന ഇടപാടുകളിൽ 70 മുതൽ 77 ശതമാനം വരെ ഓഫ്-പ്ലാൻ (നിർമാണത്തിലിരിക്കുന്ന) പ്രോപ്പർട്ടികളായിരുന്നുവെന്നത് നിക്ഷേപകർക്ക് ദുബൈ വിപണിയിലുള്ള വിശ്വാസത്തെ അടിവരയിടുന്നു.

മുൻവർഷത്തെ കണക്കുകൾ പ്രകാരം പ്രതിദിനം ശരാശരി 470 പുതിയ താമസക്കാരാണ് ദുബൈയിലേക്ക് എത്തിയത്. ഇതോടെ മൊത്തം ജനസംഖ്യ 4.03 മില്യൺ കടന്നിരുന്നു. കഴിഞ്ഞ വർഷം മാത്രം 1,29,600 പുതിയ നിക്ഷേപകരാണ് വിപണിയിലേക്ക് എത്തിയത്. നിക്ഷേപകരിൽ 38 ശതമാനം പേർ സ്വന്തം താമസത്തിനായും 28 ശതമാനം പേർ വാടക വരുമാനത്തിനായും പ്രോപ്പർട്ടികൾ വാങ്ങിയപ്പോൾ, 21 ശതമാനം പേർ യു എ ഇ ഗോൾഡൻ വിസക്ക് യോഗ്യത നേടുന്നതിനായാണ് നിക്ഷേപം നടത്തിയത്. വരും മാസങ്ങളിലും വിപണിയിൽ നാല് മുതൽ ഏഴ് ശതമാനം വരെ വിലവർധനവ് അനാറോക്ക് പ്രവചിക്കുന്നുണ്ട്.

Content Highlights:
Dubai residential property transactions reached 225.7 billion AED in H1 2026 despite geopolitical tensions. Indian buyers led the market with a 22 percent share, followed by British and Chinese investors. Demand for off-plan properties and Golden Visa qualifications drove strong price growth.

തിരുവനന്തപുരം: കെഎസ്‌യു സംസ്ഥാന പ്രസിഡന്റ് അലോഷ്യസ് സേവ്യറുമായി കൂടിക്കാഴ്ച നടത്താൻ മുഖ്യമന്ത്രി വി.ഡി. സതീശൻ സമയം അനുവദിച്ചു. തിങ്കളാഴ്ചയോ ചൊവ്വാഴ്ചയോ തിരുവനന്തപുരത്തെ മുഖ്യമന്ത്രിയുടെ ഓഫീസിൽ വച്ചാണ് കൂടിക്കാഴ്ച നടക്കുക.

സർക്കാർ പ്ലീഡർമാരുടെ നിയമനവുമായി ബന്ധപ്പെട്ട് കെഎസ്‌യു ഉയർത്തിയ പ്രതിഷേധത്തെ തുടർന്നാണ് കോൺഗ്രസിനുള്ളിൽ വിവാദം ശക്തമായത്. ഇതിന് പിന്നാലെ കെപിസിസി നേതൃത്വം വിഷയത്തിൽ നേരിട്ട് ഇടപെട്ടതായാണ് വിവരം.

പാർട്ടിക്കുള്ളിലെ അഭിപ്രായവ്യത്യാസങ്ങൾ കൂടുതൽ രൂക്ഷമാകാതിരിക്കാൻ വിഷയത്തിൽ പരസ്യപ്രതികരണങ്ങൾ ഒഴിവാക്കണമെന്ന് കെപിസിസി നേതൃത്വം പ്രവർത്തകർക്ക് നിർദേശം നൽകിയിരുന്നു. പാർട്ടി വക്താക്കൾ ഔദ്യോഗിക മാർഗനിർദേശങ്ങൾ പാലിക്കണമെന്നും നേതൃത്വം ആവശ്യപ്പെട്ടു.

വിമർശനങ്ങൾ പൊതുവേദികളിലല്ല, പാർട്ടിക്കുള്ളിൽ മാത്രം ഉന്നയിക്കണമെന്നും നിലവിലുള്ള പ്രശ്നങ്ങൾ പരിഹരിക്കാൻ നേതൃത്വം ഇടപെടുമെന്നും പ്രവർത്തകർക്ക് ഉറപ്പ് നൽകിയിരുന്നു. ഇതിന് പിന്നാലെയാണ് അലോഷ്യസ് സേവ്യറുമായി കൂടിക്കാഴ്ചയ്‌ക്ക് മുഖ്യമന്ത്രി സമയം അനുവദിച്ചത്.

പാലക്കാട്: മുലപ്പാൽ തൊണ്ടയിൽ കുടുങ്ങി നവജാത ശിശു മരിച്ചു. കാരാകുറുശ്ശി പള്ളിക്കുറുപ്പ് പുലാക്കൽ ഷെഫീഖ് ഹസീന ദമ്പതികളുടെ 56 ദിവസം പ്രായമായ ആൺകുട്ടിയാണ് മരിച്ചത്. പാൽ കൊടുത്ത് കിടന്നുറങ്ങിയ കുഞ്ഞ് അസ്വസ്ഥത പ്രകടിപ്പിച്ചതോടെ മണ്ണാർക്കാട് താലൂക്കാശുപത്രിയിലും പിന്നീട് പെരിന്തൽമണ്ണ സ്വകാര്യ ആശുപത്രിയിലും പ്രവേശിപ്പിച്ചെങ്കിലും ജീവൻ രക്ഷിക്കാനായില്ല. ഇരട്ടക്കുട്ടികളിൽ ഒരാളാണ് മരിച്ച ആൺകുട്ടി.

മുംബൈ| പശ്ചിമേഷ്യയിലെ സംഘര്‍ഷം നിക്ഷേപകരുടെ ആശങ്ക കൂട്ടുന്ന സാഹചര്യാണ് സൃഷ്ടിക്കുന്നത്. നിഫ്റ്റി 100 പോയിന്റിലേറെയും സെന്‍സെക്സ് 500 പോയിന്റിലേറെയും ഇടിവാണ് വ്യാപാരത്തിന്റെ തുടക്കത്തില്‍ തന്നെ രേഖപ്പെടുത്തിയത്. നിഫ്റ്റി മിഡ്ക്യാപ് 0.02 ശതമാനം താഴ്ന്നപ്പോള്‍ നിഫ്റ്റി സ്മോള്‍ക്യാപ് 0.09 ശതമാനം ഇടിഞ്ഞു. ബേങ്കിംഗ് ഓഹരികള്‍ക്കും കനത്ത നഷ്ടമാണ്.

നിഫ്റ്റി പ്രൈവറ്റ് ബേങ്ക് സൂചികയാണ് ഏറ്റവും കൂടുതല്‍ ഇടിവ് നേരിട്ടത്. നിഫ്റ്റി ഫിനാന്‍ഷ്യല്‍ സര്‍വീസസ്, നിഫ്റ്റി ബേങ്ക് എന്നിവയും നഷ്ടത്തിലാണ് വ്യാപാരം നടത്തിയത്.

നിഫ്റ്റി പിഎസ്യു ബേങ്ക് സൂചികയാണ് ഏറ്റവും കൂടുതല്‍ നേട്ടമുണ്ടാക്കിയത്. ബ്രെന്റ് ക്രൂഡ് വില ബാരലിന് 90 ഡോളര്‍ കടന്നു. ജൂലൈ ഫ്യൂച്ചേഴ്സ് കരാര്‍ ബാരലിന് 90.23 ഡോളര്‍ എന്ന നിലയില്‍ വ്യാപാരം നടത്തി.

Content Highlights: West Asia conflict triggers market anxiety causing Sensex and Nifty to fall steeply. Private banking and financial stocks faced major losses during early trading. Meanwhile Brent crude oil surpassed ninety dollars per barrel raising investor concerns.

ലഖ്നൗ: ജോലി കുറവായതിനാൽ ശമ്പളം പകുതിയാക്കുകയോ സ്ഥലം മാറ്റുകയോ ചെയ്യണമെന്ന ആവശ്യവുമായി ഐഎഎസ് ഉദ്യോഗസ്ഥൻ. ഉത്ത‍‍ർ പ്രദേശിലെ ഒറായ് സബ് ഡിവിഷണൽ മജിസ്ട്രേറ്റ് റിങ്കു സിങ് റാഹി ആണ് അഞ്ചു പേജുള്ള കത്തുമായി സ്റ്റേറ്റ് അപ്പോയ്ൻമെൻ്റ് ആൻ്റ് പേഴ്സണൽ ഡിപ്പാർട്ട്മെൻ്റിനെ സമീപിച്ചത്. തൻ്റെ ഭരണപരമായ പ്രവർത്തനങ്ങളിൽ ഉത്തർ പ്രദേശ് മന്ത്രി സ്വതന്ത്ര ദേവ് സിങ്ങും ബിജെപി എംഎൽഎ ഗൗരി ശങ്കർ വർമ്മയും ഇടപെടുന്നുണ്ടെന്നും കത്തിൽ ആരോപണമുണ്ട്. 2023 ബാച്ച് ഉത്തർ പ്രദേശിലെ കേഡറിലുള്ള ഐഎഎസ് ഉദ്യോഗസ്ഥനാണ് റിങ്കു സിങ് റാഹി.

ദിവസം നാല് മണിക്കൂ‍ർ മാത്രമേ ജോലി ഉള്ളൂ എന്നും തൽസ്ഥാനത്ത് തുടരുകയാണെങ്കിൽ ശമ്പളം പകുതിയാക്കി നൽകണമെന്നുമാണ് റിങ്കു സിങ് റാഹിയുടെ ആവശ്യം. ജലൗൺ സബ് ഡിവിഷണൽ മജിസ്ട്രേറ്റായിരിക്കെ അനധികൃത കൈയേറ്റങ്ങൾക്കെതിരെ നടപടിയെടുക്കരുതെന്ന് ഗൗരി ശങ്കർ വർമ്മ എംഎൽഎയുടെ സാന്നിധ്യത്തിൽ ജില്ലാ മജിസ്ട്രേറ്റ് നി‍ർദേശിച്ചുവെന്നാണ് റിങ്കു സിങ് റാഹിയുടെ ആരോപണം. മന്ത്രി സ്വതന്ത്ര ദേവ് സിങ്ങിൻ്റെ പേരുൾപ്പെട്ട അനധികൃത കൈയേറ്റങ്ങളിലുള്ള അന്വേഷണം തടയാൻ ​ഗൂഢാലോചന നടന്നുവെന്നാണ് ആരോപണം.

ജലൗണിലെ മറ്റൊരു തഹസിലിൽ നിയമിക്കുകയോ മറ്റൊരു ജില്ലയിലേക്കോ സ്ഥലം മാറ്റുകയോ ചെയ്യണമെന്ന് റിങ്കു സിങ് റാഹി കത്തിൽ ആവശ്യപ്പെട്ടു. ഉത്ത‍ർ പ്രദേശിൽ അത്തരമൊരു മാറ്റം സാധ്യമല്ലെങ്കിൽ മറ്റൊരു സംസ്ഥാനത്തേക്ക് ഡെപ്യൂട്ടേഷന് പോകാൻ ശ്രമിക്കുമെന്നും റിങ്കു സിങ്ക് റാഹി കത്തിൽ പറഞ്ഞു.

ജലൗണിൽ മജിസ്ട്രേറ്റായി പ്രവ‍ർത്തിക്കവെ കഴിഞ്ഞ മാസം 23ന് റിങ്കു സിങ് റാ​​ഹി, ബിജെപി നേതാവും ബ്ലോക്ക് പ്രമുഖുമായ രാംരാജ നിരജ്ഞനുമായി ത‍ർക്കമുണ്ടായിരുന്നു. ലഖ്നൗവിലെ തീപിടിത്തിൻ്റെ പശ്ചാത്തലത്തിൽ രാംരാജ നിരജ്ഞൻ്റെ ഉടമസ്ഥതയിലുള്ള കോൾഡ് സ്റ്റോറേജിൽ പരിശോധനയ്ക്ക് എത്തിയതിനിടെ വീഡിയോ ചിത്രീകരിക്കാൻ രാംരാജ നിരജ്ഞൻ ശ്രമിച്ചപ്പോൾ റിങ്കു സിങ് റാഹി മൊബൈൽ തട്ടിമാറ്റുകയും അയാളെ തള്ളിമാറ്റുകയും ചെയ്തിരുന്നു. ഇതേ തുട‍ർന്നാണ് റിങ്കു സിങ് റാഹിയെ ജലൗണിൽനിന്ന് ഒറായിലേക്ക് സ്ഥലം മാറ്റിയത്. മന്ത്രി സ്വതന്ത്ര ദേവ് സിങ്ങിൻ്റെ അടുത്ത ബന്ധുവായിരുന്നു രാംരാജ നിരജ്ഞൻ. കോൾഡ് സ്റ്റോറേജിൽ നടത്തിയ മോക്ക് ഡ്രില്ലിൽ അ​ഗ്നിശന സംവിധാനങ്ങൾ ഇല്ലെന്നും ആവശ്യമായ രേഖകളില്ലെന്നും കണ്ടെത്തിയിരുന്നു.

പാർലമെന്റ് മൺസൂൺ സമ്മേളനം; ഇരു സഭകളും സ്തംഭിപ്പിച്ച് പ്രതിപക്ഷം, സമ്മേളനത്തിന്റെ ആദ്യ ദിനംതന്നെ അലങ്കോലപ്പെടുത്താനാണ് പ്രതിപക്ഷ ശ്രമമെന്ന് ലോക്സഭ സ്പീക്കർ Parliament monsoon session | NDA | Congress | FCRA

ലഖ്നൗ: ഭർത്താവിനെ പാമ്പിനെക്കൊണ്ട് കടിപ്പിച്ച് കൊലപ്പെടുത്തിയ കേസിലെ പ്രതിക്ക് ജയിലിൽ കാമുകനെ കാണണമെന്ന് ആവശ്യം. മീററ്റ് സ്വദേശിയായ അതുൽ പവാറി(32)നെ കൊലപ്പെടുത്തിയ കേസിൽ റിമാൻഡിലായ ഭാര്യ ദാമിനി പവാർ(30) ആണ് തൊട്ടടുത്ത പുരുഷന്മാരുടെ ജയിലിൽ കഴിയുന്ന കാമുകൻ തുഷാർ കുമാറിനെ കാണാൻ സൗകര്യമൊരുക്കണമെന്ന് ആവശ്യപ്പെട്ടത്. ജയിലിലെത്തിയ ആദ്യദിവസം മുഴുവൻ ദാമിനി പവാർ കരയുകയായിരുന്നുവെന്നും ജയിൽ അധികൃതരെ ഉദ്ധരിച്ച് ദേശീയ മാധ്യമങ്ങൾ റിപ്പോർട്ട് ചെയ്തു.

ജയിലിൽ എത്തിച്ചത് മുതൽ ദാമിനി പവാർ കരയുകയായിരുന്നു. സഹതടവുകാരോട് അല്പനേരം മാത്രമാണ് സംസാരിച്ചത്. കുടുംബത്തെയും മക്കളെയും ആലോചിച്ച് പലതവണ വിങ്ങിപ്പൊട്ടി. ഇതിനിടൊണ് കാമുകനെ കാണാനുള്ള സൗകര്യമൊരുക്കണമെന്ന് ആവശ്യപ്പെട്ടത്. എന്നാൽ, ജയിൽ നിയമത്തിന് വിരുദ്ധമായതിനാൽ ഈ ആവശ്യം അം​ഗീകരിച്ചില്ലെന്നും ജയിൽ അധികൃതർ പറഞ്ഞതായാണ് റിപ്പോർട്ട്. അതിനിടെ, മീററ്റിലെ കുപ്രസിദ്ധമായ നീലവീപ്പ കൊലക്കേസിലെ പ്രതി മസ്കൻ റാസ്ത്തോ​ഗിയും ദാമിനി പവാറും മീററ്റ് ജയിലിൽ ഒരേഭാ​ഗത്താണ് കഴിയുകയെന്നാണ് സൂചന.

കഴിഞ്ഞ വെള്ളിയാഴ്ച രാവിലെയാണ് അതുലിനെ വീട്ടിലെ കിടപ്പുമുറിയിൽ പാമ്പ് കടിയേറ്റ് മരിച്ചനിലയിൽ കണ്ടെത്തിയത്. രാവിലെ എഴുന്നേറ്റപ്പോൾ അതുലിനെ അബോധാവസ്ഥയിലാണ് കണ്ടതെന്നായിരുന്നു ഭാര്യയുടെ മൊഴി. ഈ സമയം കട്ടിലിൽ ഒരു പാമ്പിനെയും കണ്ടെന്നും ഭാര്യ പറഞ്ഞിരുന്നു. പാമ്പിനെ കണ്ട് ഭാര്യ നിലവിളിച്ചു. ഇതോടെ അയൽക്കാർ ഓടിയെത്തി. അതുലിനെ ആശുപത്രിയിലേക്ക് കൊണ്ടുപോയി. പാമ്പിനെ പിന്നീട് അടിച്ചുകൊല്ലുകയുംചെയ്തു.

അതുലിന്റെ വലതുകാലിലാണ് പാമ്പിന്റെ കടിയേറ്റിരുന്നത്. ആശുപത്രിയിൽ എത്തിക്കും മുൻപേ മരണം സംഭവിച്ചിരുന്നു. അതേസമയം, മരണത്തിൽ സംശയമുണ്ടെന്ന് അതുലിന്റെ കുടുംബം പൊലീസിനെ അറിയിച്ചു. ദാമിനിയുടെ മൊഴി വിശ്വസനീയമല്ലെന്നായിരുന്നു ഇവരുടെ നിലപാട്. ഇതോടെയാണ് പൊലീസ് ദാമിനിയെ വിശദമായി ചോദ്യംചെയ്തത്. പൊലീസിന്റെ ചോദ്യംചെയ്യലിൽ ദാമിനി കുറ്റം സമ്മതിക്കുകയായിരുന്നു.

ഭർത്താവിന്റെ പേരിലുള്ള 20 ലക്ഷം രൂപയുടെ ഇൻഷുറൻസ് കൈക്കലാക്കി കാമുകനായ തുഷാറിനൊപ്പം ജീവിക്കാനാണ് തങ്ങൾ കൊലപാതകം ആസൂത്രണംചെയ്തതെന്നായിരുന്നു യുവതിയുടെ മൊഴി. ഭർത്താവിന് രാത്രി പാലിൽ ഉറക്ക​ഗുളിക കലർത്തി നൽകിയിരുന്നു. ഭർത്താവ് മയക്കത്തിലായതോടെയാണ് നേരത്തേ കൊണ്ടുവന്നിരുന്ന പാമ്പിനെ പുതപ്പിനുള്ളിലേക്ക് കടത്തിവിട്ടത്. ഈ സമയം താൻ കുഞ്ഞുമായി മുറിക്ക് പുറത്തിറങ്ങിയെന്നും യുവതി പൊലീസിനോട് പറഞ്ഞു.

ദാമിനിയും കൊല്ലപ്പെട്ട അതുലും ഏഴുവർഷം മുൻപ് പ്രണയിച്ച് വിവാഹിതരായവരാണ്. മൂന്നുമാസം മുൻപാണ് അതുൽ ഒരു പ്ലേസ്കൂൾ ആരംഭിച്ചത്. ഈ സ്കൂളിലെ വാഹനത്തിന്റെ ഡ്രൈവറാണ് തുഷാർ. തുടർന്നാണ് ദാമിനിയും തുഷാറും അടുപ്പത്തിലായതെന്നും പൊലീസ് പറഞ്ഞു.

പൊലീസ് ദാമിനിയുടെ മൊബൈൽഫോൺ പരിശോധിച്ചതോടെയാണ് തുഷാറുമായുള്ള അടുപ്പം വ്യക്തമായത്. ദാമിനിയുടെ ഫോണിൽനിന്ന് തുഷാറിന്റെ നമ്പറിലേക്ക് തുടർച്ചയായ കോളുകൾ പോയത് സംശയത്തിനിടയാക്കി. പിന്നാലെ തുഷാറിന്റെ മൊബൈൽഫോൺ പരിശോധിച്ചപ്പോൾ ഇയാളുടെ ഫോണിൽ പാമ്പിന്റെ ഫോട്ടോകളും കണ്ടെത്തി. ഇതോടെയാണ് രണ്ടുപേരെയും ഒരുമിച്ചിരുത്തി ചോദ്യംചെയ്തത്.

ദാമിനിയുടെ പ്രേരണയിൽ തുഷാറാണ് പാമ്പിനെ ഉപയോ​ഗിച്ചുള്ള കൊലപാതകം ആസൂത്രണംചെയ്തതെന്നാണ് പൊലീസ് പറയുന്നത്. തുടർന്ന് തുഷാറാണ് പാമ്പാട്ടികളിൽനിന്ന് പാമ്പിനെ വാങ്ങിയത്. അതുലിന്റെ പേരിലുള്ള ഇൻഷുറൻസ് തുക കൈക്കലാക്കിയശേഷം ദാമിനിക്കും തുഷാറിനും ഒരുമിച്ച് ജീവിക്കാനായിരുന്നു പദ്ധതി. ഇതിന് മുൻപായി തുഷാർ ഭാര്യയിൽനിന്ന് വിവാഹമോചനം നേടാനും പദ്ധതിയിട്ടിരുന്നു.

അതുൽ പവാറിന്റെ കൊലപാതകത്തിൽ മുഖ്യപ്രതികളായ ദാമിനി പവാർ, തുഷാർ കുമാർ എന്നിവർക്ക് പുറമേ ഇവർക്ക് പാമ്പിനെ നൽകിയ പാമ്പാട്ടികളായ രണ്ടുപേരെയും പൊലീസ് അറസ്റ്റ് ചെയ്തിരുന്നു. അതിനിടെ, അതുലിനെ കൊലപ്പെടുത്താൻ പ്രതികൾ നേരത്തെയും പദ്ധതിയിട്ടിരുന്നതായാണ് പൊലീസ് അന്വേഷണത്തിൽ കണ്ടെത്തിയത്. അതുലിനെ വാഹനമിടിപ്പിച്ച് കൊലപ്പെടുത്താനായിരുന്നു ആദ്യത്തെ പദ്ധതി. സംഭവം അപകടമരണമെന്ന് വരുത്തിതീർക്കാമെന്നും കരുതി. എന്നാൽ, ഇത് പരാജയപ്പെട്ടതോടെയാണ് പാമ്പിനെ ഉപയോ​ഗിച്ചുള്ള കൊലപാതകം പ്രതികൾ ആസൂത്രണംചെയ്തതെന്നും പൊലീസ് പറഞ്ഞു.

കളിക്കളവും ആരാധക ഹൃദയവും ഒരുപോലെ കീഴടക്കിയ സ്പെയിൻ; ഒറ്റമാലയിലെ മുത്തുകൾ പോലെ അച്ചടക്കത്തോടെയുള്ള പോരാട്ടം, ലോകകപ്പിലെ ആധികാരിക വിജയം Spain | Argentina | FIFA World Cup 2026 | Football | Sports News

ന്യൂയോർക്ക്: ലോകകപ്പ് 2026 ഫൈനൽ വേദിയിൽ സ്പെയിനിന് കിരീടം സമ്മാനിച്ചശേഷം വേദി വിടാന്‍ കൂട്ടാക്കാതെ അമേരിക്കൻ പ്രസിഡന്‍റ് ഡോണൾഡ് ട്രംപ്. അർജന്‍റീനയെ വീഴ്ത്തി ലോക ചാമ്പ്യൻമാരായ സ്പെയിൻ താരങ്ങൾക്കൊപ്പം ഫോട്ടോ ഫ്രെയിമിൽ തുടരാൻ ട്രംപ് ശ്രമിച്ചതാണ് വേദിയിൽ ആശയക്കുഴപ്പത്തിന് കാരണമായത്. ഒടുവിൽ ഫിഫ പ്രസിഡന്‍റ് ജിയാനി ഇൻഫാന്‍റീനോ നേരിട്ട് ഇടപെട്ടാണ് ട്രംപിനെ സ്റ്റേജിൽ നിന്ന് മാറ്റിനിർത്തിയത്.

സ്പെയിൻ നായകൻ റോഡ്രിക്ക് ജിയാനി ഇന്‍ഫാന്‍റിനോക്കൊപ്പം ചേര്‍ന്ന് ട്രോഫി കൈമാറിയതിന് ശേഷമായിരുന്നു നാടകീയ രംഗങ്ങൾ അരങ്ങേറിയത്. സാധാരണയായി ഔദ്യോഗിക അതിഥികൾ ട്രോഫി കൈമാറിയ ശേഷം ടീമുകള്‍ക്ക് കിരീടനേട്ടം ആഘോഷിക്കാനായി വേദിയിൽ നിന്നും മാറിനിൽക്കുകയാണ് പതിവ്. എന്നാൽ റോഡ്രിക്ക് ട്രോഫി നൽകിയ ശേഷം എല്ലാവര്‍ക്കും ഹസ്തദാനം നല്‍കി ട്രംപ് സ്പാനിഷ് താരങ്ങളുടെ തൊട്ടടുത്തുതന്നെ നിൽക്കുകയായിരുന്നു.

താരങ്ങൾക്കൊപ്പം ട്രംപ് തുടരുന്നത് കിരീടം ഉയർത്തിയുള്ള ടീമിന്‍റെ ആഘോഷ ചിത്രത്തിന് തടസ്സമാകുമെന്ന് കണ്ടതോടെ സ്പെയിൻ ക്യാപ്റ്റൻ റോഡ്രി അൽപം അസ്വസ്ഥനായി. ട്രംപിനോട് മാറിനിൽക്കാൻ അദ്ദേഹം ആംഗ്യം കാണിക്കുകയും ചെറുതായി തള്ളിനീക്കാൻ ശ്രമിക്കുകയും ചെയ്തു. എന്നിട്ടും ട്രംപ് അനങ്ങാൻ കൂട്ടാക്കിയില്ല. തുടർന്ന് സ്ഥിതി കൂടുതൽ വഷളാകാതിരിക്കാൻ ഫിഫ പ്രസിഡന്‍റ് ജിയാനി ഇൻഫാന്‍റിനോ തന്നെ നേരിട്ട് രംഗത്തിറങ്ങി. ട്രംപിന്‍റെ കൈയിൽ പിടിച്ച് അദ്ദേഹം വേദിയുടെ ഒരു കോണിലേക്ക് മാറ്റിനിർത്തുകയായിരുന്നു. എന്നാൽ അപ്പോഴും സ്റ്റേജിന് പുറത്തു പോകാൻ തയ്യാറാകാതെ, ഏറ്റവും അവസാനത്തെ സ്പാനിഷ് താരത്തിന്‍റെ തൊട്ടടുത്തുതന്നെ ട്രംപ് നിലയുറപ്പിച്ചു.

President Donald J. Trump presents the World Cup Trophy to Spain, the 2026 @FIFAWorldCup Champions! pic.twitter.com/SHsoBhYm1b

— The White House (@WhiteHouse) July 19, 2026

സമ്മാനദാന ചടങ്ങിനായി ഡോണൾഡ് ട്രംപും ഫിഫ മേധാവി ഇൻഫാന്‍റിനോയും മൈതാനത്തേക്ക് പ്രവേശിച്ചപ്പോൾ തന്നെ സ്റ്റേഡിയത്തിൽ തടിച്ചുകൂടിയ 80,000-ത്തോളം വരുന്ന കാണികൾ ശക്തമായ കൂവലോടെയാണ് എതിരേറ്റത്. മത്സരത്തിലുടനീളം വി.ഐ.പി ബോക്സിൽ ഇൻഫാന്‍റിനോയ്ക്കും പ്രഥമ വനിത മെലാനിയ ട്രംപിനുമൊപ്പമാണ് ട്രംപ് കളി കണ്ടത്. ഇതിനിടെ, മത്സരശേഷം സോഷ്യൽ മീഡിയയിൽ പ്രചരിച്ച മറ്റൊരു വീഡിയോയും വൻ ചർച്ചയായിട്ടുണ്ട്. 

Trump just refusing to leave when they’re lifting the trophy.Infantino desperately trying to get him to move.Circus. pic.twitter.com/JABUGKUWXm

— Out of Context Football Manager (@nocontextfm1) July 19, 2026

അർജന്‍റീനയുടെ പ്രതിരോധ താരം ക്രിസ്റ്റ്യൻ റൊമേറോ ട്രംപിന് കൈ കൊടുക്കാൻ കൂട്ടാക്കാതെ ഒഴിഞ്ഞുമാറിയ ദൃശ്യങ്ങൾ ഇതിനോടകം വൈറലായിക്കഴിഞ്ഞു. കഴിഞ്ഞ വർഷം മെറ്റ്‌ലൈഫ് സ്റ്റേഡിയത്തിൽ നടന്ന ഫിഫ ക്ലബ് ലോകകപ്പ് ഫൈനലിൽ ചെൽസി കിരീടം നേടിയശേഷം കിരീടം കൈമാറിയ ട്രംപ് സമാനമായ രീതിയിൽ സ്റ്റേജിൽ നിന്ന് മാറാതെ ആശയക്കുഴപ്പം സൃഷ്ടിച്ചിരുന്നു. ഇതാണിപ്പോള്‍ ലോകകപ്പ് സമ്മാനദാനച്ചടങ്ങിലും ആവർത്തിക്കപ്പെട്ടിരിക്കുന്നത്.

el cuti romero le negó el saludo a donald trump. pic.twitter.com/bAJhC7Eo3R

— make argentina gay again (@makearggayagain) July 19, 2026

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക

അഗർത്തല: ത്രിപുര ഡിജിപി അനുരാഗ് ധങ്കർ മരിച്ച നിലയിൽ. അഗർത്തലയിലെ പൊലീസ് ആസ്ഥാനത്താണ് മരിച്ച നിലയിൽ കണ്ടെത്തിയത്. ജീവനൊടുക്കിയതാണെന്നാണ് പ്രാഥമിക നിഗമനം. 1994 ബാച്ച് ഐപിഎസ് ഓഫീസറാണ് അനുരാഗ് ധങ്കർ. മൂന്ന് പതിറ്റാണ്ടായി അദ്ദേഹം സർവീസിലുണ്ട്. കഴിഞ്ഞ വർഷം മെയിലാണ് ത്രിപുരയുടെ പൊലീസ് മേധാവിയായത്.

വെടിയേറ്റാണ് ഡിജിപിയുടെ മരണമെന്ന് പ്രാദേശിക മാധ്യമങ്ങൾ റിപ്പോർട്ട് ചെയ്തു. സർവീസ് റിവോൾവർ ഉപയോഗിച്ച് ഡിജിപി സ്വയം വെടിവച്ചതാണെന്നാണ് പൊലീസിന്‍റെ പ്രാഥമിക നിഗമനം. ഉടനെ അദ്ദേഹത്തെ ഗോവിന്ദ് വല്ലഭ് പന്ത് ആശുപത്രിയിൽ എത്തിച്ചെങ്കിലും അപ്പോഴേക്കും മരണം സംഭവിച്ചിരുന്നു. പൊലീസ് സംഘം സംഭവ സ്ഥലത്ത് അന്വേഷണം തുടങ്ങി. 

1995 മുതൽ 2003 വരെ ത്രിപുരയിൽ സേവനം അനുഷ്ഠിച്ച അനുരാഗ് ധങ്കർ പിന്നീട് ഒരു വർഷക്കാലം കൊസവോ യുഎൻ മിഷന്‍റെ ഭാഗമായി. അതിനു ശേഷം കേന്ദ്ര ഡെപ്യൂട്ടേഷനിൽ സിബിഐയിലും സിഐഎസ്എഫിലും പ്രവർത്തിച്ചിട്ടുണ്ട്. പിന്നീട് ത്രിപുരയിൽ തന്നെ തിരിച്ചെത്തി. മുഖ്യമന്ത്രി മണിക് സാഹ ഉൾപ്പെടെയുള്ളവർ പൊലീസ് ആസ്ഥാനത്ത് എത്തിയിട്ടുണ്ട്. ഇതുവരെ ഡിജിപിയുടെ മരണ കാരണം സംബന്ധിച്ച് ഔദ്യോഗിക പ്രതികരണം വന്നിട്ടില്ല.

(ആത്മഹത്യ ഒരു പ്രശ്നത്തിനും പരിഹാരമല്ല. പ്രതിസന്ധികൾ അത്തരം തോന്നൽ ഉണ്ടാക്കിയാൽ കൗൺസലിംഗ് പിന്തുണക്കായി ഈ നമ്പറുകളിൽ വിളിക്കാം 1056, 0471- 2552056)

സുധാകരൻ്റെ മക്കൾക്ക് ചെന്താമര ഭീഷണി, പ്രതിക്ക് മാനസാന്തരത്തിന് സാധ്യത ഇല്ലെന്നും കോടതി; പഴുതടച്ച അന്വേഷണത്തിനൊടുവിൽ ചെന്താമരയ്ക്ക് തൂക്കുകയർ Nenmara double murder case | Chenthamara | Palakkad | Kerala Police

കൊടുംക്രൂരതയ്ക്ക് പരമാവധി ശിക്ഷ; ചെന്താമരയ്ക്ക് വിധിച്ച 20 ലക്ഷം രൂപ പിഴ കുട്ടികളുടെ പുനരധിവാസത്തിന് ഉപയോഗിക്കണമെന്ന് കോടതി Nenmara double murder case | Chenthamara | Palakkad | Kerala Police

ദേശാഭിമാനി വാരാന്ത പതിപ്പ് വിവാദം; എഡിറ്റർ കെ.ആർ അജയന് കാരണം കാണിക്കൽ നോട്ടീസ്; ഇന്ന് നാല് മണിക്ക് മുൻപേ വിശദീകരണം നൽകണം Deshabimani | CPM | VS Achuthanandan | KR Ajayan

ദില്ലി: ദില്ലിയിൽ സിജെപിയുടെ നേതൃത്വത്തിൽ നടക്കുന്ന സമരം ശക്തമാകുന്നു. സമരം ശക്തമായതോടെ തലസ്ഥാന ന​ഗരത്തിൽ സംഘർഷമുണ്ടായി. ജന്തർ മന്തറിൽ വീണ്ടും സംഘർഷമുണ്ടാകുകയും സമരക്കാർ പാർലമെന്റിലേക്ക് നീങ്ങാൻ ശ്രമിക്കുകയും ചെയ്തു. എന്നാൽ, ബാരിക്കേഡ് ഉപയോ​ഗിച്ച് പൊലീസ് സമരക്കാരുടെ നീക്കം തടഞ്ഞു. അഭിജിത് ദീപ്കെയുടെ നേതൃത്വത്തിലാണ് മാർച്ച്. പൊലീസ് ലാത്തിച്ചാർജ് നടത്തുകയും ടിയർ ഗ്യാസ് പ്രയോഗിക്കുകയും ചെയ്തു. പാർലമെൻറ് മന്ദിരത്തിനടുത്തും പൊലീസ് കണ്ണീർവാതകം പ്രയോഗിച്ചു. പ്രസ് ക്ലബ് പരിസരത്ത് സംഘർഷവസ്ഥയുണ്ടായതിനെ തുടര്‍ന്ന് പൊലീസ് ലാത്തിചാർജ് നടത്തി. 

പാർലമെൻറ് ഗേറ്റുകൾ അടച്ച് സുരക്ഷ കൂട്ടി. സമരം കടുത്തതോടെ ദില്ലിയിൽ കടുത്ത ജാഗ്രത നിർദേശം നൽകി. മെട്രോ സ്റ്റേഷനുകളിലും പ്രതിഷേധവുമായി സി ജെ പി പ്രവർത്തകൾ എത്തിയതോടെ മെട്രോ സ്റ്റേഷനുകൾ അടച്ചു. സമരം കടുത്തതോടെ പാർലമെൻ്റിൽ വിദ്യാഭ്യാസമന്ത്രി ധർമ്മേന്ദ്ര പ്രധാൻ അമിത്ഷായെ കാണുന്നതായി റിപ്പോർട്ടുകൾ. ധർമ്മേന്ദ്ര പ്രധാൻ രാജിവെക്കണമെന്നായിരുന്നു സമരക്കാരുടെ ആവശ്യം. പാര്‍ലമെന്‍റിലും വിഷയത്തില്‍ പ്രതിഷേധവുമായി പ്രതിപക്ഷം രംഗത്തെത്തി. വിദ്യാഭ്യാസ മന്ത്രി രാജിവെക്കണമെന്നാണ് പ്രതിപക്ഷത്തിന്‍റെ ആവശ്യം. പ്രതിപക്ഷ ബഹളം കൂടുതൽ ശക്തമായതോടെ ലോക്സഭ 2.30 വരെ നിർത്തി വച്ചു. ഇരുസഭകളും ഇന്ന് നാലിലേറെ തവണ നിര്‍ത്തിവെച്ചു. 

ജെപി നഡ്ഡയുമായുള്ള ചർച്ചയിൽ ആവശ്യങ്ങൾ അടങ്ങിയ കത്ത് നൽകിയെന്ന് സിജെപി. സർക്കാരിനുള്ളിൽ വിഷയം ചർച്ച ചെയ്യണമെന്ന് നഡ്ഡ അറിയിച്ചതായി വക്താവ് സൗരവ് ദാസ് അറിയിച്ചു. ദീപ്കയെ പൊലീസ് കസ്റ്റഡിയിൽ എടുത്തെന്നും അദ്ദേഹം പറഞ്ഞു.

ഡോ. റാം പിടിയിലായത് കുടകിൽ നിന്ന്; പ്രതിയെ ഇന്ന് ഉച്ചയ്ക്കുശേഷം കോടതിയിൽ ഹാജരാക്കും, ക്രൈം ബ്രാഞ്ച് പ്രാഥമിക ചോദ്യംചെയ്യൽ നടത്തിയെന്ന് റിപ്പോർട്ട് Dr. MK Ram | Nithin Raj Death case | Crime Branch | Kerala Police | Ancharakandi Dental College

ഇ പോസ് മെഷീൻ പ്രവർത്തനരഹിതം; പലയിടത്തും പ്രശ്നം, സംസ്ഥാനത്ത് റേഷൻ കടകളുടെ പ്രവർത്തനം സ്തംഭിച്ചു Ration Shop | EPOS Machine | Kerala Civil Supplies

തിരുവനന്തപുരം| കണ്ണൂര്‍ അഞ്ചരക്കണ്ടി മെഡിക്കല്‍ കോളജ് വിദ്യാര്‍ഥി നിതിന്‍ രാജിന്റെ മരണത്തില്‍ തുടരന്വേഷണത്തിന് ആഭ്യന്തരമന്ത്രി രമേശ് ചെന്നിത്തല നിര്‍ദേശം. നിതിന്റെ പിതാവ് രാജന്‍ നല്‍കിയ പരാതിയുടെ അടിസ്ഥാനത്തിലാണ് നടപടി. ക്രൈംബ്രാഞ്ച് ഐജി അജിതാ ബീഗത്തിന്റെ നേതൃത്വത്തിലുള്ള പ്രത്യേക സംഘമാകും കേസില്‍ തുടരന്വേഷണം നടത്തുക.

നിതിന്റെ മരണം ആത്മഹത്യയല്ല, കൊലപാതകമാണെന്ന് പിതാവ് ആരോപിച്ചു. കേസിലെ മുഴുവന്‍ പ്രതികളെയും നിയമത്തിന് മുന്നിലെത്തിക്കണമെന്നും അദ്ദേഹം ആവശ്യപ്പെട്ടു. കേസിലെ മുഖ്യപ്രതി റാമിന്റെ അറസ്റ്റിലും പിതാവ് പ്രതികരിച്ചു. അറസ്റ്റ് ആശ്വാസകരമായ കാര്യമാണെന്നും സന്തോഷത്തോടെ സ്വീകരിക്കുന്നുവെന്നും നിതിന്റെ പിതാവ് പറഞ്ഞു. മറ്റ് പ്രതികള്‍ക്കും ബന്ധപ്പെട്ട അധ്യാപകര്‍ക്കുമെതിരെ നടപടിയെടുക്കണമെന്നും പിതാവ് ആവശ്യപ്പെട്ടു. കര്‍ണാടകയിലെ കുടകില്‍ ഒളിവില്‍ കഴിഞ്ഞിരുന്ന റാമിനെ ഞായറാഴ്ചയാണ് പോലീസ് പിടികൂടിയത്.

Content Highlights:
Home Minister orders a Crime Branch reinvestigation into the death of Kannur Medical College student Nithin Raj under IG Ajitha Begum. The move comes after Nithin’s father alleged murder and demanded action against all accused. Prime accused Ram was recently arrested from Coorg, Karnataka.

ജൂലായ് 13 മുതൽ 19 വരെയുള്ള ആഴ്ച്ചയിലെ ഫാസ്റ്റ്5, ഈസി6, മെഗാ7, വൈൽഡ്5 വിജയിച്ച നമ്പറുകൾ എമിറേറ്റ്സ് ഡ്രോ പ്രഖ്യാപിച്ചു. മൊത്തം 34,703 പേരാണ് വിജയിച്ചത്. മൊത്തം സമ്മാനത്തുക 55,748 ഡോളർ. വിജയികളുടെ വിവരങ്ങൾ ചുവടെ.

17 ജൂലൈ 2026 - ഈസി6

ഈസി6 ഗെയിമിൽ മൊത്തം 663 പേരാണ് വിജയികളായത്. സമ്മാനത്തുകയായി ഇവർ നേടിയത് 4619 ഡോളറാണ്.

വിജയിച്ച നമ്പറുകൾ - 21, 17, 6, 16, 13, 8

16 ജൂലൈ 2026 - ഫാസ്റ്റ്5

ഫാസ്റ്റ്5 വിജയികളുടെ എണ്ണം 20 ആണ്. മൊത്തം സമ്മാനത്തുക 202 ഡോളർ.

വിജയിച്ച നമ്പറുകൾ - 35, 28, 36, 19, 1

19 ജൂലൈ 2026 - മെഗാ7

മെഗാ7 മത്സരത്തിൽ 835 പേർ വിജയിച്ചു. മൊത്തം സമ്മാനത്തുക 5,270 ഡോളർ.

വിജയിച്ച നമ്പറുകൾ - 21, 23, 7, 13, 1, 2, 6

18 ജൂലൈ 2026 - വൈൽഡ്5

വിജയിച്ച നമ്പറുകൾ - 37, 3, 17, 43, 21 0

സ്ക്രാച്ച് കാർഡുകൾ

മൊത്തം വിജയികൾ - 33,052

മൊത്തം സമ്മാനത്തുക - 35,284 ഡോളർ.

നെന്മാറ ഇരട്ടക്കൊലയിലെ വിധി നിമിഷങ്ങൾക്കകം; ചെന്താമരയെ കോടതിയിൽ എത്തിച്ചു, പ്രതിക്ക് മാനസാന്തരമുണ്ടായോ? Nenmara double murder case | Chenthamara | Palakkad | Kerala Police

കൊച്ചി|സംസ്ഥാനത്ത് ഇന്ന് സ്വര്‍ണവിലയില്‍ നേരിയ വര്‍ധന. ഗ്രാമിന് 15 രൂപ ഉയര്‍ന്ന് 13,150 രൂപയായി. പവന്‍ വിലയില്‍ 120 രൂപയുടെ വര്‍ധനയുണ്ടായി(Today’s Gold Rate). പവന് 1,05,200 രൂപയാണ് വില. രാജ്യാന്തര വിപണിയിലും സ്വര്‍ണത്തിന് നേരിയ വില വര്‍ധനയുണ്ടായി. ഔണ്‍സിന് 4,000 ഡോളറിന് മുകളിലാണ് രാജ്യാന്തര വിപണിയില്‍ സ്വര്‍ണത്തിന്റെ വ്യാപാരം.

രാജ്യാന്തര വിപണിയില്‍ 16 ഡോളറിന്റെ ഉയര്‍ച്ചയാണ് സ്വര്‍ണത്തിനുണ്ടായത്. 4020 ഡോളറിലാണ് വ്യാപാരം. 0.42 ശതമാനത്തിന്റെ നേട്ടമാണ് സ്വര്‍ണത്തിന് രേഖപ്പെടുത്തിയത്.

ശ്രദ്ധിക്കുക: സ്വര്‍ണവിലയില്‍ ഉണ്ടാകുന്ന ദിനംപ്രതിയുള്ള വ്യതിയാനങ്ങളും വിപണിയിലെ gold price analysis തരംഗങ്ങളും കൃത്യമായി മനസ്സിലാക്കിയ ശേഷം മാത്രം സാമ്പത്തിക തീരുമാനങ്ങളിലേക്ക് കടക്കുക. അത്യാവശ്യ ഘട്ടങ്ങളില്‍ ഒരു അവസാന ആശ്രയം എന്ന നിലയില്‍ മാത്രം gold loan ബാധ്യതകളെ സമീപിക്കുന്നതാണ് സുരക്ഷിതം. അടിയന്തര സാമ്പത്തിക ക്രമീകരണത്തിനായി loan against gold ആശ്രയിക്കുന്നതിന് മുമ്പ് കൃത്യമായ വിപണി പരിശോധന നടത്തുക. വിപണിയിലെ gold rate നിലവാരവും today gold rate മാറ്റങ്ങളും വിലയിരുത്തി മാത്രം gold loan apply ചെയ്യുന്നത് ഭാവിയിലെ സാമ്പത്തിക ഭാരം കുറയ്ക്കാന്‍ സഹായിക്കും. gold price today തരംഗങ്ങള്‍ കൃത്യമായി നിരീക്ഷിക്കുക.

Content Highlights:
Gold prices in Kerala recorded a slight increase today, with the price per pavan rising by Rs 120. Per gram rate increased by Rs 15 to Rs 13,150. International gold prices also saw an upward trend trading above 4000 dollars per ounce.