ഹരിദ്വാര്‍ | നോയിഡയിലെ നിതാരി കൊലപാതകക്കേസ് പരമ്പരയില്‍ വധശിക്ഷ വിധിക്കപ്പെടുകയും പിന്നീട് സുപ്രീം കോടതി കുറ്റവിമുക്തനാക്കുകയും ചെയ്ത പ്രതി സുരേന്ദ്ര കോലി മരിച്ച നിലയില്‍. കുറ്റവിമുക്തനാക്കപ്പെട്ട ശേഷം ഉത്തരാഖണ്ഡിലെ ഹരിദ്വാറില്‍ ഇയാള്‍ ഒരു ചായക്കട നടത്തിയിരുന്നു. ഇവിടെയാണ് കോലിയെ തൂങ്ങിമരിച്ച നിലയില്‍ കണ്ടെത്തിയതെന്ന് പോലീസ് അറിയിച്ചു.

2000-കളില്‍ തന്റെ തൊഴിലുടമയായിരുന്ന മോനിന്ദര്‍ സിംഗ് പന്ധറിനൊപ്പം നിരവധി കുട്ടികളെ ബലാത്സംഗം ചെയ്യുകയും കൊലപ്പെടുത്തുകയും ചെയ്‌തെന്നായിരുന്നു കോലിക്കെതിരായ ആരോപണം. തുടക്കത്തില്‍ ചില കേസുകളില്‍ ഇരുവരും കുറ്റക്കാരാണെന്ന് കണ്ടെത്തി കോടതി വധശിക്ഷ വിധിച്ചിരുന്നെങ്കിലും, പിന്നീട് സുപ്രീം കോടതി അവരെ എല്ലാ കേസുകളില്‍ നിന്നും കുറ്റവിമുക്തരാക്കുകയായിരുന്നു.

നോയിഡയിലെ നിതാരി ഗ്രാമത്തിലുള്ള പന്ധറിന്റെ വീടിന് പിന്നിലെ ഓടയില്‍ നിന്ന് അസ്ഥികൂടങ്ങള്‍ കണ്ടെത്തിയതോടെയാണ് നിതാരി കൊലപാതകങ്ങള്‍ ദേശീയ-അന്തര്‍ദേശീയ തലത്തില്‍ ശ്രദ്ധ നേടിയത്. ഇന്ത്യയിലെ ഏറ്റവും വലിയ, ഇതുവരെ തെളിയാത്ത കൊലപാതക കേസുകളിലൊന്നായി ഇത് തുടരുന്നു.

പതിമൂന്നാമത്തെയും അവസാനത്തെയും കേസായിരുന്നതിനാല്‍ 2025 നവംബറിലെ വിധി കോലിക്ക് നിര്‍ണായകമായിരുന്നു. അതിനകം 12 കേസുകളില്‍ നിന്ന് അദ്ദേഹം കുറ്റവിമുക്തനായിക്കഴിഞ്ഞിരുന്നു; ഏറ്റവും ഒടുവിലുണ്ടായ വിധിയിലൂടെ ആ ഭീകരമായ കൊലപാതകങ്ങളുമായി ബന്ധപ്പെട്ട എല്ലാ കേസുകളില്‍ നിന്നും കോലി മുക്തനായി. കോലിക്കെതിരായ സാഹചര്യത്തെളിവുകള്‍ക്ക് ഫോറന്‍സിക് പിന്തുണയില്ലെന്ന് സുപ്രീം കോടതി ഉത്തരവില്‍ നിരീക്ഷിച്ചു. കൂടാതെ, ആരോപിക്കപ്പെടുന്ന അവയവക്കടത്തുമായി ബന്ധപ്പെട്ട സൂചനകള്‍ അന്വേഷിക്കുന്നതില്‍ അന്വേഷണ സംഘം വീഴ്ച വരുത്തിയത് ഉള്‍പ്പെടെയുള്ള ഗുരുതരമായ പിഴവുകളും കോടതി ചൂണ്ടിക്കാട്ടി.

Content Highlights:
Surendra Koli, who was acquitted in the sensational Nithari serial murder cases, was found dead. The incident marks a sudden end to one of India’s most shocking crime sagas. Further details regarding the cause of death and legal background are awaited.

സുരേന്ദ്ര കോലി മരിച്ച നിലയിൽ; നിഥാരി കൂട്ടകൊല കേസിലെ പ്രതിയായിരുന്നു; ഹരിദ്വാറിൽ വാടകയ്‌ക്കെടുത്ത് നടത്തിയിരുന്ന ചായക്കടയിലാണ് ഇയാളെ തൂങ്ങി നിലയിൽ കണ്ടെത്തിയത്

ന്യൂഡല്‍ഹി: ജപ്പാനില്‍ ശനിയാഴ്ച ആരംഭിക്കുന്ന 2026 ഏഷ്യന്‍ ഗെയിംസിന്റെ ഉദ്ഘാടനച്ചടങ്ങില്‍ ഇന്ത്യയുടെ പതാകയേന്തുക ഇരട്ട ഒളിമ്പിക് മെഡല്‍ ജേതാവ് മനു ഭാക്കറും നിലവിലെ ഏഷ്യന്‍ ഗെയിംസ് ഷോട്ട്പുട്ട് ചാമ്പ്യന്‍ തജീന്ദര്‍പാല്‍ സിംഗ് തൂറും. വ്യത്യസ്ത കായിക ഇനങ്ങളില്‍ രാജ്യത്തിന്റെ ശ്രദ്ധേയ താരങ്ങളായ ഇരുവരെയാണ് ഇന്ത്യ പതാകവാഹകരായി തിരഞ്ഞെടുത്തത്. മനു ഭാക്കറിനെ പതാകവാഹകയായി തിരഞ്ഞെടുത്ത കാര്യം ഇന്ത്യയുടെ ഷെഫ് ഡി മിഷന്‍ സഹദേവ് യാദവ് സ്ഥിരീകരിച്ചു. തജീന്ദര്‍പാല്‍ സിംഗ് തൂറായിരിക്കും രണ്ടാമത്തെ പതാകവാഹകനെന്ന് അത്ലറ്റിക്സ് ഫെഡറേഷന്‍ ഓഫ് ഇന്ത്യ പിന്നീട് അറിയിച്ചു.

2024ലെ പാരീസ് ഒളിമ്പിക്സില്‍ ഒരേ ഒളിമ്പിക്സ് പതിപ്പില്‍ രണ്ട് മെഡലുകള്‍ നേടുന്ന സ്വതന്ത്ര ഇന്ത്യയിലെ ആദ്യ താരമെന്ന നേട്ടം മനു ഭാക്കര്‍ സ്വന്തമാക്കിയിരുന്നു. ഷൂട്ടിങ്ങിലാണ് താരം രണ്ട് വെങ്കല മെഡലുകള്‍ നേടിയത്. പുരുഷന്മാരുടെ ഷോട്ട്പുട്ടില്‍ നിലവിലെ ഏഷ്യന്‍ ഗെയിംസ് ചാമ്പ്യനാണ് തജീന്ദര്‍പാല്‍ സിംഗ് തൂര്‍. കഴിഞ്ഞ രണ്ട് ഏഷ്യന്‍ ഗെയിംസുകളിലും സ്വര്‍ണം നേടിയ താരം മൂന്നാം സ്വര്‍ണമാണ് ലക്ഷ്യമിടുന്നത്. നിലവിലെ ചാമ്പ്യന്‍ എന്ന നിലയിലും ഏഷ്യന്‍ ഗെയിംസില്‍ തുടര്‍ച്ചയായി രണ്ട് തവണ സ്വര്‍ണം നേടിയ താരമെന്ന നിലയിലും തജീന്ദര്‍പാലിന് ഇത്തവണ വലിയ പ്രതീക്ഷകളാണുള്ളത്.

ഉദ്ഘാടനച്ചടങ്ങില്‍ ഇന്ത്യന്‍ സംഘത്തെ നയിക്കുന്നതിനു പിന്നാലെ മത്സരവേദിയില്‍ മികച്ച പ്രകടനമാണ് ഇരുവരും ലക്ഷ്യമിടുന്നത്. സെപ്റ്റംബര്‍ 19 മുതല്‍ ഒക്ടോബര്‍ 4 വരെയാണ് ജപ്പാനിലെ ഐച്ചി-നാഗോയിയില്‍ 2026 ഏഷ്യന്‍ ഗെയിംസ് നടക്കുന്നത്.

സുല്‍ത്താന്‍ ബത്തേരി| ബത്തേരി പോലീസ് സ്റ്റേഷനില്‍ നിന്ന് തൊണ്ടിമുതലായ ലഹരിവസ്തു മോഷണം പോയ സംഭവത്തില്‍ പ്രതിയായ സീനിയര്‍ സിപിഒ സബിതിന്റെ വാഹനം കണ്ടെത്തി. മലപ്പുറം പൂക്കോട്ടുംപാടത്തു നിന്നാണ് പ്രത്യേക അന്വേഷണ സംഘം കാറ് കണ്ടെടുത്തത്.

ഈ കാറിലാണ് സബിത് ഏഴുചാക്ക് ഹാന്‍സ് കടത്തിയത്. എന്നാല്‍ പ്രതിയായ സാബിത്തിനെ ഇതുവരെ പിടികൂടാനായിട്ടില്ല. സബിതിനെ ഒളിവില്‍ കഴിയാന്‍ സുഹൃത്ത് സഹായിച്ചെന്ന് പോലീസ് കരുതുന്നു. അതേസമയം പോലീസുദ്യോഗസ്ഥനെ രക്ഷിക്കാനുള്ള ശ്രമം നടക്കുന്നതായും ആരോപണമുണ്ട്.

Content Highlights:
The special investigation team recovered the car used by accused Senior CPO Sabith in the Wayanad Sulthan Bathery police station contraband theft case. The vehicle was found at Pookkottumpadam in Malappuram. Sabith, who used the car to transport seized banned tobacco items, remains absconding.

കൊച്ചി: ഫ്രീഡം ക്വിസിൽ വി.ഡി സർവർക്കറെ ഉൾപ്പെടുത്തി വിവാദ ചോദ്യാവലി തയ്യാറാക്കിയതിന് നടപടി നേരിട്ട അധ്യാപകന്‍റെ സസ്പെൻഷനുള്ള സ്റ്റേ ഹൈക്കോടതി രണ്ട് മാസത്തേക്ക് കൂടി നീട്ടി. കാസർകോട് പള്ളത്തടുക്ക എ.യു.പി സ്കൂളിലെ അധ്യാപകനായ കെ. ഗുരുപ്രസാദ് റായിയുടെ ഹര്‍ജിയിലാണ് ഹൈക്കോടതി നടപടി. ചോദ്യം തയ്യാറാക്കിയ അധ്യപകന്‍റെ സസ്പെൻഷന് നേരത്തെ കോടതി ഒരുമാസത്തേക്ക് സ്റ്റേ ചെയ്തിരുന്നു. ഓഗസ്റ്റ് 19-ന് ഒരുമാസത്തേക്ക് സ്റ്റേ ചെയ്ത ഉത്തരവിന്‍റെ കാലാവധി നാളെ തീരാനിരിക്കെയാണ് വീണ്ടും നീട്ടിയത്.

സ്കൂൾതല സോഷ്യൽ സയൻസ് ക്ലബ് ക്വിസ് മത്സരത്തിന് വേണ്ടിയായിരുന്നു വിവാദ ചോദ്യം തയ്യാറാക്കിയത്. എൽപി സ്‌കൂൾ വിദ്യാർത്ഥികൾക്കുള്ള ഫ്രീഡം ക്വിസിൽ സവർക്കറെ പുകഴ്ത്തിയുള്ള ചോദ്യം വന്നതിൽ പ്രതിഷേധം ശക്തമായിരുന്നു. മഞ്ചേശ്വരം, കുമ്പള, കാസർകോട് ഉപജില്ലകളിലെ സ്കൂളുകളിലേക്ക്‌ നൽകിയ ചോദ്യാവലിയാണ് വിവാദമായത്. ആഗസ്റ്റ് ആറിന് എൽപി സ്കൂൾ കുട്ടികൾക്കായി നടത്തിയ ക്വിസ് പരിപാടിയിലാണ് ബ്രിട്ടീഷുകാരിൽ നിന്ന് ഏറ്റവും കൂടുതൽ ശിക്ഷ അനുഭവിക്കേണ്ടിവന്ന സ്വാതന്ത്ര്യ സമര സേനാനിയായി വിഡി സവർക്കറെ ഉൾപ്പെടുത്തിയത്. ബ്രിട്ടീഷുകാരുടെ കയ്യിൽ നിന്ന് ഏറ്റവും കൂടുതൽ ശിക്ഷ ലഭിച്ച സ്വാതന്ത്ര്യ സമരസേനാനി ആരാണെന്നായിരുന്നു ചോദ്യം. ഉത്തര സൂചികയിൽ വി ഡി സവർക്കർ എന്നായിരുന്നു രേഖപ്പെടുത്തിയിരുന്നത്. സംഭവം വിവാദമായതോടെ അധ്യാപകനെ സസ്പെൻഡ് ചെയ്യുകയായിരുന്നു. ഓഗസ്റ്റ് 9-നാണ് പൊതുവിദ്യാഭ്യാസ വകുപ്പ് ഗുരുപ്രസാദ് റായിയെ സസ്പെൻഡ് ചെയ്തത്.

ഇസ്ലാമാബാ​ദ്: പാകിസ്ഥാനിൽ വെള്ളിയാഴ്ച പ്രാർത്ഥനയ്ക്കിടെ മുസ്ലീം പള്ളിയിൽ സ്ഫോടനമെന്ന് റിപ്പോർട്ട്. ഏഴുപേർ കൊല്ലപ്പെടുകയും മുപ്പതിലധികം പേർക്ക് പരിക്കേൽക്കുകയും ചെയ്തു. ഖൈബർ പക്തൂൺഖ്വ പ്രവിശ്യയിലെ കോഹത് ജില്ലയിലാണ് സംഭവം. പരിക്കേറ്റവരെ സമീപത്തെ ആശുപത്രികളിൽ പ്രവേശിപ്പിച്ചതായും സ്ഫോടനം നടന്ന സ്ഥലത്തേക്കുള്ള റോഡുകൾ അടച്ചതായും പാകിസ്ഥാൻ മാധ്യമമായ ജിയോ ന്യൂസ് റിപ്പോർട്ട് ചെയ്തു. സ്ഫോടനത്തിൻ്റെ ഉത്തരവാദിത്തം ഇതുവരെ ആരും ഏറ്റെടുത്തിട്ടില്ല.

കോഹത് ജില്ലയിലെ ഓൾഡ് പൊലീസ് ലൈൻസിന് സമീപമാണ് സ്ഫോടനം ഉണ്ടായതെന്നാണ് രക്ഷാപ്രവർത്തക ഉദ്യോഗസ്ഥർ ആദ്യം അറിയിച്ചത്. എന്നാൽ പൊലീസ് ലൈൻസ് കോംപ്ലക്സിനുള്ളിലെ മുസ്ലീം പള്ളിയിലാണ് സ്ഫോടനം ഉണ്ടായതെന്ന് ഖൈബർ പക്തൂൺഖ്വ ഇൻസ്പെക്ടർ ജനറൽ സുൽഫിക്കർ ഹമീദ് പ്രസ്താവനയിൽ അറിയിച്ചു. സംഭവത്തിൽ കോഹത് റീജിയണൽ പൊലീസ് ഓഫീസറോട് റിപ്പോർട്ട് സമർപ്പിക്കാനും ആവശ്യപ്പെട്ടിട്ടുണ്ടെന്ന് പാകിസ്ഥാൻ മാധ്യമമായ ഡോൺ ന്യൂസ് റിപ്പോർട്ട് ചെയ്തു. സ്ഫോടനത്തിന് പിന്നാലെ ഭീകരരുമായി വെടിവെപ്പ് ഉണ്ടായതായും പ്രസ്താവനയിലുണ്ട്.

സ്ഫോടനത്തെക്കുറിച്ചുള്ള വിവരം ലഭിച്ചതിനെ തുടർന്ന് അടിയന്തര രക്ഷാപ്രവർത്തക സംഘത്തെ വിന്യസിച്ചതായി റെസ്ക്യൂ 1122 ഖൈബർ പക്തൂൺഖ്വ വക്താവ് ബിലാൽ അഹമ്മദ് ഫൈസി പറഞ്ഞു. സ്ഫോടനത്തെ അപലപിച്ച മുഖ്യമന്ത്രി സൊഹൈൽ അഫ്രീദിയും ഗവർണർ ഫൈസൽ കരീം കുൻഡിയും പരിക്കേറ്റവർക്ക് ഐക്യദാർഢ്യവും പ്രകടിപ്പിച്ചു. അടുത്ത കാലത്തായി ആക്രമണ പരിമ്പരകൾക്ക് വേദിയാകുന്ന ഖൈബർ പക്തൂൺഖ്വ പ്രവിശ്യയിൽ ഇപ്പോഴത്തെ സംഭവം സുരക്ഷാ ആശങ്ക ശക്തമാക്കിയിട്ടുണ്ട്.

ദില്ലി: ഉപഭോക്താക്കളെ ചൂഷണം ചെയ്യുകയും തെറ്റിദ്ധരിപ്പിക്കുന്ന രീതികൾ പിന്തുടരുകയും ചെയ്തെന്ന പരാതിയിൽ പ്രമുഖ റൈഡ് സർവീസ് പ്ലാറ്റ്‌ഫോമായ റാപ്പിഡോയ്ക്ക് പത്ത് ലക്ഷം രൂപ പിഴ ചുമത്തി. സെൻട്രൽ കൺസ്യൂമർ പ്രൊട്ടക്ഷൻ അതോറിറ്റി (സി സി പി എ) യാണ് റാപ്പിഡോയ്ക്ക് പിഴയിട്ടത്. യാത്ര ബുക്ക് ചെയ്യുന്ന വേളയിൽ മുൻകൂറായി ടിപ്പ് നൽകാൻ നിർബന്ധിക്കുക, അധിക തുക നൽകിയാൽ മാത്രമേ യാത്ര വേഗത്തിൽ ലഭിക്കൂ എന്ന രീതിയിൽ ഉപഭോക്താക്കളെ സമ്മർദ്ദത്തിലാക്കുക, കൂടുതൽ തുക നൽകാൻ പ്രേരിപ്പിക്കുന്ന രീതികൾ ആപ്പിൽ ഉപയോഗിക്കുക തുടങ്ങിയ ഗുരുതര നിയമലംഘനങ്ങൾ കണ്ടെത്തിയതിനെ തുടർന്നാണ് സി സി പി എയുടെ നടപടി.

റൈഡ് അഗ്രിഗേറ്റർ പ്ലാറ്റ്‌ഫോമുകൾ നടത്തുന്ന മുൻകൂർ ടിപ്പ് പിരിവും അമിത ചാർജ് ഈടാക്കലും സംബന്ധിച്ച് നടത്തിയ വ്യാപക അന്വേഷണത്തിന്റെ ഭാഗമായാണ് നടപടി. നേരത്തെ ഓല, യൂബർ, നമ്മ യാത്രി എന്നീ പ്ലാറ്റ്‌ഫോമുകൾക്കും സി സി പി എ നോട്ടീസ് അയച്ചിരുന്നു. നിലവിൽ യൂബർ, ഓല എന്നീ കമ്പനികൾക്കെതിരെയുള്ള അന്വേഷണങ്ങൾ പുരോഗമിക്കുകയാണെന്നും വരും ദിവസങ്ങളിൽ കൂടുതൽ നടപടികൾ ഉണ്ടായേക്കുമെന്നും അതോറിറ്റി വ്യക്തമാക്കി.

തിരുവനന്തപുരം: പുതിയ വരുമാനമാർഗങ്ങൾ കണ്ടെത്തിയും മൂലധനച്ചെലവ് കുറച്ചും കെഎസ്ആർടിസിയെ മികച്ച വളർച്ചയുടെ പാതയിലേക്ക് നയിക്കുകയാണെന്ന് ഗതാഗത മന്ത്രി സി പി ജോൺ. നിലവിൽ സർവീസ് നടത്തുന്ന 5,750 ബസുകളിൽ നിന്ന് 10,000 ബസുകൾ ഓപ്പറേറ്റ് ചെയ്യുന്ന വലിയ സംവിധാനമായി കെഎസ്ആർടിസിയെ മാറ്റുകയാണ് ലക്ഷ്യമെന്നും അദ്ദേഹം വ്യക്തമാക്കി. ഇന്ത്യാ ടുഡേ റൗണ്ട് ടേബിളിൽ സംസാരിക്കുകയായിരുന്നു മന്ത്രി.

സ്ഥാപനങ്ങൾക്കും സ്വകാര്യ വ്യക്തികൾക്കും ബസുകൾ വാങ്ങി കെഎസ്ആർടിസിക്ക് നൽകാൻ സാധിക്കുന്ന പദ്ധതിക്ക് വലിയ സ്വീകാര്യതയാണ് ലഭിക്കുന്നത്. ഇത്തരത്തിൽ വിട്ടുനൽകുന്ന സ്വകാര്യ ബസുകൾക്ക് കിലോമീറ്റർ അടിസ്ഥാനത്തിൽ നിശ്ചിത തുക നൽകിയാണ് സർവീസ് നടത്തുക. എംഎൽഎമാർക്കും സ്വന്തം നിയോജക മണ്ഡലത്തിലെ വിവിധ റൂട്ടുകളിൽ ഓടിക്കുന്നതിനായി ബസുകൾ വാങ്ങി നൽകാൻ പുതിയ പരിഷ്കാരങ്ങളിലൂടെ സാധിക്കും.

യാത്രക്കാർക്ക് കൂടുതൽ സൗകര്യപ്രദമാകുന്ന തരത്തിൽ വാട്സാപ്പ് നമ്പർ വഴി ടിക്കറ്റ് ബുക്ക് ചെയ്യാനുള്ള സംവിധാനം ഇതിനോടകം ഏർപ്പെടുത്തിയിട്ടുണ്ട്. ഊബർ ആപ്പ് ഉപയോഗിച്ച് ബസ് ടിക്കറ്റ് ബുക്കിങ് നടത്തുന്നതിനുള്ള സൗകര്യം ഉടൻ ഒരുങ്ങും. ഇതിന് പുറമെ തുറമുഖ അധിഷ്ഠിത ചരക്കുനീക്ക സർവീസിലേക്ക് കെഎസ്ആർടിസി കടക്കുന്ന കാര്യവും സർക്കാരിന്റെ പരിഗണനയിലുണ്ടെന്ന് മന്ത്രി കൂട്ടിച്ചേർത്തു.

അഫ്ഗാനിസ്ഥാനെതിരായ മൂന്നാം ടി20ക്കുള്ള ഇന്ത്യയുടെ അന്തിമ ഇലവനെ പ്രഖ്യാപിച്ചപ്പോള്‍ പലരും നെറ്റി ചുളിച്ചു. കാരണം, എല്ലാവരുടേയും പ്രതീക്ഷയില്‍ ആ 15 വയസുകാരന് ഇടമുണ്ടായിരുന്നു, വൈഭവ് സൂര്യവംശി. അവൻ അഫ്ഗാൻ ബൗളര്‍മാരെ അരുണ്‍ ജയ്റ്റ്‌ലി സ്റ്റേഡിയത്തിന്റെ അതിര്‍ത്തി കടത്തുന്നത് കാണണമായിരുന്നു അവര്‍ക്ക്...

എന്നാല്‍ ഗൗതം ഗംഭീറും ശ്രേയസ് അയ്യരും ഓപ്പണിങ്ങ് കൂട്ടുകെട്ട് തുടരട്ടെ എന്ന നിലപാടിലായിരുന്നു. ഇടം കയ്യൻ ബാറ്ററായി അയാള്‍ മതിയെന്ന്. ഏത് അയാള്‍.

ഫെബ്രുവരി ഏഴ്, 2026. ടി20 ലോകകപ്പിലെ ഇന്ത്യയുടെ ആദ്യ മത്സരം. സൂര്യകുമാര്‍ യാദവിന്റെ സംഘത്തിലെ ഏറ്റവും മികച്ച ടി20 ബാറ്ററുടെ ബാറ്റ് നിശബ്ദമായി തുടങ്ങിയ ശനിയാഴ്ച. അന്ന് മുതല്‍ സെപ്തംബര്‍ വരെ ആ പേരിന് ചുറ്റും വിമര്‍ശനങ്ങളുടെ കുത്തൊഴുക്കായിരുന്നു. ഓഫ് സ്പിൻ ട്രാപ്പില്‍ നിരന്തരം വീഴുന്നു, ഒപ്പം ഇൻകണ്‍സിസ്റ്റൻസി, രണ്ടക്കം പോലും കടക്കാനാകാതെയുള്ള സ്ട്രഗിള്‍, സഞ്ജു സാംസണിനെ തഴയുമ്പോള്‍ എന്തുകൊണ്ട് അയാള്‍ക്ക് അത് ബാധകമാകുന്നില്ല എന്ന ആശയക്കുഴപ്പം...

ഒരിക്കല്‍പ്പോലും ആ പേരിനെ തള്ളിപ്പറയാൻ ടീം മാനേജ്മെന്റ് തയാറായിട്ടേയില്ല, ആ പേരിന് എന്താണിത്ര പ്രത്യേകതയെന്ന ചോദ്യത്തിന്റെ ശബ്ദമേറിക്കോണ്ടേയിരുന്നു...

അതിന് ഉത്തരം തേടിയവര്‍ക്കായി ഒരു നിമിഷം. സെപ്തംബര്‍ 17, രാത്രി 8.17. നിങ്ങള്‍ക്ക് അരുണ്‍ ജയ്റ്റ്ലി സ്റ്റേഡിയത്തിലേക്ക് നോക്കം. അവിടെ നിറഞ്ഞ് കവിഞ്ഞ ഗ്യാലറിയിലെ ഓരോരുത്തരും അയാള്‍ക്കായി എഴുന്നേറ്റ് നില്‍ക്കുന്നതായി കാണാം. ആ ജനാരവത്തിന്റെ നടുവില്‍ പെയ്തവസാനിച്ചൊരു പേമാരിപോലെ അയാള്‍ നടന്നുനീങ്ങുന്നുണ്ട്...അഭിഷേക് ശര്‍മ.

34 പന്തുകള്‍, 11 സിക്സ്, ഒൻപത് ഫോര്‍. സ്ട്രൈക്ക് റേറ്റ് 317. കഴിഞ്ഞ ആറ് മാസത്തോളമായി തനിക്കെതിരെ ഉയര്‍ന്ന എല്ലാ ചോദ്യങ്ങള്‍ക്കും വിമര്‍ശനങ്ങള്‍ക്കും സംശയങ്ങള്‍ക്കും ബാറ്റുകൊണ്ട് മറുപടി പറയാൻ അഭിഷേക് തിരഞ്ഞെടുത്ത ദിനം.

ഡിഫൻസീവ് ഷോട്ടില്‍ ആരംഭം. ശേഷം ഫസല്‍ഹഖ് ഫറൂഖിയുടെ ഹാഫ് വോളിയില്‍ എക്സ്ട്രാ കവറിന് മുകളിലൂടെ ബൗണ്ടറി. അസ്മത്തുള്ള ഒമര്‍സായിയെ വരവേറ്റത് രണ്ട് സിക്സും ഒരു ഫോറും നല്‍കിയാണ്, ക്രീസുവിട്ടിറങ്ങി സ്വീപ്പര്‍ കവറിന് മുകളിലൂടെയുള്ള ക്ലാസിക്ക് അഭിഷേക് ഷോട്ടും ഉള്‍പ്പെട്ടു.

ഫറൂഖിയുടെ രണ്ടാം വരവില്‍ നേരിട്ട ആദ്യ പന്ത് ലോഫ്റ്റ് ചെയ്ത് സൈറ്റ് സ്ക്രീനിനപ്പറും, ടൈമിങ് ആൻഡ് എക്സിക്യൂഷന്റെ ഉദാഹരണമെന്ന് സഞ്ജയ് മഞ്ജരേക്കര്‍ പറഞ്ഞുവെച്ചു. 22 റണ്‍സാണ് ഫറൂഖിയുടെ രണ്ടാം ഓവറില്‍ അഭിഷേക് സ്കോര്‍ബോര്‍ഡിലേക്ക് ചേര്‍ത്തത്.

ഇബ്രാഹിം സദ്രാന് സ്പിന്നിലേക്ക് ഷിഫ്റ്റ് ചെയ്യാൻ ഒന്നുകൂടി ആലോചിക്കേണ്ടി വന്നില്ല. ഓഫ് സ്പിന്നറായ മുജീബ് ഉര്‍ റഹ്മാനായിരുന്നു ആദ്യം, ശേഷം മുഹമ്മദ് നബി. മൂന്നാമനായി റാഷിദ് ഖാൻ. മൂന്ന് ഓവറില്‍ സഞ്ജു - അഭിഷേക് സഖ്യം നേടിയത് 55 റണ്‍സ്. പവര്‍പ്ലേ അവസാനിക്കുമ്പോള്‍ ഇന്ത്യയുടെ സ്കോര്‍ 100ലെത്തിച്ചു അഭിഷേക്, ടി20 ക്രിക്കറ്റ് ചരിത്രത്തില്‍ ഇന്ത്യ ആദ്യമായാണ് ഈ നേട്ടത്തിലേക്ക് എത്തുന്നത്. 22 പന്തില്‍ 76 റണ്‍സായിരുന്നു ഇടം കയ്യൻ ബാറ്ററുടെ സംഭാവന. ഇൻസെയിൻ ഹിറ്റിങ്ങ് എന്നൊക്കെ പറയാം, ബാറ്റ് സ്വിങ്ങ്, ടൈമിങ് - ഇറ്റ് വാസ് പെര്‍ഫെക്റ്റ്.

അഭിഷേകിന്റെ ഇന്നിങ്സിന് വളമായത് സഞ്ജുവിന്റെ സ്ട്രൈക്ക് കൈമാറ്റങ്ങളായിരുന്നു. ടോപ് ഫോമിലുള്ള ഒരു താരത്തിന് എങ്ങനെ ഒരു ബാറ്റിങ് പാര്‍ട്ടണര്‍ പിന്തുണ നല്‍കണമെന്നതിന്റെ ഉദാഹരണമാകുകയായിരുന്നു സഞ്ജു. തനിക്ക് ഡൊമിനേറ്റ് ചെയ്യാൻ കഴിയുന്ന പന്തുകളില്‍പ്പോലും സഞ്ജു സിംഗിള്‍ എടുക്കാൻ തയാറാകുകയായിരുന്നു.

പവര്‍പ്ലേ പൂര്‍ണമാകുമ്പോള്‍ അറിയേണ്ടത് ഒന്ന് മാത്രമായിരുന്നു, രോഹിത് ശര്‍മയുടെ ആ റെക്കോര്‍ഡ് തകരുമോയെന്ന്. 35 പന്തില്‍ നേടിയ ആ സെഞ്ചുറി. രണ്ട് ഓവറിനപ്പുറം അബ്ദുള്ള അഹമ്മദ്സായിയുടെ പന്ത് ലോങ് ഓഫിലേക്ക് പറഞ്ഞയച്ച് അഭിഷേക് രോഹിതിന്റെ പേര് റെക്കോര്‍ഡ് പുസ്തകങ്ങളില്‍ തിരുത്തി. 30-ാം പന്തില്‍ മൂന്നക്കം. ഒരു ടെസ്റ്റ് പ്ലെയിങ് നേഷൻ താരത്തിന്റെ ഏറ്റവും വേഗമേറിയത്. ശേഷം ഹെല്‍മെറ്റൂരി വിക്കറ്റില്‍ മെഡിറ്റേഷൻ പോസില്‍ ഒരു ഇരിപ്പുണ്ടായിരുന്നു.

ഓഫ് സ്പിന്നര്‍മാരാണ് അഭിഷേകിന്റെ പ്രധാനവെല്ലുവിളിയെന്ന വിമര്‍ശനമുണ്ടായിരുന്നു, ഇതും പഴങ്കഥയാകുകയാണ്. മുജീബിനെതിരെ അഞ്ച് പന്തില്‍ 17 റണ്‍സ്. മുഹമ്മദ് നബിക്കെതിരെ മൂന്ന് പന്തില്‍ 16 റണ്‍സ്. സ്ട്രൈക്ക് റേറ്റ് 533 ആയിരുന്നു നബിക്കെതിരെ. റാഷിദ് ഖാന് പോലും രക്ഷയുണ്ടായില്ല ഡല്‍ഹിയില്‍. അഭിഷേക് നേരിട്ട ബൗളര്‍മാരിര്‍ സ്ട്രൈക്ക് റേറ്റ് മൂന്നൂറില്‍ താഴെ ഉണ്ടായിരുന്നത് അഹമ്മദ്സായിക്ക് മാത്രമായിരുന്നു, അതും 200 ആയിരുന്നുവെന്ന് ഓര്‍ക്കണം. സ്കോറില്‍ 94 ശതമാനം റണ്‍സും ബൗണ്ടറിയില്‍ നിന്ന് മാത്രം.

സഞ്ജുവും അഭിഷേകും തുടരും...വൈഭവ് അല്‍പ്പം കൂടി കാത്തിരിക്കേണ്ടി വരും...

ലക്നൗ: നിഥാരി കൊലക്കേസ് പ്രതി സുരേന്ദ്ര കോലിയെ മരിച്ച നിലയിൽ കണ്ടെത്തി. ഹരിദ്വാറിലെ ചായക്കടയിൽ തൂങ്ങിമരിച്ച നിലയിലാണ് ഇയാളെ കണ്ടെത്തിയത്. നിഥാരി കേസുകളിൽ സുപ്രീംകോടതി കോലിയെ വെറുതെവിട്ടിരുന്നു. ആത്മഹത്യാക്കുറിപ്പ് കണ്ടെത്തിയിട്ടില്ല. സംഭവത്തിൽ പൊലീസ് അന്വേഷണം തുടരുന്നു.

വൃക്കകളുടെ രക്തത്തിലെ മാലിന്യങ്ങളും അധിക ദ്രാവകങ്ങളും ഫിൽട്ടർ ചെയ്യാനുള്ള കഴിവ് നഷ്ടപ്പെടുന്ന ഗുരുതരമായ ഒരു അവസ്ഥയാണ് വൃക്ക തകരാർ.

വൃക്കകളുടെ രക്തത്തിലെ മാലിന്യങ്ങളും അധിക ദ്രാവകങ്ങളും ഫിൽട്ടർ ചെയ്യാനുള്ള കഴിവ് നഷ്ടപ്പെടുന്ന ഗുരുതരമായ ഒരു അവസ്ഥയാണ് വൃക്ക തകരാർ. ലോകമെമ്പാടുമുള്ള ദശലക്ഷക്കണക്കിന് ആളുകൾ വിട്ടുമാറാത്ത വൃക്ക രോഗത്താൽ ബുദ്ധിമുട്ടുന്നതായി ലോകാരോഗ്യ സംഘടന വ്യക്തമാക്കുന്നു. ഇത് ചികിത്സിച്ചില്ലെങ്കിൽ വൃക്ക തകരാറിലേക്ക് നയിച്ചേക്കാം.

ഗുരുതരമായ സങ്കീർണതകൾ തടയുന്നതിന് നേരത്തെയുള്ള കണ്ടെത്തൽ നിർണായകമാണ്. കാരണം കാര്യമായ കേടുപാടുകൾ സംഭവിക്കുന്നത് വരെ വൃക്ക തകരാറിന്റെ ലക്ഷണങ്ങൾ പലപ്പോഴും ശ്രദ്ധിക്കപ്പെടാതെ പോകുന്നു. പ്രാരംഭ മുന്നറിയിപ്പ് ലക്ഷണങ്ങൾ തിരിച്ചറിയുന്നതും ജീവിതശൈലിയിൽ മാറ്റങ്ങൾ വരുത്തുന്നതും വൃക്ക തകരാറിനെ വൈകിപ്പിക്കാനോ തടയാനോ സഹായിക്കും. ഒരിക്കലും അവഗണിക്കാൻ പാടില്ലാത്ത വൃക്ക തകരാറിന്റെ ചില ആദ്യകാല ലക്ഷണങ്ങൾ.

ക്ഷീണവും തളർച്ചയുമാണ് ആദ്യത്തെ ലക്ഷണം. വൃക്കകളുടെ പ്രവർത്തനം നിലയ്ക്കുമ്പോൾ ശരീരത്തിൽ മാലിന്യങ്ങൾ അടിഞ്ഞുകൂടുകയും, ഇത് വിളർച്ചയ്ക്ക് (ചുവന്ന രക്താണുക്കളുടെ കുറവ്) കാരണമാവുകയും ചെയ്യുന്നു. ഇതിൻ്റെ ഫലമായി ക്ഷീണം, തലകറക്കം, തളർച്ച എന്നിവ അനുഭവപ്പെടുകയും ദൈനംദിന കാര്യങ്ങൾ ചെയ്യുന്നതിന് ബുദ്ധിമുട്ട് നേരിടുകയും ചെയ്തേക്കാം.

പാദങ്ങൾ, കണങ്കാലുകൾ, കൈകൾ എന്നിവയിൽ നീര് വരുന്നതാണ് മറ്റൊരു ലക്ഷണം. വൃക്കയുടെ പ്രവർത്തനം തകരാറിലാകുമ്പോൾ ശരീരത്തിൽ ദ്രാവകം കെട്ടിക്കിടക്കാൻ ഇടയാകുന്നു. ഇത് ശരീരത്തിന്റെ താഴത്തെ ഭാഗങ്ങളിൽ പ്രത്യേകിച്ച് പാദങ്ങളിലും കണങ്കാലുകളിലും നീര് വരുന്നതിന് കാരണമാകുന്നു. മുഖത്തും കൈകളിലും ഈ അവസ്ഥ ബാധിച്ചേക്കാം.

മൂത്രവിസർജ്ജനത്തിലെ മാറ്റങ്ങളാണ് മറ്റൊരു ലക്ഷണം. അമിതമായി മൂത്രമൊഴിക്കുക, (പ്രത്യേകിച്ച് രാത്രിയിൽ), കടുംനിറമുള്ളതോ പതയുന്നതോ രക്തം കലർന്നതോ ആയ മൂത്രം, ആവശ്യത്തിന് വെള്ളം കുടിച്ചിട്ടും മൂത്രത്തിന്റെ അളവ് കുറയുക എന്നതാണ് മറ്റൊരു ലക്ഷണം.

വിട്ടുമാറാത്ത ഓക്കാനവും ഛർദ്ദിയും വൃക്ക തകരാറിന്റെ ലക്ഷണമാണ്. രക്തപ്രവാഹത്തിൽ വിഷവസ്തുക്കൾ അടിഞ്ഞുകൂടുന്നത് ഓക്കാനം, ഛർദ്ദി, വിശപ്പില്ലായ്മ എന്നിവയ്ക്ക് കാരണമായേക്കാം. ഇത് ശരീരത്തിന് പോഷകങ്ങളും ഊർജ്ജവും നിലനിർത്തുന്നത് കൂടുതൽ പ്രയാസകരമാക്കുന്നു.

ശ്വാസതടസ്സം അനുഭവപ്പെടുന്നതാണ് വൃക്കതകരാറിന്റെ ശ്രദ്ധിക്കേണ്ട മറ്റൊരു ലക്ഷണം. വൃക്കകളുടെ പ്രവർത്തനം നിലയ്ക്കുന്നത് മൂലം ശ്വാസകോശത്തിൽ അധികമായി അടിഞ്ഞുകൂടുന്ന ദ്രാവകം, ചെറിയ ശാരീരിക പ്രവർത്തനങ്ങൾ ചെയ്യുമ്പോൾ പോലും ശ്വാസതടസ്സമുണ്ടാക്കിയേക്കാം. വിളർച്ച (അനീമിയ) മൂലമുണ്ടാകുന്ന ഓക്സിജൻ്റെ കുറവും ശ്വാസതടസ്സം വഷളാക്കാൻ കാരണമായേക്കാം.

ചർമ്മത്തിലെ ചൊറിച്ചിലും വരൾച്ചയും അുഭവപ്പെടുന്നതാണ് ശ്രദ്ധിക്കേണ്ട മറ്റൊരു ലക്ഷണം. രക്തത്തിൽ നിന്ന് മാലിന്യങ്ങൾ നീക്കം ചെയ്യാൻ വൃക്കകൾ സഹായിക്കുന്നു. അവയുടെ പ്രവർത്തനം തകരാറിലാകുമ്പോൾ വിഷവസ്തുക്കൾ അടിഞ്ഞുകൂടുന്നത് ചർമ്മത്തിൽ കടുത്ത വരൾച്ചയ്ക്കും ചൊറിച്ചിലിനും അസ്വസ്ഥതയ്ക്കും കാരണമായേക്കാം.

പേശിവലിവും ബലഹീനതയും ശ്ര​ദ്ധിക്കേണ്ട മറ്റൊരു ലക്ഷണമാണ്. വൃക്കരോഗം ഇലക്ട്രോലൈറ്റ് സന്തുലിതാവസ്ഥയെ, പ്രത്യേകിച്ച് പൊട്ടാസ്യം, കാൽസ്യം എന്നിവയുടെ അളവിനെ ബാധിക്കുന്നു. ഇത് വേദനാജനകമായ പേശിവലിവ്, ഇഴയൽ, ബലഹീനത എന്നിവയിലേക്ക് നയിക്കുന്നു.

രക്തത്തിലെ വിഷാംശങ്ങൾ തലച്ചോറിന്റെ പ്രവർത്തനത്തെ ബാധിക്കുകയും ഓർമ്മക്കുറവ്, ആശയക്കുഴപ്പം, ശ്രദ്ധ കേന്ദ്രീകരിക്കാനുള്ള ബുദ്ധിമുട്ട് എന്നിവയ്ക്ക് കാരണമാവുകയും ചെയ്യാം. ഗുരുതരമായ സാഹചര്യങ്ങളിൽ, ഇത് അമിതമായ ഉറക്കത്തിനോ കോമ (അബോധാവസ്ഥ) പോലുള്ള അവസ്ഥയ്ക്കോ പോലും കാരണമായേക്കാം.

രക്തത്തിൽ മാലിന്യങ്ങൾ അമിതമായി അടിഞ്ഞുകൂടുന്നത് (യൂറേമിയ) വായയിൽ ലോഹത്തിന്റെ രുചി അനുഭവപ്പെടാനും, വായ്‌നാറ്റത്തിനും, വായ്‌പുണ്ണിനും പോലും കാരണമായേക്കാം. ഇത് വിശപ്പിനെ ബാധിച്ചേക്കാം.

സോഡിയത്തിന്റെയും ദ്രാവകങ്ങളുടെയും അളവ് സന്തുലിതമാക്കിക്കൊണ്ട് വൃക്കകൾ രക്തസമ്മർദ്ദം നിയന്ത്രിക്കുന്നു. അവയുടെ പ്രവർത്തനം ശരിയായി നടക്കാതെ വരുമ്പോൾ രക്തസമ്മർദ്ദം ഉയരുകയും, അതുവഴി ഹൃദ്രോഗ സാധ്യത വർദ്ധിക്കുകയും ചെയ്തേക്കാം.

തിരുവനന്തപുരം | തിരുവനന്തപുരം മൃഗശാല നെയ്യാറിലേക്ക് മാറ്റി സ്ഥാപിക്കുന്ന കാര്യം പരിഗണനയിലാണെന്ന് മന്ത്രി കെ മുരളീധരന്‍. മൃഗശാല മാറ്റുന്നതുകൊണ്ട് തിരുവനന്തപുരത്തിന്റെ പ്രാധാന്യം കുറയില്ലെന്നും അദ്ദേഹം വ്യക്തമാക്കി. അനാവശ്യ വിവാദങ്ങളാണ് ഇതുമായി ബന്ധപ്പെട്ടുണ്ടാകുന്നതെന്നും മുരളീധരന്‍ പ്രതികരിച്ചു.

പുത്തൂര്‍ സവോളജിക്കല്‍ മാതൃകയിലാണ് മൃഗശാല മാറ്റി സ്ഥാപിക്കാന്‍ ഉദ്ദേശിക്കുന്നതെന്നും മൃഗങ്ങളെ നമ്മള്‍ കാണുന്നതിന് പകരം മൃഗങ്ങള്‍ നമ്മളെ കാണുന്ന രീതിയിലേക്കായിരിക്കും മാറ്റമെന്നും മന്ത്രി പറഞ്ഞു. ആര്‍ക്കാണ് കച്ചവട താത്പര്യം ഇല്ലാത്തതെന്ന് മൃഗശാല മാറ്റണമെന്ന ആവശ്യം വാണിജ്യ ലക്ഷ്യത്തോടെയാണെന്ന സി പി എമ്മിന്റെ ആരോപണത്തോട് പ്രതികരിക്കവേ അദ്ദേഹം വ്യക്തമാക്കി. ഒരു കൂട്ടര്‍ ചെയ്യുമ്പോള്‍ മാത്രം ശരി എന്നത് ശരിയായ നിലപാടല്ല. മന്ത്രി പറഞ്ഞു.

മൃഗശാല മാറ്റുന്നതിനെ അനുകൂലിച്ച് മന്ത്രി സി പി ജോണ്‍, തിരുവനന്തപുരം മേയര്‍ വി വി രാജേഷ്, യു ഡി എഫ് കൗണ്‍സിലര്‍ കെ എസ് ശബരീനാഥന്‍ എന്നിവര്‍ രംഗത്തെത്തിയിരുന്നു. നഗരത്തില്‍ മൃഗശാല അനുയോജ്യമല്ലെന്നും മൃഗങ്ങള്‍ ശബ്ദമലിനീകരണം അനുഭവിക്കുന്നുണ്ടെന്നുമായിരുന്നു ജോണിന്റെ പ്രതികരണം. അതേസമയം, ആവശ്യം വാണിജ്യ ലക്ഷ്യത്തോടെയാണെന്നും മുതലാളിമാര്‍ക്ക് മറിച്ചു കൊടുക്കാനുള്ള ശ്രമമുണ്ടോയെന്ന് സംശയിക്കേണ്ടിയിരിക്കുന്നുവെന്നും മുന്‍ എം എല്‍ എയും സി പി എം നേതാവുമായ വി കെ പ്രശാന്ത് വിമര്‍ശിച്ചിരുന്നു. പദ്ധതിയുമായി മുന്നോട്ടു പോയാല്‍ ഇടതുപക്ഷം ശക്തമായി എതിര്‍ക്കുമെന്നും പ്രശാന്ത് പറഞ്ഞു.

Content Highlights:
The Kerala government is considering relocating the Trivandrum Zoo to Neyyar. Minister K Muraleedharan stated that this move aims to provide a better natural environment for wildlife. Further official assessments and discussions regarding space and feasibility are currently underway.

പത്തനംതിട്ട: എന്‍എസ്എസ് ജനറല്‍ സെക്രട്ടറി ജി. സുകുമാരന്‍ നായര്‍ക്ക് വാഹനാപകടത്തില്‍ പരിക്ക്. പത്തനംതിട്ട എം.സി റോഡില്‍ പന്തളം കുരമ്പാല അമൃത സ്‌കൂള്‍ ജംഗ്ഷന് സമീപമാണ് അപകടം. സുകുമാരന്‍ നായര്‍ സഞ്ചരിച്ച കാര്‍ ടെമ്പോ വാനുമായി കൂട്ടിയിടിക്കുകയായിരുന്നു. അപകടത്തില്‍ സുകുമാരന്‍ നായരുടെ മൂക്കിനാണ് പരിക്കേറ്റത്. അപകടം നടന്നയുടന്‍ പ്രദേശത്തുണ്ടായിരുന്ന എന്‍എസ്എസ് പ്രവര്‍ത്തകരും ജീവനക്കാരും ചേര്‍ന്ന് അദ്ദേഹത്തെ മറ്റൊരു വാഹനത്തില്‍ പന്തളം എന്‍എസ്എസ് മെഡിക്കല്‍ മിഷന്‍ ആശുപത്രിയിലെത്തിച്ചു. മൂക്കില്‍ നേരിയ രക്തസ്രാവമുണ്ടായെങ്കിലും പരിക്ക് ഗുരുതരമല്ലെന്ന് ഡോക്ടര്‍മാര്‍ അറിയിച്ചു.

വാഹനത്തില്‍ സുകുമാരന്‍ നായര്‍ക്കൊപ്പമുണ്ടായിരുന്ന ജീവനക്കാരും ഡ്രൈവറും പരുക്കേല്‍ക്കാതെ രക്ഷപ്പെട്ടു. കാറുമായി കൂട്ടിയിടിച്ച ടെമ്പോ വാനിലുണ്ടായിരുന്നവര്‍ക്കും പരുക്കുകളില്ല. ഒരു ചടങ്ങില്‍ പങ്കെടുത്ത ശേഷം ചങ്ങനാശ്ശേരിയിലേക്ക് മടങ്ങുന്നതിനിടെയാണ് അപകടമുണ്ടായത്. ഇടിയുടെ ആഘാതത്തില്‍ കാറിന്റെ ഒരു വശത്തിന് സാരമായ കേടുപാടുകള്‍ സംഭവിച്ചു. നേരത്തെ വീണ് തുടയെല്ലിന് പരിക്കേറ്റ് ദീര്‍ഘനാള്‍ വിശ്രമത്തിലായിരുന്ന സുകുമാരന്‍ നായര്‍ അടുത്തിടെയാണ് സംഘടനാ പ്രവര്‍ത്തനങ്ങളില്‍ വീണ്ടും സജീവമായത്.

തിരുവനന്തപുരം: കേരള സംസ്ഥാന ഭാ​ഗ്യക്കുറി വകുപ്പിന്റെ സുവർണ കേരളം SK 70 ലോട്ടറി നറുക്കെടുപ്പ് ഫലം പുറത്ത്. എന്ന നമ്പറിനാണ് ഒന്നാം സമ്മാനമായ ഒരുകോടി. രണ്ടാം സമ്മാനമായി 30 ലക്ഷവും മൂന്നാം സമ്മാനമായി 5 ലക്ഷം രൂപയും ഭാ​ഗ്യശാലികൾക്ക് ലഭിക്കും. ഉച്ച തിരിഞ്ഞ് മൂന്ന് മണിക്ക് തിരുവനന്തപുരം ​ഗോർഖി ഭവനിൽ വച്ചായിരുന്നു നറുക്കെടുപ്പ് നടന്നത്.

സുവര്‍ണ കേരളം ലോട്ടറിയുടെ സമ്മാനാര്‍ഹമായ നമ്പറുകള്‍

ഒന്നാം സമ്മാനം- ഒരുകോടി രൂപ

RS 807384

സമാശ്വാസ സമ്മാനം- 5000 രൂപ

RN 807384

RO 807384

RP 807384

RR 807384

RT 807384

RU 807384

RV 807384

RW 807384

RX 807384

RY 807384

RZ 807384

രണ്ടാം സമ്മാനം-30 ലക്ഷം രൂപ

RN 376355 (KANNUR)

മൂന്നാം സമ്മാനം- 5 ലക്ഷം രൂപ

RO 115088 (MOOVATTUPUZHA)

നാലാം സമ്മാനം- 5,000 രൂപ

1117 1458 3203 3218 3843 4861 5230 5233 5433 5797 6367 6623 6943 7073 7917 8060 9372 9623 9883

അഞ്ചാം സമ്മാനം- 2,000 രൂപ

0273 4515 4708 5258 9150 9732

ആറാം സമ്മാനം-1,000 രൂപ

1279 1380 1435 1771 2471 2590 2813 2920 3003 3281 3756 3993 4206 5777 5945 7507 7767 7850 7862 8284 8979 9065 9179 9255 9786

ഏഴാം സമ്മാനം- 500 രൂപ

എട്ടാം സമ്മാനം-200 രൂപ

ഒന്‍പതാം സമ്മാനം- 100 രൂപ

കോട്ടയം: സർക്കാർ ആശുപത്രികളിലെ സ്റ്റാഫ് പാറ്റേൺ പരിഷ്കരണത്തിനുള്ള നടപടികളുമായി മുന്നോട്ടു പോവുകയാണെന്ന് ആരോഗ്യ കുടുംബക്ഷേമവകുപ്പ് മന്ത്രി കെ. മുരളീധരൻ പറഞ്ഞു. കടനാട് ഗ്രാമപഞ്ചായത്തിലെ ആയുഷ് മാന്‍ ആരോഗ്യ മന്ദിർ മെയിൻ സെന്‍റര്‍ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. ആശുപത്രികളിൽ ആവശ്യത്തിന് ജീവനക്കാരെ നിയോഗിക്കണമെന്നാണ് സർക്കാർ നിലപാട്. ഈ വിഷയത്തിൽ മുഖ്യമന്ത്രിയുമായി അടുത്താഴ്ച ചർച്ച നടത്തും. സാധ്യമായ നിയമനങ്ങൾ നടത്താനാണ് ശ്രമിക്കുന്നത്.

റോബോട്ടിക് ചികിത്സ അടക്കമുള്ളവ സർക്കാർ ആശുപത്രികളിൽ കൊണ്ടുവരും. കോഴിക്കോട് മെഡിക്കൽ കോളജിൽ പരീക്ഷണാടിസ്ഥാനത്തിൽ വെര്‍ച്വല്‍ ഓട്ടോപ്സിക്കുള്ള സംവിധാനം ഒരുക്കുമെന്നും മന്ത്രി പറഞ്ഞു. പതിനഞ്ചാം ധനകാര്യ കമ്മീഷന്‍റെ ഹെൽത്ത് ഗ്രാൻ്റിൽ ഉൾപ്പെടുത്തി 55.5 ലക്ഷം രൂപ ചെലവഴിച്ചാണ് കടനാട് പ്രാഥമിക ആരോഗ്യ കേന്ദ്രത്തോടനുബന്ധിച്ചുള്ള മെയിൻ സെന്‍ററായ ആയുഷ് മാന്‍ ആരോഗ്യ മന്ദിർ നിർമ്മിച്ചിരിക്കുന്നത്. പ്രാഥമിക ആരോഗ്യ സേവനങ്ങൾ കൂടുതൽ കാര്യക്ഷമമായി ലഭ്യമാക്കുന്നതിനും ആരോഗ്യപരിപാലന പ്രവർത്തനങ്ങൾ ശക്തിപ്പെടുത്തുന്നതിനും ഈ കേന്ദ്രം സഹായകരമാകും.

ഒപി സേവനങ്ങൾ, പ്രതിരോധ കുത്തിവെപ്പ്, നവജാത ശിശു ആരോഗ്യ സംരക്ഷണം, ഗർഭധാരണവുമായി ബന്ധപ്പെട്ട ചികിത്സ,സൗജന്യ മരുന്ന്, സൗജന്യ ലാബ് ഡയഗ്നോസ്റ്റിക്, കുടുംബാസൂത്രണം, കൗമാരക്കാരുടെ ആരോഗ്യം, വയോജനങ്ങൾക്ക് സ്വാന്ത്വന പരിചരണം, മാനസിക ആരോഗ്യം,സാംക്രമിക - സാംക്രമികേതര രോഗങ്ങളുടെ പ്രതിരോധം, ബോധവൽക്കരണ ക്ലാസുകൾ, ഇ- സഞ്ജീവനി , ടെലി കൺസൽട്ടേഷൻ, വിഷയാധിഷ്ഠിത ക്ലിനിക്, പേഷ്യന്റ് സപ്പോർട്ട് ഗ്രൂപ്പ്, ക്യാൻസർ സ്ക്രീനിംഗ് തുടങ്ങിയ സേവനങ്ങള്‍ ഈ കേന്ദ്രത്തില്‍ ലഭിക്കും

മണി സി. കാപ്പൻ എം.എൽ.എ ചടങ്ങിൽ അധ്യക്ഷനായിരുന്നു. ളാലം ബ്ലോക്ക് പഞ്ചായത്ത് പ്രസിഡന്‍റ് അഡ്വ. ജോസ് പ്ലാക്കൂട്ടം, കടനാട് ഗ്രാമപഞ്ചായത്ത് പ്രസിഡന്‍റ് ലാലി സണ്ണി, വൈസ് പ്രസിഡന്‍റ് മണിക്കുട്ടി സന്തോഷ്, കടനാട് ഗ്രാമപഞ്ചായത്ത് സ്ഥിരം സമിതി അധ്യക്ഷരായ ഷേർലി സാബു, സ്നേഹ തോമസ്, ഗ്രാമപഞ്ചായത്തംഗങ്ങളായ ജോസ് പ്ലാശനാൽ, ഷൈജമ്മ മാത്യൂ, ഉഷ രാജു, റിജോ തോമസ്, പി.ഡി. സെബാസ്റ്റ്യൻ, സജിമോൻ കുഞ്ഞപ്പൻ, വി.ജി. സോമൻ, തങ്കച്ചൻ കുന്നുംപുറം, എസ്. ജ്യോതിലക്ഷ്മി, കടനാട് ഗ്രാമ പഞ്ചായത്ത് സെക്രട്ടറി എം എസ് . പ്രീത എന്നിവർ പ്രസംഗിച്ചു.

കോട്ടയം: കഴിഞ്ഞ എൽ ഡി എഫ് സർക്കാരിന്റെയും മുഖ്യമന്ത്രി പിണറായി വിജയന്റെയും നയങ്ങളെ കടുത്ത ഭാഷയിൽ വിമർശിച്ച് സി പി ഐ സംസ്ഥാന സെക്രട്ടറി ബിനോയ് വിശ്വം. കള്ള്ചെത്ത് വ്യവസായത്തോടും തൊഴിലാളികളോടും കഴിഞ്ഞ സർക്കാർ തെറ്റായ സമീപനമാണ് സ്വീകരിച്ചതെന്ന് അദ്ദേഹം കുറ്റപ്പെടുത്തി. പരമ്പരാഗത തൊഴിലാളികളെ സംരക്ഷിക്കാൻ കടപ്പെട്ട സർക്കാർ അതിനായി ഒന്നും ചെയ്തില്ല. ഷാപ്പുകൾ തുറക്കുന്നതിന് ആരാധനാലയങ്ങളിൽ നിന്നും വിദ്യാഭ്യാസ സ്ഥാപനങ്ങളിൽ നിന്നുമുള്ള ദൂരപരിധി 400 മീറ്ററിൽ നിന്ന് കുറയ്ക്കണമെന്ന് എൽ ഡി എഫ് യോഗത്തിൽ സി പി ഐ പലതവണ ആവശ്യപ്പെട്ടിട്ടും നടപടിയുണ്ടായില്ലെന്നും സംസ്ഥാന സെക്രട്ടറി വെളിപ്പെടുത്തി. എന്നാൽ തമ്പ്രാക്കളുടെ ബാറുകൾക്ക് ദൂരപരിധി 50 മീറ്റർ മാത്രമാക്കി നൽകിയ എൽ ഡി എഫ് സർക്കാർ, ഷാപ്പുകളോടും ബാറുകളോടും രണ്ട് നീതിയാണ് കാണിച്ചതെന്നും ബിനോയ് വിശ്വം തുറന്നടിച്ചു. എൽ ഡി എഫ് യോഗത്തിൽ വിഷയം ഉന്നയിച്ചപ്പോൾ പിണറായി വിജയൻ ശരിയാണെന്ന് സമ്മതിച്ചെങ്കിലും അഞ്ച് കൊല്ലം ഒന്നും ചെയ്യാതെ കളഞ്ഞു കുളിക്കുകയായിരുന്നെന്നും ശരികൾ പാലിക്കുമ്പോഴാണ് അത് ശരികളാകുന്നതെന്നും ബിനോയ് വിശ്വം കൂട്ടിച്ചേർത്തു.

കഴിഞ്ഞ നിയമസഭാ തെരഞ്ഞെടുപ്പിൽ ഇടതു മുന്നണിക്കേറ്റ തോൽവിയുടെ കാരണങ്ങൾ എൽ ഡി എഫ് നേതൃത്വം ആത്മപരിശോധന നടത്തണമെന്നും ബിനോയ് വിശ്വം ആവശ്യപ്പെട്ടു. തെരഞ്ഞെടുപ്പിൽ എൽ ഡി എഫിന്റെ സ്വന്തം ആളുകൾ പോലും വോട്ട് ചെയ്തില്ലെന്നതാണ് യാഥാർത്ഥ്യം. പാർട്ടിക്കാർ വോട്ട് ചെയ്യാതിരുന്നത് തെറ്റാണെങ്കിലും, എന്തുകൊണ്ടാണ് അങ്ങനെ ചെയ്യേണ്ടിവന്നതെന്ന് എൽ ഡി എഫ് തിരിച്ചറിയണമെന്നും അദ്ദേഹം ആവശ്യപ്പെട്ടു. എന്തുകൊണ്ടാണ് ജനങ്ങൾ അകന്നതെന്ന് തിരിച്ചറിയാൻ മുന്നണി തയ്യാറാകണം. വൈക്കം, തളിപ്പറമ്പ്, പയ്യന്നൂർ, അമ്പലപ്പുഴ തുടങ്ങിയ ഉറച്ച മണ്ഡലങ്ങളിൽ എൽ ഡി എഫ് തോൽക്കാൻ പാടില്ലായിരുന്നുവെന്നും മുന്നണിയുടെ വീഴ്ചകളാണ് ജനവിധിയിൽ പ്രതിഫലിച്ചതെന്നും സി പി ഐ സംസ്ഥാന സെക്രട്ടറി കൂട്ടിച്ചേർത്തു.

ടോക്കിയോ: താമസ സൗകര്യവുമായി ബന്ധപ്പെട്ട വിവാദങ്ങൾക്ക് പിന്നാലെ, ജപ്പാനിലെ നഗോയയിൽ നടക്കുന്ന ഏഷ്യൻ ഗെയിംസിന് വില്ലനായി വൻ ചുഴലിക്കാറ്റ്. വരും ദിവസങ്ങളിൽ ഐച്ചി-നഗോയ തീരത്ത് കനത്ത ചുഴലിക്കാറ്റ് വീശിയടിച്ചേക്കുമെന്ന മുന്നറിയിപ്പിനെ തുടർന്ന്, മത്സരങ്ങൾ തടmപ്പെടാനും കായികതാരങ്ങളെ സുരക്ഷിത കേന്ദ്രങ്ങളിലേക്ക് മാറ്റാനും സാധ്യതയുണ്ടെന്ന് അധികൃതർ അറിയിച്ചു.

മണിക്കൂറിൽ 100 കിലോമീറ്റർ വേഗതയിൽ കാറ്റടിച്ചാൽ തീരദേശ നഗരത്തിൽ കഴിയുന്ന താരങ്ങളെ താൽക്കാലികമായി ഒഴിപ്പിക്കേണ്ടി വരും. സെപ്റ്റംബർ 21 ഓടെ 'ദുജുവാൻ' എന്ന ഉഷ്ണമേഖലാ ചുഴലിക്കാറ്റ് നഗോയ മേഖലയിലേക്ക് എത്തിയേക്കും. സാധാരണ മഴയയാണെങ്കിൽ മത്സരങ്ങൾ തുടരുമെന്നും എന്നാൽ പ്രകൃതിദുരന്ത മുന്നറിയിപ്പ് ലഭിച്ചാൽ താരങ്ങളെ സുരക്ഷിതമായി ഒഴിപ്പിക്കാൻ ക്രമീകരണങ്ങൾ ചെയ്തിട്ടുണ്ടെന്നും നഗോയ മേയറും ഗെയിംസ് ഡെപ്യൂട്ടി പ്രസിഡന്‍റുമായ ഇച്ചിറോ ഹിരോസാവ വ്യക്തമാക്കി.

BREAKING: TYPHOON THREAT IN NAGOYA, JAPAN! A typhoon with winds of around 100 km/h could hit Nagoya in 2 days during the Asian Games 2026.Around 4,000 athletes are staying on a cruise ship. What happens if the storm hits? (RevSportz Global) pic.twitter.com/AYBO7gjfpC

— Sports Apna (@sportsapna1) September 18, 2026

നഗരത്തിലെ താമസ സൗകര്യ പ്രതിസന്ധി പരിഹരിക്കാൻ എത്തിച്ച 'കോസ്റ്റ സെറീന' എന്ന ഇറ്റാലിയൻ ആഡംബര കപ്പലിൽ താമസിപ്പിച്ചിരിക്കുന്ന അയ്യായിരത്തോളം താരങ്ങളുടെ സുരക്ഷയ്ക്കായി പ്രത്യേക പദ്ധതിയും തയാറാക്കിയിട്ടുണ്ട്. കാറ്റിന്‍റെ വേഗത വർധിച്ചാൽ കപ്പൽ തീരത്തുനിന്ന് മാറി ആഴക്കടലിലെ സുരക്ഷിത സ്ഥാനത്തേക്ക് മാറ്റും.

ഗെയിംസിന്‍റെ ഔദ്യോഗിക ഉദ്ഘാടനത്തിന് തൊട്ടുമുമ്പ് പെയ്ത കനത്ത മഴയിൽ നഗോയയിലെ ചില പ്രദേശങ്ങൾ വെള്ളത്തിനടിയിലാവുകയും ചില മത്സരങ്ങൾ മാറ്റിവെക്കുകയും ചെയ്തിരുന്നു. ഇതിന് പുറമെ താരങ്ങൾക്ക് നൽകിയ താമസസൗകര്യത്തിലെ പോരായ്മകളും വലിയ വിവാദങ്ങൾക്ക് വഴിവെച്ചിട്ടുണ്ട്. ഇത്തവണ പ്രത്യേക ഗെയിംസ് വില്ലേജ് നിർമ്മിക്കുന്നതിന് പകരം ഹോട്ടലുകൾ, താൽക്കാലിക ഷിപ്പിംഗ് കണ്ടെയ്നർ ഹട്ടുകൾ, കോസ്റ്റ സെറീന കപ്പൽ എന്നിവയിലാണ് 17,000-ത്തോളം വരുന്ന കായികതാരങ്ങളെയും ഒഫീഷ്യലുകളെയും താമസിപ്പിച്ചിരിക്കുന്നത്. ഇടുങ്ങിയ മുറികളും ചെറിയ കട്ടിലുകളും വലിയ പ്രതിഷേധത്തിന് ഇടയാക്കി. കപ്പലിൽ മുറികൾ ലഭിക്കാൻ മണിക്കൂറുകളോളം ക്യൂ നിൽക്കേണ്ടി വന്നതായി ഇന്ത്യൻ ടീമും പരാതിപ്പെട്ടിരുന്നു.

എന്നാൽ മത്സരങ്ങൾക്ക് ശേഷം ഭീമമായ തുക ചെലവഴിച്ച് നിർമ്മിച്ച ഗെയിംസ് ഗ്രാമങ്ങൾ ഉപയോഗശൂന്യമായി കിടക്കുന്നത് ഒഴിവാക്കാനാണ് ഇത്തരമൊരു തീരുമാനം എടുത്തതെന്ന് ഒളിമ്പിക് കൗൺസിൽ ഓഫ് ഏഷ്യ പിന്തുണച്ചു. വരും ദിവസങ്ങളിലെ പ്രതികൂല കാലാവസ്ഥ ഏഷ്യൻ ഗെയിംസിന്‍റെ സംഘാടനത്തിന് വൻ വെല്ലുവിളിയാകുമെന്നാണ് വിലയിരുത്തൽ.

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക

മലയാള സിനിമകൾക്ക് ആഗോള വേദിയിൽ പുതിയ ഇടം കണ്ടെത്തി സംജാദ് സംവിധാനം ചെയ്ത ‘ഹാഫ്’. റിലീസിന് മുന്നോടിയായി ലോകത്തെ പ്രമുഖ ചലച്ചിത്രമേളകളായ ടൊറന്റോ അന്താരാഷ്ട്ര ചലച്ചിത്രമേള, ഫന്റാസ്റ്റിക് ഫെസ്റ്റ്, ബിയോണ്ട് ഫെസ്റ്റ്, സിറ്റ്ജസ് – ഇന്റർനാഷണൽ ഫന്റാസ്റ്റിക് ചലച്ചിത്രമേള ഓഫ് കാറ്റലോണിയ എന്നിവയിലേക്ക് ചിത്രം തിരഞ്ഞെടുക്കപ്പെട്ടു. വേൾഡ് പ്രീമിയർ, ഇന്റർനാഷണൽ പ്രീമിയർ, വെസ്റ്റ് കോസ്റ്റ് പ്രീമിയർ, യൂറോപ്യൻ പ്രീമിയർ എന്നിങ്ങനെ നാല് പ്രധാന അന്താരാഷ്ട്ര വേദികളിലൂടെയാണ് ‘ഹാഫ്’ പ്രേക്ഷകരിലേക്ക് എത്തുന്നത്.

ഫ്രാഗ്രന്റ് നേച്ചർ ഫിലിം ക്രിയേഷൻസിന്റെ ബാനറിൽ ആൻ സജീവ് & P.K സജീവ് നിർമ്മിക്കുന്ന ‘ഹാഫി’ന്റെ വേൾഡ് പ്രീമിയർ സെപ്റ്റംബർ 18ന് ടൊറന്റോ അന്താരാഷ്ട്ര ചലച്ചിത്രമേളയിലെ പ്രശസ്തമായ മിഡ്നൈറ്റ് മാഡ്നസ് വിഭാഗത്തിൽ നടക്കും. സെപ്റ്റംബർ 19, 20 തീയതികളിൽ ചിത്രത്തിന് അധിക പ്രദർശനങ്ങളുമുണ്ട്. മൂന്ന് പ്രദർശനങ്ങൾക്കുമുള്ള ടിക്കറ്റുകൾ വിറ്റുതീർന്നത് ചിത്രത്തിന് ലഭിച്ചുകൊണ്ടിരിക്കുന്ന അന്താരാഷ്ട്ര പ്രേക്ഷകശ്രദ്ധയുടെ ശ്രദ്ധേയമായ സൂചനയാണ്. ഹൊറർ, ആക്ഷൻ, ത്രില്ലർ, ഫാന്റസി തുടങ്ങിയ വിഭാഗങ്ങളിലുള്ള സിനിമകൾക്ക് പ്രാധാന്യം നൽകുന്ന മിഡ്നൈറ്റ് മാഡ്നസ് വിഭാഗത്തിലേക്ക് തിരഞ്ഞെടുക്കപ്പെടുന്ന ആദ്യ മലയാള ചിത്രമെന്ന പ്രത്യേകതയും ‘ഹാഫി’നുണ്ട്.

ടൊറന്റോയിലെ വേൾഡ് പ്രീമിയറിന് പിന്നാലെ അമേരിക്കയിലെ ടെക്സസിലെ ഓസ്റ്റിനിൽ നടക്കുന്ന ഫന്റാസ്റ്റിക് ഫെസ്റ്റിലാണ് ചിത്രത്തിന്റെ ഇന്റർനാഷണൽ പ്രീമിയർ. സെപ്റ്റംബർ 19നും 22നും അലാമോ ഡ്രാഫ്റ്റ്ഹൗസ് സൗത്ത് ലാമറിലാണ് പ്രദർശനങ്ങൾ.

തുടർന്ന് ലോസ് ആഞ്ചലസിലെ പ്രശസ്തമായ ബിയോണ്ട് ഫെസ്റ്റിലാണ് ‘ഹാഫി’ന്റെ വെസ്റ്റ് കോസ്റ്റ് പ്രീമിയർ. സെപ്റ്റംബർ 23ന് എയ്റോ തിയേറ്ററിലാണ് പ്രദർശനം. അമേരിക്കയിലെ പ്രധാന ചലച്ചിത്രമേളകളിലൊന്നായ ബിയോണ്ട് ഫെസ്റ്റിലേക്കുള്ള ‘ഹാഫി’ന്റെ തിരഞ്ഞെടുപ്പ് മലയാള സിനിമയിലെ ആക്ഷൻ, ഹൊറർ വിഭാഗങ്ങൾക്ക് ലഭിക്കുന്ന അന്താരാഷ്ട്ര ശ്രദ്ധയെ അടയാളപ്പെടുത്തുന്നു.

‘ഹാഫി’ന്റെ അന്താരാഷ്ട്ര ചലച്ചിത്രമേളാ യാത്രയുടെ അടുത്ത ഘട്ടം സ്പെയിനിലാണ്. സിറ്റ്ജസ് – ഇന്റർനാഷണൽ ഫന്റാസ്റ്റിക് ചലച്ചിത്രമേള ഓഫ് കാറ്റലോണിയയുടെ 2026 പതിപ്പിൽ സിറ്റ്ജസ് കളക്ഷൻ വിഭാഗത്തിലേക്കാണ് ചിത്രം തിരഞ്ഞെടുക്കപ്പെട്ടിരിക്കുന്നത്. വാംപയർ മിത്തോളജി, ആക്ഷൻ, ഹൊറർ എന്നിവ സമന്വയിപ്പിക്കുന്ന ചിത്രത്തിന്റെ പ്രമേയത്തിന് ഏറെ അനുയോജ്യമായ വേദിയാണ് ലോകത്തെ പ്രധാന ഫന്റാസ്റ്റിക് ചലച്ചിത്രമേളകളിലൊന്നായ സിറ്റ്ജസ്. ചിത്രത്തിന്റെ യൂറോപ്യൻ പ്രീമിയറും ഇവിടെ നടക്കും.

മലയാള സിനിമയ്ക്കും സിറ്റ്ജസ് ചലച്ചിത്രമേളയ്ക്കുമിടയിൽ മുൻകാല സാന്നിധ്യമുണ്ട്. ഷാജി എൻ. കരുണിന്റെ ‘പിറവി’ 1989ൽ നിർമ്മിക്കപ്പെട്ട മലയാള ചിത്രമായി സിറ്റ്ജസിന്റെ ഔദ്യോഗിക ആർക്കൈവിൽ രേഖപ്പെടുത്തിയിട്ടുണ്ട്. ഈ പശ്ചാത്തലത്തിൽ ‘ഹാഫി’ന്റെ സിറ്റ്ജസ് തിരഞ്ഞെടുപ്പ് മലയാള സിനിമയുടെ അന്താരാഷ്ട്ര ചലച്ചിത്രമേളാ യാത്രയിലെ മറ്റൊരു പ്രധാന അധ്യായമായി മാറുകയാണ്. 2026ലെ ഔദ്യോഗിക പ്രഖ്യാപനത്തിൽ രണ്ട് ഹാഫ്-ബ്ലഡ് വാംപയർ ട്വിൻസ് നടത്തുന്ന പ്രതികാരത്തിന്റെ കഥയായാണ് ‘ഹാഫി’നെ പരിചയപ്പെടുത്തുന്നത്.

വാംപയർ മിത്തോളജി, റോഡ് ആക്ഷൻ, ഹൊറർ, പ്രതികാരം എന്നിവ സമന്വയിപ്പിക്കുന്ന ചിത്രമാണ് ‘ഹാഫ്’. വ്യത്യസ്തമായ കഥാപശ്ചാത്തലത്തിൽ ഒരുങ്ങുന്ന ചിത്രം, മലയാള സിനിമയിൽ നിന്ന് അന്താരാഷ്ട്ര പ്രേക്ഷകരിലേക്കുള്ള പുതിയൊരു യാത്രയ്ക്കാണ് ഒരുങ്ങുന്നത്.

പ്രവീൺ വിശ്വനാഥും സംജാദും ചേർന്നാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. രഞ്ജിത്ത് സജീവ്, ഐശ്വര്യ രാജ്, അബ്ബാസ്, അമല പോൾ എന്നിവർ പ്രധാന കഥാപാത്രങ്ങളെ അവതരിപ്പിക്കുന്നു. പാപ്പിനുവാണ് ഛായാഗ്രഹണം. മഹേഷ് ഭുവനേന്ദാണ് എഡിറ്റിംഗ് നിർവഹിക്കുന്നത്. വിഷ്ണു ഗോവിന്ദാണ് ശബ്ദസംവിധാനം. മിഥുൻ മുകുന്ദനാണ് സംഗീതം ഒരുക്കുന്നത്. വെരി ട്രി യുലിസ്മാനാണ് ആക്ഷൻ രംഗങ്ങൾ ഒരുക്കിയത്. മോഹൻദാസാണ് പ്രൊഡക്ഷൻ ഡിസൈൻ നിർവഹിക്കുന്നത്.

ശക്തമായ കഥാശൈലിക്കും വ്യത്യസ്തമായ സിനിമാ അനുഭവങ്ങൾക്കും കലാപരമായ മികവിനും പ്രാധാന്യം നൽകുന്ന ഫ്രാഗ്രന്റ് നേച്ചർ ഫിലിം ക്രിയേഷൻസിന്റെ ബാനറിലാണ് ‘ഹാഫ്’ ഒരുങ്ങുന്നത്. ‘പ്രണയം’, ‘ഖൽബ്’, ‘ഗോളം’ തുടങ്ങിയ ചിത്രങ്ങളിലൂടെ ഉള്ളടക്കകേന്ദ്രിതവും കലാപരമായി മികവുറ്റതുമായ സിനിമകളോടുള്ള തങ്ങളുടെ സമീപനം നിർമ്മാണസ്ഥാപനം ഇതിനോടകം അടയാളപ്പെടുത്തിയിട്ടുണ്ട്.

പ്രേക്ഷകരെ ഒരേസമയം ചിന്തിപ്പിക്കുകയും അനുഭവിപ്പിക്കുകയും ചെയ്യുന്ന വ്യത്യസ്തമായ കഥകൾക്ക് മുൻതൂക്കം നൽകുന്ന ഫ്രാഗ്രന്റ് നേച്ചർ ഫിലിം ക്രിയേഷൻസ്, പുതിയ ആശയങ്ങളെയും സൃഷ്ടിപരമായ പ്രതിഭകളെയും പിന്തുണയ്ക്കുന്നതിലും ശ്രദ്ധ കേന്ദ്രീകരിക്കുന്നു. കഥയുടെ ആത്മാവിനും ദൃശ്യങ്ങളുടെ മികവിനും ഒരുപോലെ പ്രാധാന്യം നൽകുന്ന നിർമ്മാണ സമീപനമാണ് ഓരോ ചിത്രത്തിലും പിന്തുടരുന്നത്.

നിർമ്മാതാക്കളായ ആൻ സജീവ് & P.K സജീവ് ആണ് ഫ്രാഗ്രന്റ് നേച്ചർ ഫിലിം ക്രിയേഷൻസിന് നേതൃത്വം നൽകുന്നത്. സിനിമയെ കേവലം വിനോദമെന്നതിലുപരി പ്രേക്ഷകനെ ചിന്തിപ്പിക്കുകയും ആഴത്തിൽ സ്വാധീനിക്കുകയും ചെയ്യുന്ന കലയായി കാണുന്ന അവരുടെ നിർമ്മാണ സമീപനം ‘ഹാഫി’ലും പ്രതിഫലിക്കുന്നു.

വേൾഡ് പ്രീമിയറിന് മുമ്പുതന്നെ നാല് പ്രധാന അന്താരാഷ്ട്ര ചലച്ചിത്രമേളകളിലേക്ക് തിരഞ്ഞെടുക്കപ്പെട്ട ‘ഹാഫ്’, മലയാള സിനിമയെ ആഗോള പ്രേക്ഷകരിലേക്ക് എത്തിക്കുന്ന ശ്രദ്ധേയമായ ചിത്രമായി മാറുകയാണ്. ടൊറന്റോയിൽ നിന്ന് ആരംഭിച്ച് അമേരിക്കയിലെ ഓസ്റ്റിനിലേക്കും ലോസ് ആഞ്ചലസിലേക്കും തുടർന്ന് സ്പെയിനിലെ സിറ്റ്ജസിലേക്കും നീളുന്ന ചിത്രത്തിന്റെ അന്താരാഷ്ട്ര ചലച്ചിത്രമേളാ യാത്ര, മലയാള സിനിമയുടെ ആഗോള സാധ്യതകൾക്ക് പുതിയൊരു വേദി കൂടിയാണ് തുറക്കുന്നത്.

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക

കാര്‍ഡിഫ്: ടി20 ക്രിക്കറ്റില്‍ പുതിയ ചരിത്രം കുറിച്ച് ഇംഗ്ലണ്ട് വിക്കറ്റ് കീപ്പര്‍-ബാറ്റര്‍ ജോസ് ബട്ലര്‍. ടി20 ക്രിക്കറ്റില്‍ 15,000 റണ്‍സ് തികയ്‌ക്കുന്ന ആദ്യ ബാറ്ററായി ബട്ലര്‍ മാറി. ശ്രീലങ്കയ്‌ക്കെതിരായ രണ്ടാം ടി20 മത്സരത്തിലാണ് താരം ഈ അപൂര്‍വ നേട്ടത്തിലെത്തിയത്. ടി20 ക്രിക്കറ്റിലെ ഏറ്റവും ഉയര്‍ന്ന റണ്‍സ് നേടിയ താരമെന്ന റെക്കോര്‍ഡും ഇതോടെ ബട്ലര്‍ സ്വന്തമാക്കി. വെസ്റ്റ് ഇന്‍ഡീസ് ഇതിഹാസം കീറോണ്‍ പൊള്ളാര്‍ഡിന്റെ 14,999 റണ്‍സാണ് ബട്ലര്‍ മറികടന്നത്. 528 മത്സരങ്ങളില്‍നിന്നാണ് ബട്ലര്‍ 15,000 റണ്‍സ് നേടിയത്. 35.46 ശരാശരിയും 147.46 സ്ട്രൈക്ക് റേറ്റുമാണ് താരത്തിനുള്ളത്. ഒന്‍പത് സെഞ്ചുറികളും 107 അര്‍ധസെഞ്ചുറികളും ഇതില്‍ ഉള്‍പ്പെടുന്നു.

ശ്രീലങ്കന്‍ ബൗളര്‍ ഈഷാന്‍ മാലിംഗ എറിഞ്ഞ അഞ്ചാം ഓവറില്‍ സിംഗിള്‍ നേടിയാണ് ബട്ലര്‍ 15,000 റണ്‍സ് ക്ലബിലെത്തിയത്. ഇംഗ്ലണ്ട്, ലങ്കാഷയര്‍, മാഞ്ചസ്റ്റര്‍ ഒറിജിനല്‍സ്, മാഞ്ചസ്റ്റര്‍ സൂപ്പര്‍ ജയന്റ്‌സ്, ഗുജറാത്ത് ടൈറ്റന്‍സ്, സോമര്‍സെറ്റ്, പാള്‍ റോയല്‍സ്, മുംബൈ ഇന്ത്യന്‍സ്, സിഡ്‌നി തണ്ടര്‍, കോമില്ല വിക്ടോറിയന്‍സ്, ഡര്‍ബന്‍സ് സൂപ്പര്‍ ജയന്റ്‌സ്, മെല്‍ബണ്‍ റെനഗേഡ്‌സ്, ഇംഗ്ലണ്ട് ലയണ്‍സ് തുടങ്ങിയ ടീമുകള്‍ക്കായാണ് ബട്ലര്‍ ടി20 ക്രിക്കറ്റ് കളിച്ചിട്ടുള്ളത്.

754 മത്സരങ്ങളില്‍നിന്ന് 31.71 ശരാശരിയില്‍ 14,999 റണ്‍സാണ് പൊള്ളാര്‍ഡിന്റെ സമ്പാദ്യം. ബട്ലര്‍ റെക്കോര്‍ഡ് മറികടന്നതോടെ ടി20 ചരിത്രത്തിലെ റണ്‍വേട്ടക്കാരുടെ പട്ടികയിലും താരം ഒന്നാമതെത്തി. മത്സരത്തില്‍ ശ്രീലങ്കയെ ആറ് വിക്കറ്റിന് തോല്‍പ്പിച്ച് ഇംഗ്ലണ്ട് മൂന്ന് മത്സരങ്ങളടങ്ങിയ പരമ്പരയില്‍ 2-0ന് അപ്രാപ്യമായ ലീഡ് സ്വന്തമാക്കി. ആദ്യം ബാറ്റ് ചെയ്ത ശ്രീലങ്ക 20 ഓവറില്‍ ഒന്‍പത് വിക്കറ്റ് നഷ്ടത്തില്‍ 145 റണ്‍സെടുത്തു. മറുപടി ബാറ്റിങ്ങില്‍ ഇംഗ്ലണ്ട് 12.1 ഓവറില്‍ നാല് വിക്കറ്റ് നഷ്ടത്തില്‍ 146 റണ്‍സെടുത്ത് ലക്ഷ്യം മറികടന്നു.

ശ്രീലങ്കയ്‌ക്കെതിരായ ടി20യിലെ ഇംഗ്ലണ്ടിന്റെ തുടര്‍ച്ചയായ 14-ാം ജയമാണിത്. മൂന്ന് വിക്കറ്റ് വീഴ്‌ത്തിയ ഡോസണാണ് മത്സരത്തിലെ പ്ലെയര്‍ ഓഫ് ദ മാച്ച്. പരമ്പരയിലെ മൂന്നാമത്തെയും അവസാനത്തെയും ടി20 മത്സരം ശനിയാഴ്ച മാഞ്ചസ്റ്ററിലെ ഓള്‍ഡ് ട്രാഫോര്‍ഡില്‍ നടക്കും.

1. നിതാരി കൊലപാതക പരമ്പര; കുറ്റവിമുക്തനാക്കപ്പെട്ട സുരേന്ദ്ര കോലി മരിച്ച നിലയില്‍  Reporter Tv
2. നിഥാരി കൊലക്കേസിൽ സുപ്രീം കോടതി വെറുതെവിട്ട സുരേന്ദ്ര കോലി ജീവനൊടുക്കിയ നിലയിൽ, കണ്ടെത്തിയത് ഹരിദ്വാറിലെ ചായക്കടയിൽ  Asianet News Malayalam
3. നിതാരിയിൽ കണ്ടെത്തിയത് 19 തലയോട്ടികൾ: ക്രൂരബലാത്സംഗം, മനുഷ്യ മാംസം ഭക്ഷിച്ചു; സമാനതകളില്ലാത്ത ക്രൂരത  Mathrubhumi
4. "നിതാരിയിലെ രാക്ഷസൻ" സുരീന്ദർ സിംഗ് കോലി ആത്മഹത്യ ചെയ്തു; മരിച്ചത് നിഹാരി കൂട്ടക്കൊല കേസിൽ വെറുതെവിട്ട ആൾ  Mangalam
5. നിതാരി കൂട്ടക്കൊലക്കേസ് പ്രതി സുരേന്ദ്ര കോലി ഹരിദ്വാറില്‍ ജീവനൊടുക്കി  malayalivartha.com

പേരും ചിഹ്നവും പോയി; പകരം പേരും ചിഹ്നവും നിർദേശിച്ച് തെരഞ്ഞെടുപ്പ് കമ്മീഷന് അപേക്ഷ നൽകി മമത ബാനർജിയും വിമത പക്ഷവും

മെസ്സിയെ കേരളത്തിൽ എത്തിക്കാമെന്ന പേരിൽ നടത്തിയ തട്ടിപ്പ്; റെയ്ഡിൽ കണ്ടെടുത്ത രേഖകളും ഇലക്ട്രോണിക് ഉപകരണങ്ങളും കോടതിയിലേക്ക് Messi Controversy | GST

മുംബൈ: പ്രധാനമന്ത്രി നരേന്ദ്ര മോദിയുടെ 76-ാം ജന്മദിനത്തോടനുബന്ധിച്ച് വിദ്യാഭ്യാസ-സാമൂഹിക സേവന രംഗത്ത് ശ്രദ്ധേയ പ്രഖ്യാപനങ്ങളുമായി ബോളിവുഡ് താരങ്ങൾ. അലിയ ഭട്ടും ഭർത്താവ് രൺബീർ കപൂറും 20 സ്കൂളുകൾ നവീകരിക്കാൻ പിന്തുണ നൽകുമെന്ന് പ്രഖ്യാപിച്ചപ്പോൾ, 1,000 പെൺകുട്ടികളുടെ വിദ്യാഭ്യാസത്തിന് സഹായം നൽകുമെന്ന് രൺവീർ സിംഗും അറിയിച്ചു.

പ്രധാനമന്ത്രിയുടെ ജന്മദിനത്തോടനുബന്ധിച്ച് ആരംഭിച്ച സേവാ സങ്കൽപ് അഭിയാന്റെ ഭാഗമായാണ് താരങ്ങളുടെ പ്രഖ്യാപനം. ഒരു മാസം നീളുന്ന ക്യാമ്പയിനിൽ വിവിധ പൊതുസേവന പ്രവർത്തനങ്ങളാണ് ആസൂത്രണം ചെയ്തിരിക്കുന്നത്.

20 സ്കൂളുകളുടെ നവീകരണത്തിന് അലിയ-രൺബീർ
പ്രധാനമന്ത്രി മോദിക്ക് ജന്മദിനാശംസകൾ നേർന്നുകൊണ്ടാണ് അലിയ ഭട്ട് സാമൂഹ്യമാധ്യമത്തിലൂടെ താനും രൺബീറും നടത്തുന്ന സേവനപ്രവർത്തനം പ്രഖ്യാപിച്ചത്. ബൃഹൻമുംബൈ മുനിസിപ്പൽ കോർപ്പറേഷന്റെ (BMC) നിർദേശപ്രകാരം കണ്ടെത്തുന്ന 20 സ്കൂളുകളുടെ നവീകരണത്തിനാണ് ദമ്പതികൾ പിന്തുണ നൽകുക. കുട്ടികൾക്ക് മികച്ച പഠനാന്തരീക്ഷം ഒരുക്കുകയാണ് പദ്ധതിയുടെ ലക്ഷ്യമെന്ന് അലിയ വ്യക്തമാക്കി. സ

1,000 പെൺകുട്ടികളുടെ വിദ്യാഭ്യാസം ഏറ്റെടുത്ത് രൺവീർ
മുംബൈയിലെ ലാൽബാഗ്ചാ രാജ പന്തൽ സന്ദർശിച്ചതിന് പിന്നാലെയാണ് രൺവീർ സിംഗ് പ്രഖ്യാപനം നടത്തിയത്. സേവാ സങ്കൽപ് അഭിയാന്റെ ഭാഗമായി 1,000 പെൺകുട്ടികളുടെ വിദ്യാഭ്യാസത്തിന് പിന്തുണ നൽകുമെന്ന് താരം അറിയിച്ചു.

ഗണേശ ചതുർഥിയോടും പ്രധാനമന്ത്രി മോദിയുടെ ജന്മദിനത്തോടും ചേർത്താണ് ഈ സേവനപ്രവർത്തനത്തെ രൺവീർ അവതരിപ്പിച്ചത്. കുടുംബത്തിന് സന്തോഷകരമായ ഒരു വർഷമായിരുന്നുവെന്നും വരും ദിവസങ്ങൾക്കായി അനുഗ്രഹം തേടിയാണ് ലാൽബാഗ്ചാ രാജയെ സന്ദർശിച്ചതെന്നും താരം പറഞ്ഞു.

മോദിക്ക് ആശംസകളുമായി ബോളിവുഡ് താരങ്ങൾ
പ്രധാനമന്ത്രി മോദിക്ക് ജന്മദിനാശംസകളുമായി സൽമാൻ ഖാൻ, ഷാരൂഖ് ഖാൻ, അക്ഷയ് കുമാർ, മോഹൻലാൽ, കങ്കണ റണാവത്ത്, ജാക്കി ഷ്റോഫ് തുടങ്ങിയ താരങ്ങളും സാമൂഹ്യമാധ്യമങ്ങളിലെത്തി.

പ്രധാനമന്ത്രിയുടെ ജന്മദിനവും പൊതുജീവിതത്തിലെ 25 വർഷവും പ്രമേയമാക്കി സംഘടിപ്പിക്കുന്ന സേവാ സങ്കൽപ് അഭിയാൻ ഒരു മാസം നീണ്ടു നിൽക്കും. വിവിധ പൊതുസേവന പ്രവർത്തനങ്ങളാണ് ക്യാമ്പയിന്റെ ഭാഗമായി നടക്കുന്നത്.

മഹാരാഷ്ട്രയിൽ തോക്ക് ചൂണ്ടി കൂട്ടബലാത്സംഗം; ബിജെപി മുൻ എംഎൽഎയ്ക്കെതിരെ കേസ്; കല്യാൺ വെസ്റ്റ് മുൻ എംഎൽഎ നരേന്ദ്രപവാർ പ്രതി Maharashtra Sexual Assualt Case

'അസി.കമ്മീഷണറിന് പിന്നെ ഇരിക്കണ്ടേ?, നിർഭയമായി മാധ്യമപ്രവർത്തനം നടത്താനുള്ള സ്വാതന്ത്ര്യം കേരളത്തിലുള്ളത് പോലെ മറ്റെവിടെയുമില്ല'; പൊലീസ് മാധ്യമപ്രവർത്തകരോട് അപമര്യാദയായി പെരുമാറിയിട്ടില്ലെന്ന് ആഭ്യന്തരമന്ത്രി രമേശ് ചെന്നിത്തല Ramesh Chennithala | Reporter TV | Anto Augustine | Police Raid

ടോമിന്‍ ജെ തച്ചങ്കരിക്ക് ദേഹാസ്വാസ്ഥ്യം; ജയിലിലെ ആശുപത്രി ബ്ലോക്കില്‍ പ്രവേശിപ്പിച്ചു, ഇന്ന് ഡോക്ടര്‍ തുടര്‍ പരിശോധന നടത്തും

1. Law and Order Review | തിയേറ്റർ പൂരപ്പറമ്പാക്കിയ കാമിയോ; തൂഫാനടിച്ച് രഞ്ജിത്തിന്റെ ‘ലോ ആൻഡ് ഓർഡർ’  Mathrubhumi
2. 22 വർഷങ്ങൾക്കുശേഷം ഷൺമുഖനായി മമ്മൂട്ടി; കറുപ്പണിഞ്ഞ് അതേ സ്വാഗിൽ താരം  manoramaonline.com
3. 'ലാസ്റ്റ് ഷോട്ട് ഷണ്‍മുഖന്‍ എന്‍ട്രി'; മമ്മൂട്ടിയുടെ മാസ് കാമിയോയുമായി രഞ്ജിത്ത് ചിത്രം 'ലോ ആൻഡ് ഓർഡർ' ട്രെയിലർ  manoramanews.com
4. 'കാരിക്കാമുറി ഷണ്‍മുഖനും ഡി.എസ്.പി. ബാലഗോപാലും തൂക്കും'!, 'ലോ ആന്‍ഡ് ഓര്‍ഡര്‍' തിയേറ്ററുകളിലെത്തി; പ്രേക്ഷക പ്രതികരണം  ETV Bharat
5. പ്രകാശ് വര്‍മ്മ നായകനാവുന്ന രഞ്ജിത് സിനിമ ‘ലോ ആന്‍റ് ഓര്‍ഡര്‍’ ട്രെയിലര്‍ പുറത്ത്  Janmabhumi

ഹരിദ്വാർ: 2006ലെ നിതാരി കൂട്ടക്കൊലക്കേസിൽ പ്രതിയായിരുന്ന സുരേന്ദ്ര കോലി ഹരിദ്വാറിൽ മരിച്ചനിലയിൽ. ആത്മഹത്യ ചെയ്തതാണെന്നാണ് പ്രാഥമിക നിഗമനം. ഹരിദ്വാറിലെ ഭൂപത്വാല മേഖലയിലെ ചായക്കടയ്‌ക്കുള്ളിലാണ് ഇയാളെ മരിച്ചനിലയിൽ കണ്ടെത്തിയത്. സംഭവത്തിൽ പൊലീസ് അന്വേഷണം ആരംഭിച്ചു.

സപ്തസരോവർ റോഡിൽ ലാൽമാതാ ക്ഷേത്രത്തിന് എതിർവശത്തുള്ള ചായക്കടയിലാണ് മൃതദേഹം കണ്ടെത്തിയത്. കുറച്ചുകാലമായി  ഹരിദ്വാറിൽ  ചായക്കച്ചവടം നടത്തിവരികയായിരുന്നു സുരേന്ദ്ര കോലി.

വിവരമറിഞ്ഞ് സപ്തർഷി പൊലീസ് ഔട്ട്‌പോസ്റ്റിൽ നിന്നുള്ള ഉദ്യോഗസ്ഥർ സ്ഥലത്തെത്തി പരിശോധന നടത്തി. സംഭവസ്ഥലത്ത് നിന്ന് ആത്മഹത്യാക്കുറിപ്പൊന്നും കണ്ടെത്തിയിട്ടില്ല. മരണത്തിന്റെ കൃത്യമായ കാരണം പോസ്റ്റ്‌മോർട്ടത്തിനും വിശദമായ അന്വേഷണത്തിനും ശേഷമേ വ്യക്തമാകൂവെന്ന് പൊലീസ് അറിയിച്ചു. കുടുംബാംഗങ്ങളെ വിവരമറിയിച്ചിട്ടുണ്ട്.

2006ൽ നോയിഡയിലെ നിതാരി മേഖലയിൽ കുട്ടികളടക്കമുള്ളവരുടെ തിരോധാനവും കൊലപാതകവും പുറത്തുവന്നതോടെയാണ് സുരേന്ദ്ര കോലിയുടെ പേര് കേസിൽ ഉയർന്നത്. 2025 ജൂലൈയിൽ   നിതാരിയുമായി ബന്ധപ്പെട്ട 12 കേസുകളിൽ സുരേന്ദ്ര കോലിയെ  കുറ്റവിമുക്തനാക്കിയത്  സുപ്രീംകോടതി  ശരിവച്ചിരുന്നു. ശേഷിച്ച അവസാന കേസിൽ കഴിഞ്ഞ  നവംബറിൽ സുപ്രീംകോടതി ശിക്ഷ റദ്ദാക്കി കോലിയെ കുറ്റവിമുക്തനാക്കി. തുടർന്നാണ് ഇയാൾ ജയിൽ മോചിതനായത്.

തിരക്കേറിയ ജീവിതത്തില്‍ ഒരു കപ്പ് കാപ്പി ഇല്ലാത്ത ദിവസത്തെക്കുറിച്ച് ചിന്തിക്കാന്‍ പോലും പലര്‍ക്കും കഴിയില്ല. ജോലിത്തിരക്കുകള്‍ക്കിടയിലെ ആശ്വാസമായാലും, അവധി ദിവസങ്ങളില്‍ കോഫി ഷോപ്പുകളില്‍ നിന്നുള്ള കാപ്പിയുടെ കൊതിയൂറുന്ന മണമായാലും കാപ്പി ഒരു വികാരം തന്നെയാണ്. എന്നാല്‍ കാപ്പി പ്രേമികളെ സംബന്ധിച്ച് ഒരു പ്രധാന ചോദ്യമിതാണ്. കാപ്പിയുടെ വില ഇനി കൂടുമോ?

നിലവില്‍ കാപ്പി വിപണിയില്‍ നിന്ന് ആശ്വാസകരമായ വാര്‍ത്തകളാണ് വരുന്നത്. റോബസ്റ്റ കാപ്പിക്കുരുവിന്റെ വില എക്കാലത്തെയും ഉയര്‍ന്ന നിരക്കില്‍ നിന്നും ഇപ്പോള്‍ 35 ശതമാനത്തോളം താഴേക്ക് വന്നിട്ടുണ്ട്. എങ്കിലും കഴിഞ്ഞ 20 വര്‍ഷത്തെ ശരാശരി വിലയുമായി താരതമ്യം ചെയ്യുമ്പോള്‍ വില ഇപ്പോഴും 20 ശതമാനത്തിന് മുകളില്‍ തന്നെയാണ്. കാലാവസ്ഥാ വ്യതിയാനങ്ങള്‍ കാപ്പിയുടെ വിലയില്‍ ഇനിയും മാറ്റങ്ങള്‍ വരുത്തിയേക്കാമെന്ന് വിപണി വിദഗ്ധര്‍ പറയുന്നു.

മുന്‍കാലങ്ങളെ അപേക്ഷിച്ച് വില കുറഞ്ഞെങ്കിലും, 20 വര്‍ഷത്തെ ശരാശരിയെടുത്താല്‍ ഇപ്പോഴും വില 70 ശതമാനത്തോളം മുകളിലാണെന്ന് കണക്കുകള്‍ സൂചിപ്പിക്കുന്നു. എന്നാല്‍ കഴിഞ്ഞ ഒരു മാസമായി വിലയില്‍ വലിയ മാറ്റങ്ങളില്ല. വില ഇപ്പോള്‍ ഒരു പരിധി വരെ സ്ഥിരത കൈവരിച്ചിട്ടുണ്ട്. എന്നാല്‍, ബ്രസീലിലെ കാലാവസ്ഥയില്‍ ഉണ്ടാകുന്ന മാറ്റങ്ങള്‍ കാപ്പിയുടെ വിലയെ സ്വാധീനിക്കാന്‍ സാധ്യതയുണ്ട്. അവിടെ കാലാവസ്ഥ മോശമാവുകയും അത് കൃഷിയെ ബാധിക്കുകയും ചെയ്താല്‍, കാപ്പിയുടെ വില വീണ്ടും നേരിയ തോതില്‍ ഉയര്‍ന്നേക്കാം.

ഇന്ത്യയില്‍ ഉത്പാദിപ്പിക്കുന്ന കാപ്പിയുടെ 70 ശതമാനത്തിലധികവും വിദേശരാജ്യങ്ങളിലേക്കാണ് കയറ്റി അയക്കുന്നത്. ഇതില്‍ 70 ശതമാനവും വാങ്ങുന്നത് യൂറോപ്യന്‍ വിപണിയാണ്. ഇന്ത്യന്‍ കാപ്പിക്കുരു ഏറ്റവും കൂടുതല്‍ വാങ്ങുന്ന രാജ്യം ഇറ്റലിയാണ്. ബെല്‍ജിയം, റഷ്യ എന്നിവയാണ് തൊട്ടുപിന്നിലുള്ള മറ്റ് പ്രധാന രാജ്യങ്ങള്‍. കൂടാതെ മിഡില്‍ ഈസ്റ്റിലും വലിയ വിപണിയുണ്ട്.

താനൂര്‍| മലപ്പുറം ഉണ്യാലില്‍ സി പി എം പ്രവര്‍ത്തകന് വെട്ടേറ്റു. ഉണ്യാല്‍ സ്വദേശി ജാറക്കടവത്ത് ജംഷീര്‍ ബാബു(35)വിനാണ് വെട്ടേറ്റത്. പുതിയകടപ്പുറം ഭാഗത്ത് വെച്ച് ഉച്ചയ്ക്ക് പന്ത്രണ്ടോടെയാണ് സംഭവം.

മോട്ടോര്‍ സൈക്കിളില്‍ വരികയായിരുന്ന ജംഷീര്‍ ബാബുവിനെ കാറില്‍ പിന്തുടര്‍ന്ന അക്രമിസംഘം പുതിയകടപ്പുറം ബസ് സ്റ്റോപ്പിന് സമീപത്ത് ക്രൂരമായി വെട്ടിപ്പരിക്കല്‍പ്പിച്ചു.

തലയ്ക്കും ഇരു കൈകാലുകള്‍ക്കും വെട്ടേറ്റ ജംഷീര്‍ ബാബുവിനെ തിരൂര്‍ ജില്ലാ ആശുപത്രിയില്‍ പ്രവേശിപ്പിച്ചെങ്കിലും പരുക്ക് ഗുരുതരമായതിനാല്‍ പെരിന്തല്‍മണ്ണ ഇ എം എസ് ആശുപത്രിയിലേക്ക് മാറ്റി.

Content Highlights:
A 35-year-old CPM worker named Jamsheer Babu was brutally hacked by a gang at Unyal in Malappuram. The attackers chased his motorcycle in a car and ambushed him near Puthiyakadappuram bus stop. Having sustained severe injuries to his head and limbs, he was shifted to Perinthalmanna EMS hospital.

കോബാലമിൻ എന്നും അറിയപ്പെടുന്ന വിറ്റാമിൻ ബി12 ശരീരത്തിന്റെ നാഡീവ്യൂഹത്തിന്റെ പ്രവർത്തനം, ചുവന്ന രക്താണുക്കളുടെ നിർമ്മാണം, ഡി.എൻ.എ (DNA) സംശ്ലേഷണം എന്നിവയ്ക്ക് അത്യാവശ്യമായ ഒരു ജലത്തിൽ ലയിക്കുന്ന വിറ്റാമിനാണ്.

കോബാലമിൻ എന്നും അറിയപ്പെടുന്ന വിറ്റാമിൻ ബി12 ശരീരത്തിന്റെ നാഡീവ്യൂഹത്തിന്റെ പ്രവർത്തനം, ചുവന്ന രക്താണുക്കളുടെ നിർമ്മാണം, ഡി.എൻ.എ (DNA) സംശ്ലേഷണം എന്നിവയ്ക്ക് അത്യാവശ്യമായ ഒരു ജലത്തിൽ ലയിക്കുന്ന വിറ്റാമിനാണ്. സ്ത്രീകളിൽ വിറ്റാമിൻ ബി12 ന്റെ കുറവ് ഉണ്ടായാൽ ശരീരം പ്രകടിപ്പിക്കുന്ന ചില ലക്ഷണങ്ങൾ.

കാരണമില്ലാത്ത നിരന്തരമായ ക്ഷീണം അനുഭവപ്പെടുന്നതാണ് ആദ്യത്തെ ലക്ഷണം. നന്നായി ഉറങ്ങിയിട്ടും തളർച്ച അനുഭവപ്പെടുന്നത് പലപ്പോഴും ഒരു പ്രധാന മുന്നറിയിപ്പ് ലക്ഷണമാണ്. ശരീരത്തിലുടനീളം ഓക്സിജൻ എത്തിക്കുന്ന ആരോഗ്യകരമായ ചുവന്ന രക്താണുക്കളുടെ ഉൽപ്പാദനത്തിന് വിറ്റാമിൻ ബി12 അത്യന്താപേക്ഷിതമാണ്. ബി12-ന്റെ അളവ് കുറയുമ്പോൾ ആവശ്യമായ ഓക്സിജൻ ലഭിക്കാതെ വരികയും, ഇത് കഠിനവും വിട്ടുമാറാത്തതുമായ ക്ഷീണത്തിന് കാരണമാവുകയും ചെയ്യുന്നു.

കൈകളിലോ കാലുകളിലോ തരിപ്പ് അനുഭവപ്പെടുന്നതാണ് മറ്റൊരു ലക്ഷണം. കൈകാലുകളിൽ സൂചി കുത്തുന്നതുപോലെയുള്ള അനുഭവം അല്ലെങ്കിൽ മരവിപ്പ് അനുഭവപ്പെടുന്നത് നാഡികളെ ബാധിക്കുന്ന പ്രശ്നങ്ങളുടെ സൂചനയാണ്. നാഡികൾക്ക് ചുറ്റുമുള്ള സംരക്ഷണ ആവരണമായ 'മൈലിൻ' (myelin) ഉൽപ്പാദിപ്പിക്കാൻ വിറ്റാമിൻ ബി12 സഹായിക്കുന്നു. ഇതിന്റെ കുറവ് വർദ്ധിക്കുമ്പോൾ നാഡികളിൽ അസ്വസ്ഥതയ്ക്കും സംവേദന ശേഷിയിലുള്ള തകരാറിനും കാരണമാവുകയും ചെയ്യുന്നു.

തുടർച്ചയായ 'ബ്രെയിൻ ഫോഗ്'ആണ് മറ്റൊരു ലക്ഷണം. ശ്രദ്ധ കേന്ദ്രീകരിക്കാനുള്ള ബുദ്ധിമുട്ട്, ചെറിയ തോതിലുള്ള ഓർമ്മക്കുറവ്, അല്ലെങ്കിൽ മാനസികമായ മന്ദത എന്നിവ ശരീരത്തിൽ വിറ്റാമിൻ ബി12-ന്റെ അളവ് കുറയുന്നത് മൂലമുണ്ടാകാം. ഇതിന്റെ കുറവ് തുടക്കത്തിൽ തന്നെ ബുദ്ധിപരമായ പ്രവർത്തന തകരാറുകളായും ചിന്താപ്രക്രിയയുടെ വേഗത കുറയുന്നതായും പ്രകടമായേക്കാം.

നാക്കിൽ ചുവന്ന പാടുകളോ വേദനയെ അനുഭവപ്പെടുന്നത് നിസാരമായി കാണരുത്. വായിലുണ്ടാകുന്ന മാറ്റങ്ങൾ B12-ന്റെ കുറവ് നേരത്തെ തിരിച്ചറിയാൻ സഹായിക്കുന്ന പ്രധാന ലക്ഷണങ്ങളാണ്. നാവിൻ്റെ ഉപരിതലത്തിലുള്ള ചെറിയ മുഴകൾ നഷ്ടപ്പെടുന്നതുമൂലം നാവ് വീർത്ത് ചുവന്ന്, അസാധാരണമാംവിധം മിനുസമുള്ളതായി മാറാം. 'ഗ്ലോസിറ്റിസ്' (glossitis) എന്ന് വിളിക്കപ്പെടുന്ന ഈ അവസ്ഥ പലപ്പോഴും എരിച്ചിലിന് കാരണമാകുന്നു.

അസാധാരണമായ ഉത്കണ്ഠ, വിഷാദം അല്ലെങ്കിൽ പെട്ടെന്ന് ദേഷ്യം വരിക തുടങ്ങിയവ ശരീരത്തിലെ പോഷകങ്ങളുടെ അളവുമായി നേരിട്ട് ബന്ധപ്പെട്ടിരിക്കാം. മാനസികാവസ്ഥയെ നിയന്ത്രിക്കുന്ന സെറോടോണിൻ, ഡോപാമൈൻ തുടങ്ങിയ ന്യൂറോട്രാൻസ്മിറ്ററുകളുടെ ഉൽപ്പാദനത്തിന് ബി12 (B12) അത്യന്താപേക്ഷിതമാണ്.

വിളറിയതോ നേരിയ മഞ്ഞനിറം കലർന്നതോ ആയ ചർമ്മമാണ് മറ്റൊരു ലക്ഷണം. ശരീരത്തിൽ വിറ്റാമിൻ ബി12-ന്റെ കുറവുണ്ടാകുമ്പോൾ ചുവന്ന രക്താണുക്കളുടെ ഉൽപ്പാദനം തടസ്സപ്പെടുകയും ഇത് ചർമ്മത്തിന് വിളർച്ചയുള്ള രൂപം നൽകുകയും ചെയ്യുന്നു. കൂടാതെ, ബലഹീനമായ രക്താണുക്കൾ കരളിനുള്ളിൽ വച്ച് നശിക്കുകയും 'ബിളിറൂബിൻ' എന്ന വർണ്ണവസ്തു പുറത്തുവിടുകയും ചെയ്യുന്നു. ഈ പദാർത്ഥം ചർമ്മത്തിലോ കണ്ണുകളിലോ മഞ്ഞപ്പിത്തം ബാധിച്ചതുപോലെയുള്ള നേരിയ മഞ്ഞനിറം ഉണ്ടാക്കാൻ കാരണമായേക്കാം.

ഓക്സിജന്റെ അളവ് കുറയുന്നത് തലച്ചോറിന്റെ പ്രവർത്തനത്തെ ബാധിക്കുക നടക്കുമ്പോൾ അസ്ഥിരതയോ തലയ്ക്ക് ഒരുതരം ഭാരക്കുറവോ അനുഭവപ്പെടുകയോ സന്തുലിതാവസ്ഥ നഷ്ടപ്പെട്ടതായി തോന്നുകയോ ചെയ്യാം. നാഡീസംബന്ധമായ ഇത്തരം പ്രശ്നങ്ങൾ പരിഹരിക്കാതെ വിട്ടാൽ തലച്ചോറിനെയും ചിന്താശേഷിയെയും ബാധിക്കാം.

പുതിയ കാർ വാങ്ങിയ ശേഷം വാഹനം കൂടുതൽ സ്റ്റൈലിഷാക്കാനോ വ്യത്യസ്‍തമാക്കാനോ പലരും പലതരത്തിലുള്ള മാറ്റങ്ങൾ വരുത്താറുണ്ട്. പുതിയ മ്യൂസിക് സിസ്റ്റം, ലൈറ്റുകൾ, അലോയ് വീലുകൾ തുടങ്ങി വിവിധ ആക്സസറികൾ കാറിൽ ഘടിപ്പിക്കുന്നവരും നിരവധിയാണ്. എന്നാൽ ഇത്തരം മാറ്റങ്ങൾ വരുത്തുന്നതിന് മുമ്പ് ചില കാര്യങ്ങൾ ശ്രദ്ധിക്കേണ്ടതുണ്ട്. കാറിൽ പുറത്തുനിന്നുള്ള ഭാഗങ്ങൾ ഘടിപ്പിക്കുന്നത് ചില സാഹചര്യങ്ങളിൽ വാഹനത്തിന്റെ വാറന്റിയെയും വാറന്റി ക്ലെയിമുകളെയും ബാധിച്ചേക്കാം.

ഇന്ത്യയിൽ പുതിയ കാറുകൾക്ക് സാധാരണയായി 3 വർഷം വരെയോ 100,000 കിലോമീറ്റർ വരെയോ വാറന്റി ലഭിക്കാറുണ്ട്. എന്നാൽ ഓരോ വാഹന നിർമ്മാതാവിന്റെയും മോഡലിന്റെയും വാറന്റി നിബന്ധനകൾ വ്യത്യസ്തമായിരിക്കും. കാറിൽ വരുത്തിയ മാറ്റത്തിന്റെ ഫലമായി വാഹനത്തിന്റെ യഥാർത്ഥ ഭാഗത്തിന് തകരാർ സംഭവിച്ചാൽ, ആ തകരാർ വാറന്റിയിൽ പരിഹരിക്കാൻ കമ്പനി വിസമ്മതിച്ചേക്കാം. അതുകൊണ്ടുതന്നെ കാറിൽ ഏതെങ്കിലും മാറ്റം വരുത്തുന്നതിന് മുമ്പ് നിർമ്മാതാവിന്റെ വാറന്റി നിബന്ധനകൾ പരിശോധിക്കേണ്ടത് പ്രധാനമാണ്.

കൂടുതൽ വേഗതയും പവറും ലഭിക്കുന്നതിനായി ചിലർ കാറിന്റെ എഞ്ചിനിൽ മാറ്റങ്ങൾ വരുത്താറുണ്ട്. ഇത്തരം പരിഷ്കാരങ്ങൾ വാഹനത്തിന്റെ പ്രകടനത്തെ നേരിട്ട് ബാധിച്ചേക്കാം. എഞ്ചിനിൽ വരുത്തുന്ന മാറ്റങ്ങൾ കാരണം എഞ്ചിനും മറ്റ് അനുബന്ധ ഘടകങ്ങൾക്കും അധിക സമ്മർദ്ദം ഉണ്ടാകാനും സാധ്യതയുണ്ട്. പിന്നീട് തകരാർ സംഭവിക്കുകയും അതിന് പുറമേ ഘടിപ്പിച്ച ഭാഗമാണ് കാരണമെന്ന് കണ്ടെത്തുകയും ചെയ്താൽ വാറന്റി ക്ലെയിം നിരസിക്കപ്പെടാൻ സാധ്യതയുണ്ട്.

കാറുകളിൽ ശക്തമായ മ്യൂസിക് സിസ്റ്റങ്ങളും വ്യത്യസ്ത ലൈറ്റുകളും ഘടിപ്പിക്കുന്നത് ഇപ്പോൾ സാധാരണമാണ്. എന്നാൽ ഇവ വാഹനത്തിന്റെ വൈദ്യുത സംവിധാനവുമായി നേരിട്ട് ബന്ധപ്പെട്ടിരിക്കുന്നതിനാൽ ശ്രദ്ധ ആവശ്യമാണ്. പുതിയ ഉപകരണങ്ങൾ ശരിയായ രീതിയിൽ ഘടിപ്പിച്ചില്ലെങ്കിൽ കാറിന്റെ വയറിങ്ങിനും മറ്റ് ഇലക്ട്രിക്കൽ ഘടകങ്ങൾക്കും കേടുപാടുകൾ സംഭവിക്കാം. ഇത്തരത്തിലുള്ള വൈദ്യുത തകരാർ പുറമേ ഘടിപ്പിച്ച ഉപകരണമാണ് കാരണമെന്ന് കണ്ടെത്തിയാൽ, വാറന്റി ക്ലെയിം സംബന്ധിച്ച് കമ്പനി പരിശോധന നടത്തുകയും ക്ലെയിം നിരസിക്കുകയും ചെയ്തേക്കാം.

കാറിൽ വരുത്തുന്ന എല്ലാ മാറ്റങ്ങളും വാഹനത്തിന്റെ മുഴുവൻ വാറന്റിയും സ്വമേധയാ അസാധുവാക്കണമെന്നില്ല. ഏത് ഭാഗത്താണ് മാറ്റം വരുത്തിയത്, അതിന്റെ ഫലമായി വാഹനത്തിലെ ഏത് ഘടകത്തിനാണ് തകരാർ സംഭവിച്ചത് തുടങ്ങിയ കാര്യങ്ങളാണ് പ്രധാനമായി പരിഗണിക്കുക. ഉദാഹരണത്തിന്, വാഹനത്തിലെ ഒരു യഥാർത്ഥ ഭാഗത്തിന് കേടുപാടുണ്ടാക്കിയ ഒരു പുറമേ ഘടിപ്പിച്ച ഭാഗം വാറന്റി ക്ലെയിമിനെ ബാധിച്ചേക്കാം. എന്നാൽ വാഹനത്തിന്റെ മറ്റ് ഭാഗങ്ങളെ ബാധിക്കാത്ത ചെറിയ മാറ്റങ്ങൾ എല്ലായ്പ്പോഴും മുഴുവൻ വാറന്റിയും ഇല്ലാതാക്കണമെന്നില്ല.

കാറിൽ പുതിയ ഭാഗങ്ങൾ ഘടിപ്പിക്കാൻ ഉദ്ദേശിക്കുന്നുണ്ടെങ്കിൽ ആദ്യം വാഹന നിർമ്മാതാവിന്റെ അംഗീകൃത ഷോറൂമുമായോ സർവീസ് സെന്ററുമായോ ബന്ധപ്പെടുന്നതാണ് സുരക്ഷിതം. ഏതൊക്കെ മാറ്റങ്ങൾ അനുവദനീയമാണെന്നും ഏതൊക്കെ മാറ്റങ്ങൾ വാറന്റിയെ ബാധിക്കുമെന്നും അവരോട് വ്യക്തമായി ചോദിച്ചറിയണം. സാധ്യമെങ്കിൽ മോഡിഫിക്കേഷന് മുമ്പ് നിർമ്മാതാവിന്റെ അനുമതിയും നേടുന്നത് നല്ലതാണ്.

കാർ കൂടുതൽ ആകർഷകമാക്കുന്നതിനായി മാത്രം പുതിയ ഭാഗങ്ങൾ ഘടിപ്പിക്കുന്നത് ചിലപ്പോൾ വാഹനത്തിന്റെ സുരക്ഷയെയും പ്രകടനത്തെയും ബാധിച്ചേക്കാം. പ്രത്യേകിച്ച് എഞ്ചിൻ, ബ്രേക്കിങ് സംവിധാനം, സസ്പെൻഷൻ, ഇലക്ട്രിക്കൽ സംവിധാനം തുടങ്ങിയ പ്രധാന ഘടകങ്ങളിൽ മാറ്റം വരുത്തുമ്പോൾ കൂടുതൽ ജാഗ്രത ആവശ്യമാണ്. വാഹനത്തിൽ മാറ്റങ്ങൾ വരുത്തുന്നതിന് മുമ്പ് നിർമ്മാതാവിന്റെ നിബന്ധനകളും വാറന്റി വ്യവസ്ഥകളും പരിശോധിക്കുന്നത് ഭാവിയിലെ അപ്രതീക്ഷിത ചെലവുകളും വാറന്റി ക്ലെയിം സംബന്ധിച്ച പ്രശ്‍നങ്ങളും ഒഴിവാക്കാൻ സഹായിക്കും.

തിരുവനന്തപുരം| അന്തര്‍ സംസ്ഥാന ലഹരി സംഘങ്ങളിലേക്കുള അന്വേഷണത്തിന് ആന്റി നാര്‍ക്കോട്ടിക് ഇന്‍വെസ്റ്റിഗേഷന്‍ ടീം  രൂപീകരിച്ച് സര്‍ക്കാര്‍.  ആഭ്യന്തര വകുപ്പ് മന്ത്രി രമേശ് ചെന്നിത്തലയാണ് ഇക്കാര്യം വ്യക്തമാക്കിയത്.

എറണാകുളം, കോഴിക്കോട്, തിരുവനന്തരം എന്നിവിടങ്ങളിലാണ് അന്വേഷണ സംഘത്തിന് യൂണിറ്റുള്ളത്. കൂടാതെ തൂഫാന്‍ രണ്ടാംഘട്ടം ഈ മാസം 28 ന് ആരംഭിക്കുമെന്നും രമേശ് ചെന്നിത്തല പറഞ്ഞു.

അതേ സമയം 10,918 കേസുകളാണ് തൂഫാന്റെ ഭാഗമായി രജിസ്റ്റര്‍ ചെയ്തിരിക്കുന്നതെന്നും മലപ്പുറം എം ഡി എം എ കേസുമായി ബന്ധപ്പെട്ട് എസ്പി ചൈത്ര തെരേസ ജോണിന്റെ നേതൃത്വത്തില്‍ നാല് പേരെകൂടി പിടികൂടിയിട്ടുണ്ടെന്നും രമേശ് ചെന്നിത്തല പറഞ്ഞു.

Content Highlights:
Kerala government has formed a new Anti-Narcotic Investigation Team to trace inter-state drug networks, announced minister Ramesh Chennithala. The units will operate in Ernakulam, Kozhikode, and Thiruvananthapuram. Phase two of Operation Toofan will commence on September 28 to intensify crackdowns.

നാഗോയി: ഐച്ചി-നാഗോയി ഏഷ്യന്‍ ഗെയിംസിന് മുന്നോടിയായി താരങ്ങളുടെ താമസവും രജിസ്‌ട്രേഷനുമായി ബന്ധപ്പെട്ട് ആശയക്കുഴപ്പം നേരിട്ടതായി റിപ്പോര്‍ട്ട്. ജപ്പാനിലെത്തിയ ഇന്ത്യന്‍ എംഎംഎ താരം വരുണ്‍ സന്യാല്‍ നാഗോയിയിലെ സാഹചര്യത്തെ ‘പൂര്‍ണമായ ആശയക്കുഴപ്പം’ എന്നാണ് വിശേഷിപ്പിച്ചത്. ഔദ്യോഗിക ഐഡി കാര്‍ഡ് ലഭിച്ചിരുന്നെങ്കിലും സിസ്റ്റത്തില്‍ തന്റെ പേര് ഉണ്ടായിരുന്നില്ലെന്നാണ് വരുണ്‍ സന്യാലിന്റെ ആരോപണം. ഒരേ മുറിയില്‍ താനടക്കം മൂന്ന് പേരെ താമസിപ്പിച്ചതായും താരം അവകാശപ്പെട്ടു. സംഭവവുമായി ബന്ധപ്പെട്ട് താരം പങ്കുവച്ച വീഡിയോ പിന്നീട് നീക്കം ചെയ്തു.

നേരത്തെ എക്‌സില്‍ പങ്കുവച്ച കുറിപ്പില്‍ ‘ഏഴ് മണിക്കൂറായി കാത്തിരിക്കുകയാണ്’ എന്നും വരുണ്‍ സന്യാല്‍ പറഞ്ഞിരുന്നു. വിവിധ രാജ്യങ്ങളില്‍ നിന്നെത്തിയ താരങ്ങള്‍ക്കും സമാനമായ ബുദ്ധിമുട്ടുകള്‍ നേരിട്ടതായും അദ്ദേഹം അവകാശപ്പെട്ടു. തായ്ലന്‍ഡിന്റെ സെപാക് തക്രോ ടീമിനും ഇന്ത്യയുടെ ഷൂട്ടിങ് സംഘത്തിനും നാഗോയിയിലെത്തിയ ശേഷം സമാനമായ ചില ബുദ്ധിമുട്ടുകള്‍ നേരിട്ടതായി റിപ്പോര്‍ട്ടുകളുണ്ട്. താരങ്ങളുടെ രജിസ്‌ട്രേഷന്‍, താമസ സൗകര്യം, എത്തിച്ചേരുന്നതിനുശേഷമുള്ള നടപടിക്രമങ്ങള്‍ എന്നിവയുമായി ബന്ധപ്പെട്ടാണ് പ്രധാനമായും ആശയക്കുഴപ്പം റിപ്പോര്‍ട്ട് ചെയ്യപ്പെട്ടത്.

സെപ്റ്റംബര്‍ 19നാണ് ഐച്ചി-നാഗോയി ഏഷ്യന്‍ ഗെയിംസിന്റെ ഔദ്യോഗിക ഉദ്ഘാടനച്ചടങ്ങ്. മത്സരങ്ങള്‍ക്കായുള്ള ഒരുക്കങ്ങള്‍ അവസാനഘട്ടത്തിലേക്ക് കടക്കുന്നതിനിടെയാണ് താരങ്ങളുടെ വരവുമായി ബന്ധപ്പെട്ട പരാതികള്‍ പുറത്തുവരുന്നത്.

പത്തനംതിട്ട: എൻ.എസ്.എസ് ജനറൽ സെക്രട്ടറി ജി. സുകുമാരൻ നായർക്ക് വാഹനാപകടത്തിൽ പരുക്ക്. പത്തനംതിട്ട എം.സി റോഡിൽ പന്തളം കുരമ്പാല അമൃത സ്കൂൾ ജംഗ്ഷനിലാണ് അപകടം. സുകുമാരൻ നായർ സഞ്ചരിച്ച കാർ ടെമ്പോ വാനുമായി കൂട്ടിയിടിക്കുകയായിരുന്നു.

അപകടത്തിൽ സുകുമാരൻ നായരുടെ മൂക്കിന് പരുക്കേറ്റു. ഇടിയുടെ ആഘാതത്തിൽ മൂക്കിൽ നേരിയ രക്തസ്രാവമുണ്ടായി. അപകടത്തിന് പിന്നാലെ സ്ഥലത്തുണ്ടായിരുന്ന എൻ.എസ്.എസ് പ്രവർത്തകരും ജീവനക്കാരും ചേർന്ന് അദ്ദേഹത്തെ മറ്റൊരു വാഹനത്തിൽ പന്തളം എൻ.എസ്.എസ് മെഡിക്കൽ മിഷൻ ആശുപത്രിയിലെത്തിച്ചു. പരിശോധനയിൽ പരുക്ക് ഗുരുതരമല്ലെന്ന് ഡോക്ടർമാർ അറിയിച്ചു.

സുകുമാരൻ നായരുടെ  കാറിലുണ്ടായിരുന്ന ജീവനക്കാരും ഡ്രൈവറും പരുക്കേൽക്കാതെ രക്ഷപ്പെട്ടു. കാറുമായി കൂട്ടിയിടിച്ച ടെമ്പോ വാനിലുണ്ടായിരുന്നവർക്കും പരുക്കില്ല. ചടങ്ങിൽ പങ്കെടുത്ത ശേഷം ചങ്ങനാശ്ശേരിയിലേക്ക് മടങ്ങുന്നതിനിടെയാണ് അപകടമുണ്ടായത്. കൂട്ടിയിടിയിൽ കാറിന്റെ ഒരു വശത്ത് സാരമായ കേടുപാടുകൾ സംഭവിച്ചു. വീഴ്ചയിൽ തുടയെല്ലിന് പരുക്കേറ്റതിനെ തുടർന്ന് ദീർഘനാൾ വിശ്രമത്തിലായിരുന്ന ജി. സുകുമാരൻ നായർ അടുത്തിടെയാണ് സംഘടനാ പ്രവർത്തനങ്ങളിൽ വീണ്ടും സജീവമായത്.

'നേരം' എന്ന സിനിമയിലൂടെ എത്തി 'പ്രേമ'ത്തിലൂടെ വലിയൊരു കരിയർ ബ്രേക്ക് ലഭിച്ച് ഇന്ന് മലയാള സിനിമയിലെ മുൻനിര നടന്മാരിൽ ഒരാളായി മാറിയ ആളാണ് ഷറഫുദ്ദീൻ. വെഡ്ഡിം​ഗ് വർക്കുകളിൽ എഡിറ്റിങ് ചെയ്ത് പിന്നീട് മലയാള സിനിമയിലെ എഡിറ്റിം​ഗ് ടേബിളിലേക്കും അവിടെന്ന് നടൻ എന്ന നിലയിലേക്കും എത്തി ഇന്ന് മലയാള സിനിമയിൽ ഒഴിച്ചു കൂടാനാകാത്ത താരമായി വളർന്ന ആളാണ് സം​ഗീത് പ്രതാപ്. ഈ രണ്ട് പ്രതിഭകളും ഒന്നിച്ചെത്തുന്ന ചിത്രം. ആതാണ് 'ഇറ്റ്സ് എ മെഡിക്കൽ മിറാക്കിൾ' എന്ന ചിത്രത്തിലേക്ക് മലയാളികളെ ആദ്യം അടുപ്പിച്ച പ്രധാനഘടകം. പിന്നീട് വന്ന ഓരോ പ്രൊമോഷൻ മെറ്റീരിയലുകളും പ്രേക്ഷകരിൽ ആവേശവും കൗതുകവും നിറഞ്ഞു. ഒടുവിൽ ശ്യാമിൻ ഗിരീഷ് സംവിധാനം ചെയ്ത ചിത്രം ഇന്ന് തിയറ്ററുകളിൽ എത്തിയപ്പോൾ ആ കാത്തിരിപ്പിന് ഫലം കണ്ടുവെന്നത് വ്യക്തമാണ്.

കോമഡിയിൽ അഗ്രഗണ്യരായ ഷറഫുദ്ദീനും സം​ഗീതും ഒന്നിച്ചെത്തുമ്പോൾ ഒരു കോമഡി പടമാണ് ഏവരും പ്രതീക്ഷിക്കുന്നതെങ്കിൽ അത് തെറ്റി. അധികം കോമഡികൾ ഇല്ലാതെ വളരെ സീരിയസ് ആയിട്ടുള്ള ത്രെഡ് ആണ് 'ഇറ്റ്സ് എ മെഡിക്കൽ മിറാക്കിൾ'. അത് പ്രേക്ഷകര്‍ക്കൊരു സസ്പെന്‍സ് ആണ്. റൂബൻ വർക്കി എന്ന കഥാപാത്രത്തിലൂടെയാണ് സിനിമയുടെ കഥ മുന്നോട്ട് പോകുന്നത്. സൂരജ്(കോൺസ്റ്റബിൾ സ്പെഷ്യൽ സ്ക്വാഡ്), സൂസൻ അന്ന റോയ്, ആൻസി, ചിത്ര(സ്പെഷ്യൽ ഇൻവെസ്റ്റി​ഗേഷൻ ഓഫീസർ), ആന്റണി തുടങ്ങിവരാണ് ചിത്രത്തിലെ മറ്റ് പ്രധാന കഥാപാത്രങ്ങൾ.

ആലപ്പുഴയിൽ വച്ച് റൂബന് ഒരപകടം സംഭവിക്കുന്നുണ്ട്. ഇതോടെ രണ്ട് വർഷത്തോളം കോമയിലായ റൂബൻ തിരികെ ജീവിതത്തിലേക്ക് എത്തുന്നത് ഒരു സൂപ്പർ പവറുമായിട്ടാണ്. തന്റെ ചുറ്റുമുള്ള എത്ര ചെറിയ ശബ്ദങ്ങളും കേൾക്കാൻ കഴിയും എന്നതാണ് അത്. ഇതിന് പിന്നാലെ എന്തൊക്കെയാണ് റൂബന്റെ ജീവിതത്തിൽ നടക്കുന്നതെന്നതാണ് ചിത്രത്തിന്റെ പ്രധാന പ്രമേയം. ഒരുവശത്ത് റൂബന് ലഭിച്ച അസാധാരണമായ കേൾവിശക്തിയെ കുറിച്ച് പറയുമ്പോൾ, മറുവശത്ത് പൊലീസിനെ വട്ടം കറപ്പിക്കുന്നൊരാളുടെ കഥയുമാണ് ആദ്യപകുതി മുന്നോട്ട് പോകുന്നത്. രണ്ടാം പകുതിയിൽ കഥ കൂടുതൽ ഇന്‍ട്രസ്റ്റിംഗ് ആകുകയും ക്ലൈമാക്സിലേക്ക് പോകുന്തോറും ആകാംഷ നിലനിർത്തുകയും ചെയ്യുന്നുണ്ട്. അതിൽ തിരക്കഥാകൃത്ത് കൂടിയായ നിലീൻ സാന്ദ്ര കയ്യടി അർഹിക്കുന്നുണ്ട്. സാധാരണയായി ഇത്തരമൊരു കോൺസെപ്റ്റിനെ കോമഡിയിലേക്ക് കൂടി കൊണ്ടുപോകാമെങ്കിലും, അതിനെ വളരെ സീരിയസായും ഗ്രൗണ്ടഡായുമാണ് നിലീൻ സമീപിച്ചിരിക്കുന്നത് എന്നത് ശ്രദ്ധേയമാണ്.

'ഇറ്റ്സ് എ മെഡിക്കൽ മിറാക്കിളി'ൽ എടുത്തുപറയേണ്ടത് അഭിനേതാക്കളുടെ പ്രകടനമാണ്. പ്രത്യേകിച്ച് സം​ഗീതിന്റേയും ഷറഫുദ്ദീന്റേയും. ഇരുവരും അവരുടെ പതിവ് ഇമേജിൽ നിന്ന് മാറിയുള്ള കഥാപാത്രങ്ങളിലാണ് എത്തിയിരിക്കുന്നത് എന്നത് ഏറെ ശ്രദ്ധേയമാണ്. റൂബനായി സം​ഗീതും സൂരജ് ആയി ഷറഫുദ്ദീനും ​ഗംഭീരപ്രകടനം കാഴ്ചവച്ചിട്ടുണ്ട്. അസാമാന്യമായ കേൾവിശക്തി ലഭിക്കുമ്പോൾ ഒരു മനുഷ്യന് എന്തെല്ലാം പ്രശ്നങ്ങളും അസ്വസ്ഥതകളും നേരിടേണ്ടി വരുമെന്നത് യാതൊരുവിധ ഏച്ചുകെട്ടലുകളും ഇല്ലാതെ അവതരിപ്പിച്ച്, ആ അതിജീവനം പ്രേക്ഷകർക്ക് മുന്നിൽ എത്തിക്കാൻ സം​ഗീതിന് സാധിച്ചുവെന്നത് ചെറുതല്ലാത്തൊരു കാര്യമാണ്. താനൊരു നല്ല പൊട്ടന്‍ഷ്യല്‍ ഉള്ള ആക്ടർ ആണെന്ന് സംഗീത് പ്രൂവ് ചെയ്തുവെന്ന് അര്‍ത്ഥം.

സൂസൻ അന്ന റോയിയായി അഖില ഭാർഗവനും മികച്ച പ്രകടനം കാഴ്ചവച്ചിട്ടുണ്ട്. കോട്ടയം നസീർ, ആനന്ദ് മന്മഥൻ, കിരൺ പീതാംബരൻ, പാർവ്വതി ആർ കൃഷ്ണ തുടങ്ങിയവരാണ് മറ്റ് പ്രധാന കഥാപാത്രങ്ങളെ അവതരിപ്പിച്ചിരിക്കുന്നത്. ചെറിയൊരു ശബ്ദം പോലും കേൾക്കാൻ കഴിയുന്ന റൂബൻ നേരിടുന്ന വെല്ലുവിളികൾ സൗണ്ട് എഫക്ട്സിന്റെ സഹായത്തോട വളരെ മികച്ച രീതിയിൽ പ്രേക്ഷകർക്ക് മുന്നിൽ അണിയറപ്രവർത്തകർ എത്തിച്ചിട്ടുണ്ട്. സിനിമയുടെ നട്ടെല്ലും ഈ സൗണ്ട് എഫക്ടും സൗണ്ട് മിക്സിങ്ങും തന്നെയാണ്. അഖിൽ സേവ്യർ(ഛായാഗ്രഹണം), രാകേഷ് ചെറുമഠം(എഡിറ്റർ), മുജീബ് മജീദ്(സംഗീതം), നിക്സൺ ജോർജ്(സൗണ്ട് ഡിസൈൻ) എന്നിവരും വലിയ കയ്യടി അർഹിക്കുന്നുണ്ട്. ആകെമൊത്തതിൽ രസകരമായും കൗതുകത്തോടും ആകാംക്ഷയോടും കണ്ടിരിക്കാവുന്നൊരു എന്റർടെയ്നറാണ് 'ഇറ്റ്സ് എ മെഡിക്കൽ മിറാക്കിൾ'. ഒപ്പം മലയാള സിനിമയ്ക്ക് പുതിയൊരു പരീക്ഷണ ചിത്രവും.

തിരുവനന്തപുരം|ലഹരി കേസുകളില്‍ രാഷ്ട്രീയ പരിഗണനയോ മറ്റു സ്വാധീനങ്ങളോ നോക്കാതെ ശക്തമായ നടപടിയെടുക്കുമെന്ന് ആഭ്യന്തരമന്ത്രി രമേശ് ചെന്നിത്തല. ഏത് രാഷ്ട്രീയ പാര്‍ട്ടിയുമായി ബന്ധമുള്ള ആളാണെന്നോ ആരുടെ കൂടെ ഫോട്ടോ ഉണ്ടെന്നോ നോക്കാതെയാണ് ലഹരി കേസില്‍ പ്രതികളെ പിടികൂടുന്നതെന്ന് മന്ത്രി പറഞ്ഞു.

ഐജി തലത്തിലുള്ള അന്വേഷണ സംഘവും ഡാന്‍സാഫ് ടീമുകളും എക്‌സൈസ്, ആരോഗ്യം, വിദ്യാഭ്യാസം തുടങ്ങിയ വകുപ്പുകളുമായി പൂര്‍ണമായും സംയോജിപ്പിച്ചാണ് നിലവില്‍ ഓപ്പറേഷന്‍ തൂഫാന്‍ പ്രവര്‍ത്തിക്കുന്നതെന്നും മന്ത്രി വ്യക്തമാക്കി.

കേന്ദ്ര ഏജന്‍സികളുമായും മറ്റ് സംസ്ഥാനങ്ങളിലെ ഉദ്യോഗസ്ഥരുമായും നിരന്തരം ആശയവിനിമയം നടത്തുന്നുണ്ട്. ഒക്ടോബര്‍ ആദ്യവാരം കേന്ദ്ര ഏജന്‍സികളുടെ യോഗം ചേരുമെന്നും മന്ത്രി അറിയിച്ചു.

ലഹരി ഉപയോഗിക്കുന്നവരെ കണ്ടെത്തുക മാത്രമല്ല. ലഹരിമുക്തി റീഹാബിലിറ്റേഷനും ശാസ്ത്രീയ രീതിയിലുള്ള പുതിയ പ്രോട്ടോക്കോളും ഐഎംഎയുടെ സഹകരണത്തോടെ നടപ്പിലാക്കുമെന്നും മന്ത്രി വ്യക്തമാക്കി. ലഹരിയെ വേരോടെ പിഴുതെറിയുകയാണ് സര്‍ക്കാരിന്റെ ലക്ഷ്യമെന്നും മന്ത്രി കൂട്ടിച്ചേര്‍ത്തു.

Content Highlights:
Minister Ramesh Chennithala announced strict action in drug cases regardless of political connections. Operation Thoofan integrates police, excise, and health departments. Rehabilitation protocols will be introduced in collaboration with the IMA to eradicate drug abuse completely.

സ്വകാര്യ സ്ഥാപനത്തിലെ കടുത്ത ജോലിഭാരവും മാസം 22,000 രൂപ മാത്രം ലഭിച്ചിരുന്ന കുറഞ്ഞ ശമ്പളവും ഉപേക്ഷിച്ച്, ലക്ഷങ്ങൾ സമ്പാദിക്കുന്ന തന്‍റെ പുതിയ ജീവിതവഴികളെക്കുറിച്ച് വെളിപ്പെടുത്തി ദില്ലി സ്വദേശിയായ മാൻസി. സർക്കാർ ജീവനക്കാരി എന്ന നിലയിലും പാർട്ട് ടൈം കണ്ടന്‍റ് ക്രിയേറ്റർ എന്ന നിലയിലും കഴിഞ്ഞ ഓഗസ്റ്റ് മാസത്തിൽ തനിക്ക് ആകെ ലഭിച്ച വരുമാനം 1.56 ലക്ഷം രൂപയാണെന്ന് ഇവർ സോഷ്യൽ മീഡിയയിലൂടെ വ്യക്തമാക്കി. ഇൻസ്റ്റാഗ്രാമിൽ @_misshka എന്ന ഹാൻഡ്‌ലിലൂടെയാണ് മാൻസി തന്‍റെ വരുമാനക്കണക്കുകളും അനുഭവങ്ങളും പങ്കുവെച്ചുള്ള വീഡിയോ പോസ്റ്റ് ചെയ്തത്.

മാൻസിയുടെ പ്രധാന വരുമാന മാർഗ്ഗം പ്രതിമാസം 90,000 രൂപ ശമ്പളം ലഭിക്കുന്ന ഫുൾ ടൈം സർക്കാർ ജോലിയാണ്. ഏത് വകുപ്പിലാണ് ജോലി ചെയ്യുന്നതെന്ന് ഇവർ വ്യക്തമാക്കിയിട്ടില്ല. ഓഗസ്റ്റിൽ പിയേഴ്സ്, ഇന്ദേ വൈൽഡ് ഉൾപ്പെടെ അഞ്ച് പ്രമുഖ ബ്രാൻഡുകളുമായി കൊളാബറേഷൻ നടത്തി. ഒരു കൊളാബറേഷനിൽ നിന്ന് 9,000 മുതൽ 15,000 രൂപ വരെ എന്ന തോതിൽ ആകെ 66,000 രൂപ ഇൻഫ്ലുവൻസിംഗിലൂടെ സ്വന്തമാക്കി. സർക്കാർ ശമ്പളവും ബ്രാൻഡ് വരുമാനവും ചേർത്ത് ഓഗസ്റ്റിൽ ലഭിച്ചത് 1.56 ലക്ഷം രൂപയെന്ന് മാൻസി വെളിപ്പെടുത്തുന്നു.

A post shared by (@_misshka)

"മുൻപ് ജോലി ചെയ്തിരുന്ന സ്വകാര്യ സ്ഥാപനത്തിൽ കഠിനമായ ജോലിഭാരം അനുഭവിക്കേണ്ടി വന്നിരുന്നു. എന്നാൽ അന്ന് കൈയ്യിൽ കിട്ടിയിരുന്നത് വെറും 22,000 രൂപ മാത്രമായിരുന്നു," വീഡിയോയിൽ അടിക്കുറിപ്പായി മാൻസി കുറിച്ചു. തിരിഞ്ഞുനോക്കുമ്പോൾ താൻ ഏറെ മുന്നേറിയതായി മനസ്സിലാക്കുന്നുവെന്നും എന്നാൽ ഇതൊരു തുടക്കം മാത്രമാണെന്നും മാൻസി കൂട്ടിച്ചേർത്തു. വരും വർഷങ്ങളിലും കൂടുതൽ കഠിനാധ്വാനം ചെയ്യാനും ഉയർന്ന നേട്ടങ്ങൾ സ്വന്തമാക്കാനും ആഗ്രഹിക്കുന്നതായി വ്യക്തമാക്കി ഒപ്പം നിന്ന എല്ലാവർക്കും അവർ തന്‍റെ വീഡിയോയിലൂടെ നന്ദി അറിയിച്ചു.

കുവൈത്ത് സിറ്റി: കുവൈത്ത് അന്താരാഷ്ട്ര വിമാനത്താവളത്തിലെ നാലാം ടെർമിനലിൽ നടത്തിയ പരിശോധനയിൽ വൻ മയക്കുമരുന്ന് വേട്ട. ലണ്ടനിൽ നിന്ന് എത്തിയ യാത്രാക്കാരനിൽ നിന്ന് 9.6 കിലോഗ്രാം ഭാരമുള്ള 'മെത്ത്' മയക്കുമരുന്ന് കസ്റ്റംസ് ഉദ്യോഗസ്ഥർ പിടികൂടി. ജനറൽ അഡ്മിനിസ്ട്രേഷൻ ഓഫ് കസ്റ്റംസ് ആണ് ഇക്കാര്യം വ്യക്തമാക്കിയത്.

ലണ്ടനിൽ നിന്നെത്തിയ യാത്രക്കാരന്‍റെ ലഗേജുകൾ വിശദമായി പരിശോധിച്ചപ്പോഴാണ് മയക്കുമരുന്ന് കണ്ടെത്തിയത്. രാസവസ്തുവിൽ മുക്കിയെടുത്ത എ ഫോർ സൈസിലുള്ള 1,197 ഷീറ്റുകളിലായാണ് മയക്കുമരുന്ന് ഒളിപ്പിച്ചിരുന്നത്. ഇവയ്ക്ക് ആകെ 9.6 കിലോഗ്രാം ഭാരമുണ്ട്. സംഭവത്തിൽ പിടിച്ചെടുത്ത സാധനങ്ങളും യാത്രക്കാരനെയും കൂടുതൽ നിയമനടപടികൾക്കായി ജനറൽ ഡിപ്പാർട്ട്മെന്റ് ഫോർ നർക്കോട്ടിക്സ് കൺട്രോൾ ആൻഡ് ആൽക്കഹോൾ കൺട്രോളിലേക്ക് കൈമാറി. കസ്റ്റംസ് അധികൃതർ സംഭവത്തിൽ ഔദ്യോഗികമായി സീസർ റിപ്പോർട്ട് തയ്യാറാക്കിയിട്ടുണ്ട്.

തിരുവനന്തപുരം: മാറനല്ലൂർ അരുമാളൂരിൽ സ്വകാര്യ വ്യക്തിയുടെ പുരയിടത്തിലെ ചന്ദനമരം മുറിച്ചു കടത്താൻ ശ്രമിച്ച രണ്ടു പേർ അറസ്റ്റിൽ. പാറശാല കുറുങ്കുണ്ടി സ്വദേശി സുകു, സുഹൃത്ത് ബിജു എന്നിവരെയാണ് മാറനല്ലൂർ പൊലീസ് പിടികൂടിയത്. ഇന്നലെ പുലർച്ചെ 12:30 മണിയോടെയാണ് കരമന നെടുങ്കാട് സ്വദേശിയുടെ അരുമാളൂരിലെ പുരയിടത്തിലെ ചന്ദന മരം മുറിച്ചു കടത്താൻ ശ്രമിച്ചത്. ഇവിടെ ആൾ താമസമില്ലെന്ന് മനസിലാക്കിയായിരുന്നു പ്രതികളുടെ നീക്കം. മരം വീണ ശബ്ദം കേട്ട് പുരയിടത്തിലെ നോട്ടക്കാരൻ എത്തിയപ്പോഴാണ് രണ്ട് പേർ ചേർന്ന് മരം മുറിച്ചിടുന്നത് കാണുന്നത്. പിന്നാലെ വസ്തുവി ഉടമയെയും പൊലീസിനേയും വിവരമറിയിക്കുകയും ചെയ്തു.

പൊലീസ് എത്തി നടത്തിയ പരിശോധനയിൽ സുകു അറസ്റ്റിലായി. തുടർന്ന് നടത്തിയ അന്വേഷണത്തിലാണ് പാറശാല സ്വദേശി ബിജു ഒപ്പമുണ്ടായിരുന്ന വിവരം ലഭിച്ചത്. പൊലീസ് അന്വേഷണത്തിൽ ഒളിവിലായിരുന്ന ഇയാളെയും ഇന്ന് പിടികൂടുകയായിരുന്നു. ച​ന്ദ​ന മ​ര​ക്ക​ഷ​ണ​ങ്ങ​ൾ ക​സ്റ്റ​ഡി​യി​ലെ​ടു​ത്തു വ​നം​വ​കു​പ്പി​നു കൈ​മാ​റി. ച​ന്ദ​ന​ക്കൊ​ള്ള ന​ട​ത്തു​ന്ന സം​ഘ​ങ്ങ​ളു​മാ​യി ബ​ന്ധ​മു​ള്ള​യാ​ളാ​ണ് സു​കു​വെ​ന്നു പൊ​ലി​സ് അ​റി​യി​ച്ചു.

1. 'അഹാനയുടെ മകളുടെ വിവാഹത്തിന് സിന്ധുവിന് ക്ഷണം ഉണ്ടാകട്ടെ'; മറുപടിയുമായി സിന്ധു ക‍ൃഷ്ണ  Samakalika Malayalam
2. ‘അഹാനയുടെ മകളുടെ വിവാഹത്തിന് സിന്ധുവിന് ക്ഷണമുണ്ടാകട്ടെ’; പരിഹാസത്തിൽ മറുപടിയുമായി സിന്ധു കൃഷ്ണ  manoramaonline.com
3. 'ഞാൻ നിങ്ങളെ ഭാര്യാ ഭർത്താക്കൻമാരായി പ്രഖ്യാപിക്കുന്നു…'; അഹാന- നിമിഷ് വിവാഹത്തിൽ തിളങ്ങി ദുൽഖർ സൽമാ  Reporter Tv
4. കല്യാണം അഹാനയുടെയും നിമിഷിന്റെയും ആയിരുന്നെങ്കിലും, സോഷ്യൽ മീഡിയ തൂക്കിയത് ദുൽഖർ തന്നെ; വൈറലായി ചിത്രങ്ങൾ  Samakalika Malayalam
5. 'അഹാന തന്നെ ബെസ്റ്റ് പ്ലാനര്‍, സ്വപ്നതുല്യമായ ദിവസങ്ങൾ'; ചിത്രങ്ങള്‍ പങ്കിട്ട് അശ്വിന്‍  manoramanews.com

സർക്കാർ വാടകയ്ക്കെടുത്ത ഹെലികോപ്റ്റർ; കാലാവധി നാളെ അവസാനിക്കും; കരാർ നീട്ടണമെന്ന് ഡിജിപിയുടെ ശുപാർശ

നിയന്ത്രണമില്ലാതിരുന്ന ഇന്നലെ കുതിച്ചുയർന്ന് വൈദ്യുതി ഉപയോഗം; അധിക വൈദ്യുതി കിട്ടിയില്ലെങ്കിൽ ഇന്ന് നിയന്ത്രണത്തിന് സാധ്യത

FCRA നിയമ ഭേദഗതി ബിൽ പരിശോധിക്കുന്ന സംയുക്ത പാർലമെൻ്ററി സമിതിയുടെ ആദ്യ യോഗം ഇന്ന്; ജെപിസിക്ക് മുന്നിൽ ഉദ്യോഗസ്ഥർ ബില്ലിനെ കുറിച്ച് വിശദീകരിക്കും

ടാറ്റാ ഗ്രൂപ്പ് ഓഹരികളില്‍ ഇടിവ്. മുന്‍ദിവസത്തെ നേട്ടങ്ങളെല്ലാം ഇല്ലാതാക്കിയാണ് ഭൂരിഭാഗം ടാറ്റാ ഓഹരികളും താഴോട്ട് പോയത്. ടാറ്റാ സണ്‍സിലെ തങ്ങളുടെ ഓഹരികളുടെ ഒരു ഭാഗം വിറ്റഴിച്ച് കുറഞ്ഞത് 25,000 കോടി രൂപ കണ്ടെത്താനുള്ള ഷപൂര്‍ജി പല്ലോന്‍ജി ഗ്രൂപ്പിന്റെ തീരുമാനമാണ് ഓഹരികളിലെ ഈ അപ്രതീക്ഷിത ഇടിവിന് കാരണം. ഇതോടെ ടാറ്റാ സണ്‍സിന്റെ ഉടമസ്ഥാവകാശം, എസ്പി ഗ്രൂപ്പിന്റെ പണലഭ്യത, ടാറ്റാ സണ്‍സ് നേരിടുന്ന ലിസ്റ്റിംഗ് ചട്ടങ്ങളുമായി ബന്ധപ്പെട്ട മറ്റ് പ്രശ്‌നങ്ങള്‍ എന്നിവ വിപണിയില്‍ വീണ്ടും സജീവ ചര്‍ച്ചയായിരിക്കുകയാണ്.

ടാറ്റ കെമിക്കല്‍സ് ആണ് ഏറ്റവും വലിയ നഷ്ടം നേരിട്ടത് (7.8% ഇടിവ്). ടാറ്റ ഇന്‍വെസ്റ്റ്‌മെന്റ് കോര്‍പ്പറേഷന്‍ (3.9%), ടിസിഎസ് (3%), ടാറ്റ മോട്ടോഴ്‌സ് പാസഞ്ചര്‍ വെഹിക്കിള്‍സ് (2.6%), ടാറ്റ പവര്‍ (1.4%), ടാറ്റ സ്റ്റീല്‍ (0.15%), ടാറ്റ മോട്ടോഴ്‌സ് (0.48%), ടാറ്റ എല്‍ക്‌സി (1.09%) എന്നിങ്ങനെയാണ് മറ്റ് പ്രധാന ഓഹരികളുടെ നഷ്ടം. എന്നാല്‍ ഈ തകര്‍ച്ചയ്ക്കിടയിലും ടാറ്റ ക്യാപിറ്റല്‍ 1.1 ശതമാനം നേട്ടമുണ്ടാക്കി.

ടാറ്റാ സണ്‍സിലുള്ള ഓഹരികള്‍ വില്‍ക്കാനുള്ള എസ്പി ഗ്രൂപ്പിന്റെ നിര്‍ദേശമാണ് പെട്ടെന്നുള്ള ഈ ഇടിവിന് വഴിവെച്ചത്. വ്യാഴാഴ്ച നടന്ന ടാറ്റാ സണ്‍സ് ബോര്‍ഡ് യോഗത്തില്‍ ടാറ്റ ട്രസ്റ്റ് ചെയര്‍മാന്‍ നോയല്‍ ടാറ്റയാണ് ഈ നിര്‍ദേശം അവതരിപ്പിച്ചത്.എസ്പി ഗ്രൂപ്പിന്റെ നിക്ഷേപ കമ്പനികളായ സ്റ്റെര്‍ലിംഗ് ഇന്‍വെസ്റ്റ്‌മെന്റ് കോര്‍പ്പറേഷന്‍, സൈറസ് ഇന്‍വെസ്റ്റ്‌മെന്റ് എന്നിവയുടെ കൈവശമുള്ള ഓഹരികളാണ് വില്‍ക്കുന്നത്. 18 മാസത്തിനുള്ളില്‍ രണ്ട് ഘട്ടങ്ങളിലായാണ് ഈ വില്‍പ്പന നടക്കുക. ഇതിലൂടെ 25,000 കോടി രൂപയെങ്കിലും സമാഹരിക്കാനാണ് എസ്പി ഗ്രൂപ്പ് ലക്ഷ്യമിടുന്നത്.ടാറ്റാ സണ്‍സില്‍ ടാറ്റാ ട്രസ്റ്റിനും അനുബന്ധ ട്രസ്റ്റുകള്‍ക്കുമായി 66 ശതമാനത്തോളം ഓഹരികളുള്ളപ്പോള്‍, എസ്പി ഗ്രൂപ്പിന് ഏകദേശം 18 ശതമാനം ഓഹരികളാണുള്ളത്. പണലഭ്യതയ്ക്കായി തങ്ങളുടെ ഓഹരികള്‍ വില്‍ക്കാന്‍ എസ്പി ഗ്രൂപ്പ് കുറച്ചുകാലമായി ശ്രമിച്ചുകൊണ്ടിരിക്കുകയാണ്.

ടാറ്റാ സണ്‍സ് ഓഹരി വിപണിയില്‍ ലിസ്റ്റ് ചെയ്യുമോ എന്ന ചര്‍ച്ച വീണ്ടും കൊടുമ്പിരിക്കൊള്ളുന്ന സമയത്താണ് പുതിയ മാറ്റങ്ങള്‍. കോര്‍ ഇന്‍വെസ്റ്റ്‌മെന്റ് കമ്പനി എന്ന രജിസ്‌ട്രേഷന്‍ ഒഴിവാക്കണമെന്ന ടാറ്റാ സണ്‍സിന്റെ അപേക്ഷ റിസര്‍വ് ബാങ്ക് തള്ളിയിരുന്നു. ഇതോടെ അപ്പര്‍ ലെയര്‍ എന്‍ബിഎഫ്‌സി എന്ന വിഭാഗത്തില്‍ തന്നെ തുടരുന്ന ടാറ്റയ്ക്ക് അതുമായി ബന്ധപ്പെട്ട കര്‍ശന നിയന്ത്രണങ്ങള്‍ പാലിക്കാന്‍ ഓഹരി വിപണിയില്‍ ലിസ്റ്റ് ചെയ്യേണ്ടി വരും.

മാസപ്പടി കേസ്; ഇഡി കത്തിന്മേൽ നടപടിക്ക് സാധ്യത, വിജിലൻസ് അന്വേഷണം പ്രഖ്യാപിച്ചേക്കും

രാജ്യ തലസ്ഥാനത്ത് വീണ്ടും കൊടുംക്രൂരത; 16കാരിയെ കൂട്ടബലാത്സംഗം ചെയ്‌ത്‌ കൊന്നു; ആൺ സുഹൃത്തടക്കം നാലുപേർ പിടിയിൽ

കുരുക്ക് മുറുകുന്നു; അബ്‌കാരി കേസിൽ റിപ്പോർട്ടർ ടിവി ഉടമ ആൻ്റോ അഗസ്റ്റിന് ജാമ്യമില്ല, വീട് ആൻ്റോ അഗസ്റ്റിൻ്റെ പേരിലല്ലെന്ന വാദം തള്ളി കോടതി

മെസിയുടെ പേരിലെ തട്ടിപ്പ്; GST ഉദ്യോഗസ്ഥരുടെ മൊഴിയെടുക്കൽ ഇന്നും തുടരുന്നു; കോഴിക്കോട് ക്രൈംബ്രാഞ്ച് ഓഫീസിലെ SITയാണ് മൊഴിയെടുക്കുന്നത്

അഗ്നിപരീക്ഷയിൽനിന്ന് വീട്ടിലേക്കെത്തിയ, എല്ലാംകൊണ്ടും വ്യത്യസ്‍തരായ രണ്ട് പേർ. ഷോയുടെ ഗതിയിൽത്തന്നെ നിർണ്ണായകമായേക്കാവുന്നതാണ് എൽദോയും ഷിജിനും തമ്മിലെ പ്രത്യക്ഷവും പരോക്ഷവുമായ ഏറ്റുമുട്ടലുകൾ

അബൂദബി| അബൂദബി സാംസ്‌കാരിക, വിനോദസഞ്ചാര വകുപ്പിന്റെ കീഴിൽ പ്രവർത്തിക്കുന്ന എല്ലാ ഹോട്ടൽ റെസ്റ്റോറന്റുകളിലും ഭക്ഷ്യശാലകളിലും മുതിർന്നവർക്കുള്ള ഓരോ മെനു വിഭാഗത്തിലും കുറഞ്ഞത് ഒരു ആരോഗ്യകരമായ ഭക്ഷണമെങ്കിലും ഉൾപ്പെടുത്തുന്നത് നിർബന്ധമാക്കി. അപ്പെറ്റൈസറുകൾ, പ്രധാന വിഭവങ്ങൾ, സൈഡ് ഡിഷുകൾ, മധുരപലഹാരങ്ങൾ എന്നിവയിലെല്ലാം ഈ നിബന്ധന ബാധകമാണ്. കൂടാതെ കുട്ടികളുടെ മെനുവിൽ ഉൾപ്പെടുത്തുന്ന വിഭവങ്ങളിൽ 50 ശതമാനവും അംഗീകൃത പോഷക മാനദണ്ഡങ്ങൾ പാലിക്കുന്നവയായിരിക്കണം.

അബൂദബി പബ്ലിക് ഹെൽത്ത് സെന്റർ വികസിപ്പിച്ച “സെഹി’ പോഷകാഹാര വർഗീകരണ സംവിധാനത്തിലൂടെയാണ് ഇത്തരം വിഭവങ്ങൾ സാക്ഷ്യപ്പെടുത്തുന്നത്. ഇതിനുപുറമെ, ഹൃദയാരോഗ്യം സംരക്ഷിക്കുന്നതിനും സോഡിയം ഉപഭോഗം കുറയ്ക്കുന്നതിനുമായി സാധാരണ ഉപ്പിന് പകരം കുറഞ്ഞ സോഡിയമുള്ള ഉപ്പ് ഡൈനിംഗ് മേശകളിൽ ലഭ്യമാക്കണമെന്നും കർശന നിർദേശമുണ്ട്.

ജൂലൈ ഒന്നിന് പ്രാബല്യത്തിൽ വന്ന പുതിയ നിർദേശങ്ങൾ പൂർണമായി നടപ്പാക്കാൻ സ്ഥാപനങ്ങൾക്ക് അനുവദിച്ച മൂന്ന് മാസത്തെ സാവകാശം സെപ്തംബർ അവസാനത്തോടെ പൂർത്തിയാകും. ഒക്ടോബർ ഒന്ന് മുതൽ നിയമം കർശനമായി നടപ്പാക്കിത്തുടങ്ങും. ജനങ്ങളുടെ ജീവിതശൈലി മെച്ചപ്പെടുത്തുന്നതിനും ആരോഗ്യകരമായ ഭക്ഷണശീലങ്ങൾ പ്രോത്സാഹിപ്പിക്കുന്നതിനുമായി ഡി സി ടി അബൂദബിയും “ഹെൽത്തി ലിവിംഗ്’ പ്രസ്ഥാനവും തമ്മിലുള്ള സഹകരണത്തിന്റെ ഭാഗമായാണ് പുതിയ മാറ്റങ്ങൾ നടപ്പിലാക്കുന്നത്. വിനോദസഞ്ചാര, ഹോസ്പിറ്റാലിറ്റി മേഖലകളിലെത്തുന്ന ലക്ഷക്കണക്കിന് താമസക്കാർക്കും സന്ദർശകർക്കും മികച്ച ആരോഗ്യ സേവനം ഉറപ്പാക്കുകയാണ് ഇതിലൂടെ ലക്ഷ്യമിടുന്നത്.

Content Highlights:
Abu Dhabi mandates that all hotel restaurants offer at least one healthy option in every menu category. According to DCT directives based on the Sehhi nutrition framework, 50 percent of kids’ menus must meet health criteria. Establishments must comply fully by October 1.

പറമ്പിക്കുളം പദ്ധതിയിൽ നിന്നും ജലം വേണമെന്ന് പാലക്കാടുള്ള കർഷകർ; സർക്കാർ ഇടപെടണമെന്നും ആവശ്യം; തമിഴ്‌നാട് ജലം നല്കുന്നില്ലെന്നാണ്‌ കർഷകരുടെ ആരോപണം

മുടിയുടെ ആരോ​ഗ്യത്തിന് ഭക്ഷണക്രമം പ്രധാന പങ്കാണ് വഹിക്കുന്നത്. ബയോട്ടിൻ, പ്രോട്ടീൻ, മറ്റ് പോഷകങ്ങൾ അടങ്ങിയ ഭക്ഷണങ്ങൾ കഴിക്കുന്നത് മുടിയെ ആരോ​ഗ്യകരമാക്കും. തലമുടി തഴച്ച് വളരാൻ പതിവായി കഴിക്കേണ്ട ഭക്ഷണങ്ങളെ കുറിച്ചാണ് ഇനി പറയുന്നത്.

മുടിയുടെ ആരോ​ഗ്യത്തിന് ഭക്ഷണക്രമം പ്രധാന പങ്കാണ് വഹിക്കുന്നത്. ബയോട്ടിൻ, പ്രോട്ടീൻ, മറ്റ് പോഷകങ്ങൾ അടങ്ങിയ ഭക്ഷണങ്ങൾ കഴിക്കുന്നത് മുടിയെ ആരോ​ഗ്യകരമാക്കും. തലമുടി തഴച്ച് വളരാൻ പതിവായി കഴിക്കേണ്ട ഭക്ഷണങ്ങളെ കുറിച്ചാണ് ഇനി പറയുന്നത്.

ആരോഗ്യകരമായ കൊഴുപ്പുകൾ അടങ്ങിയിട്ടുള്ള അവക്കാഡോ മുടിയുടെ വളർച്ചയ്ക്ക് മികച്ചൊരു ഭക്ഷണമാണ്. അത്യന്താപേക്ഷിതമായ വിറ്റാമിൻ ഇ-യാൽ സമ്പന്നമാണ് അവക്കാഡോ. തലയോട്ടിക്ക് ഓക്സിഡേറ്റീവ് സമ്മർദ്ദത്തിൽ നിന്നും കേടുപാടുകളിൽ നിന്നും സംരക്ഷണം നൽകുന്നതിലൂടെ മുടിയുടെ ഗുണനിലവാരം കുറയുന്നതും രോമകൂപങ്ങളുടെ എണ്ണം കുറയുന്നതും തടയാനും ഇത് സഹായിക്കുന്നു.

ഓറഞ്ച്, നാരങ്ങ,‌ മുന്തിരി തുടങ്ങിയ സിട്രസ് പഴങ്ങൾ ഉയർന്ന അളവിൽ വിറ്റാമിൻ സി നൽകിക്കൊണ്ട് മുടിയുടെ ആരോഗ്യം മെച്ചപ്പെടുത്തുന്നു. ഇത് കൊളാജൻ ഉൽപ്പാദനം വർദ്ധിപ്പിക്കുകയും ഇരുമ്പ് ആഗിരണം ചെയ്യുന്നത് മെച്ചപ്പെടുത്തി മുടിയിഴകളുടെ വേരുകൾക്ക് കൂടുതൽ ബലം നൽകുകയും ചെയ്യുന്നു.

മുടിയുടെ ആരോഗ്യത്തിന് മികച്ചൊരു ഭക്ഷണമാണ് പാലക്ക് ചീര. ഇരുമ്പ് , വിറ്റാമിനുകൾ A, C തുടങ്ങിയ പോഷകങ്ങളാൽ സമ്പന്നമായ പാലക്ക് മുടി വളർച്ചയെ പ്രോത്സാഹിപ്പിക്കാൻ ഏറെ സഹായിക്കുന്നു. ഇരുമ്പ് ഏറെ അടങ്ങിയിട്ടുള്ളതിനാൽ തലയോട്ടിയിലെ ഈർപ്പം നിലനിർത്താനും ആരോഗ്യമുള്ളതാക്കി മാറ്റാനും സഹായിക്കുന്ന 'സീബം' ഉൽപ്പാദിപ്പിക്കാൻ സഹായിക്കുന്നു.

വിറ്റാമിൻ എ ധാരാളമായി അടങ്ങിയിട്ടുള്ള ക്യാരറ്റ് മുടിയുടെ ആരോഗ്യത്തിന് ഏറെ ഗുണകരമാണ്. മുടിക്ക് കരുത്തും നീളവും കനവും നൽകാൻ ഇവ സഹായിക്കുന്നു. കൂടാതെ, രക്തയോട്ടം മെച്ചപ്പെടുത്തുന്നതിനും അകാലനര തടയുന്നതിനും ഇത് പ്രയോജനകരമാണ്.

ബദാം, വാൽനട്ട് തുടങ്ങിയ നട്‌സ് ഭക്ഷണത്തിൽ ഉൾപ്പെടുത്തുന്നത് മുടി വളർച്ചയെ വേ​ഗത്തിലാക്കുന്നു. വിറ്റാമിൻ E, B, ആരോഗ്യകരമായ കൊഴുപ്പുകൾ തുടങ്ങിയ പോഷകങ്ങളാൽ സമ്പന്നമാണ് നട്സ്.

മുടിയുടെ വളർച്ചയ്ക്ക് ചിയ സീഡ് ഏറെ സഹായകമാണ്. പ്രോട്ടീൻ, ആരോഗ്യകരമായ കൊഴുപ്പുകൾ, സിങ്ക് എന്നിവയാൽ സമ്പന്നമായ ചിയാ വിത്തുകൾ കൃത്യമായി കഴിച്ചാൽ, മുടി വളർച്ച വേ​ഗത്തിലാക്കാം.

ഫോളിക് ആസിഡ്, വിറ്റാമിനുകൾ, പാപെയ്ൻ എന്ന എൻസൈം എന്നിവയാൽ സമ്പന്നമായ പപ്പായ തലയോട്ടിയിലെ രക്തയോട്ടം മെച്ചപ്പെടുത്തുകയും തലയോട്ടിയ്ക്ക് അവശ്യ പോഷകങ്ങൾ എത്തിക്കുകയും ചെയ്തുകൊണ്ട് മുടി വളർച്ചയെ വേ​ഗത്തിലാക്കും.

പ്രോട്ടീൻ, ബയോട്ടിൻ, വിറ്റാമിനുകൾ എന്നിവ ധാരാളമായി അടങ്ങിയിട്ടുള്ളതിനാൽ മുടിയുടെ ബലവും തിളക്കവും വർദ്ധിപ്പിക്കാൻ മുട്ട സഹായിക്കുന്നു. ദിവസവും ഒരു മുട്ട വീതം കഴിക്കുന്നത് മുടിയെ ഏറെ ആരോ​ഗ്യകരമാക്കും.

മഹാരാഷ്ട്രയിൽ തോക്ക് ചൂണ്ടി കൂട്ടബലാത്സംഗം; ബിജെപി മുൻ എംഎൽഎയ്ക്കെതിരെ കേസ്; കല്യാൺ വെസ്റ്റ് മുൻ എംഎൽഎ നരേന്ദ്രപവാർ പ്രതി

'അസി.കമ്മീഷണറിന് പിന്നെ ഇരിക്കണ്ടേ?, നിർഭയമായി മാധ്യമപ്രവർത്തനം നടത്താനുള്ള സ്വാതന്ത്ര്യം കേരളത്തിലുള്ളത് പോലെ മറ്റെവിടെയുമില്ല'; പൊലീസ് മാധ്യമപ്രവർത്തകരോട് അപമര്യാദയായി പെരുമാറിയിട്ടില്ലെന്ന് ആഭ്യന്തരമന്ത്രി രമേശ് ചെന്നിത്തല Ramesh Chennithala | Reporter TV | Anto Augustine | Police Raid

റോക്ക്ഹാംപ്ടണ്‍: ഏകദേശം 500ഓളം ഉപ്പുവെള്ള മുതലകള്‍ (സാള്‍ട്ടീസ്) വസിക്കുന്ന ഫിറ്റ്സ്റോയ് നദിയില്‍ 2032 ബ്രിസ്ബെയ്ന്‍ ഒളിമ്പിക്സ്, പാരാലിമ്പിക്സ് മത്സരങ്ങള്‍ നടത്താന്‍ അനുമതി. ക്വീന്‍സ്ലാന്‍ഡിലെ റോക്ക്ഹാംപ്ടണിലുള്ള നദിയിലെ റോയിങ്, കനോയിങ് മത്സരവേദി സ്വതന്ത്ര സാങ്കേതിക പരിശോധനയില്‍ യോഗ്യമാണെന്ന് കണ്ടെത്തിയതോടെയാണ് വേദിക്ക് അംഗീകാരം ലഭിച്ചത്. ഗെയിംസ് ഇന്‍ഡിപെന്‍ഡന്റ് ഇന്‍ഫ്രാസ്ട്രക്ചര്‍ ആന്‍ഡ് കോര്‍ഡിനേഷന്‍ അതോറിറ്റി നിയോഗിച്ച സംഘമാണ് സാങ്കേതിക വിലയിരുത്തല്‍ നടത്തിയത്. എന്നാല്‍ നദിയിലെ മുതലകളുടെ സാന്നിധ്യം പരിശോധനയുടെ ഭാഗമായിരുന്നില്ല. വിവിധ കാലാവസ്ഥാ സാഹചര്യങ്ങള്‍, ജലനിരപ്പ്, വെള്ളപ്പൊക്ക സാധ്യത, മത്സരകാലത്തെയും അതിന് മുന്നോടിയായുള്ള കാലയളവിലെയും നദിയുടെ പ്രകടനം എന്നിവയാണ് പ്രധാനമായും പരിശോധിച്ചത്.

ഫിറ്റ്സ്റോയ് റിവര്‍ ഫ്‌ലാറ്റ്വാട്ടര്‍ ഫെസിലിറ്റി നിലവില്‍ തന്നെ പരിശീലനത്തിനും മത്സരങ്ങള്‍ക്കുമായി ഉപയോഗിക്കുന്ന വേദിയാണ്. സ്‌കൂള്‍ സംസ്ഥാന ചാമ്പ്യന്‍ഷിപ്പുകള്‍, പ്രാദേശിക റോയിങ് മത്സരങ്ങള്‍, ദേശീയ ടീമുകളുടെ പരിശീലന ക്യാമ്പുകള്‍ എന്നിവ ഇവിടെ നടക്കാറുണ്ട്. മുതലകളെ സംബന്ധിച്ച ആശങ്കകള്‍ നിലനില്‍ക്കുന്നുണ്ടെങ്കിലും, മുതലകളെ കണ്ടെത്തുന്ന സാഹചര്യത്തില്‍ മത്സരങ്ങള്‍ക്കായി അടിയന്തര നടപടിക്രമങ്ങള്‍ നിലവിലുണ്ടെന്ന് അധികൃതര്‍ വ്യക്തമാക്കി. വേള്‍ഡ് റോയിങ്ങും പാഡില്‍ വേള്‍ഡ്വൈഡും വേദിക്ക് അംഗീകാരം നല്‍കിയിട്ടുണ്ട്. സാങ്കേതിക പരിശോധനയുടെ അടിസ്ഥാനത്തില്‍ ഗെയിംസ് കാലയളവില്‍ ഫിറ്റ്സ്റോയ് നദിയില്‍ ന്യായമായ മത്സര സാഹചര്യം ഉറപ്പാക്കാനാകുമെന്ന് വേള്‍ഡ് റോയിങ് പ്രസിഡന്റ് ജീന്‍-ക്രിസ്റ്റോഫ് റോളണ്ട് പറഞ്ഞു.

കനോയിങ് മത്സരങ്ങള്‍ക്കും വേദി അനുയോജ്യമാണെന്ന ആത്മവിശ്വാസമുണ്ടെന്ന് പാഡില്‍ വേള്‍ഡ്വൈഡ് പ്രസിഡന്റ് തോമസ് കൊനിയറ്റ്സ്‌കോയും വ്യക്തമാക്കി. കഴിഞ്ഞ വര്‍ഷം വേദിയെച്ചൊല്ലിയുള്ള മുതല ഭീതിയെ ബ്രിസ്ബെയ്ന്‍ 2032 പ്രസിഡന്റ് ആന്‍ഡ്രൂ ലിവറിസ് തള്ളിക്കളഞ്ഞിരുന്നു. സമുദ്രത്തില്‍ സ്രാവുകളുണ്ടെങ്കിലും സര്‍ഫിങ് നടക്കുന്നതുപോലെ, ഈ വിഷയത്തെ ‘കഴിയും’ എന്ന സമീപനത്തോടെ കാണണമെന്നായിരുന്നു അദ്ദേഹത്തിന്റെ പ്രതികരണം. എന്നാല്‍ മൂന്ന് ഒളിമ്പിക് സ്വര്‍ണമെഡലുകള്‍ നേടിയ മുന്‍ ഓസ്ട്രേലിയന്‍ റോയിങ് താരം ഡ്രൂ ജിന്നിന് ഇപ്പോഴും ആശങ്കകളുണ്ട്. വെള്ളപ്പൊക്ക സാധ്യത, മത്സരത്തിലെ നീതിയും സമഗ്രതയും, ബ്രിസ്ബെയ്നില്‍നിന്ന് ആറ്-ഏഴ് മണിക്കൂര്‍ അകലെയുള്ള റോക്ക്ഹാംപ്ടണിലേക്ക് വേദികള്‍ വ്യാപിപ്പിക്കുന്നത് താരങ്ങളുടെയും കാണികളുടെയും ഒളിമ്പിക് അനുഭവത്തെ ബാധിക്കുമോ തുടങ്ങിയ കാര്യങ്ങളാണ് ജിന്ന് ചൂണ്ടിക്കാട്ടിയത്.

മുതലകളെക്കുറിച്ച് വ്യക്തിപരമായി ഭയമില്ലെങ്കിലും, മത്സരം സെക്കന്‍ഡുകളുടെ വ്യത്യാസത്തില്‍ തീരുമാനിക്കപ്പെടുന്ന സാഹചര്യത്തില്‍ പാതകള്‍ക്കിടയിലെ ജലപ്രവാഹത്തിലോ സാഹചര്യങ്ങളിലോ വ്യത്യാസം മത്സരഫലത്തെ ബാധിക്കുമോ എന്ന ആശങ്കയുണ്ടെന്നും ജിന്ന് പറഞ്ഞു. ‘സാള്‍ട്ടീസ്’ എന്നറിയപ്പെടുന്ന ഉപ്പുവെള്ള മുതലകള്‍ ശുദ്ധജലത്തിലും കടല്‍ജലത്തിലും ജീവിക്കുന്നവയാണ്. ഇവയ്‌ക്ക് ആറ് മീറ്ററിലധികം നീളം വയ്‌ക്കാന്‍ കഴിയും.

മുംബൈ: വെസ്റ്റ് ഇൻഡീസിനെതിരായ ഏകദിന പരമ്പരയ്ക്കുള്ള ഇന്ത്യൻ ടീമിലേക്ക് യുവതാരം നമൻ ധിറിനെ തിരഞ്ഞെടുത്തതിനെതിരെ രൂക്ഷവിമർശനവുമായി മുൻ ഇന്ത്യൻ താരം ഹനുമ വിഹാരി. സെപ്റ്റംബർ 27 ഞായറാഴ്ച മുതൽ ആരംഭിക്കുന്ന മൂന്ന് മത്സരങ്ങളുടെ ഏകദിന പരമ്പരയിലേക്ക് നമൻ ധിറിനെ ഉൾപ്പെടുത്തിയത് ഞെട്ടിക്കുന്ന തീരുമാനമാണെന്ന് സ്വന്തം യൂട്യൂബ് ചാനലിൽ പങ്കുവെച്ച വീഡിയോയിൽ വിഹാരി വ്യക്തമാക്കി.

ഏഷ്യൻ ഗെയിംസും വെസ്റ്റ് ഇൻഡീസ് പരമ്പരയും ഒരേ സമയം നടക്കുന്നതിനാൽ ഒട്ടേറെ മാറ്റങ്ങളോടെയാണ് ഇന്ത്യൻ ടീമിനെ പ്രഖ്യാപിച്ചത്. എന്നാൽ പഞ്ചാബ് ടി20 ലീഗിലെയും മുംബൈ ഇന്ത്യൻസിലെയും മികച്ച ചില പ്രകടനങ്ങൾ മാറ്റിനിർത്തിയാൽ, ആഭ്യന്തര ഏകദിന ക്രിക്കറ്റിൽ നമൻ ധിറിന് സ്ഥിരതയാർന്ന കണക്കുകളില്ലെന്ന് വിഹാരി ചൂണ്ടിക്കാട്ടി.

ഏഷ്യൻ ഗെയിംസ് നടക്കുന്നതിനാൽ ഏകദിന ടീമിൽ ഒരുപാട് മാറ്റങ്ങളുണ്ട്, അത് മനസ്സിലാക്കാം. എന്നാൽ നമൻ ധിറിനെ എങ്ങനെയാണ് എടുത്തത്?. ആഭ്യന്തര മത്സരങ്ങളിലെ പ്രകടനം അത്ര തൃപ്തികരമല്ല. പഞ്ചാബ് ലീഗിൽ വലിയൊരു ഇന്നിംഗ്സ് കളിച്ചു, മുംബൈ ഇന്ത്യൻസിനായി ചില മത്സരങ്ങൾ ജയിപ്പിച്ചു എന്നത് ശരിയാണ്. എന്നാൽ പ്രകടനത്തിൽ സ്ഥിരതയില്ലായിരുന്നു. എനിക്കിതിൽ വലിയ സംശയമുണ്ട്, ഇത് ശരിക്കും ഞെട്ടിക്കുന്ന തീരുമാനമാണെന്നും വിഹാരി പറഞ്ഞു. ടോപ്പ് ഓർഡറിൽ പന്തെറിയാൻ ആളില്ലാത്തത് മാത്രമാകാം ധീറിനെ ടീമിലെടുക്കാൻ കാരണം. ധിറിന് ഓഫ് സ്പിൻ എറിയാൻ കഴിയുമെന്നത് അനുകൂല ഘടകമായേക്കാം എന്നും വിഹാരി കൂട്ടിച്ചേർത്തു.

ശ്രേയസ് അയ്യരുടെ അസാന്നിധ്യത്തിൽ ചെന്നൈ സൂപ്പർ കിംഗ്സ് ക്യാപ്റ്റൻ റുതുരാജ് ഗെയ്ക്‌വാദിന് നാലാം നമ്പറിൽ അവസരം നൽകണമെന്ന് വിഹാരി ആവശ്യപ്പെട്ടു. മുൻപ് ദക്ഷിണാഫ്രിക്കയ്‌ക്കെതിരായ പരമ്പരയിൽ നാലാം നമ്പറിൽ ബാറ്റ് ചെയ്ത് റുതുരാജ് സെഞ്ചുറി നേടിയിട്ടുള്ള കാര്യം വിഹാരി ഓർമ്മിപ്പിച്ചു. ഓൾറൗണ്ടർ രവീന്ദ്ര ജഡേജയുടെ തിരിച്ചുവരവിനെയും വിഹാരി സ്വാഗതം ചെയ്തു. ടി20യിൽ അക്‌സർ പട്ടേൽ മികച്ചതാണെങ്കിലും, ഏകദിന ഫോർമാറ്റിലേക്ക് വരുമ്പോൾ ബാറ്റിംഗിലും ബോളിംഗിലും കൂടുതൽ സമയം ലഭിക്കുന്നതിനാൽ അക്‌സറിനേക്കാൾ മികച്ച ഓപ്ഷൻ ജഡേജയാണെന്നും വിഹാരി വിലയിരുത്തി.

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക

കൊച്ചി: എസ്എൻഡിപി ജനറൽ സെക്രട്ടറി വെള്ളാപ്പള്ളി നടേശന്‍ അടക്കമുള്ളവർ പ്രതിയായ മൈക്രോ ഫിനാൻസ് തട്ടിപ്പ് കേസിൽ പ്രോസിക്യൂഷൻ അനുമതി നൽകുന്നതുമായി ബന്ധപ്പെട്ട് കടുത്ത വിമർശനവുമായി ഹൈക്കോടതി. പ്രോസിക്യൂഷന് അനുമതി വേണ്ടെന്ന് പിന്നോക്ക വിഭാഗ വകുപ്പ് അഡീഷണൽ ചീഫ് സെക്രട്ടറിയും വേണമെന്ന് സർക്കർ അഭിഭാഷകനും അറിയിച്ചതോടെയായിരുന്നു ജസ്റ്റിസ് ബദറുദ്ദിന്റെ വിമർശനം. ആരാണ് സർക്കാരിന് നിയമോപദേശം നൽകുന്നത് എന്ന് ചോദിച്ച കോടതി വിജിലൻസ് അഭിഭാഷകൻ പദവിയിൽ ഇരിക്കാൻ യോഗ്യൻ അല്ലെന്നുവരെ കുറ്റപ്പെടുത്തി. നിലപാട് അറിയിക്കാൻ സംസ്ഥാന സർക്കാരിന് കോടതി നിർദ്ദേശം നൽകി. തുടർന്ന് ഹാജരായ സ്റ്റേറ്റ് അറ്റോർണി വിഷയത്തിൽ വാദം കേൾക്കണമെന്ന് അറിയിച്ചു. ഇതോടെ, പ്രോസിക്യൂഷൻ അനുമതി വേണോ എന്നതിൽ വിശദമായ വാദം കേട്ട് തീരുമാനമെടുക്കാമെന്ന് വ്യക്തമാക്കി ഹർജി കോടതി മാറ്റിവെച്ചു.

നേരത്തെയും കേസ് അന്വേഷണം വൈകുന്നതിൽ ജസ്റ്റിസ് ബദറുദ്ദീൻ അദ്ധ്യക്ഷനായ ബെഞ്ച് വിമർശനം ഉന്നയിച്ചിരുന്നു. കേസിൽ കഴിഞ്ഞ ഫെബ്രുവരിയിൽ വെള്ളാപ്പള്ളി നടേശനെ വിജിലൻസ് വീട്ടിലെത്തി ചോദ്യം ചെയ്തിരുന്നു. 2016ലാണ് വി എസ് അച്യുതാനന്ദന്റെ പരാതിയിൽ വെള്ളാപ്പള്ളി നടേശനെതിരെ കേസ് അന്വേഷണം തുടങ്ങിയത്. സ്ത്രീകളുടെ പേരിൽ വ്യാജ പദ്ധതിയിലൂടെ പിന്നോക്ക വികസന കോർപ്പറേഷനിൽ നിന്ന് എസ് എൻ ഡി പി കോടികൾ വായ്പയെടുത്തതിലാണ് അഴിമതി ആരോപണം. സാമ്പത്തിക തിരിമറി, ഗൂഢാലോചന എന്നിവയിലൂടെ 15 കോടി രൂപ തട്ടിച്ചെന്നാണ് വി എസ് അച്യുതാനന്ദന്‍ ആരോപിച്ചത്.

ദുബൈ|അബൂദബിയെയും ഷാർജയെയും ദുബൈ വഴി നേരിട്ട് ബന്ധിപ്പിക്കുന്ന 80 കിലോമീറ്റർ നീളമുള്ള പുതിയ നാലാം ഇടനാഴി അടിസ്ഥാന സൗകര്യ മേഖലയിലെ നിക്ഷേപങ്ങൾ വിപുലീകരിക്കുന്നതാണെന്ന് വിലയിരുത്തൽ. സാമ്പത്തിക മുന്നേറ്റത്തിന്റെ പ്രധാന ചാലകശക്തിയും ജനങ്ങളുടെ ജീവിതനിലവാരം ഉയർത്തുന്നതിനുള്ള അടിത്തറയുമായി അടിസ്ഥാന സൗകര്യ വികസനം മാറുന്നുവെന്നും, ഭാവിയെ നേരിടാനുള്ള ദുബൈയുടെ സജ്ജീകരണത്തിലെ സുപ്രധാന നാഴികക്കല്ലാണിതെന്ന് ദുബൈ കിരീടാവകാശിയും യു എ ഇ ഉപപ്രധാനമന്ത്രിയും പ്രതിരോധമന്ത്രിയുമായ ശൈഖ് ഹംദാൻ ബിൻ മുഹമ്മദ് ബിൻ റാശിദ് അൽ മക്തൂം വ്യക്തമാക്കി.

അബൂദബിയിലെ അൽ ഫായ റോഡ് മുതൽ ഷാർജയിലെ അൽ ഷനൂഫ് റോഡ് വരെ നീളുന്നതാണ് പുതിയ റോഡ് ഇടനാഴി. ഇരുവശങ്ങളിലുമായി 12 വരികളോടെ ഒരുക്കുന്ന പാതയിൽ 72 പാലങ്ങളും 17 അടിപ്പാതകളും (തുരങ്കങ്ങൾ) ഉൾപ്പെടും. യാത്രാസമയം 60 ശതമാനം വരെ കുറക്കാൻ സഹായിക്കുന്ന ഈ പദ്ധതിയിലൂടെ 31 ലക്ഷത്തിലധികം പേർക്ക് നേരിട്ട് പ്രയോജനം ലഭിക്കും.

അൽ മക്തൂം അന്താരാഷ്ട്ര വിമാനത്താവളവുമായും ദേശീയ ഇത്തിഹാദ് റെയിൽ ശൃംഖലയുമായും പുതിയ പാതയെ നേരിട്ട് ബന്ധിപ്പിക്കും. ഷാർജയിലെ അൽ ശനൂഫ് റോഡ് മുതൽ ദുബൈ – അൽ ഐൻ റോഡ് വരെയുള്ള പദ്ധതിയുടെ ആദ്യഘട്ടത്തിന് 350 കോടി ദിർഹം ചെലവ് വരും.

വർധിച്ചുവരുന്ന ജനസംഖ്യയ്ക്കും സാമ്പത്തിക വളർച്ചയ്ക്കും അനുയോജ്യമായ രീതിയിൽ ഗതാഗത ശൃംഖലയെ ശക്തിപ്പെടുത്താനുള്ള ദുബൈയുടെ ദീർഘവീക്ഷണത്തോടെയുള്ള നിക്ഷേപങ്ങളുടെ ഭാഗമായാണ് പുതിയ ഇടനാഴി ഒരുക്കുന്നത്.

Content Highlights:
Dubai announced an 80 km 12-lane highway corridor directly connecting Abu Dhabi and Sharjah. Sheikh Hamdan highlighted the project as a major milestone for UAE infrastructure. The road features 72 bridges, connects to Al Maktoum Airport, and reduces travel time by 60 percent.

തിരുവനന്തപുരം: എൽഡിഎഫ് സർക്കാർ വാടക്കെടുത്ത ഹെലികോപ്റ്ററിൻെറ കാലാവധി നാളെ അവസാനിക്കുന്നു. ഇടത് സർക്കാർ ഉണ്ടാക്കിയ കരാറിനെ അന്നത്തെ പ്രതിപക്ഷ നേതാവായിരുന്ന വി.ഡി. സതീശൻ ധൂർത്തെന്ന് വിശേപ്പിച്ചിരുന്നു. അതുകൊണ്ട് തന്നെ കരാർ റദ്ദാക്കുമോ എന്നതിൽ ഉറ്റുനോക്കുന്നു. മുഖ്യമന്ത്രിയുടെ പരിഗണനയിലാണ് ഫയൽ. അതേസമയം നിലവിലെ കരാർ നീട്ടണമെന്നാണ് ഡിജിപിയുടെ ശുപാർശ.

പൊലീസ് ഫണ്ടുപയോഗിച്ചാണ് അന്നത്തെ സർക്കാർ ഹെലികോപ്റ്റർ വാടക്കെടുത്തത്ർ. ആദ്യം പവൻഹാൻസും പിന്നീട് ചിപ്സണ്‍ ഏവിയേഷനുമാണ് കരാറുകാർ. പ്രതിമാസം 25 മണിക്കൂർ പറക്കാൻ 80 ലക്ഷം രൂപയാണ് വേണ്ടത്. അധികമായ ഓരോ മണിക്കൂറിനും 90,000 രൂപ നൽകണം. മൂന്നു വർഷത്തെ കരാർ കാലാവധി നാളെ അവസാനിക്കും. കരാർ നീട്ടണമെന്നാണ് ഡിജിപിയുടെ ശുപാർശ. മൂന്നു മാസം മുമ്പേ പൊലീസ് ശുപാർശ നൽകിയിട്ടും സർക്കാർ ഇത് വരെ തീരുമാനമെടുത്തിട്ടില്ല. മുഖ്യമന്ത്രി കൈകാര്യ ചെയ്യുന്ന ധനവകുപ്പാണ് അന്തിമതീരുമാനമെടുക്കേണ്ടത്.

ഹെലികോപ്റ്റർ വാടക ധൂർത്തെന്ന് പ്രതിപക്ഷത്തായിരുന്നപ്പോള്‍ ആക്ഷേപിച്ച വി.ഡി.സതീശൻ മുഖ്യമന്ത്രിയായപ്പോള്‍ ഹെലികോപ്റ്റർ യാത്ര നടത്തിയതെന്ന് തന്നെ വലിയ ചർച്ചയായിരുന്നു. പിഎം ശ്രീയെപോലെ പ്രതിപക്ഷത്തിനുന്ന് വിമർശിച്ച വിഷയത്തിൽ മുഖ്യമന്ത്രി എന്തു തീരുമാനമെടുക്കുമെന്നാണ് ഇനി അറിയേണ്ടത്. വീണ്ടും ടെണ്ടർ വിളിക്കാൻ സർക്കാർ തീരുമാനിച്ചാൽ ചെലവ് ഇനിയും കൂടും. ആവശ്യങ്ങള്‍ക്ക് മാത്രം ഹെലികോപ്റ്റർ വിളിച്ചാൽ മതിയെന്ന അഭിപ്രായവും ഉയരുന്നുണ്ട്.

അമേരിക്കയിലെ സൗകര്യങ്ങൾ ഉപേക്ഷിച്ച് ബീഹാറിലെ ഒരു കൊച്ചുഗ്രാമത്തിന്‍റെ ദൈനംദിന ജീവിത താളത്തിലേക്ക് മാറി ശ്രദ്ധനേടുകയാണ് അറ്റ്‌ലാന്‍റയിൽ വളർന്ന ഹോപ്പ് എന്ന അമേരിക്കൻ വനിത. ബിഹാർ സ്വദേശിയായ അഭിഷേക് സിംഗിനെ വിവാഹം കഴിച്ചതിനെത്തുടർന്നാണ് ഹോപ്പ് തന്‍റെ ജീവിതം ഇന്ത്യയിലേക്ക് മാറ്റിയത്. ഭർത്താവിനും മകനുമൊപ്പം കഴിഞ്ഞ ആറ് മാസമായി ബീഹാറിലെ ഗ്രാമത്തിൽ താമസിക്കുന്ന ഇവർ, തന്‍റെ വേറിട്ട ജീവിതം ഇൻസ്റ്റാഗ്രാം റീൽസിലൂടെ നിരന്തരം പങ്കുവെക്കുന്നുണ്ട്.

മികച്ച ജീവിത സൗകര്യങ്ങൾ തേടി ഇന്ത്യയിൽനിന്ന് യുഎസിലേക്ക് ആളുകൾ കുടിയേറുന്ന സാധാരണ കാഴ്ചയിൽനിന്ന് വ്യത്യസ്തമായി, നേരെ തിരിച്ചൊരു യാത്ര തെരഞ്ഞെടുത്തു എന്നതാണ് ഹോപ്പിന്‍റെ കഥയെ കൂടുതൽ ശ്രദ്ധേയമാക്കുന്നത്. 2023 -ലായിരുന്നു അഭിഷേക് സിംഗുമായുള്ള ഇവരുടെ വിവാഹം. ഒരു പ്ലാസ്റ്റിക് ടബ്ബിൽ കൈകൊണ്ട് തുണി അലക്കുന്നതും, തറയിലിരുന്ന് പാത്രങ്ങൾ കഴുകുന്നതും, പരമ്പരാഗത അടുപ്പിൽ ഭക്ഷണം പാകം ചെയ്യുന്നതും മുതൽ തനിക്ക് മുൻപ് അപരിചിതമായിരുന്ന എല്ലാ വീട്ടുജോലികളും ഹോപ്പ് സന്തോഷത്തോടെ ചെയ്യുന്നു. സാരിയും കുർത്തയും ധരിച്ചുള്ള വസ്ത്രധാരണവും സിന്ദൂരം ചാർത്തുന്ന വീഡിയോകളും സോഷ്യൽ മീഡിയയിൽ വലിയ സ്വീകാര്യതയാണ് നേടുന്നത്. തനിമയാർന്ന ഇന്ത്യൻ വിഭവങ്ങളായ സമോസ ചാട്ട്, പാവ് ഭാജി, റൊട്ടി എന്നിവ ഉണ്ടാക്കുന്നതും പ്രാദേശിക ഭാഷ സംസാരിക്കാൻ ശ്രമിക്കുന്നതും ഇവരുടെ സോഷ്യൽ മീഡിയ പേജുകളിൽ കാണാം.

A post shared by Singhfamily2.0 (@singhfamily2.0)

ഈ അത്ഭുതകരമായ സാംസ്കാരിക മാറ്റം സോഷ്യൽ മീഡിയയിൽ വലിയ ചർച്ചകൾക്കാണ് വഴിതുറന്നത്. "വളരെ സൗകര്യപ്രദമായ ജീവിതം ഉപേക്ഷിച്ച് ഇത്തരം സാധാരണ ചുറ്റുപാടുകളിലേക്ക് വരാൻ വിദേശികളെ പ്രേരിപ്പിക്കുന്നത് യഥാർത്ഥ പ്രണയമാണോ അതോ ആത്മീയ അന്വേഷണമാണോ" എന്ന് ചില ഉപയോക്താക്കൾ സംശയം പ്രകടിപ്പിച്ചപ്പോൾ, "ഒരു ഗ്രാമത്തിൽ ജീവിക്കുന്നതിൽ എന്താണ് തെറ്റ്, അത് സന്തോഷകരമായ അനുഭവമാണ്" എന്ന് മറ്റു ചിലർ കുറിച്ചു. സംസ്കാരത്തെ മനോഹരമായി നെഞ്ചിലേറ്റിയ ഹോപ്പിനെ അഭിനന്ദിച്ച് നിരവധി പേരാണ് രംഗത്തെത്തുന്നത്. എല്ലാവിധ ആധുനിക സൗകര്യങ്ങളുമുള്ള അമേരിക്കൻ ജീവിതത്തേക്കാൾ ലളിതവും, സ്നേഹവും കൂട്ടായ്മയും നിറഞ്ഞ ഈ ഗ്രാമീണ ജീവിതമാണ് താൻ ആഗ്രഹിച്ചതെന്നാണ് വിമർശനങ്ങൾക്കുള്ള മറുപടിയായി ഹോപ്പ് വ്യക്തമാക്കുന്നത്.

ദുബൈ | ആഗോള നിക്ഷേപകർക്കും പ്രവാസികൾക്കും ഏറ്റവും അനുയോജ്യമായ നികുതി സൗഹൃദ രാജ്യങ്ങളുടെ ആഗോള പട്ടികയിൽ യു എ ഇ ഒന്നാം സ്ഥാനം നേടി. അന്താരാഷ്ട്ര റസിഡൻസി, പൗരത്വ ആസൂത്രണ സ്ഥാപനമായ “ഗ്ലോബൽ സിറ്റിസൺ സൊല്യൂഷൻസ്’ (ജി സി എസ്) 48 രാജ്യങ്ങളെ ഉൾപ്പെടുത്തി തയ്യാറാക്കിയ ആഗോള സൂചികയിലാണ് യു എ ഇ ഒന്നാമതെത്തിയത്.

വ്യക്തിഗത ആദായനികുതിയുടെ പൂർണമായ അഭാവം, തുച്ഛമായ അഞ്ച് ശതമാനം മൂല്യവർധിത നികുതി (വാറ്റ്), രാജ്യം വിട്ടുപോകുന്ന താമസക്കാർക്ക് എക്‌സിറ്റ് ടാക്‌സ് ഏർപ്പെടുത്താത്ത സാഹചര്യം എന്നിവയാണ് യു എ ഇയെ ഒന്നാം സ്ഥാനത്തെത്തിച്ചത്. നികുതി ഭാരം, നികുതി ഘടന, നിക്ഷേപ അധിഷ്ഠിത കുടിയേറ്റം എന്നീ മൂന്ന് പ്രധാന ഘടകങ്ങളെ മുൻനിർത്തി 11 സൂചകങ്ങൾ അടിസ്ഥാനമാക്കിയാണ് പട്ടിക തയ്യാറാക്കിയത്.

ആന്റിഗ്വ ആൻഡ് ബാർബുഡ, പരാഗ്വെ, ഹോങ്കോങ്, ബഹാമാസ് എന്നിവയാണ് ആദ്യ അഞ്ചിൽ ഇടംപിടിച്ച മറ്റ് രാജ്യങ്ങൾ. മികച്ച നികുതി ഇളവുകളിലൂടെ യൂറോപ്പിൽ നിന്ന് മാൾട്ടയും സൈപ്രസും ആദ്യ പത്തിൽ ഇടംനേടി. നികുതി ഇളവുകൾക്ക് പുറമെ ഉയർന്ന ജീവിതനിലവാരം, മികച്ച ആരോഗ്യ സേവനങ്ങൾ, സുരക്ഷ എന്നിവയിലും ആഗോള തലത്തിൽ യു എ ഇ ഏറെ മുന്നിലാണെന്ന് പഠനം അടിവരയിടുന്നു.

പല രാജ്യങ്ങളിലും പൂജ്യ നികുതി സംവിധാനങ്ങൾ നിലനിൽക്കുന്നുണ്ടെങ്കിലും ഉയർന്ന ജീവിതനിലവാരവും ശക്തമായ ഭരണസംവിധാനവും ഒത്തിണങ്ങിയ സമഗ്രമായ അന്തരീക്ഷം യു എ ഇയെ മറ്റുള്ളവരിൽ നിന്ന് വ്യത്യസ്തമാക്കുന്നു. ഉയർന്ന നികുതി ചുമത്തുന്ന അമേരിക്കയാണ് സൂചികയിൽ ഏറ്റവും പിന്നിലുള്ളത്. സമ്പന്ന രാജ്യങ്ങളായ ഫ്രാൻസ്, ജപ്പാൻ, ജർമനി തുടങ്ങിയ ഇടങ്ങളിൽ 50 മുതൽ 60 ശതമാനം വരെ പാരമ്പര്യ നികുതി ഈടാക്കുമ്പോൾ, ആദ്യ 13 സ്ഥാനങ്ങളിലുള്ള രാജ്യങ്ങളിൽ ഇത്തരം നികുതികളൊന്നുമില്ലെന്നും റിപ്പോർട്ട് ചൂണ്ടിക്കാട്ടുന്നു.

Content Highlights:
The UAE has been ranked first globally among the most tax-friendly countries for investors and expats by Global Citizen Solutions. The ranking highlights the nation’s zero personal income tax, low VAT rate, and absence of exit tax. High quality of life and safety also contributed to the top score.

പന്തളം| എന്‍ എസ് എസ് ജനറല്‍ സെക്രട്ടറി സുകുമാരന്‍ നായരുടെ വാഹനം അപകടത്തില്‍പ്പെട്ടു. അപകടത്തില്‍ സുകുമാരന്‍ നായര്‍ക്ക് നിസ്സാര പരിക്കേറ്റു.

എം സി റോഡില്‍ പന്തളം കുരമ്പാല അമൃത സ്‌കൂള്‍ ജങ്ഷന് സമീപത്ത് വെച്ച് വാഹാനം അപ്പ് വാനുമായി കൂട്ടയിടിക്കുകയായിരുന്നു. കൈയ്ക്ക് നിസ്സാര പരിക്കേറ്റ അദ്ദേഹത്തെ പന്തളം മെഡിക്കല്‍ മിഷനില്‍ പ്രവേശിപ്പിച്ചു.

Content Highlights:
NSS General Secretary Sukumaran Nair was injured in a car accident on MC Road near Kurampala Amrita School Junction in Pantalam. His vehicle collided with an App van, resulting in minor hand injuries. He was immediately admitted to the Pantalam Medical Mission Hospital for treatment.

തിരുവനന്തപുരം: ഉന്നത വിദ്യാഭ്യാസ വകുപ്പിൽ കെട്ടിക്കിടക്കുന്ന സർവീസ് സംബന്ധമായ പരാതികളും ഫയലുകളും വേഗത്തിൽ തീർപ്പാക്കുന്നതിനായി പ്രത്യേക സർവ്വീസ് ക്ലിനിക്ക് സംഘടിപ്പിക്കാൻ തീരുമാനം. ജീവനക്കാരുടെ ആനുകൂല്യങ്ങൾ, പ്രൊമോഷൻ, പെൻഷൻ എന്നിവയുമായി ബന്ധപ്പെട്ട തടസങ്ങൾ പരിഹരിച്ച് ഫയലുകൾ സമയബന്ധിതമായി തീർപ്പാക്കുകയാണ് ഈ സംരഭത്തിന്‍റെ പ്രധാന ലക്ഷ്യം. സർവീസ് വിഷയങ്ങളിൽ കൃത്യമായ നിയമോപദേശം നൽകി ഫയൽ തീർപ്പാക്കുന്നത് വേഗത്തിലാക്കാനാണ് മുതിർന്ന ഉദ്യോഗസ്ഥരുടെ നേതൃത്വത്തിൽ ക്ലിനിക്ക് പ്രവർത്തിക്കുക.

സർവീസ് ക്ലിനിക്കിന്‍റെ ഉദ്ഘാടനം സെപ്റ്റംബർ 23 ബുധനാഴ്ച്ച ഉച്ചയ്ക്ക് 2 മണിക്ക് അനക്സ് 2 സെക്രട്ടേറിയേറ്റിലെ ലയം ഹാളിൽ നടക്കുന്ന ചടങ്ങിൽ ഉന്നത വിദ്യാഭ്യാസ വകുപ്പ് മന്ത്രി റോജി എം ജോൺ നിർവഹിക്കും. ഒന്നിടവിട്ടുള്ള ശനിയാഴ്ച്ചകളിലാണ് ക്ലിനിക്ക് നടത്തുന്നത്. സർവീസ് വിഷയങ്ങളിലെ കാലതാമസം ഒഴിവാക്കാനും, ഭരണനിർവ്വഹണം കൂടുതൽ കാര്യക്ഷമമാക്കാനും സർവ്വീസ് ക്ലിനിക്ക് സഹായകമാകും.

1. ഏഷ്യന്‍ ഗെയിംസ് വനിതാ ക്രിക്കറ്റ്: ജപ്പാനെ തകര്‍ത്ത് ഇന്ത്യ സെമിയില്  Jaihind News
2. അഞ്ച് ഓവറിൽ വിജയതീരത്തെത്തി, ജപ്പാനെ തോൽപ്പിച്ച് ഇന്ത്യൻ വനിതകൾ ഏഷ്യൻ ഗെയിംസ്‌ സെമിയിൽ  Mathrubhumi
3. നിസ്സാരം! 57 റൺസിന് ജപ്പാൻ ഓൾഔട്ട്, അഞ്ച് ഓവറിൽ കളി ജയിച്ച് ഇന്ത്യ; സെമിയിൽ എതിരാളികൾ ബംഗ്ലദേശ്  manoramaonline.com
4. വെറും അഞ്ച് ഓവറിൽ ജപ്പാനെ തകർത്തെറിഞ്ഞ് ഇന്ത്യൻ വനിതകൾ ഏഷ്യൻ ഗെയിംസ് സെമിയിൽ  chandrikadaily.com
5. പൂജാ സിങ്ങ്, അനാഹത്, വൈഭവ് സൂര്യവംശി; ഏഷ്യന്‍ ഗെയിംസില്‍ ഇന്ത്യയ്ക്കു പ്രതീക്ഷയോടെ ജെന്‍ സി താരങ്ങള്‍  manoramanews.com

കൊച്ചി| വെള്ളാപ്പള്ളി നടേശന്‍ പ്രതിയായ മൈക്രോഫിനാന്‍സ് തട്ടിപ്പ് കേസില്‍ പ്രോസിക്യൂഷന്‍ അനുമതി നല്‍കുന്നതിലെ ആശയക്കുഴപ്പത്തില്‍ സര്‍ക്കാരിനെ രൂക്ഷമായി വിമര്‍ശിച്ച് ഹൈക്കോടതി. പ്രതികള്‍ ഉന്നത സ്വാധീനമുള്ളവരാകുമ്പോള്‍ നടപടിക്രമങ്ങളില്‍ ഇഴച്ചില്‍ ഉണ്ടാകുന്നുവെന്നാണ് കോടതി വിമര്‍ശനം. ജനാധിപത്യ സര്‍ക്കാരാണിത്. ചില കാര്യങ്ങള്‍ സ്മൂത്തായല്ല പോകുന്നതെന്നും കോടതി നിരീക്ഷിച്ചു.

കേസില്‍ പ്രോസിക്യൂഷന്‍ അനുമതി വേണമോ വേണ്ടയോ എന്നതില്‍ ഹൈക്കോടതി വിശദമായ വാദം കേള്‍ക്കും. പ്രോസിക്യൂട്ട് ചെയ്യാന്‍ അനുമതി വേണമെന്ന് സര്‍ക്കാര്‍ ആവശ്യപ്പെട്ടു. എന്നാല്‍, പ്രോസിക്യൂഷന്‍ അനുമതി നല്‍ക്കേണ്ടത് തങ്ങള്‍ അല്ലെന്ന് പിന്നോക വികസന വകുപ്പ് അറിയിക്കുകയായിരുന്നു. തീരുമാനം അറിയിച്ചില്ലെങ്കില്‍ പിന്നോക്ക വികസന വകുപ്പ് അഡിഷണല്‍ ചീഫ് സെക്രട്ടറി നേരിട്ട് വിശദീകരണം നല്‍കണമെന്ന് നിര്‍ദേശമുണ്ടായിരുന്നു.

എട്ടോളം കേസുകളിലാണ് അന്വേഷണം പൂര്‍ത്തിയായത്. കേസ് എസ്പി എസ് ശശിധരന്റെ നേതൃത്വത്തിലുള്ള പ്രത്യേക സംഘമാണ് അന്വേഷിക്കുന്നത്. ജസ്റ്റിസ് എ ബദറുദീന്റെ ബെഞ്ചാണ് കേസ് പരിഗണിക്കുന്നത്. പ്രോസിക്യൂഷന്‍ അനുമതിയില്‍ തീരുമാനം വൈകിപ്പിക്കുന്ന സര്‍ക്കാര്‍ നിലപാടില്‍ നേരത്തെയും കോടതി കടുത്ത അതൃപ്തി അറിയിച്ചിരുന്നു.

സംസ്ഥാന പിന്നാക്ക വികസന കോര്‍പറേഷനില്‍ നിന്ന് 15 കോടി രൂപ കുറഞ്ഞ പലിശയ്ക്ക് വായ്പയെടുത്ത് എസ്എന്‍ഡിപി ശാഖകള്‍ വഴി ഉയര്‍ന്ന പലിശയ്ക്ക് മൈക്രോഫിനാന്‍സ് വായ്പയായി നല്‍കിയെന്നാണ് കേസിലെ ആരോപണം. വായ്പ വിതരണത്തിലും തിരിച്ചടവിലും സാമ്പത്തിക ക്രമക്കേടും വലിയ തോതിലുള്ള അഴിമതിയും നടന്നതായും ആരോപണമുണ്ട്.

Content Highlights:
The Kerala High Court criticized the state government for delays in prosecution approval regarding the microfinance scam involving Vellappally Natesan. The court noted that procedures slow down when high-profile individuals are involved. A detailed hearing will decide whether sanction is required.

ഇന്ദിരാഗാന്ധി നാഷനൽ ഓപൺ യൂനിവേഴ്‌സിറ്റി (ഇഗ്നോ) 2026 ജൂലൈ സെഷനിലെ പുതിയ പ്രവേശനങ്ങൾക്കുള്ള അവസാന തീയതി ഈ മാസം 30 വരെ നീട്ടി. സർട്ടിഫിക്കറ്റ്, സെമസ്റ്റർ അധിഷ്ഠിത പ്രോഗ്രാമുകൾ ഒഴികെയുള്ള ഓൺലൈൻ പഠന കോഴ്‌സുകൾക്കാണ് തീയതി നീട്ടി നൽകിയിരിക്കുന്നത്.

ഓപൺ ആൻഡ് ഡിസ്റ്റൻസ് ലേണിംഗ് രീതിയിലൂടെ പ്രവേശനം നേടാൻ ആഗ്രഹിക്കുന്ന ഉദ്യോഗാർഥികൾക്ക് സർവകലാശാലയുടെ സമർഥ് അഡ്മിഷൻ പോർട്ടൽ വഴി (http://ignouadmission.samarth.edu.in/) അപേക്ഷിക്കാം.
കോഴ്‌സുകളിലേക്ക് അപേക്ഷിക്കുന്നതിന് മുമ്പ് യോഗ്യതാ മാനദണ്ഡങ്ങൾ കൃത്യമായി പരിശോധിക്കണം.
അപേക്ഷിക്കേണ്ട വിധം

ഇഗ്നോയുടെ ഔദ്യോഗിക സമർഥ് അഡ്മിഷൻ പോർട്ടലായ ignouadmission.samarth.edu.in സന്ദർശിക്കുക.
ആദ്യമായി അപേക്ഷിക്കുന്നവരാണെങ്കിൽ ‘Fresh Admission’ എന്ന ഓപ്ഷനിൽ ക്ലിക്ക് ചെയ്ത് വ്യക്തിഗത വിവരങ്ങളും ഫോൺ നമ്പർ, ഇ മെയിൽ വിവരങ്ങളും നൽകി രജിസ്റ്റർ ചെയ്യുക.

ഇതിനകം രജിസ്റ്റർ ചെയ്തിട്ടുള്ളവർക്ക് മുമ്പ് ലഭിച്ച ലോഗിൻ വിവരങ്ങൾ ഉപയോഗിച്ച് അക്കൗണ്ടിലേക്ക് പ്രവേശിക്കാം.
ലോഗിൻ ചെയ്ത ശേഷം താത്പര്യമുള്ള കോഴ്‌സ് തിരഞ്ഞെടുത്ത് അപേക്ഷാ ഫോം പൂർണമായി പൂരിപ്പിക്കുക.

ആവശ്യമായ രേഖകൾ നിർദേശിച്ചിട്ടുള്ള ഫോർമാറ്റിൽ അപ്്ലോഡ് ചെയ്യുക.

നിശ്ചിത അപേക്ഷാ ഫീസും പ്രവേശന ഫീസും ഓൺലൈനായി അടയ്ക്കുക.

അപേക്ഷ സമർപ്പിച്ച ശേഷം കൺഫർമേഷൻ പേജ് ഡൗൺലോഡ് ചെയ്ത് ഭാവി ആവശ്യങ്ങൾക്കായി സൂക്ഷിക്കുക.

ഓര്‍മിക്കാന്‍

രജിസ്‌ട്രേഷൻ ഫീസ് പൂർണമായും റീഫണ്ട് ലഭിക്കാത്തതാണ്.

ഉദ്യോഗാർഥികൾക്ക് സ്വന്തം ലോഗിൻ അക്കൗണ്ട് വഴി അപേക്ഷ റദ്ദാക്കാവുന്നതാണ്. എന്നാൽ ഒരിക്കൽ റദ്ദാക്കിയാൽ അത് തിരികെ മാറ്റാൻ കഴിയില്ല.

അഡ്മിഷൻ സ്ഥിരീകരിക്കുന്നതിന് മുമ്പാണ് അപേക്ഷ റദ്ദാക്കുന്നതെങ്കിൽ, സർവകലാശാല നിയമപ്രകാരം തുക തിരികെ ലഭിക്കും.

അഡ്മിഷൻ സ്ഥിരീകരിച്ച ശേഷം റദ്ദാക്കുകയാണെങ്കിൽ, മൊത്തം കോഴ്‌സ് ഫീസിന്റെ 15 ശതമാനം (പരമാവധി 2,000 രൂപ വരെ) കുറച്ച ശേഷമുള്ള തുക മാത്രമേ റീഫണ്ട് ചെയ്യൂ.

സോഫ്റ്റ് കോപ്പി പഠന സാമഗ്രികൾ തിരഞ്ഞെടുക്കുന്ന വിദ്യാർഥികൾക്ക് രജിസ്‌ട്രേഷൻ ഫീസ് മാത്രം കുറച്ച ശേഷം ബാക്കി തുക തിരികെ ലഭിക്കും.

ഫീസ് ഇളവിന് അർഹതയുള്ളവർക്ക് ഡെവലപ്മെന്റ് ഫീസ് മാത്രമേ തിരികെ നൽകുകയുള്ളൂ.

പ്രവേശനം അവസാനിക്കുന്ന തീയതി മുതൽ 60 ദിവസങ്ങൾക്ക് ശേഷം യാതൊരുവിധ റീഫണ്ടും അനുവദിക്കുന്നതല്ല.

കോഴ്‌സുകൾ, സിലബസ്, ആവശ്യമായ രേഖകൾ എന്നിവയെക്കുറിച്ചുള്ള കൂടുതൽ വിവരങ്ങൾക്ക് യൂനിവേഴ്‌സിറ്റിയുടെ ഔദ്യോഗിക അഡ്മിഷൻ പോർട്ടൽ സന്ദർശിക്കുക.

Content Highlights:
IGNOU extended the last date for fresh admissions to July 2026 session online and ODL programs until September 30. Certificate and semester-based courses are excluded from this extension. Interested candidates can submit their applications online through the official Samarth portal.

കൊട്ടാരക്കര: കൊല്ലം ജില്ലയിലെ വിവിധയിടങ്ങളിൽ സ്കൂൾ വിദ്യാർത്ഥിനികളെ ലക്ഷ്യമിട്ട് സ്കൂട്ടറിൽ സഞ്ചരിച്ച് ലൈംഗികാതിക്രമം നടത്തിയ കേസിൽ പ്രതി പിടിയിൽ. മാസങ്ങളായി പൊലീസ് തിരഞ്ഞിരുന്ന പുത്തൂർ ആലയ്‌ക്ക ജംഗ്ഷൻ ചെറുമങ്ങാട് കുഴിയിൽ പുത്തൻവീട്ടിൽ ലിജോ ജോസഫിനെയാണ് കൊല്ലം റൂറൽ ഡാൻസഫ് സംഘം പിടികൂടിയത്.

ഈസ്റ്റ് കല്ലട, ശൂരനാട് പൊലീസ് സ്റ്റേഷൻ പരിധിയിലെ വിദ്യാർത്ഥിനികളാണ് അതിക്രമത്തിന് ഇരയായത്. ഇവരുടെ പരാതിയിൽ പ്രതിക്കെതിരെ പോക്സോ നിയമപ്രകാരം കേസുകൾ രജിസ്റ്റർ ചെയ്ത് അന്വേഷണം നടന്നുവരികയായിരുന്നു.

നീല നിറത്തിലുള്ള മാസ്റ്ററോ സ്കൂട്ടറിലാണ് പ്രതി സഞ്ചരിച്ചിരുന്നത്. വാഹനത്തിന്റെ നമ്പർ പ്ലേറ്റിൽ ചെളി പുരട്ടിയും പ്ലേറ്റ് മറച്ചുവച്ചുമാണ് ഇയാൾ യാത്ര ചെയ്തിരുന്നതെന്ന് പൊലീസ് പറഞ്ഞു. ആളൊഴിഞ്ഞ ബൈറോഡുകളിലും ഒറ്റപ്പെട്ട പ്രദേശങ്ങളിലും സഞ്ചരിച്ച് ഒറ്റയ്‌ക്ക് നടന്നു പോകുന്ന പെൺകുട്ടികളെയാണ് ഇയാൾ ലക്ഷ്യമിട്ടിരുന്നതെന്നാണ് പ്രാഥമിക അന്വേഷണത്തിലെ കണ്ടെത്തൽ.

അതിക്രമത്തിനിരയായ കുട്ടികൾ നൽകിയ പ്രതിയുടെ രൂപവിവരങ്ങൾ, വിവിധ സ്ഥലങ്ങളിലെ 400ഓളം സിസിടിവി ദൃശ്യങ്ങൾ, വിവിധ ജില്ലകളിൽ രജിസ്റ്റർ ചെയ്ത മാസ്റ്ററോ വാഹനങ്ങളുടെ വിവരങ്ങൾ എന്നിവ കേന്ദ്രീകരിച്ചായിരുന്നു അന്വേഷണം. നമ്പർ പ്ലേറ്റിലെ വ്യക്തതക്കുറവും മുഖം തിരിച്ചറിയാൻ കഴിയുന്ന ദൃശ്യങ്ങൾ ലഭിക്കാത്തതും അന്വേഷണത്തിന് വെല്ലുവിളിയായി.

കുറ്റകൃത്യങ്ങൾക്ക് ശേഷം വിവിധ വഴികളിലൂടെ സഞ്ചരിച്ച് പൊലീസിനെ തെറ്റിദ്ധരിപ്പിക്കാനും പ്രതി ശ്രമിച്ചിരുന്നതായി അന്വേഷണസംഘം പറഞ്ഞു. പത്തനംതിട്ട, കൊല്ലം ജില്ലകളിലെ വിവിധ പ്രദേശങ്ങളിലും തിരുവനന്തപുരം ജില്ലയുടെ അതിർത്തി മേഖലകളിലും പൊലീസ് സംഘം വ്യാപകമായി അന്വേഷണം നടത്തിയിരുന്നു.

തലമുറകളായി ജീവിച്ച മണ്ണ് വിട്ടുപോകേണ്ടിവരുമോ?; വിജയ്‌യുടെ പുതിയ സെക്രട്ടേറിയറ്റ് പദ്ധതിയിൽ ആശങ്കയോടെ മത്സ്യത്തൊഴിലാളികൾ, 1200 കോടി ചെലവ് വരുന്ന പദ്ധതിക്കെതിരെ പട്ടിണംപാക്കത്തെ ജനങ്ങൾ Tamilnadu CM New Project

മൃഗശാല നെയ്യാർ ഡാമിന്റെ പരിസരത്ത് തന്നെയാണ് ഉചിതം, അനാവശ്യം വിവാദം ഉണ്ടാക്കരുത്: മുഖ്യമന്ത്രിയെ പിന്തുണച്ച് മന്ത്രി കെ മുരളീധരൻ Minister K. Muraleedharan supports the Chief Minister | TVM Zoo Shifting

തിരുവനന്തപുരം|സംസ്ഥാനത്ത് ഈ മാസത്തെ ഏറ്റവും ഉയര്‍ന്ന വൈദ്യുതി ഉപയോഗമാണ് ഇന്നലെ രേഖപ്പെടുത്തിയതെന്ന് കെഎസ്ഇബി. 99.87 ദശലക്ഷം യൂണിറ്റായിരുന്നു ഇന്നലത്തെ ഉപയോഗമെന്നും കെഎസ്ഇബി അറിയിച്ചു. രാത്രികാല ആവശ്യകത 5305 മെഗാവാട്ട് ആണ്. ഇന്ന് 900 മെഗാവാട്ടിന്റെ കുറവ് പ്രതീക്ഷിക്കുന്നുവെന്നും അതുകൊണ്ടുതന്നെ ഇന്ന് വൈദ്യുതി നിയന്ത്രണത്തിന് സാധ്യതയുണ്ടാകുമെന്നും കെഎസ്ഇബി വ്യക്തമാക്കി. ഇന്നലെ വൈദ്യുതി നിയന്ത്രണം ഉണ്ടായിരുന്നില്ല. വൈദ്യുതി നിയന്ത്രണം ഒഴിവാക്കാനുള്ള വഴികള്‍ തേടുകയാണെന്നും കെഎസ്ഇബി വ്യക്തമാക്കി.

കര്‍ണാടക, തമിഴ്‌നാട് സംസ്ഥാനങ്ങളിലെ വൈദ്യുതി ഉപഭോഗം കുറഞ്ഞതാണ് സംസ്ഥാനത്ത് ഇന്നലെ വൈദ്യുതി നിയന്ത്രണം ഒഴിവാക്കാന്‍ സഹായമായത്. ഇത് കേരളത്തിലേക്കുള്ള പവര്‍ ഗ്രിഡിലെ വൈദ്യുതി ലഭ്യത ഉയര്‍ത്തിയെന്നും പവര്‍ എക്‌സ്‌ചേഞ്ച് വഴിയും മതിയായ വൈദ്യുതി ലഭിച്ചുവെന്നും കെഎസ്ഇബി അറിയിച്ചു. 700 മെഗാവാട്ടിന്റെ കുറവുണ്ടായിരുന്നെങ്കിലും മതിയായ അളവില്‍ വൈദ്യുതി സംസ്ഥാനത്തിന് ലഭിച്ചു. കഴിഞ്ഞ 17 ദിവസത്തിനിടെ രാത്രികാല വൈദ്യുതി നിയന്ത്രണം ഇല്ലാതിരുന്ന രണ്ടാം ദിവസമായിരുന്നു ഇന്നലെ.

Content Highlights:
Kerala recorded its highest power consumption this month at 99.87 million units. KSEB warns of potential electricity restrictions today due to a 900 MW deficit. Power cuts were avoided yesterday as reduced usage in neighbouring states boosted grid availability for Kerala.

1. കൊല്ലത്ത് നമ്പർ പ്ലേറ്റ് ചെളിതേച്ച് മറച്ച സ്കൂട്ടറിൽ യാത്ര ചെയ്ത് 12 പെൺകുട്ടികളെ ഉപദ്രവിച്ച 33 കാരൻ പിടിയിൽ  News18 Malayalam
2. സ്കൂട്ടറിൽ കറങ്ങിനടന്ന് പെൺകുട്ടികളെ ഉപദ്രവിച്ചിരുന്ന ‘നീലക്കുറുക്കൻ’ ഒടുവിൽ പിടിയിൽ; ‘തൂക്കി’യത് ഡാൻസാഫ്  Mathrubhumi
3. നമ്പര്‍ പ്ലേറ്റ് ചെളി തേച്ച് മറച്ചു, പിന്നെ സ്കൂട്ടറില്‍ കറങ്ങി 12 പെണ്‍കുട്ടികളെ ഉപദ്രവിച്ചു; 33കാരന്‍ ഒടുവില്‍ പിടിയില്‍  manoramanews.com

ബെം​ഗളൂരു: ബെംഗളൂരുവിൽ വീണ്ടും മനഃസാക്ഷിയെ മരവിപ്പിക്കുന്ന കൊലപാതകം. പണത്തിനായി തട്ടിക്കൊണ്ടുപോയ പതിമൂന്നുകാരനെ അയൽവാസിയായ യുവാവ് കല്ലുകൊണ്ട് തലയ്ക്കടിച്ച് കൊലപ്പെടുത്തി. സംഭവത്തിൽ യെലഹങ്ക വിനായക നഗർ സ്വദേശിയായ ഭാസ്കർ റെഡ്ഡിയെ പൊലീസ് അറസ്റ്റ് ചെയ്തു. കൊലപാതകം കണ്ടതോടെ ഓടി രക്ഷപ്പെട്ട പ്രായപൂർത്തിയാകാത്ത കൂട്ടുപ്രതിക്കായി പൊലീസ് അന്വേഷണം തുടങ്ങി.

യെലഹങ്ക വിനായക നഗറിലാണ് നാടിനെ നടുക്കിയ ക്രൂരമായ കൊലപാതകം നടന്നത്. ഗൗരി ഗണേശ ആഘോഷത്തിന് പടക്കം വാങ്ങി നൽകാമെന്ന് പ്രലോഭിപ്പിച്ച് അയൽവാസിയായ പ്രജ്വലിനെ തട്ടിക്കൊണ്ടുപോയ യുവാവ് കല്ലുകൊണ്ട് തലയ്ക്കടിച്ച് ക്രൂരമായി കൊലപ്പെടുത്തുകയായിരുന്നു. പ്രജ്വലിന്റെ കുടുംബത്തിൽ നിന്ന് പണം തട്ടിയെടുക്കുക എന്ന ലക്ഷ്യത്തോടെയാണ് പ്രതി തട്ടിക്കൊണ്ടുപോകൽ ആസൂത്രണം ചെയ്തത്. പതിമൂന്നുകാരനെ കാറിൽ കയറ്റി കൊണ്ടുപോകുമ്പോള്‍ പ്രായപൂർത്തിയാകാത്ത തന്റെ സുഹൃത്തിനെയും പ്രതി ഭാസ്കർ റെഡ്ഡി ഒപ്പം കൂട്ടിയിരുന്നു.

ഡ്രൈവിംഗിൽ കമ്പമുള്ള പ്രജ്വലിന് വാഹനം ഓടിക്കാൻ അവസരം നൽകാമെന്നും ഇരുവരും വാഗ്ദാനം ചെയ്തു. ആളൊഴിഞ്ഞ ഇടത്ത് കാറെത്തിയപ്പോൾ വാഹനം നിർത്തിയ ഭാസ്കർ പ്രജ്വലിന്റെ അച്ഛൻ മനോഹറിനെ വിളിച്ച് പണം ആവശ്യപ്പെട്ടു. പ്രജ്വലിനോട് വീഡിയോ കോളിൽ സംസാരിക്കാനും ആവശ്യപ്പെട്ടു. ഇത് എതിർത്തതോടെയാണ് പതിമൂന്നുകാരനെ വലിച്ച് പുറത്തിട്ട് കല്ലുകൊണ്ട് തലയ്ക്കടിച്ച് കൊലപ്പെടുത്തിയത്. ഭാസ്കറിന്റെ ക്രൂരമായ പ്രവൃത്തി കണ്ടതോടെ പേടിച്ചുപോയ പ്രായപൂർത്തിയാകാത്ത വിദ്യാർത്ഥി ഓടി രക്ഷപ്പെട്ടു.

ഇതിനിടയിൽ പതിമൂന്നുകാരന്റെ പിതാവ് ഭാസ്കറിന്റെ അച്ഛനെ വിവരം ധരിപ്പിക്കുകയും ഇരുവരും ചേർന്ന് ഇയാളെ വിളിക്കുകയും പൊലീസിനെ അറിയിക്കുകയും ചെയ്തു. ഇതോടെ പരിഭ്രാന്തനായ ഭാസ്കർ റെഡ്ഡി മൃതദേഹം കാറിന്റെ ഡിക്കിയിലിട്ട് ആന്ധ്രയിലേക്ക് കടക്കാൻ വേണ്ടി ശ്രമിക്കുകയായിരുന്നു. യാത്രാമധ്യേ കാർ തുടർച്ചയായി അപകടങ്ങളിൽ പെട്ടു.

ഭാസ്കർ റെഡ്ഡിയുടെ പെരുമാറ്റത്തിൽ സംശയം തോന്നിയ നാട്ടുകാർ കാർ തടഞ്ഞുവെച്ച് പൊലീസിൽ വിവരമറിയിക്കുകയായിരുന്നു. തുടർന്ന് പൊലീസെത്തി നടത്തിയ പരിശോധനയിലാണ് ഡിക്കിയിൽ മൃതദേഹം കണ്ടെത്തിയത്. ഭാസ്കർ റെഡ്ഡിയുടെ അറസ്റ്റ് പൊലീസ് രേഖപ്പെടുത്തി. ഓടിരക്ഷപ്പെട്ട പതിനേഴുകാരനായി അന്വേഷണം ഊർജിതമാക്കിയിട്ടുണ്ട്. ചിക്കജാല പൊലീസാണ് അന്വേഷണം നടത്തുന്നത്.

പുതുച്ചേരിയിലെ ജവഹർലാൽ ഇൻസ്റ്റിറ്റ്യൂട്ട് ഓഫ് പോസ്റ്റ്ഗ്രാജുവേറ്റ് മെഡിക്കൽ എജ്യുക്കേഷൻ ആൻഡ് റിസർച്ചിൽ (ജിപ്മർ) 2026-27 അക്കാദമിക് വർഷത്തെ ബി എസ് സി കോഴ്‌സുകൾക്ക് നീറ്റ് യു ജി സ്‌കോറിന്റെ അടിസ്ഥാനത്തിൽ പ്രവേശനം നേടാം.

ബി എസ്‌സി നഴ്‌സിംഗ്

ഫുൾടൈം പ്രോഗ്രാമിന്റെ കാലാവധി നാല് വർഷമാണ്. കോഴ്‌സിന്റെ ഭാഗമായി 24 ആഴ്ച ദൈർഘ്യമുള്ള പെയ്ഡ് ഇന്റേൺഷിപ്പ് ചെയ്യണം. പെൺകുട്ടികൾക്ക് 85ഉം ആൺകുട്ടികൾക്ക് ഒമ്പത് സീറ്റുമായി ആകെ 94 സീറ്റുകളാണുള്ളത്.

ബി എസ്‌സി അലൈഡ് ഹെൽത്ത് സയൻസ്

ബാച്ചിലർ ഓഫ് മെഡിക്കൽ ലബോറട്ടറി സയൻസ് (37), അനസ്‌തേഷ്യ ടെക്‌നോളജി (അഞ്ച്), ബാച്ചിലർ ഓഫ് എമർജൻസി മെഡിക്കൽ ടെക്‌നോളജിസ്റ്റ് (പത്ത്), ബാച്ചിലർ ഓഫ് ഒപ്‌റ്റോമെട്രി (അഞ്ച്), കാർഡിയാക് ലബോറട്ടറി ടെക്‌നോളജി (അഞ്ച്), ഡയാലിസിസ് തെറാപ്പി ടെക്‌നോളജി (അഞ്ച്), മെഡിക്കൽ ലബോറട്ടറി ടെക്‌നോളജി ഇൻ ബ്ലഡ് ബേങ്കിംഗ് (അഞ്ച്), മെഡിക്കൽ റേഡിയോളജി ആൻഡ് ഇമേജിംഗ് ടെക്‌നോളജി (അഞ്ച്), ന്യൂറോ ടെക്‌നോളജി (അഞ്ച്), ന്യൂക്ലിയർ മെഡിസിൻ ടെക്‌നോളജി (അഞ്ച്), പെർഫ്യൂഷൻ ടെക്‌നോളജി (അഞ്ച്), റേഡിയോതെറാപ്പി ടെക്‌നോളജി (അഞ്ച്).

നാല് വർഷമാണ് കോഴ്‌സ് കാലാവധി. ബാച്ചിലർ ഓഫ് മെഡിക്കൽ ലബോറട്ടറി സയൻസിൽ മൂന്നര വർഷത്തെ തിയറിയും പ്രാക്ടിക്കലും ആറ് മാസത്തെ നിർബന്ധിത ഇന്റേൺഷിപ്പും ഉണ്ടാകും. മറ്റ് കോഴ്സുകൾക്ക് മൂന്ന് വർഷത്തെ തിയറിയും പ്രാക്ടിക്കലും ഒരു വർഷത്തെ നിർബന്ധിത ഇന്റേൺഷിപ്പും ഉണ്ടാകും.

യോഗ്യത

നാഷനൽ എലിജിബിലിറ്റി കം എൻട്രൻസ് ടെസ്റ്റ്- യു ജി 2026 (നീറ്റ് യു ജി 2026) യോഗ്യത നേടിയിരിക്കണം.
പ്ലസ് ടു/ തത്തുല്യ വിജയം. ഫിസിക്‌സ്, കെമിസ്ട്രി, ബയോളജി/ ബോട്ടണി, സുവോളജി, ഇംഗ്ലീഷ് വിഷയങ്ങളിൽ മൊത്തം 50 ശതമാനം മാർക്കുണ്ടായിരിക്കണം. (എസ് സി, എസ് ടി, മറ്റ് പിന്നാക്ക വിഭാഗങ്ങൾക്ക് ഫിസിക്‌സ്, കെമിസ്ട്രി, ബയോളജി/ ബോട്ടണി, സുവോളജി വിഷയങ്ങൾക്കാകെ 40 ശതമാനം മാർക്ക് മതി).
2026 ഡിസംബർ 31ന് 17 വയസ്സ് പൂർത്തിയാകണം.
2010 ജനുവരി ഒന്നിനോ അതിന് മുമ്പോ ജനിച്ചവരായിരിക്കണം.

ഫീസ്

1,200 രൂപയാണ് പ്രതിവർഷ അക്കാദമിക്/ ട്യൂഷൻ ഫീസ്. അഡ്മിഷൻ ഫീസ്, കോഷൻ ഡെപ്പോസിറ്റ് ഉൾപ്പെടെ ആകെ ഫീസ്: 11,410 രൂപ.

അപേക്ഷിക്കാം

ഈ മാസം 28ന് വൈകിട്ട് നാലിന് മുമ്പായി academic.jipmer.edu.in വെബ്‌സൈറ്റ് വഴി ഓൺലൈനായി അപേക്ഷ നൽകണം. യോഗ്യരായവരുടെ ലിസ്റ്റ് അടുത്ത മാസം ഒമ്പതിന് മുമ്പായി ജിപ്മർ വെബ്‌സൈറ്റിൽ പ്രസിദ്ധീകരിക്കും.
ക്ലാസ്സുകൾ അടുത്ത മാസം 30ന് ആരംഭിക്കും.

Content Highlights:
JIPMER Puducherry has invited online applications for BSc Nursing and Allied Health Science courses for the 2026-27 academic year based on NEET UG scores. Candidates with required Plus Two marks in science subjects can apply online via academic.jipmer.edu.in until September 28. Classes begin October 30.

ന്യൂഡൽഹി: വിവാഹത്തിന് ഒരു മാസം മാത്രം ശേഷിക്കെ 31കാരൻ കൊല്ലപ്പെട്ടു. ഡൽഹി ലജ്പത് നഗറിൽ  സഹോദരിമാർക്കൊപ്പം ഷെർവാണി വാങ്ങാനെത്തിയ യുവരാജ് സിംഗ് മഞ്ചന്ദ ഗുരുഗ്രാമിൽ മുൻ സഹപ്രവർത്തകയെ കാണാനുണ്ടെന്ന് പറഞ്ഞാണ് സെപ്റ്റംബർ ആറിന് റസ്റ്റോറന്റിൽനിന്ന് പോയത്. പിന്നീട് യുവാവിനെ കാണാതാവുകയായിരുന്നു.

വൈകിട്ട് ഏഴോടെ കുടുംബവുമായി ഫോണിൽ സംസാരിച്ച യുവരാജ് രാത്രി പത്തോടെ വീട്ടിലെത്തുമെന്ന് അറിയിച്ചിരുന്നു. സെപ്റ്റംബർ എട്ടിന് വൈകിട്ട് 4.16ഓടെ അവസാന വാട്‌സ്ആപ്പ് സന്ദേശം ലഭിച്ചതിന് പിന്നാലെ ഫോൺ സ്വിച്ച് ഓഫ് ആയി. രണ്ട് ദിവസമായിട്ടും തിരിച്ചെത്താതതിനെ തുടർന്ന് സെപ്റ്റംബർ 11ന് കുടുംബം ലജ്പത് നഗർ പൊലീസിൽ പരാതി നൽകി.

അതേസമയം, സെപ്റ്റംബർ 10ന് ഗുരുഗ്രാം പൊലീസ് മൃതദേഹം കണ്ടെത്തിയിരുന്നെങ്കിലും കുടുംബത്തെ അറിയിച്ചില്ലെന്ന് ബന്ധുക്കൾ ആരോപിച്ചു. സെപ്റ്റംബർ 14ന് മൃതദേഹം സംസ്കരിച്ചെന്നും രണ്ട് ദിവസത്തിന് ശേഷമാണ് മരണവിവരം കുടുംബത്തെ അറിയിച്ചതെന്നും അവർ പറയുന്നു.

അന്വേഷണത്തിൽ യുവരാജിന്റെ അവസാനം വിളിച്ചത് മുൻ സഹപ്രവർത്തകയെ ആയിരുന്നു എന്ന് കണ്ടെത്തി. ഇവർ ഉത്തരാഖണ്ഡിൽനിന്ന് അറസ്റ്റിലായി. ഇവരുടെ  പങ്കാളിയെയും പൊലീസ് പിടികൂടിയിട്ടുണ്ട്.

ചോദ്യം ചെയ്യലിൽ ഇരുവരും യുവരാജിനെ കൊലപ്പെടുത്തി ഗുരുഗ്രാമിലെ വീടിന് സമീപത്തെ ഓടയിൽ മൃതദേഹം ഉപേക്ഷിച്ചതായി മൊഴി നൽകിയിട്ടുണ്ട്. സാമ്പത്തിക തർക്കമാണ് കൊലപാതകത്തിന് പിന്നിലെന്നാണ് പ്രാഥമിക നിഗമനം. ഇരുവരെയും അഞ്ച് ദിവസത്തെ പൊലീസ് കസ്റ്റഡിയിൽ വിട്ടു.

നിഷിൻ: ഏഷ്യൻ ഗെയിംസ് വനിതാ ക്രിക്കറ്റ് ക്വാര്‍ട്ടര്‍ പോരാട്ടത്തിൽ ജപ്പാനെ തകര്‍ത്ത് ഇന്ത്യൻ വനിതകള്‍ സെമിയില്‍. ആദ്യം ബാറ്റ് ചെയ്ത ജപ്പാൻ 19.5 ഓവറില്‍ 57 റണ്‍സിന് ഓള്‍ ഔട്ടായപ്പോള്‍ 5 ഓവറില്‍ രണ്ട് വിക്കറ്റ് നഷ്ടത്തില്‍ ഇന്ത്യ ലക്ഷ്യത്തിലെത്തി. 15 പന്തിൽ 40 റണ്‍സെടുത്ത ഷഫാലി വര്‍മ പുറത്താകാതെ നിന്നപ്പോള്‍ 12 റണ്‍സുമായി റിച്ച ഘോഷും വിജയത്തില്‍ കൂട്ടായി. ഗുലാന്‍ കമാലിനി(0), ഭാര്‍തി ഫുല്‍മാലി(6) എന്നിവരുടെ വിക്കറ്റുകളാണ് ഇന്ത്യക്ക് നഷ്ടമായത്.

നേരത്തെ ടോസ് നഷ്ടമായി ആദ്യം ബാറ്റ് ചെയ്ത ജപ്പാന്‍ നിരയില്‍ 25 റണ്‍സെടുത്ത ഓപ്പണര്‍ അയ്ക കാറ്റോ സ്റ്റാഫോര്‍ഡും 10 റണ്‍സെടുത്ത ഹരുണ ഇവാസാക്കിയും മാത്രമാണ് രണ്ടക്കം കടന്നത്. ക്യാപ്റ്റൻ മൈ യാങ്കിഡ ഗോള്‍ഡൻ ഡക്കായപ്പോള്‍ മറ്റാരും രണ്ടക്കം കടന്നില്ല. ഓപ്പണിംഗ് വിക്കറ്റില്‍ 24 റണ്‍സടിച്ചശേഷമാണ് ജപ്പാന്‍ 33 റണ്‍സെടുക്കുന്നതിനിടെ ബാക്കി വിക്കറ്റുകള്‍ കൂടി നഷ്ടമാക്കി ഓള്‍ ഔട്ടായത്.

ജപ്പാന് ഇന്നിംഗ്സിലാകെ 3 ബൗണ്ടറി മാത്രമാണ് നേടാനായത്. ഇന്ത്യക്കായി ശ്രീചരിണി നാലോവറില്‍ 10 റണ്‍സ് മാത്രം വഴങ്ങി നാലു വിക്കറ്റെടുത്തപ്പോള്‍ ഷഫാലി വര്‍മ നാലോവറിൽ 13 റണ്‍സിന് രണ്ട് വിക്കറ്റെടുത്തു. ഇന്നലെ നടന്ന മറ്റൊരു ക്വാര്‍ട്ടര്‍ പോരാട്ടത്തില്‍ തായ്‌ലന്‍ഡിനെതിരെ പാകിസ്ഥാന്‍ വിറച്ചു ജയിച്ചിരുന്നു. മഴ തടസപെടുത്തിയ മത്സരത്തില്‍ 11 ഓവറില്‍ 92 റണ്‍സായിരുന്നു പാകിസ്ഥാന് ജയിക്കാന്‍ വേണ്ടിയിരുന്നത്. ഒരുഘട്ടത്തില്‍ 47-4 എന്ന നിലയില്‍ തകര്‍ന്നെങ്കിലും രണ്ട് പന്ത് ബാക്കി നില്‍ക്കെ 7 വിക്കറ്റ് നഷ്ടത്തില്‍ പാകിസ്ഥാന്‍ ലക്ഷ്യത്തിലെത്തി.

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക

ജെ ഇ ഇ-2027 (ജോയിന്റ് എൻട്രൻസ് എക്‌സാമിനേഷൻ) പരീക്ഷാ തീയതികൾ പ്രഖ്യാപിച്ച് നാഷനൽ ടെസ്റ്റിംഗ് ഏജൻസി (എൻ ടി എ). ജനുവരി, ഏപ്രിൽ എന്നിങ്ങനെ രണ്ട് സെഷനുകളായാണ് പരീക്ഷ നടത്തുക.
ആദ്യ സെഷൻ പരീക്ഷകൾ അടുത്ത വർഷം ജനുവരി 22 മുതൽ ആരംഭിക്കും. ജനുവരി 22 മുതൽ 24 വരെയും ജനുവരി 28 മുതൽ 30 വരെയുമാണ് പരീക്ഷകൾ നിശ്ചയിച്ചിരിക്കുന്നത്. ജനുവരി 31 ബഫർ ദിനമായിരിക്കും. ഏപ്രിൽ സെഷന്റെ കൃത്യമായ തീയതികൾ അടങ്ങിയ വിജ്ഞാപനം പിന്നീട് പുറത്തിറക്കും.

കമ്പ്യൂട്ടർ അധിഷ്ഠിത പരീക്ഷകൾ വിവിധ ഷിഫ്റ്റുകളായാണ് നടത്തുക. വിദ്യാർഥി രണ്ട് സെഷനുകളിലും (ജനുവരി, ഏപ്രിൽ) പങ്കെടുത്താൽ അതിൽ ഏത് പരീക്ഷയിലാണോ ഏറ്റവും മികച്ച സ്‌കോർ ലഭിച്ചത്, അത് മാത്രമായിരിക്കും അന്തിമ റാങ്ക് ലിസ്റ്റിനായി പരിഗണിക്കുക.

രാജ്യത്തെ പ്രമുഖ എൻ ഐ ടികൾ, ഐ ഐ ഐ ടികൾ, കേന്ദ്ര ധനസഹായത്തോടെ പ്രവർത്തിക്കുന്ന സാങ്കേതിക സ്ഥാപനങ്ങൾ എന്നിവയിലെ ബി ടെക്/ ബി ആർക്ക് പ്രവേശനം ജെ ഇ ഇ റാങ്ക് അടിസ്ഥാനത്തിലാകും.
ഐ ഐ ടി പ്രവേശനത്തിനായുള്ള ജെ ഇ ഇ അഡ്വാൻസ്ഡ് പരീക്ഷ എഴുതാനുള്ള പ്രാഥമിക യോഗ്യതാ പരീക്ഷ കൂടിയാണിത്.

രജിസ്‌ട്രേഷൻ, യോഗ്യത, പരീക്ഷാ രീതി, സിലബസ് തുടങ്ങി വിശദമായ വിജ്ഞാപനം അടുത്ത മാസം ഔദ്യോഗിക വെബ്‌സൈറ്റിൽ പ്രസിദ്ധീകരിക്കും. ഫിസിക്സ്, കെമിസ്ട്രി, മാത്തമാറ്റിക്സ് എന്നീ വിഷയങ്ങളെ അടിസ്ഥാനമാക്കിയാണ് പരീക്ഷ നടക്കുന്നത്.

ജെ ഇ ഇ മെയിൻ പരീക്ഷ എഴുതുന്നതിന് പ്രത്യേക പ്രായപരിധി നിശ്ചയിച്ചിട്ടില്ല. എന്നാൽ പ്രവേശനം നേടാൻ ആഗ്രഹിക്കുന്ന ഇൻസ്റ്റിറ്റ്യൂട്ടിന്റെ പ്രായപരിധി വ്യവസ്ഥകൾ വിദ്യാർഥികൾ പാലിക്കണം. 2025, 2026 വർഷങ്ങളിൽ പ്ലസ് ടു, തത്തുല്യ പരീക്ഷ വിജയിച്ചവർക്കും 2027ൽ പരീക്ഷ എഴുതുന്നവർക്കും അപേക്ഷിക്കാം. 2024ലോ അതിനു മുമ്പോ പ്ലസ് ടു പൂർത്തിയാക്കിയവർക്ക് അപേക്ഷിക്കാനാകില്ല.

ഇവ ശ്രദ്ധിക്കാം

ഓൺലൈനായി അപേക്ഷിക്കാൻ പേര്, ജനന തീയതി, മൊബൈൽ നമ്പർ, ഇ മെയിൽ ഐ ഡി എന്നിവ ഉപയോഗിച്ച് രജിസ്‌ട്രേഷൻ നടത്തണം.

ശേഷം വ്യക്തിഗത, കമ്മ്യൂണിക്കേഷൻ, വിദ്യാഭ്യാസ വിവരങ്ങൾ നൽകണം.

ആവശ്യമായ രേഖകൾ അപ്‌ലോഡ് ചെയ്ത് പരീക്ഷക്കായി താത്പര്യമുള്ള നഗരങ്ങൾ തിരഞ്ഞെടുത്ത് ഫീസ് ഒടുക്കണം.

അപേക്ഷകന്റെ സ്ഥിര താമസ സ്ഥലമല്ല, മറിച്ച് പ്ലസ് ടു പരീക്ഷ പാസ്സായ അല്ലെങ്കിൽ എഴുതുന്ന കേന്ദ്രം സ്ഥിതി ചെയ്യുന്ന സംസ്ഥാനമാണ് സ്റ്റേറ്റ് കോഡായി കണക്കാക്കുന്നത്. എൻ ഐ ഒ എസ് വിദ്യാർഥികൾക്ക് അവരുടെ സ്റ്റഡി സെന്റർ സ്ഥിതി ചെയ്യുന്ന സംസ്ഥാനമായിരിക്കും ഇത്. വിദേശത്തു നിന്ന് പ്ലസ് ടു പൂർത്തിയാക്കിയ ഓവർസീസ് സിറ്റിസൺ ഓഫ് ഇന്ത്യക്കാർക്ക് ആൾ ഇന്ത്യ ക്വാട്ടയിൽ അപേക്ഷിക്കാം.

അപേക്ഷ പൂർത്തിയാക്കിയ ശേഷം ലഭിക്കുന്ന കൺഫർമേഷൻ പേജും ഫീസ് റസിപ്റ്റും ഡൗൺലോഡ് ചെയ്ത് സൂക്ഷിക്കണം.

Content Highlights:
National Testing Agency announced JEE Main 2027 exam dates for January and April sessions. Session one will begin on January 22. Students passing Plus Two in 2025, 2026, or appearing in 2027 can apply online for admissions to NITs, IIITs, and eligibility for JEE Advanced.