Indian Railways: మనం రైలు ప్రయాణం చేయడానికి టికెట్ బుక్ చేసిన ప్రతిసారీ PNR నంబర్ అనే పదాన్ని చూస్తూనే ఉంటాం. చాలామంది దీనిని కేవలం టికెట్ కన్ఫర్మ్ అయిందో లేదో తెలుసుకోవడానికి వాడే ఒక సాధారణ సంఖ్యగా మాత్రమే భావిస్తారు. కానీ, ఈ 10 అంకెల PNR నంబర్ వెనుక మీ మొత్తం ప్రయాణానికి సంబంధించిన అత్యంత ముఖ్యమైన డేటా దాగి ఉంటుందని మీకు తెలుసా..?

PNR అనగా Passenger Name Record (ప్యాసింజర్ నేమ్ రికార్డ్). ఇండియన్ రైల్వేస్ ప్యాసింజర్ రిజర్వేషన్ సిస్టమ్ (PRS) డేటాబేస్‌లో ప్రతి రిజర్వ్‌డ్ టికెట్‌కు కేటాయించే ప్రత్యేకమైన (Unique) గుర్తింపు సంఖ్య ఇది.

ప్రయాణికుల వివరాల భద్రత: మీ పేరు, వయస్సు, లింగం, ఫోన్ నంబర్, అత్యవసర సమయాల్లో సంప్రదించాల్సిన వివరాలు ఈ నంబర్‌తో అనుసంధానించి ఉంటాయి.

మీరు ఎక్కాల్సిన రైలు సంఖ్య, ప్రయాణించే తేదీ, బయలుదేరే స్టేషన్, గమ్యస్థానం (Destination), క్లాస్ (1AC, 2AC, 3AC, Sleeper) వంటి వివరాలు దీని ద్వారా సులభంగా తెలుస్తాయి.

టికెట్ బుకింగ్ లేదా చార్ట్ ప్రిపేర్ అయిన తర్వాత మీకు కేటాయించిన కోచ్ నంబర్ (ఉదాహరణకు S1, B2), బెర్త్/సీటు నంబర్ (Lower, Upper, Side Lower) తెలుసుకోవడానికి PNR సాయపడుతుంది.

మీ టికెట్ కన్ఫర్మ్ అయిందా (CNF), వెయిటింగ్ లిస్ట్‌లో ఉందా (WL) లేక RACలో ఉందా అని ఎప్పటికప్పుడు ఆన్‌లైన్‌లో చెక్ చేయడానికి ఈ నంబర్ తప్పనిసరి.

(ఆ 10 అంకెల ప్రత్యేకత) రైల్వే వ్యవస్థలో కేటాయించే 10 అంకెలు యాదృచ్ఛికంగా (Random) వచ్చేవి కావు.

• మొదటి 3 అంకెలు: టికెట్ ఏ రైల్వే జోన్ లేదా రిజర్వేషన్ జోన్ (Zone/PRS) నుండి బుక్ అయిందో సూచిస్తాయి.
• మిగిలిన 7 అంకెలు: ప్రయాణికుని వివరాలను, టికెట్ యూనిక్‌నెస్‌ను సూచించడానికి సిస్టమ్ ద్వారా జనరేట్ చేయబడతాయి.

గమనిక: మీ PNR నంబర్ ద్వారానే ప్యాసింజర్ చార్ట్ రూపొందిస్తారు. ప్రయాణం ముగిసిన కొన్ని రోజుల తర్వాత భద్రతా కారణాల దృష్ట్యా ఈ డేటా సిస్టమ్ నుండి తొలగిపోతుంది. టికెట్ స్థితిని తెలుసుకోవడమే కాకుండా ప్రయాణ సమయంలో ఏవైనా సమస్యలు వచ్చినా, రీఫండ్ ప్రాసెస్ చేయాలన్నా ఈ PNR సంఖ్య కీలకంగా పనిచేస్తుంది.

ఇది కూడా చదవండి: Gautam Adani: గౌతమ్ అదానీ 20 ఏళ్లకే కోటీశ్వరుడు ఎలా అయ్యారు? ఇంత ఎదగడానికి కారణం ఆ వ్యాపారమే..!

మరిన్ని బిజినెస్ వార్తల కోసం ఇక్కడ క్లిక్ చేయండి

వర్షాకాలంలో తేమ, నీటి ప్రవాహం కారణంగా ఇళ్లల్లోనూ, బయట కరెంట్ షాక్ గురయ్యే ప్రమాదాలు ఎక్కువగా జరుగుతుంటాయి. కంటికి కనిపించని విద్యుత్ ప్రవాహం క్షణాల్లో ప్రాణాలను తీయగలదు. అలాంటి అత్యవసర సమయాల్లో భయాందోళనకు గురికాకుండా సరైన ప్రథమ చికిత్స అందించడం వల్ల బాధితుడి ప్రాణాలను కాపాడవచ్చు. వర్షాకాలంలో ప్రతీ ఒక్కరూ తెలుసుకోవాల్సిన ముఖ్యమైన ప్రథమ చికిత్స నియమాలు మరియు వైద్యుల సూచనలు ఇవే..

కరెంట్ షాక్‌కు గురైన బాధితుడిని నేరుగా చేతులతో ముట్టుకోవడం అత్యంత ప్రమాదకరం. బాధితుడిని తాకడానికి ముందే ఇంట్లో లేదా పరిసరాల్లోని మెయిన్ స్విచ్‌ను తక్షణమే ఆఫ్ చేయాలి. ఒకవేళ నీళ్లు ఉండి, స్విచ్ ఆఫ్ చేయడం సాధ్యపడకపోతే, మీరు పొడిగా ఉండే ప్రదేశంలో నిలబడి ప్లాస్టిక్ పైపు, పొడి చెక్క కర్ర లేదా పొడి గుడ్డ సహాయంతో బాధితుడిని షాక్ నుంచి దూరంగా నెట్టాలి. తడి చేతులతోగానీ, ఇనుప వస్తువులతోగానీ బాధితుడిని తాకకూడదు.

బాధితుడిని విద్యుత్ ప్రవాహం నుంచి విడదీసిన వెంటనే ఆయన స్పందించే స్థితిలో ఉన్నారో లేదో గమనించాలి. బాధితుడు మాట్లాడకపోయినా లేదా శ్వాస తీసుకోవడం ఆగిపోయినా ఒక్క క్షణం కూడా ఆలస్యం చేయకుండా అంబులెన్స్‌కు కాల్ చేయాలి అని ప్రముఖ వైద్యులు డాక్టర్ శర్మ స్పష్టం చేస్తున్నారు. అంబులెన్స్ వచ్చేలోగా అనుభవజ్ఞుల సహాయంతో వెంటనే బాధితుడికి గుండెపై ఒత్తిడి ఇస్తూ సీపీఆర్ ప్రారంభించాలి.

చాలా సందర్భాల్లో కరెంట్ షాక్ తగిలిన తర్వాత బాధితులు స్పృహ కోల్పోకుండా, పైకి సాధారణంగానే కనిపించవచ్చు. బయటకు క్షేమంగా ఉన్నట్లు అనిపించినప్పటికీ, శరీరంలోకి ప్రవహించిన విద్యుత్ వల్ల గుండె యొక్క అంతర్గత లయ దెబ్బతినే ప్రమాదం ఉంది. ఎలాంటి ప్రమాదం జరగకుండా ముందస్తు జాగ్రత్తగా ఆసుపత్రికి వెళ్లి ఈసీజీ టెస్ట్ చేయించుకోవడం అత్యంత ఆవశ్యకం.

విద్యుత్ దాటికి చర్మంపై కాలిన గాయాలు ఏర్పడితే కొన్ని సాంప్రదాయ పదార్థాలను అస్సలు వాడకూడదు. కాలిన గాయాలపై ఐస్ గడ్డలు, నూనె, టూత్‌పేస్ట్ లేదా ఏ విధమైన ఆయింట్‌మెంట్లు పూయకూడదు. కేవలం గది ఉష్ణోగ్రత వద్ద ఉన్న రుచిలేని సాధారణ నీటిని లేదా పారే నీటిని గాయంపై పోయాలి.

షాక్ తగిలిన తీవ్రతకు లేదా ఎత్తు నుంచి కింద పడటం వల్ల ఎముకలు విరిగే అవకాశం ఉంది. బాధితుడికి ఎముక విరిగిందని అనుమానం ఉంటే, ఆ భాగం కదలకుండా జాగ్రత్తపడాలి. విరిగిన అవయవానికి చెక్క ముక్క లేదా గట్టి గుడ్డతో మద్దతు ఇచ్చి, బాధితుడిని సురక్షితంగా ఆసుపత్రికి తరలించాలి. వర్షాకాలంలో కొద్దిపాటి అవగాహన, సమయస్ఫూర్తి,ప్రాథమిక రక్షణ నియమాలను పాటించడం వల్ల మీ కుటుంబ సభ్యులను, ఇరుగుపొరుగు వారిని ప్రమాదాల నుండి సురక్షితంగా కాపాడుకోవచ్చు.

ODI World Cup 2027, Cut-Off Date For Direct Qualification: వన్డే ప్రపంచకప్ 2027 అర్హతలకు సంబంధించి అంతర్జాతీయ క్రికెట్ మండలి (ఐసీసీ) అత్యంత కీలక ప్రకటన చేసింది. నేరుగా అర్హత సాధించే జట్లను నిర్ణయించడానికి కటాఫ్ తేదీని అధికారికంగా ప్రకటించింది. ఈ నిర్ణయంతో మాజీ ఛాంపియన్ వెస్టిండీస్‌తో పాటు పలు ప్రముఖ జట్ల గుండెల్లో రైళ్లు పరిగెడుతున్నాయి. పూర్తి వివరాలు ఇక్కడ చూద్దాం..!

దక్షిణాఫ్రికా, జింబాబ్వే, నమీబియాల సంయుక్త ఆతిథ్యంలో 2027లో జరగనున్న ఐసీసీ పురుషుల వన్డే ప్రపంచకప్‌ కోసం క్రికెట్ ప్రేమికులు ఎంతో ఆసక్తిగా ఎదురుచూస్తున్నారు. మొత్తం 14 జట్లు పాల్గొనే ఈ మహా సంగ్రామంలో ఆతిథ్య దేశాలుగా దక్షిణాఫ్రికా, జింబాబ్వేలు నేరుగా అర్హత సాధించగా, నమీబియా మాత్రం ప్రాంతీయ క్వాలిఫైయర్ టోర్నీ ద్వారా రావాల్సి ఉంటుంది.

ఇదికూడా చదవండి: టీమిండియా పరువు తీశారుగా.. ఆ ఒక్కడిని పక్కనపెట్టి పెద్ద తప్పు చేశారయ్యా గంభీర్..!

మిగిలిన స్థానాల కోసం జట్లను ఎంపిక చేసేందుకు ఐసీసీ ఒక ప్రత్యేకమైన కటాఫ్ తేదీని నిర్ణయించింది. అధికారిక వన్డే ర్యాంకింగ్స్ ఆధారంగా నేరుగా అర్హత పొందే జట్లను ఈ తేదీ నాటికి ఉన్న పాయింట్ల ఆధారంగానే ఖరారు చేయనున్నారు.

గతంలో జరిగిన 2023 వన్డే ప్రపంచకప్‌కు అర్హత సాధించలేక తీవ్ర పరాభవాన్ని ఎదుర్కొన్న కారీబియన్ జట్టు వెస్టిండీస్‌కు ఇప్పుడు మళ్లీ అదే రకమైన ముప్పు పొంచి ఉంది. ఐసీసీ ప్రకటించిన కటాఫ్ గడువు ముగిసే సమయానికి ర్యాంకింగ్స్‌లో అగ్రస్థానాల్లో నిలవడం వెస్టిండీస్‌కు ఎంతో కీలకంగా మారింది.

ర్యాంకింగ్స్‌లో వెనుకబడితే, కరేబియన్ టీం మరోసారి అర్హత టోర్నీ (క్వాలిఫైయర్స్) ఆడాల్సి వస్తుంది. గడిచిన కొద్దికాలంగా వన్డే ఫార్మాట్‌లో నిలకడలేని ప్రదర్శన చేస్తున్న వెస్టిండీస్‌కు ఇది నిజంగానే పెద్ద సవాలు అని చెప్పాలి.

ఐసీసీ నిబంధనల ప్రకారం కటాఫ్ తేదీ నాటికి ర్యాంకింగ్స్‌లో మొదటి వరుసలో నిలిచే ప్రధాన జట్లు నేరుగా ప్రధాన టోర్నీకి అర్హత సాధిస్తాయి. అయితే, మిగిలిన స్థానాల కోసం క్వాలిఫైయర్ టోర్నీ నిర్వహిస్తారు.

ఇదికూడా చదవండి: ఆల్‌రౌండర్ మోజులో అసలైన వికెట్ టేకర్ బలి.. భారత్ కొంపముంచుతోన్న గంభీర్ మొండి పట్టుదల

ఈ క్వాలిఫైయర్ మ్యాచ్‌లలో అసోసియేట్ దేశాల నుంచి వచ్చే జట్లు కూడా హోరాహోరీగా తలపడనున్నాయి. దీంతో చిన్న జట్ల చేతిలో ఏమాత్రం పొరపాటు జరిగినా పెద్ద జట్లకు ప్రపంచకప్ తలరాత మారిపోయే ప్రమాదం ఉంది.

మరిన్ని క్రికెట్ వార్తల కోసం ఇక్కడ క్లిక్ చేయండి..

ప్రపంచవ్యాప్తంగా కృత్రిమ మేధస్సు (AI) రంగంలో అగ్రగామిగా నిలిచిన OpenAIలో కీలక బాధ్యతలు నిర్వహించే భారతీయుల సంఖ్య క్రమంగా పెరుగుతోంది. తాజాగా హైదరాబాద్‌కు చెందిన ఇంజనీర్ ఉదయ్ రుద్రరాజు సంస్థలో CTO – Computeగా బాధ్యతలు చేపట్టడం భారతీయ టెక్ వర్గాల్లో సంచలనంగా మారింది. ఆసక్తికరమైన విషయం ఏమిటంటే, ఆయన ఐఐటీ, ఐఐఐటీ లేదా ఎన్ఐటీ వంటి ప్రముఖ విద్యాసంస్థల్లో చదవలేదు. హైదరాబాద్‌లోని చైతన్య భారతి ఇన్‌స్టిట్యూట్ ఆఫ్ టెక్నాలజీ (CBIT) లో కంప్యూటర్ సైన్స్ ఇంజినీరింగ్ పూర్తి చేసి, ప్రపంచంలోని అత్యంత ప్రభావవంతమైన AI సంస్థల్లో ఒకటైన OpenAIలో అత్యున్నత సాంకేతిక నాయకత్వ బాధ్యతలు చేపట్టారు.

ఉదయ్ రుద్రరాజు ఇటీవల లింక్డ్‌ఇన్ ద్వారా తన పదోన్నతి విషయాన్ని ప్రకటించారు. గత ఏడాది కాలంగా OpenAIలో కంప్యూట్, ఇన్‌ఫ్రాస్ట్రక్చర్ విభాగానికి నాయకత్వం వహించిన ఆయన, ఇప్పుడు CTO – Computeగా బాధ్యతలు స్వీకరించినట్లు తెలిపారు. ఈ సందర్భంగా ఆయన స్పందిస్తూ, ప్రపంచంలోనే అతిపెద్ద AI కంప్యూటింగ్ మౌలిక సదుపాయాలను నిర్మించడమే తమ లక్ష్యమని పేర్కొన్నారు. భవిష్యత్తు AI మోడళ్లకు అవసరమైన భారీ కంప్యూటింగ్ సామర్థ్యాన్ని మరింత వేగంగా విస్తరించేందుకు తమ బృందం పనిచేస్తోందని ఆయన చెప్పారు. అలాగే అన్ని విభాగాల్లో ప్రతిభావంతులైన ఇంజినీర్లను నియమిస్తున్నామని, తమతో కలిసి భవిష్యత్ AI నిర్మాణంలో భాగస్వాములు కావాలని పిలుపునిచ్చారు.

ఉదయ్ రుద్రరాజు విజయగాథ ఒక్కరోజులో సాధించినది కాదు. CBITలో కంప్యూటర్ సైన్స్ డిగ్రీ పూర్తిచేసిన తర్వాత ఆయన అమెరికాలోని మిన్నెసోటా విశ్వవిద్యాలయంలో కంప్యూటర్ సైన్స్‌లో మాస్టర్స్ పూర్తి చేశారు. విద్యార్థి దశలోనే అమెజాన్‌లో సాఫ్ట్‌వేర్ ఇంజినీరింగ్ ఇంటర్న్‌గా పనిచేసి పరిశ్రమ అనుభవాన్ని సంపాదించారు. అనంతరం 2013లో eBayలో సాఫ్ట్‌వేర్ ఇంజనీర్‌గా చేరి క్లౌడ్ ఇన్‌ఫ్రాస్ట్రక్చర్ రంగంలో తన ప్రతిభను నిరూపించుకున్నారు. ఐదేళ్లకు పైగా అక్కడ పనిచేస్తూ సీనియర్ టెక్నికల్ లీడర్‌గా ఎదిగి, ప్రపంచంలోని అతిపెద్ద ఈ-కామర్స్ ప్లాట్‌ఫారమ్‌లలో ఒకటైన eBay క్లౌడ్ వ్యవస్థల అభివృద్ధిలో కీలక పాత్ర పోషించారు.

2018లో ఆయన ప్రముఖ ఫిన్‌టెక్ సంస్థ Robinhoodలో చేరారు. అక్కడ స్టాఫ్ సాఫ్ట్‌వేర్ ఇంజనీర్‌గా ప్రారంభించి, క్రమంగా సీనియర్ డైరెక్టర్ ఆఫ్ ఇంజినీరింగ్, హెడ్ ఆఫ్ ఇన్‌ఫ్రాస్ట్రక్చర్ స్థాయికి ఎదిగారు. సంస్థ వేగంగా విస్తరిస్తున్న సమయంలో భారీ స్థాయి కంప్యూటింగ్ మౌలిక సదుపాయాల నిర్మాణం, స్కేలింగ్, పనితీరు మెరుగుదల వంటి కీలక బాధ్యతలను విజయవంతంగా నిర్వహించారు.

2024లో ఎలాన్ మస్క్ స్థాపించిన xAI సంస్థలో ఇన్‌ఫ్రాస్ట్రక్చర్ ఇంజినీరింగ్ హెడ్‌గా చేరిన ఉదయ్ రుద్రరాజు, భారీ GPU క్లస్టర్లు, హై-స్పీడ్ నెట్‌వర్క్‌లు, డేటా స్టోరేజ్ వ్యవస్థలు, డిస్ట్రిబ్యూటెడ్ కంప్యూటింగ్ ప్లాట్‌ఫారమ్‌ల అభివృద్ధికి నాయకత్వం వహించారు. AI మోడళ్లను రూపొందించే పరిశోధకులు ఎంత ముఖ్యమో, వాటికి అవసరమైన భారీ కంప్యూటింగ్ వ్యవస్థలను నిర్మించే ఇంజినీర్లు కూడా అంతే కీలకమని ఆయన కెరీర్ స్పష్టం చేస్తోంది.

ఈ నైపుణ్యమే ఆయనను OpenAIలోకి తీసుకువచ్చింది. 2025లో సంస్థలో కంప్యూట్ – ఇన్‌ఫ్రాస్ట్రక్చర్ విభాగాధిపతిగా చేరిన ఆయన, కేవలం ఏడాదిలోనే CTO – Computeగా పదోన్నతి పొందారు. GPT-5.6 వంటి అత్యాధునిక AI మోడళ్లకు శిక్షణ ఇవ్వడానికి అవసరమైన ప్రపంచస్థాయి కంప్యూటింగ్ మౌలిక సదుపాయాల నిర్మాణాన్ని ఇప్పుడు ఆయన పర్యవేక్షిస్తున్నారు.

ఉదయ్ రుద్రరాజు ప్రయాణం మరో విషయాన్ని కూడా స్పష్టంగా చెబుతోంది. విజయానికి విద్యాసంస్థ పేరు ఒక్కటే ప్రమాణం కాదని, నైపుణ్యం, కృషి, నిరంతర అభ్యాసం, సాంకేతిక పరిజ్ఞానంపై పట్టు ఉంటే ప్రపంచ స్థాయి అవకాశాలను అందుకోవచ్చని ఆయన నిరూపించారు. హైదరాబాద్‌లోని CBIT నుంచి ప్రారంభమైన ఆయన ప్రయాణం, నేడు ప్రపంచ AI రంగంలో అత్యంత కీలకమైన నాయకత్వ స్థానాల్లో ఒకటికి చేరుకోవడం భారతీయ యువ ఇంజినీర్లకు స్ఫూర్తిగా నిలుస్తోంది.

మరిన్ని హ్యుమన్ ఇంట్రెస్ట్ వార్తల కోసం ఇక్కడ క్లిక్ చేయండి..

నేటి ఆధునిక జీవనశైలి, ఆహార అలవాట్ల కారణంగా మధుమేహం ప్రపంచవ్యాప్తంగా మిలియన్ల మందిని వేధిస్తున్న ప్రధాన ఆరోగ్య సమస్యగా మారింది. జీవితాంతం మందులు వాడాల్సి రావడం వల్ల చాలామంది ప్రత్యామ్నాయ ఆయుర్వేద, ప్రకృతి వైద్య విధానాల వైపు మొగ్గు చూపుతున్నారు. ఈ క్రమంలో మధుమేహ బాధితులకు ఒక అద్భుతమైన సంజీవనిలా పనిచేసేదే ఇన్సులిన్ మొక్క. ఈ మొక్క ఆకులలో కోరోసోలిక్ యాసిడ్, ఫ్లేవనాయిడ్లు, ప్రోటీన్లు, పలు రకాల యాంటీఆక్సిడెంట్లు సమృద్ధిగా ఉంటాయి.

ఈ ఆకులను నమిలి తిన్నప్పుడు, లోపలి పోషకాలు క్లోమగ్రంథిని ప్రేరేపించి బీటా కణాల ద్వారా ఇన్సులిన్ స్రావాన్ని పెంచుతాయి. ఆహారం తీసుకున్న తర్వాత రక్తంలో చక్కెర స్థాయిలు ఆకస్మికంగా పెరగకుండా ఇది నిరోధిస్తుంది.

ప్రతిరోజూ ఉదయాన్నే ఖాళీ కడుపుతో ఒక లేత ఇన్సులిన్ ఆకును బాగా నమిలి మింగాలి. ఆకులను నీడలో బాగా ఎండబెట్టి పొడి చేసి, అర టీస్పూన్ పొడిని గ్లాసు గోరువెచ్చని నీటిలో కలిపి కూడా తీసుకోవచ్చు.

ఈ ఆకులలో ఉండే పీచు పదార్థం, యాంటీ-బ్యాక్టీరియల్ గుణాలు జీర్ణక్రియను మెరుగుపరిచి, కడుపులో పూతలు రాకుండా కాపాడతాయి. ఇది శరీరంలోని వ్యర్థాలను బయటకు పంపే డిటాక్సిఫైయర్‌గా పనిచేసి, మూత్రపిండాల ఆరోగ్యాన్ని మెరుగుపరుస్తుంది. చెడు కొలెస్ట్రాల్‌ను తగ్గించి, రక్తపోటును అదుపులో ఉంచడం ద్వారా గుండె సంబంధిత సమస్యల నుండి రక్షణనిస్తుంది.

డయాబెటిస్ సమస్యతో బాధపడేవారు కెమికల్స్ ఉన్న మందులపై ఆధారపడటంతో పాటు ఈ సహజ సిద్ధమైన ఇన్సులిన్ ఆకును ఆహారంలో భాగం చేసుకోవడం ఎంతో శ్రేయస్కరం. అయితే, ఆల్రెడీ ఇన్సులిన్ ఇంజెక్షన్లు లేదా తీవ్రమైన షుగర్ మందులు వాడుతున్నవారు ఈ ఆకులను ప్రారంభించే ముందు ఒకసారి ఆయుర్వేద వైద్యుని సలహా తీసుకోవడం మంచిది.

Income Tax: ఆదాయపు పన్ను రిటర్న్‌ల (ITR) దాఖలుకు గడువు సమీపిస్తుండటంతో దేశవ్యాప్తంగా పన్ను చెల్లింపుదారులు తమ రిటర్న్‌లను దాఖలు చేయడానికి హడావిడి పడుతున్నారు. అయితే భారతదేశంలో చాలా మంది స్థానిక నివాసితులు ఆదాయపు పన్ను చెల్లించాల్సిన అవసరం లేని ఒక రాష్ట్రం ఉందని మీకు తెలుసా? ఆ రాష్ట్రమే సిక్కిం. ప్రత్యేక చట్టపరమైన నిబంధనల కారణంగా దేశంలో స్థానిక నివాసితులకు ఆదాయపు పన్ను నుండి మినహాయింపు ఉన్న ఏకైక రాష్ట్రం ఇది.

గమనించవలసిన విషయం ఏమిటంటే సిక్కిం గతంలో భారతదేశంలో భాగంగా ఉండేది కాదు. కానీ ఒక స్వతంత్ర రాజ్యంగా (సిక్కిం రాజ్యం) ఉండేది. 1975లో జరిగిన ప్రజాభిప్రాయ సేకరణ తరువాత, సిక్కిం భారతదేశపు 22వ రాష్ట్రంగా అవతరించింది. భారతదేశంలో విలీనమైన సమయంలో దాని ప్రజల హక్కులను, పాత చట్టాలను పరిరక్షించడానికి రాజ్యాంగంలో ఆర్టికల్ 371Fను చేర్చారు. ఈ ప్రత్యేక నిబంధన కింద, పాత వ్యవస్థను, స్థానిక ప్రజల ప్రయోజనాలను పరిరక్షించడానికి సిక్కింకు కొన్ని చట్టపరమైన, పరిపాలనా అధికారాలు మంజూరు చేశారు.

1961 ఆదాయపు పన్ను చట్టానికి సెక్షన్ 10(26AAA) ను తరువాత చేర్చారు. ఈ సెక్షన్ సిక్కిమీయులుగా గుర్తింపు పొందిన వ్యక్తుల ఆదాయానికి ఆదాయపు పన్ను నుండి మినహాయింపు ఇచ్చింది. భారతదేశంలో విలీనమవడానికి ముందు సిక్కింకు చెందిన ఆదిమవాసుల ప్రత్యేక హక్కులను పరిరక్షించడమే దీని ఉద్దేశ్యం.

అయితే, సిక్కింలో నివసించే ప్రతి ఒక్కరికీ పన్ను మినహాయింపు ఉండదు. ఈ మినహాయింపు చట్టబద్ధంగా ‘సిక్కిమీస్’ వర్గం కిందకు వచ్చే వారికి మాత్రమే లభిస్తుంది. ఒకవేళ ఎవరైనా వేరే రాష్ట్రం నుండి వలస వచ్చి సిక్కింలో స్థిరపడినా లేదా ఈ వర్గంలోకి రాకపోయినా, వారికి సాధారణ ఆదాయపు పన్ను నిబంధనలు వర్తిస్తాయి. వారు కూడా ఆదాయపు పన్ను రిటర్న్ (ITR) దాఖలు చేయవలసి రావచ్చు.

ఇది కూడా చదవండి: Gautam Adani: గౌతమ్ అదానీ 20 ఏళ్లకే కోటీశ్వరుడు ఎలా అయ్యారు? ఇంత ఎదగడానికి కారణం ఆ వ్యాపారమే..!

దీని అర్థం ఇది కొత్త ప్రభుత్వ పథకం లేదా ఇటీవలి పన్ను ప్రయోజనం కాదు. సిక్కిం భారతదేశంలో విలీనమైన సమయంలో సంతకం చేసిన రాజ్యాంగ, చట్టపరమైన ఒప్పందం. ఈ కారణంగానే భారతదేశంలో అర్హులైన స్థానిక నివాసితులు ప్రత్యేక ఆదాయపు పన్ను మినహాయింపును పొందే ఏకైక రాష్ట్రంగా సిక్కిం నిలిచింది.

ఇది కూడా చదవండి: SIRలో మీ పేరు నమోదైందా? లేదా..? సెకన్లలోనే మీ మొబైల్‌తో చెక్‌ చేసుకోండిలా..!

మరిన్ని బిజినెస్ వార్తల కోసం ఇక్కడ క్లిక్ చేయండి

సముద్రంలో కనిపించే చేపలలో కొన్ని అందంగా ఉంటే, మరికొన్ని అత్యంత ప్రమాదకరంగా ఉంటాయి. వాటిలో రీఫ్ స్టోన్‌ఫిష్ (Reef Stonefish) ప్రపంచంలోనే అత్యంత విషపూరిత చేపల్లో ఒకటిగా గుర్తింపు పొందింది. రాయిలా కనిపిస్తూ పగడపు దిబ్బల్లో దాక్కునే ఈ చేపను గుర్తించడం చాలా కష్టం. అందుకే దీనిని పొరపాటున తాకడం లేదా తొక్కడం వల్ల తీవ్రమైన ప్రమాదాలు సంభవించే అవకాశం ఉంటుంది.

రీఫ్ స్టోన్‌ఫిష్ ప్రధానంగా ఇండో-పసిఫిక్ ప్రాంతంలోని పగడపు దిబ్బలు, అల్ప లోతు సముద్ర జలాలు, రాళ్ల మధ్య నివసిస్తుంది. దీని శరీరం గోధుమ, బూడిద, ఆకుపచ్చ రంగుల మిశ్రమంతో రాయిలా కనిపిస్తుంది. ఈ మభ్యపెట్టే సామర్థ్యం కారణంగా శత్రువులు మాత్రమే కాదు, మనుషులు కూడా దీనిని సులభంగా గుర్తించలేరు.

ఇది కూడా చదవండి: African Lungfish: 4 ఏళ్లు ఇంచు కూడా కదలకుండా సమాధిలో జీవిస్తుంది.. నీళ్లు, తిండి అవసరమే లేదు!

సాధారణంగా రీఫ్ స్టోన్‌ఫిష్ 30 నుంచి 40 సెంటీమీటర్ల (దాదాపు 12 నుంచి 16 అంగుళాలు) వరకు పెరుగుతుంది. కొన్ని జాతులు 50 సెంటీమీటర్ల వరకు కూడా పెరగవచ్చు. బరువు సాధారణంగా 2 నుంచి 5 కిలోల వరకు ఉంటుంది.

సాధారణంగా ఈ చేప సుమారు 5 నుంచి 10 సంవత్సరాలు జీవిస్తుంది. అనుకూల పరిస్థితుల్లో మరికొన్ని సంవత్సరాలు ఎక్కువకాలం బతికే అవకాశం కూడా ఉందని సముద్ర జీవశాస్త్ర నిపుణులు చెబుతున్నారు.

స్టోన్‌ఫిష్ వెన్నుపైన 13 వరకు పదునైన విషపూరిత ముళ్లు (Dorsal Spines) ఉంటాయి. ఎవరైనా పొరపాటున దీనిపై కాలు వేస్తే లేదా తాకితే, ఆ ముళ్ల ద్వారా శరీరంలోకి విషం ప్రవేశిస్తుంది. ఈ విషం అత్యంత శక్తివంతమైనది. స్టోన్‌ఫిష్ కాటు లేదా ముళ్లు గుచ్చితే వెంటనే తీవ్రమైన నొప్పి మొదలవుతుంది. ప్రభావిత భాగం వాపు, ఎర్రబడటం, మంట వంటి లక్షణాలు కనిపిస్తాయి. తీవ్రమైన సందర్భాల్లో వాంతులు, తలనొప్పి, శ్వాస తీసుకోవడంలో ఇబ్బంది, గుండె స్పందనలో మార్పులు, రక్తపోటు తగ్గడం వంటి సమస్యలు తలెత్తవచ్చు. అత్యవసర వైద్యం అందకపోతే ప్రాణాపాయం కూడా సంభవించే అవకాశం ఉంది. అయితే ప్రస్తుతం ఈ విషానికి యాంటీవెనమ్ అందుబాటులో ఉంది. సమయానికి చికిత్స తీసుకుంటే ప్రాణాలు నిలుపుకునే అవకాశం ఉంది.

ఇది కూడా చదవండి: Copperhead Snake: దీని వేటాడే స్టైలే వేరు! మనుషులే టార్గెట్‌గా ఇళ్ల చుట్టుపక్కలే తిరుగుతూ..

స్టోన్‌ఫిష్ సాధారణంగా దాడి చేసే స్వభావం కలిగిన చేప కాదు. చిన్న చేపలు, రొయ్యలు, పీతలు వంటి జీవులు దగ్గరకు రాగానే ఒక్కసారిగా దాడి చేసి వాటిని మింగేస్తుంది. పెద్ద సముద్ర జీవులు కూడా దీని విషపూరిత ముళ్ల కారణంగా దీనికి దూరంగా ఉండేందుకు ప్రయత్నిస్తాయి.

సముద్ర తీరాల్లో, ముఖ్యంగా పగడపు దిబ్బలు ఉన్న ప్రాంతాల్లో నడిచేటప్పుడు ప్రత్యేక రక్షణ కలిగిన సముద్ర బూట్లు ధరించడం మంచిది. రాళ్ల మధ్య చేతులు పెట్టడం లేదా కనిపించని వస్తువులను తాకడం ప్రమాదకరం. స్కూబా డైవింగ్, స్నార్కెలింగ్ చేసే వారు సముద్ర జీవులను తాకకుండా సురక్షిత దూరం పాటించాలని నిపుణులు సూచిస్తున్నారు. రీఫ్ స్టోన్‌ఫిష్ ప్రకృతిలో అత్యంత ఆసక్తికరమైన జీవుల్లో ఒకటి. అయితే దాని మభ్యపెట్టే రూపం, అత్యంత శక్తివంతమైన విషం కారణంగా ఇది ప్రపంచంలోని అత్యంత ప్రమాదకర సముద్ర జీవుల్లో ఒకటిగా గుర్తింపు పొందింది. సరైన అవగాహన, తగిన జాగ్రత్తలు ఉంటే ఈ చేప వల్ల కలిగే ప్రమాదాలను చాలా వరకు నివారించవచ్చు.

ఆంధ్రప్రదేశ్ సీఎం చంద్రబాబు నాయుడు బుధవారం దేశ రాజధాని ఢిల్లీలో పర్యటించనున్నారు. ఈ పర్యటనలో భాగంగా ఆయన ప్రధాని నరేంద్ర మోదీతో పాటు పలువురు కేంద్రమంత్రులతో సమావేశం కానున్నారు. రాజధాని అమరావతి అభివృద్ధి, పోలవరం ప్రాజెక్టు సహా పలు పెండింగ్ అంశాలపై ఈ భేటీల్లో సుదీర్ఘంగా చర్చించనున్నట్లు సమాచారం. ఈ పర్యటనలో అత్యంత ముఖ్యమైన అంశం భోగాపురం అంతర్జాతీయ విమానాశ్రయం. విజయనగరం జిల్లా భోగాపురంలో అత్యంత వేగంగా నిర్మితమైన అల్లూరి సీతారామరాజు అంతర్జాతీయ విమానాశ్రయాన్ని ఆగస్టు 1న ప్రారంభించేందుకు ఏపీ ప్రభుత్వం సర్వం సిద్ధం చేస్తోంది. ఈ ప్రతిష్టాత్మక విమానాశ్రయాన్ని తన చేతుల మీదుగా ప్రారంభించాల్సిందిగా ప్రధాని నరేంద్ర మోదీని సీఎం చంద్రబాబు స్వయంగా కలసి ఆహ్వానించనున్నారు. ఉత్తరాంధ్ర ఆర్థిక, పర్యాటక రూపురేఖలను మార్చేసే ఈ గ్రీన్ ఫీల్డ్ ఎయిర్‌పోర్ట్ ప్రారంభోత్సవం రాష్ట్రానికి అత్యంత కీలకంగా మారనుంది.

ప్రధాని మోదీతో భేటీ తర్వాత సీఎం చంద్రబాబు పలువురు కేంద్ర మంత్రులతో సమావేశమవుతారు. హోమంత్రి అమిత్ షాతో సమావేశమై విభజన హామీల అమలు, నిధుల విడుదలపై చర్చించే అవకాశం ఉంది. పియూష్ గోయల్‌తో సమావేశమై ఏపీకి కొత్త పారిశ్రామిక ప్రాజెక్టులు, పెట్టుబడుల ఆకర్షణపై విజ్ఞప్తులు సమర్పిస్తారు. మనోహర్ లాల్ ఖట్టర్‌తో భేటీ అయి అమరావతి రాజధాని నగర నిర్మాణానికి సంబంధించిన నిధులు, కేంద్ర సాయంపై చర్చించనున్నారు. సీఆర్ పాటిల్‌తో సమావేశమై జీవనాడి పోలవరం ప్రాజెక్ట్ నిధులు, పనుల పురోగతి, ఏపీలోని ఇతర సాగునీటి ప్రాజెక్టులపై ప్రత్యేకంగా మాట్లాడనున్నారు.

బుధవారం ఉదయం 7.30 గంటలకు సీఎం చంద్రబాబు అమరావతిలోని తన నివాసం నుంచి బయలుదేరుతారు. ఉదయం 10 గంటలకు ఢిల్లీ విమానాశ్రయానికి చేరుకుంటారు. రేపు రాత్రి ఢిల్లీలోనే బస చేస్తారు. గురువారం ఉదయం 10:20కి తిరుగు ప్రయాణమవుతారు. రాష్ట్ర అభివృద్ధికి కేంద్ర సహకారం కీలకంగా మారడంతో సీఎం చంద్రబాబు ఢిల్లీ పర్యటన రాజకీయంగా, అభివృద్ధి పరంగా ప్రాధాన్యత సంతరించుకుంది.

హీరోయిన్ రాశి రాశి తన సినీ కెరీర్, వ్యక్తిగత జీవితానికి సంబంధించి పలు ఆసక్తికర విషయాలను పంచుకున్నారు. మెగాస్టార్ చిరంజీవిగారితో కలిసి నటించాల్సిన ఒక భారీ చిత్రాన్ని, అలాగే అరుంధతి వంటి బ్లాక్‌బస్టర్ సినిమాను తాను ఎలా కోల్పోయిందో వెల్లడించారు. రాశి మాట్లాడుతూ, “చిరంజీవి సార్ నటించిన స్నేహం కోసం (తమిళంలో నట్పు కాగలో సిమ్రన్ పాత్ర) సినిమాను నేను చేయాల్సి ఉంది. అయితే, అప్పట్లో తెలుగులో నాకు డేట్స్ లేవు. నేను పూర్తి బిజీగా ఉండేదాన్ని, ఒక రోజుకు నాలుగు సినిమాల షూటింగ్‌లకు హాజరయ్యేదాన్ని. కే.ఎస్. రవికుమార్ సార్ మా నాన్నకు బాగా సన్నిహితులు. ఆయన వచ్చి నా డేట్స్ అడిగారు, కానీ నా షెడ్యూల్ వల్ల ఆ సినిమా చేయలేకపోయాను. అది పెద్ద మిస్సింగ్.” ఆ సినిమా పెద్ద సక్సెస్ కావడంతో, చిరంజీవిగారితో నటించే అవకాశం కోల్పోయినందుకు ఆమె విచారం వ్యక్తం చేశారు.

అలాగే, కెరీర్‌లో తాను అత్యంత బాధపడిన మిస్‌ఫైర్ అరుంధతి సినిమా అని రాశి చెప్పారు. తనకు మ్యారేజ్ అయిపోయిన తర్వాత ఆ సినిమా పెద్ద హిట్ అయ్యిందని, రెండు మూడేళ్ల తర్వాత కోడి రామకృష్ణ అంకుల్‌ను ఒక ఫంక్షన్‌లో కలిసినప్పుడు “నేను నిజంగా అప్పుడు కరెక్ట్‌గా ఉండుంటే నాకు ఏమైనా ఛాన్స్ వచ్చేదా?” అని అడిగానని తెలిపారు. దానికి ఆయన “నిన్ను ఎవరే అంత తొందరగా పెళ్లి చేసుకోమన్నారు?” అని సరదాగా అన్నారని రాశి పంచుకున్నారు. పెళ్లి చేసుకున్నందుకా, పాత్ర మిస్ అయినందుకా అని అడిగినప్పుడు, రెండూ అని సమాధానమిచ్చారు. “ఇలాంటి సినిమా వస్తుందని తెలిసుంటే ఒక రెండు సంవత్సరాలు పెళ్లి పోస్ట్‌పోన్ చేసేదాన్ని,” అని నవ్వూతూ చెప్పారు.

కేవలం 22 ఏళ్ల వయసులో పెళ్లి చేసుకోవడంపై అప్పట్లో పరిశ్రమలో చాలామంది ఆశ్చర్యం వ్యక్తం చేశారని రాశి గుర్తు చేసుకున్నారు. “రాశి ఇలాంటి పిచ్చి పని ఎందుకు చేసింది? ఈ టైంలో పెళ్లి చేసుకోవడం ఏంటి?” అని చాలామంది అనుకున్నారని తెలిపారు. పెళ్లి చేసుకోవాలని తాను ఏడాది ముందుగానే నిర్ణయించుకున్నానని, తన భర్త నివాస్‌ను కలిసిన తర్వాత ఒక పెళ్ళాం ముద్దు రెండో పెళ్ళాం వద్దు సినిమా షూటింగ్‌లో పరిచయం ఏర్పడిందని చెప్పారు. కేవలం ఒకటిన్నర నెలలోనే వారి పెళ్లి జరిగిపోయిందని వెల్లడించారు.

ఎక్కువ మంది చదివినవి : Tanikella Bharani: ఆ హీరో చాలా గొప్ప మనిషి.. ఆయన పేరు వినగానే రజినీకాంత్ సిగరెట్ పడేసి నిలబడ్డారు.. తనికెళ్ల భరణి..

కలొంజీ లేదా నల్ల జీలకర్ర, ఆయుర్వేదంలో అద్భుతమైన మూలికగా పేరుగాంచింది. యాంటీఆక్సిడెంట్లు, యాంటీ ఇన్‌ఫ్లమేటరీ గుణాలు, కీలక పోషకాలతో నిండిన కలొంజీని క్రమం తప్పకుండా ఆహారంలో భాగం చేసుకోవడం వల్ల ఎన్నో ఆరోగ్య ప్రయోజనాలు లభిస్తాయి. ఇది శరీరంలో వ్యాధి నిరోధక శక్తిని పెంచడంలో, రక్తంలో చక్కెర స్థాయిలను నియంత్రించడంలో, చెడు కొలెస్ట్రాల్‌ను తగ్గించి గుండె ఆరోగ్యాన్ని కాపాడటంలో కీలక పాత్ర పోషిస్తుంది. అంతేకాకుండా,మరెన్నో ప్రయోజనాలు ఈ కలొంజీ సీడ్స్‌లో దాగి వున్నాయి. అవేంటంటే..

కలొంజీలో ఉండే యాంటీఆక్సిడెంట్లు శరీరంలో ఉచిత రాడికల్స్ తో పోరాడి వ్యాధి నిరోధక శక్తిని రెట్టింపు చేస్తాయి. రక్తంలో ఉండే చెడు కొలెస్ట్రాల్, ట్రైగ్లిజరైడ్ల స్థాయిలను తగ్గించి, మంచి కొలెస్ట్రాల్‌ను పెంపొందిస్తుంది. దీనివల్ల రక్తనాళాల్లో పూడికలు ఏర్పడకుండా గుండెపోటు ప్రమాదం తగ్గుతుంది.

మధుమేహం, బరువు నియంత్రణ: మధుమేహంతో బాధపడేవారికి కలొంజీ ఒక అద్భుత వరప్రసాదం. పరగడుపున కలొంజీ పొడి లేదా నూనెను తీసుకోవడం వల్ల రక్తంలో గ్లూకోజ్ స్థాయిలు క్రమబద్ధీకరించబడతాయి. శరీరంలో మెటబాలిజాన్ని వేగవంతం చేసి, అనవసరపు కొవ్వును కరిగించడంలో సహాయపడి బరువు తగ్గడానికి తోడ్పడుతుంది.

జీర్ణక్రియ, జ్ఞాపకశక్తి పెంపు: గ్యాస్, ఎసిడిటీ, కడుపు ఉబ్బరం మరియు మలబద్ధకం వంటి జీర్ణసంబంధిత సమస్యలను నివారించడంలో కలొంజీ సమర్థవంతంగా పనిచేస్తుంది. కొద్దిగా కలొంజీ పొడిని తేనెతో కలిపి ఉదయాన్నే తీసుకోవడం వల్ల మెదడు చురుగ్గా పనిచేస్తుంది, జ్ఞాపకశక్తి, ఏకాగ్రత పెరుగుతాయి.

చర్మం, జుట్టు సంరక్షణ: కేవలం ఆరోగ్యానికే కాకుండా సౌందర్య సంరక్షణలోనూ కలొంజీ ప్రముఖ పాత్ర పోషిస్తుంది. కలొంజీ నూనెను కుదుళ్లకు పట్టించడం వల్ల జుట్టు రాలడం తగ్గి, ఒత్తుగా పెరుగుతుంది. చర్మంపై లభించే మొటిమలు, మచ్చలను నివారించడంలో కూడా ఇది సహాయపడుతుంది. చిన్న గింజల రూపంలో ఉన్నప్పటికీ, కలొంజీ అందించే పోషకాలు అపరిమితం. ప్రతిరోజూ చిటికెడు కలొంజీని ఆహారంలో చేర్చుకోవడం లేదా నూనె రూపంలో వాడటం ద్వారా సంపూర్ణ ఆరోగ్యాన్ని పొంది, అనేక రుగ్మతల నుండి మనల్ని మనం కాపాడుకోవచ్చు.

ఈ ఏడాది సంక్రాంతికి భర్త మహాశయులకు విజ్ఞప్తి అనే సినిమాతో ప్రేక్షకుల ముందుకు వచ్చాడు మాస్ మహరాజా రవితేజ. ట్రయాంగిల్ లవ్ స్టోరీగా తెరకెక్కిన ఈ మూవీ ఓ మోస్తరుగా ఆడింది. అయితే అభిమానులను మాత్రం పూర్తి స్థాయిలో మెప్పించలేకపోయింది. ఇప్పుడీ లోటును తీర్చేందుకు ఒక డిఫరెంట్ సినిమాతో ప్రేక్షకుల ముందుకు వస్తున్నాడు రవన్న. ఇప్పటివరకు తన కెరీర్ లో ఎక్కువగా మాస్ సినిమాలు చేసిన రవితేజ ఈసారి ఒక డివోషనల్ మూవీతో అదృష్టం పరీక్షించుకోనున్నాడు. గతంలో మజిలి, నిన్నుకోరి వంటి ప్రేమకథా చిత్రాలతో మంచి గుర్తింపు తెచ్చుకున్న డైరెక్టర్ శివ నిర్వాణ ఈ సినిమాను తెరకెక్కిస్తున్నాడు. మైత్రీ మూవీ మేకర్స్ బ్యానర్‌పై నవీన్ యెర్నేని, వై. రవిశంకర్ భారీ బడ్జెట్‌తో అత్యంత ప్రతిష్ఠాత్మకంగా ఈ సినిమాను నిర్మిస్తున్నారు. రవితేజ సరసన ప్రియా భవానీ శంకర్ హీరోయిన్‌గా నటిస్తోంది. అలాగే సాయికుమార్, అజయ్ ఘోష్, రమేష్ ఇందిర, స్వాసిక, బేబీ నక్షత్ర తదితరులు కీలక పాత్రలు పోషిస్తున్నారు. ఇప్పటివరకు ఈ సినిమా నుంచి రిలీజైన కంటెంట్ మూవీపై అంచనాలను అమితంగా పెంచేసింది. ఇప్పటికే షూటింగ్ పూర్తి చేసుకున్న ఈ సినిమా ఆగ‌స్టు 21న థియేట‌ర్ల‌లో రిలీజ్ కానుందని తెలుస్తోంది.

ఇదిలా ఉంటే ఇరుముడి సినిమాకు సంబంధించి ఒక ఆసక్తికర విషయం నెట్టింట వైరల్ గా మారింది. అదేంటంటే.. దర్శకుడు శివ నిర్వాణ ఈ కథను మొదట నాగచైతన్యకు వినిపించారట. గతంలో వీరి కాంబినేషన్ లో వచ్చిన మజిలీ సూపర్ హిట్ గా నిలిచింది. ఈ నేప‌థ్యంలోనే విజ‌య్ దేవ‌ర‌కొండ‌తో ఖుషి సినిమా అనంత‌రం శివ మొదట‌ చైత‌న్య‌ను క‌లిసి ఈ స్క్రిప్ట్ వినిపించాడ‌ట. అతనికి కూడా ఈ కథ తెగ న చ్చేసిందట. అయితే అప్పటికే నాగ చైతన్య వేరే సినిమాలతో బిజీగా ఉన్నాడట. దీంతో ఈ సినిమా నుంచి తప్పుకున్నాడట. ఆ తర్వాత రవితేజ లైన్లోకి వచ్చాడట. ఇందులో నిజమెంతుంతో తెలియదు కానీ ఇప్పుడీ విషయం నెట్టింట బాగా వైరలవుతోంది. నాగ చైతన్య మంచి ఛాన్స్ మిస్ చేసుకున్నాడేమోనని చాలా మంది సినీ అభిమానులు అభిప్రాయపడుతున్నారు.

#Irumudi dubbing begins

Get ready for a heart warming tale this monsoon

In cinemas from 𝗔𝘂𝗴𝘂𝘀𝘁 𝟮𝟭𝘀𝘁, 𝟮𝟬𝟮𝟲 ‍#Irumudi / #Irumudikattu
Starring MASS MAHARAJA @RaviTeja_offl

A @ShivaNirvana film

A @gvprakash musical @priya_Bshankar… pic.twitter.com/t1B2FYSZh1

— Mythri Movie Makers (@MythriOfficial) July 20, 2026

మరిన్ని సినిమా వార్తల కోసం ఇక్కడ క్లిక్ చేయండి.

హైదరాబాద్‌లోని బాలాపూర్ పోలీస్ స్టేషన్ పరిధిలో 2022లో నమోదైన పోక్సో (POCSO) కేసులో ఎల్‌బీనగర్ ఫాస్ట్‌ట్రాక్ ప్రత్యేక కోర్టు సంచలన తీర్పు వెలువరించింది. ఈ కేసులో నిందితులుగా ఉన్న ఇద్దరికి జైలు శిక్షలు విధిస్తూ కోర్టు ఆదేశాలు జారీ చేసింది. బాధితులకు పరిహారం చెల్లించాలని కూడా ఆదేశించడం విశేషం.

కోర్టు తీర్పు ప్రకారం, ప్రధాన నిందితుడు సంపంగి చంద్రశేఖర్‌కు పది సంవత్సరాల కఠిన కారాగార శిక్షతో పాటు రూ.10 వేల జరిమానా విధించింది. మరో నిందితుడు బొల్లిపాక మధుకు ఐదు సంవత్సరాల జైలు శిక్ష, రూ.7 వేల జరిమానా విధించింది. నిందితులు జరిమానా చెల్లించాల్సిందిగా కోర్టు స్పష్టం చేసింది. అంతేకాకుండా, బాధితులకు న్యాయపరమైన సహాయంగా రూ.1.50 లక్షల పరిహారం అందించాలని సంబంధిత అధికారులకు కోర్టు ఆదేశాలు జారీ చేసింది. బాధితుల సంక్షేమాన్ని దృష్టిలో ఉంచుకుని ఈ నిర్ణయం తీసుకున్నట్లు తెలిసింది.

ఈ కేసు దర్యాప్తును బాలాపూర్ పోలీసులు సమగ్రంగా నిర్వహించారు. సాక్ష్యాధారాలను పకడ్బందీగా సేకరించి కోర్టులో సమర్పించడం వల్లే నిందితులకు శిక్ష పడేలా చేయగలిగారని అధికారులు పేర్కొన్నారు. కేసును సమర్థవంతంగా దర్యాప్తు చేసిన దర్యాప్తు అధికారులతో పాటు బాలాపూర్ పోలీసు బృందాన్ని ఉన్నతాధికారులు అభినందించారు. పోక్సో చట్టం కింద చిన్నారులపై జరిగే లైంగిక నేరాలపై కఠిన చర్యలు తీసుకుంటామని, ఇలాంటి కేసుల్లో వేగవంతమైన దర్యాప్తు, త్వరితగతిన విచారణకు పోలీసులు ప్రాధాన్యం ఇస్తున్నట్లు అధికారులు తెలిపారు.

మరిన్ని క్రైమ్ వార్తల కోసం ఇక్కడ క్లిక్ చేయండి…

మార్కెట్‌లో ఆవనూనె, వేరుశనగ నూనె, నువ్వుల నూనె, సోయాబీన్, పొద్దుతిరుగుడు, రైస్ బ్రాన్, ఆలివ్ ఆయిల్, కొబ్బరినూనె వంటి ఎన్నో రకాల వంటనూనెలు అందుబాటులో ఉన్నాయి. అయితే వీటిలో ఏ నూనె ఆరోగ్యానికి అత్యంత శ్రేష్ఠమైనదనే సందేహం చాలామందిలో ఉంటుంది. అనేకమంది ప్రకటనలు చూసి నూనెలను ఎంచుకుంటారు. కానీ, ప్రతి వంటనూనెకి దాని స్వంత పోషక విలువలు, ఉపయోగించే ప్రత్యేక విధానాలు ఉంటాయి. అన్ని పరిస్థితుల్లోనూ, అందరికీ సరిపోయే ఒకే ఒక్క పర్ఫెక్ట్ వంటనూనె అంటూ ఏదీ ఉండదని నిపుణులు స్పష్టం చేస్తున్నారు. మీ వయస్సు, ఆరోగ్య స్థితి, ఆహార అలవాట్లు, వంట వండే విధానంపై ఆధారపడి వంటనూనెను ఎంచుకోవాల్సి ఉంటుంది

భారతీయ వంటకాల్లో ఎక్కువ కాలంగా ఆవనూనెను ఉపయోగిస్తున్నారు. ఇందులో మోనో అన్‌శాచురేటెడ్, పాలి అన్‌శాచురేటెడ్ కొవ్వులు పుష్కలంగా ఉంటాయి. దీని స్మోక్ పాయింట్ చాలా ఎక్కువగా ఉంటుంది. అందువల్ల ఇది డీప్ ఫ్రై చేయడానికి, అలాగే సాధారణ వంటలకు చాలా అనుకూలంగా ఉంటుంది.

ఎక్కువ వేడి వద్ద వండే వంటకాలకు వేరుశనగ నూనె మంచి ఎంపిక. ఇందులో విటమిన్ ఈ, ఆరోగ్యకరమైన కొవ్వులు ఉంటాయి. వేయించడానికి, తాలింపులకు దీనిని ధారాళంగా ఉపయోగించవచ్చు.

ఆలివ్ ఆయిల్‌లో మోనో అన్‌శాచురేటెడ్ ఫ్యాట్స్, యాంటీ ఆక్సిడెంట్లు అధికంగా ఉంటాయి. ఎక్స్‌ట్రా వర్జిన్ ఆలివ్ ఆయిల్‌ను సలాడ్లు, లైట్ కుకింగ్ లేదా డ్రెస్సింగ్ కోసం ఉపయోగిస్తే మంచిది. సాధారణ వంటల కోసం రిఫైన్డ్ ఆలివ్ ఆయిల్‌ను ఉపయోగించవచ్చు.

భారతీయ ఇళ్లల్లో అత్యధికంగా వాడే వంటనూనెలలో పొద్దుతిరుగుడు నూనె ఒకటి. ఇది చాలా తేలికగా ఉండి, వంటకాల సహజ రుచిని మార్చదు. ఇందులో విటమిన్ ఈ పుష్కలంగా ఉంటుంది. ఇది చర్మ ఆరోగ్యానికి, కణాల రక్షణకు ఎంతో మేలు చేస్తుంది. అంతేకాకుండా ఇందులో ఉండే లినోలెయిక్ యాసిడ్ శరీరానికి అవసరమైన హెల్దీ ఫ్యాట్స్‌ను అందిస్తుంది. దీని స్మోక్ పాయింట్ ఎక్కువగా ఉండటం వల్ల సాధారణ వంటలతో పాటు ఫ్రై చేయడానికి కూడా దీనిని విరివిగా ఉపయోగిస్తారు.

రైస్ బ్రాన్ ఆయిల్‌లో ఒరైజనాల్ అనే శక్తివంతమైన మూలకం ఉంటుంది. ఇది రక్తంలో కొలెస్ట్రాల్‌ను అదుపులో ఉంచడానికి సహాయపడుతుంది. దీని స్మోక్ పాయింట్ కూడా ఎక్కువగా ఉండటం వల్ల భారతీయ వంటకాలకు ఇది సురక్షితమైన ఎంపికగా నిలుస్తుంది.

నువ్వుల నూనెలో యాంటీ ఆక్సిడెంట్లు, హెల్దీ ఫ్యాట్స్ మెండుగా ఉంటాయి. దక్షిణ భారత, ఆసియా వంటకాల్లో దీనిని విశేషంగా వాడతారు. దీనిని పరిమిత పరిమాణంలో క్రమం తప్పకుండా తీసుకోవడం ఆరోగ్యానికి ఎంతో మేలు చేస్తుంది.

కొబ్బరి నూనెలో శాచురేటెడ్ ఫ్యాట్స్ పరిమాణం కాస్త ఎక్కువగా ఉంటుంది. కొన్ని రకాల సాంప్రదాయ వంటకాల్లో దీనిని వాడినప్పటికీ, రోజూవారీ వంటల్లో ఎక్కువ మొత్తంలో వాడకపోవడమే మంచిదని వైద్యులు సూచిస్తున్నారు.

ఆరోగ్య నిపుణుల సలహా ప్రకారం.. ఎల్లప్పుడూ ఒకే రకమైన నూనెను వాడటానికి బదులుగా, వేర్వేరు వంటలకు వేర్వేరు నూనెలను ఉపయోగించడం లేదా సమయానుకూలంగా వంటనూనెలను మారుస్తూ ఉండటం వల్ల శరీరానికి అవసరమైన అన్ని రకాల హెల్దీ ఫ్యాట్స్, పోషకాలు లభిస్తాయి.

ప్రస్తుతం థియేటర్లలో సూపర్ హిట్ అయిన సినిమాలు అటు నెల రోజుల్లోనే ఓటీటీలో సందడి చేస్తున్నాయి. తాజాగా ఓ క్రేజీ హిట్ మూవీ ఇప్పుడు డిజిటల్ ప్లాట్ ఫామ్ పై సందడి చేసేందుకు సిద్ధమయ్యింది. స్టార్ హీరో హీరోయిన్స్, గ్లామర్ పాటలు, యాక్షన్ సీన్స్ ఏమీ లేవు. అయినా ఈ సినిమాకు విపరీతమైన రెస్పాన్స్ వచ్చింది. ఇప్పుడు అదే మూవీ ఓటీటీలోకి వచ్చేందుకు రెడీ అయ్యింది. చిత్రపరిశ్రమలో విభిన్నమైన కథాంశంతో తెరకెక్కే సినిమాలకు ఎప్పుడూ విశేష ఆదరణ లభిస్తూనే ఉంటుంది.

ఇటీవల థియేటర్లలో విడుదలై ప్రేక్షకులు, సినీ ప్రముఖుల నుంచి భారీ ప్రశంసలు అందుకున్న మలయాళ సైకలాజికల్ థ్రిల్లర్ మూవీ 'బాలన్: ది బాయ్' (Balan: The Boy). ‘మంజుమ్మల్ బాయ్స్’ మూవీతో సంచలనం సృష్టించిన ప్రముఖ దర్శకుడు చిదంబరంఈ చిత్రానికి దర్శకత్వం వహించగా, ‘ఆవేశం’, ‘రోమాంచం’ లాంటి బ్లాక్‌బస్టర్స్ అందించిన జిత్తు మాధవన్ కథను అందించారు. ఈ ఏడాది కేన్స్ ఫిల్మ్ ఫెస్టివల్‌లో ప్రదర్శితమై ప్రశంసలు పొందిన ఈ చిత్రం, జూన్ 19న థియేటర్లలోకి వచ్చి మంచి విజయం సాధించింది.

ఇప్పుడు థియేట్రికల్ రన్ పూర్తి చేసుకుని డిజిటల్ స్ట్రీమింగ్‌కు సిద్ధమైంది. బాక్సాఫీస్ వద్ద ఆకట్టుకున్న 'బాలన్: ది బాయ్' డిజిటల్ స్ట్రీమింగ్ హక్కులను ప్రముఖ ఓటీటీ ప్లాట్‌ఫామ్ జీ5 దక్కించుకుంది. ఈ సైకలాజికల్ సర్వైవల్ డ్రామా జూలై 31, 2026 నుంచి డిజిటల్ మాధ్యమంలో ప్రసారం కానుంది. కేవలం మలయాళంలోనే కాకుండా తెలుగు, తమిళ, కన్నడ, హిందీ భాషల్లోనూ ఒకేసారి వీక్షకులకు అందుబాటులోకి రానుంది. ఓ సంక్లిష్టమైన గతం నుంచి తప్పించుకోవడానికి ఒక తల్లి తన కుమారుడితో కలిసి రహస్య జీవితం గడుపుతుంటుంది.

గుర్తింపు బయటపడకుండా ఉండేందుకు నిరంతరం పేర్లు, ప్రాంతాలు మరుస్తూ బతుకుతుంటారు. "నన్ను తప్ప ఎవరినీ నమ్మకూడదు" అనే సూత్రాన్ని కొడుకు 'బాలన్'కు నేర్పిస్తుంది. అయితే, అనుకోని పరిస్థితుల్లో తల్లి, కొడుకు విడిపోతారు. కొడుకు తన తల్లిని వెతుక్కుంటూ సాగించే ప్రయాణంలో ఎదుర్కొనే సంఘటనలు, ఊహించని మలుపులు ఈ సినిమాకు ప్రధాన ఆకర్షణ. సస్పెన్స్, మదర్ ఎమోషన్, సైకలాజికల్ ఎలిమెంట్స్‌ కలగలిపి దర్శకుడు ఈ చిత్రాన్ని సీటు అంచులపై కూర్చోబెట్టేలా మలిచారు.

ఇందులో ఫర్జానా పాలతింగల్ ,అధిశేషన్, మహమ్మద్ జినాన్ కీలక పాత్రల్లో నటించారు. స్టార్ హీరో టొవినో థామస్ కీలకమైన అతిథి పాత్రలో మెరిసి ప్రేక్షకులను అలరించారు. ప్రసిద్ధ సంగీత దర్శకుడు సుశిన్ శ్యామ్ అందించిన నేపథ్య సంగీతం (BGM) సినిమా థ్రిల్లింగ్ అనుభూతిని రెట్టింపు చేసింది. థియేటర్లలో ఈ థ్రిల్లర్ మిస్ అయిన వారు, సస్పెన్స్ అండ్ మైండ్ బ్లోయింగ్ క్లైమాక్స్ ఇష్టపడే సినీ ప్రియులు జూలై 31 నుంచి ZEE5 లో ఈ చిత్రాన్ని చూడొచ్చు.

Gautam Adani: గౌతమ్ అదానీ ఆసియాలోనే అత్యంత ధనవంతుడు. ప్రస్తుతం ఆయన నికర ఆస్తి విలువ 90.3 బిలియన్ డాలర్లు. అంటే సుమారుగా రూ.8.68 లక్షల కోట్లు. ఆయన అదానీ గ్రూప్ వ్యవస్థాపకుడు, ఛైర్మన్. ఈ గ్రూప్ వ్యాపారాలు ఓడరేవులు, పునరుత్పాదక ఇంధనంతో సహా పలు రంగాలలో విస్తరించి ఉన్నాయి. అయితే, అదానీ కేవలం 20 ఏళ్ల వయసులోనే కోటీశ్వరుడు అయ్యారని మీకు తెలుసా? అంత చిన్న వయసులోనే ఆయన్ను కోటీశ్వరుడిని చేసిన ఆయన మొదటి వ్యాపారం ఏమిటో ఇప్పుడు తెలుసుకుందాం.

గౌతమ్ అదానీ 48 సంవత్సరాల క్రితం 1978లో ముంబైలో వజ్రాలను వేరుచేసే వ్యక్తిగా తన వృత్తిని ప్రారంభించారు. మీడియా నివేదికల ప్రకారం, ఆయన ఆ తర్వాత విజయవంతమైన వజ్రాల బ్రోకరేజ్ వ్యాపారాన్ని ప్రారంభించి, 20 ఏళ్ల వయస్సులోనే (1982 నాటికి) కోటీశ్వరులయ్యారు.

1982లో కోటీశ్వరుడు కాకముందు, అదానీ 1981లో తన అన్నయ్య ప్లాస్టిక్స్ వ్యాపారంలో సహాయం చేసి, దిగుమతి-ఎగుమతి, సరకుల వ్యాపార సంస్థలను ప్రారంభించారు. దానికి ముందు అదానీ 16 ఏళ్ల వయసులో పాఠశాల విద్యను మధ్యలోనే వదిలేసి అహ్మదాబాద్ నుండి ముంబైకి వెళ్లారు. ఆయన మహీంద్రా బ్రదర్స్‌లో వజ్రాలను వేరుచేసే వ్యక్తిగా పనిచేశారు. పనిలో మెళకువలు నేర్చుకున్న తర్వాత, ఆయన ముంబైలోని జావేరీ బజార్‌లో తన సొంత వజ్రాల బ్రోకరేజ్ వ్యాపారాన్ని ప్రారంభించారు. అది అత్యంత విజయవంతమై 20 ఏళ్ల వయసుకే ఆయనకు కోట్ల రూపాయలను సంపాదించిపెట్టింది.

తన అన్నయ్య కోరిక మేరకు, అదానీ అహ్మదాబాద్‌కు తిరిగి వచ్చి అతని ప్లాస్టిక్ ఫ్యాక్టరీని స్వాధీనం చేసుకున్నాడు. దీనివల్ల అతను విదేశాల నుండి PVC (పాలివినైల్ క్లోరైడ్), ఇతర ప్లాస్టిక్ ముడి పదార్థాలను దిగుమతి చేసుకోవలసి వచ్చింది. ఈ చర్య అతన్ని అంతర్జాతీయ వాణిజ్యం, వస్తు మార్కెట్లలోకి నడిపించింది.

1985లో భారత ప్రభుత్వం సరళమైన దిగుమతి విధానాలను సద్వినియోగం చేసుకుంటూ, అదానీ చిన్న పరిశ్రమల కోసం ముడి పదార్థాలను దిగుమతి చేసుకోవడం ప్రారంభించారు. ఈ అనుభవం ఆధారంగా ఆయన 1988లో అదానీ ఎక్స్‌పోర్ట్స్ లిమిటెడ్ (ప్రస్తుతం అదానీ ఎంటర్‌ప్రైజెస్)ను స్థాపించారు. ప్రారంభంలో ఈ సంస్థ వ్యవసాయ, ఇంధన వస్తువుల వ్యాపారం చేసింది. ఇది తరువాత ఓడరేవులు, విద్యుత్ రంగాలలోకి విస్తరించిన ఒక విశాలమైన సామ్రాజ్యానికి పునాది వేసింది. నేడు ఈ గ్రూప్ కార్యకలాపాలు ఓడరేవులు, విమానాశ్రయాలు, విద్యుత్ ఉత్పత్తి, ప్రసారం, హరిత ఇంధనంతో సహా అనేక రంగాలలో విస్తరించి ఉన్నాయి.ఇ

ఇది కూడా చదవండి: SIRలో మీ పేరు నమోదైందా? లేదా..? సెకన్లలోనే మీ మొబైల్‌తో చెక్‌ చేసుకోండిలా..!

ఇది కూడా చదవండి: Best Scheme: కేవలం వడ్డీ నుండే రూ.50 లక్షలు సంపాదించవచ్చని మీకు తెలుసా? ధనవంతులను చేసే స్కీమ్‌!

మరిన్ని బిజినెస్ వార్తల కోసం ఇక్కడ క్లిక్ చేయండి

భారతదేశంలో 18 ఏళ్ల వయస్సు పూర్తికాగానే ప్రతి ఒక్కరూ చట్టబద్ధంగా పెద్దలుగా మారుతారు. ఈ వయసులోకి అడుగుపెట్టగానే ఒకవైపు కొత్త హక్కులు, స్వేచ్ఛ లభిస్తే.. మరోవైపు సమాజంలో కొన్ని బాధ్యతలు కూడా తోడవుతాయి. అయితే చాలామందికి 18 ఏళ్లు రాగానే యువకులు దరఖాస్తు చేసుకోవాల్సిన ముఖ్యమైన ప్రభుత్వ పత్రాల గురించి సరైన అవగాహన లేదు. భవిష్యత్తులో ఉన్నత చదువులు, ఉద్యోగాలు, ఆర్థిక లావాదేవీల సమయంలో ఇబ్బందులు ఎదుర్కొంటున్నారు. ప్రభుత్వ నిబంధనల ప్రకారం 18 సంవత్సరాలు నిండిన వెంటనే ప్రతి ఒక్కరూ పొందాల్సిన మూడు అత్యంత ముఖ్యమైన ఐడెంటిటీ కార్డులు, వాటి ప్రాముఖ్యత గురించి వివరంగా తెలుసుకుందాం..

18 సంవత్సరాలు నిండిన వెంటనే దేశంలో వాహనాలను చట్టబద్ధంగా నడిపే హక్కు లభిస్తుంది. అయితే దీనికి డ్రైవింగ్ లైసెన్స్ తప్పనిసరి. రవాణా శాఖ అధికారిక పోర్టల్ ద్వారా ఆన్‌లైన్‌లో సులభంగా అప్లై చేసుకోవచ్చు. మొదట దరఖాస్తు చేసుకుంటే లర్నింగ్ లైసెన్స్ లభిస్తుంది. ఆ తర్వాత నిర్దేశిత గడువులోగా డ్రైవింగ్ టెస్ట్ పాస్ అయితే పక్కా డ్రైవింగ్ లైసెన్స్ జారీ అవుతుంది.

18 ఏళ్ల తర్వాత అత్యంత విలువైన రాజ్యాంగ హక్కు ఓటు హక్కు. ప్రజాస్వామ్య వ్యవస్థలో భాగస్వాములై, నచ్చిన నాయకుడిని ఎన్నుకునే అధికారం దీనిద్వారా లభిస్తుంది. ఓటరు జాబితాలో పేరు నమోదు లేదా కేంద్ర ఎన్నికల సంఘం వెబ్‌సైట్ ఓటర్ హెల్ప్‌లైన్ యాప్ ఫామ్-6 పూర్తి చేసి ఆన్‌లైన్‌లో సమర్పించవచ్చు.

ఈ మూడో కార్డు నేటి కాలంలో ప్రతి సామాన్య పౌరుడికి, విద్యార్థికి అత్యంత ముఖ్యమైనది. బ్యాంక్ ఖాతా తెరవడం, ఎడ్యుకేషన్ లోన్ లేదా ఏ రకమైన ఆర్థిక లావాదేవీలు నిర్వహించాలన్నా పాన్ కార్డ్ తప్పనిసరి. ఉన్నత చదువులు లేదా ఉద్యోగ యత్నాలలో ఉన్న యువతకు రూపాయి లావాదేవీ జరగాలన్నా పాన్ కార్డ్ అవసరం అవుతుంది. ఆదాయపు పన్ను శాఖ అధికారిక పోర్టల్ ద్వారా ఆన్‌లైన్‌లో చాలా సులభంగా పాన్ కార్డ్ దరఖాస్తు కోసం చేసుకోవచ్చు.

డిజిటల్ ఇండియా చొరవతో ఈ మూడు కార్డుల దరఖాస్తు ప్రక్రియలు పూర్తిగా ఆన్‌లైన్, పారదర్శకంగా మారాయి. కాబట్టి దళారులను ఆశ్రయించి డబ్బులు వృథా చేసుకోవాల్సిన అవసరం లేదు. దరఖాస్తు పూరించే సమయంలో మీ పేరు, తండ్రి పేరు, పుట్టిన తేదీ స్పెల్లింగ్‌లు మీ సర్టిఫికెట్‌లో ఉన్న విధంగానే ఉండేలా చూసుకోండి. దీనివల్ల భవిష్యత్తులో కరెక్షన్ల కోసం ఇబ్బంది పడకుండా ఉండవచ్చు.

జీర్ణక్రియ మెరుగుదల, మలబద్ధక నివారణ: అంజీర పండ్లలో ఫైబర్ సమృద్ధిగా ఉంటుంది. ఇది జీర్ణక్రియను సులభతరం చేసి, ప్రేగుల కదలికలను మెరుగుపరుస్తుంది. దీర్ఘకాలిక మలబద్ధకంతో బాధపడేవారు రాత్రిపూట నీటిలో నానబెట్టిన అంజీరను ఉదయాన్నే తీసుకోవడం వల్ల తక్షణ ఉపశమనం లభిస్తుంది.

గుండె ఆరోగ్యం, రక్తపోటు నియంత్రణ: అంజీరలో పొటాషియం, యాంటీఆక్సిడెంట్లు పుష్కలంగా ఉంటాయి. పొటాషియం శరీరంలో సోడియం స్థాయిలను సమతుల్యం చేసి, అధిక రక్తపోటును (BP) అదుపులో ఉంచుతుంది. చెడు కొలెస్ట్రాల్‌ను (LDL) తగ్గించి, రక్తనాళాల్లో పూడికలు ఏర్పడకుండా నిరోధించడం ద్వారా గుండెపోటు ప్రమాదాన్ని తగ్గిస్తుంది.

ఎముకల బలానికి క్యాల్షియం గని: వయస్సు పెరుగుతున్న కొద్దీ ఎముకల సాంద్రత తగ్గి ఆస్టియోపోరోసిస్ వంటి సమస్యలు వస్తుంటాయి. అంజీరలో క్యాల్షియం, మెగ్నీషియం, భాస్వరం సమృద్ధిగా ఉండటం వల్ల ఇవి ఎముకలను, పళ్లను దృఢంగా మారుస్తాయి. పిల్లలు, మహిళలకు ఇది అద్భుతమైన పోషకాహారం.

రక్తంలో చక్కెర, బరువు నియంత్రణ: తీపి రుచి కలిగినప్పటికీ, అంజీరలోని పీచు పదార్థం రక్తంలో గ్లూకోజ్ త్వరగా కలవకుండా అడ్డుకుంటుంది. తక్కువ క్యాలరీలు, ఎక్కువ ఫైబర్ ఉండటం వల్ల కడుపు నిండిన అనుభూతిని ఇచ్చి, అతిగా తినే అలవాటును తగ్గిస్తుంది. ఫలితంగా బరువు తగ్గాలనుకునే వారికి ఇది చక్కటి ఎంపిక.

వారానికి మూడు సార్లు ఎండు అంజీరను నీటిలో నానబెట్టి గానీ లేదా తాజా పండ్లుగా గానీ తీసుకోవడం వల్ల శరీరానికి కావలసిన శక్తి లభించడమే కాకుండా, వ్యాధి నిరోధక శక్తి పెరుగుతుంది. సహజ సిద్ధమైన ఈ ఫలాన్ని మీ రోజువారీ ఆహారంలో చేర్చుకుని సంపూర్ణ ఆరోగ్యాన్ని పొందండి.

హాలీవుడ్ స్టార్ డైరెక్టర్ స్టీవెన్ స్పీల్‌బర్గ్ గురించి ప్రత్యేక పరిచయం అక్కర్లేదు. ఇంగ్లిష్ లో సైన్స్ ఫిక్షన్ సినిమాలకు ఆయన కేరాఫ్ అడ్రస్. తెలుగు ఆడియెన్స్ కూడా ఈ డైరెక్టర్ సినిమాలు తెగ చూసేస్తారు. జురాసిక్ పార్క్, క్యాచ్ మీ ఇఫ్ యూ కెన్, మ్యూనిచ్, ద టెర్మినల్, ఇండియానా జోన్స్.. ఇలా ఎన్నో సూపర్ హిట్ సినిమాలకు ప్రాణం పోశారు స్టీవెన్ స్పీల్ బర్గ్. అలా 79 ఏళ్ల వయసులో ఆయన తెరకెక్కించిన చిత్రం ‘డిస్‌క్లోజర్ డే’. హాలీవుడ్ టాప్ నటి ఎమిలీ బ్లంట్ ఈ సినిమాలో కీలక పాత్ర పోషించింది. అలాగే జోష్ ఓ కానర్, కోలిన్ ఫర్త్, ఈవ్ హ్యూసన్, కోల్మన్ డొమింగో తదితర స్టార్స్ ఈ సినిమాలో భాగమయ్యారు. గత నెల 12న ప్రపంచవ్యాప్తంగా థియేటర్లలో రిలీజైన ఈ సినిమా సూపర్ హిట్ గా నిలిచింది. ఏలియన్స్ కాన్పెప్ట్‌తో తీసిన ఈ చిత్రం వరల్డ్ వైడ్ గా బాక్సాఫీస్ వద్ద భారీ కలెక్షన్లు రాబట్టింది. ఇండియాలోనూ ఈ సినిమాకు మంచి కలెక్షన్లు వచ్చాయి. థియేటర్లలో ఆడియెన్స్ కు మంచి థ్రిల్లింగ్ ఎక్స్‌పీరియెన్స్ అందించిన డిస్ క్లోజర్ ఇప్పుడు ఓటీటీలోకి వచ్చేసింది.

ఈ సినిమా డిజిటల్ స్ట్రీమింగ్ హక్కులు ప్రముఖ ఓటీటీ సంస్థ అమెజాన్ ప్రైమ్ వీడియో దగ్గర ఉన్నాయి. ఈ నేపథ్యంలో మంగళవారం నుంచి ఈ సినిమా ఓటీటీలోకి అందుబాటులోకి వచ్చింది. అయితే ఇక్కడే ఓ ట్విస్ట్ ఉంది. ప్రస్తుతం ఈ సినిమా కేవలం విదేశాల్లో మాత్రమే అందుబాటులోకి వచ్చింది. అది కూడా రెంటల్ బేసిస్ లో మాత్రమే. అయితే ఈ శుక్రవారం (జులై 24) ఇండియన్ ఆడియెన్స్ కు కూడా ఈ సినిమా అందుబాటులోకి వచ్చే అవకాశం ఉంది. కాగా డిస్ క్లోజర్ డే చిత్రానికి ఐఎమ్ డీబీలో 10 పాయింట్లకు గానూ 6.7 రేటింగ్ ఉంది దాదాపు 2 గంటల 27 నిమిషాల నిడివి (147 నిమిషాలు) తో సాగే ఈ చిత్రం ఆడియెన్స్ కు మంచి థ్రిల్లింగ్ ఎక్స్ పీరియెన్స్ ను అందిస్తుందని చెప్పవచ్చు.

#DisclosureDay is now available on #PrimeVideo to Rent or Buy!

Hindi • English
Digital/VOD
Streaming now on Amazon Prime Video Store (US) #DisclosureDay pic.twitter.com/q46PQGWrPC

— MuthuYoghi (@muthuyoghioficl) July 21, 2026

Vaibhav Sooryavanshi Fastest T20I Century Record: భారత్, జింబాబ్వే మధ్య జులై 23 నుంచి ప్రారంభం కానున్న టీ20 సమరానికి హరారే నగరం సిద్ధమైంది. ఈ సిరీస్‌లో అందరి దృష్టి 15 ఏళ్ల యువ సంచలనం వైభవ్ సూర్యవంశీపైనే ఉంది. ఇంగ్లాండ్ పర్యటనలో చవిచూసిన వైఫల్యాన్ని మర్చిపోయి, జింబాబ్వే గడ్డపై అత్యంత వేగవంతమైన టీ20 సెంచరీ రికార్డును బద్దలు కొట్టేందుకు ఈ యువ తుఫాన్ సిద్ధమవుతున్నాడు.

ఇటీవల ముగిసిన ఇంగ్లాండ్ పర్యటనలో ఆశించిన స్థాయిలో రాణించలేకపోయిన వైభవ్, ఇప్పుడు జింబాబ్వేపై తన సత్తా చాటేందుకు ఆరాటపడుతున్నాడు. జులై 23న ఆయన తొలి టీ20 ఆడటానికి మైదానంలోకి దిగేనాటికి, జింబాబ్వే నేలపై నమోదైన అత్యంత వేగవంతమైన అంతర్జాతీయ టీ20 సెంచరీ రికార్డు పూర్తయి సరిగ్గా 300 రోజులు కావడం విశేషం.

ఇదికూడా చదవండి: ఆల్‌రౌండర్ మోజులో అసలైన వికెట్ టేకర్ బలి.. భారత్ కొంపముంచుతోన్న గంభీర్ మొండి పట్టుదల

ఈ ప్రత్యేకమైన రోజున పాత రికార్డును తిరగరాసి సరికొత్త చరిత్ర సృష్టించే సువర్ణావకాశం ఈ యువ ఎడమచేతి వాటం బ్యాటర్‌కు లభించింది. తన సహజసిద్ధమైన దూకుడుతో పరుగుల వర్షం కురిపిస్తే, ఈ రికార్డు వైభవ్ సొంతం కావడం ఏమంత కష్టం కాదని విశ్లేషకులు భావిస్తున్నారు.

ప్రస్తుతం జింబాబ్వే గడ్డపై అతి తక్కువ బంతుల్లో టీ20 సెంచరీ చేసిన రికార్డు నమీబియా ఆటగాడు జేజే స్మిత్ పేరిట ఉంది. 2025 సెప్టెంబర్ 26న కెన్యాపై జరిగిన మ్యాచ్‌లో ఆయన కేవలం 37 బంతుల్లోనే శతకం బాది చరిత్ర సృష్టించాడు. ఆ మ్యాచ్‌లో 39 బంతుల్లో 7 సిక్సర్లు, 12 ఫోర్లతో నాటౌట్‌గా 111 పరుగులు చేసి ప్రత్యర్థి బౌలర్లను చెండాడాడు.

స్మిత్ సృష్టించిన ఈ విధ్వంసకర ఇన్నింగ్స్ కారణంగా నమీబియా నిర్ణీత ఓవర్లలో 241 పరుగుల భారీ స్కోరు సాధించింది. ఆ తర్వాత లక్ష్య ఛేదనకు దిగిన కెన్యా 105 పరుగులకే పరిమితమై 136 పరుగుల తేడాతో ఘోర పరాజయాన్ని మూటగట్టుకుంది.

అంతకుముందు జింబాబ్వేలో వేగవంతమైన టీ20 సెంచరీ రికార్డు భారత విస్ఫోటక ఓపెనర్ అభిషేక్ శర్మ పేరిట ఉండేది. 2024 జింబాబ్వే పర్యటనలో అభిషేక్ 46 బంతుల్లో శతకం బాదగా, ఆ రికార్డును జేజే స్మిత్ 37 బంతుల్లోనే అధిగమించాడు.

ఇదికూడా చదవండి: టీమిండియా పరువు తీశారుగా.. ఆ ఒక్కడిని పక్కనపెట్టి పెద్ద తప్పు చేశారయ్యా గంభీర్..!

అయితే ఇండియన్ ప్రీమియర్ లీగ్ (ఐపీఎల్) పోటీల్లో కేవలం 35 బంతుల్లోనే సెంచరీ బాదిన అనుభవం వైభవ్ సూర్యవంశీకి ఉంది. అంతర్జాతీయ స్థాయిలో కూడా అదే తరహా విధ్వంసం సృష్టిస్తే, జింబాబ్వేలో అత్యంత వేగవంతమైన సెంచరీ చేసిన ఆటగాడిగా వైభవ్ చరిత్ర పుటల్లోకి ఎక్కడం ఖాయంగా కనిపిస్తోంది.

మరిన్ని క్రికెట్ వార్తల కోసం ఇక్కడ క్లిక్ చేయండి

వరుసగా ట్రైలర్‌ ప్రీమియర్స్ వేస్తున్న రామాయణ టీమ్‌ సినిమా మీద హైప్‌ పెంచుతోంది. అయితే రెగ్యులర్‌ ఆడియన్స్‌ కోసం ట్రైలర్‌ అఫీషియల్ రిలీజ్ కాకముందే సినిమాలో లుక్స్ విషయంలో డిస్కషన్ మొదలైంది. ముఖ్యంగా రావణుడి పాత్ర మీదే చర్చ జరుగుతోంది. ఓ వైపు టాక్సిక్‌ లాంటి బోల్డ్ మూవీ చేస్తున్న యష్, ప్యారలల్‌గా మైథలాజికల్‌ కథలో ఎలా మెప్పిస్తారన్నది ఆసక్తికరంగా మారింది. నవంబర్ 8న రాబోతున్న 4000 కోట్ల భారీ బడ్జెట్ విజువల్ వండర్ ‘రామాయణం’ మీద అంచనాలు పీక్స్‌లో ఉన్నాయి. అయితే తాజాగా ఆన్‌లైన్‌లో వైరల్‌ అవుతున్న యష్ ఫస్ట్ లుక్ కొత్త చర్చకు దారి తీసింది. గతంలో వచ్చిన క్లాసిక్స్ అన్నింటిలోనూ రావణుడికి మీసాలే కానీ, గుబురు గెడ్డం ఎక్కడా కనిపించదు. కానీ యష్ మాత్రం ఈ సినిమాలో ఏకంగా భారీ గెడ్డంతో కనిపిస్తున్నారు. నిజానికి ఆదిపురుష్ సినిమాలో సైఫ్ అలీ ఖాన్ గెడ్డంతో కనిపించటం మీద ఓ రేంజ్‌లో ట్రోలింగ్ జరిగింది. మరి ఇప్పుడు ఆ నెగటివిటీని యష్ ఎలా దాటుతారన్నది ఆసక్తికరంగా మారింది. దర్శకుడు నితేశ్ తివారి మొదట రావణుడికి గెడ్డం లేకుండానే లుక్ ప్లాన్ చేశారట. కానీ యష్ ‘టాక్సిక్’ సినిమా షూటింగ్ కూడా పారలల్‌గా చేస్తుండటంతో గెడ్డం తీసే పరిస్థితి లేకపోయింది. అందుకే గుబురు గెడ్డంతోనే రావణుడిగా యష్ కంటిన్యూ అయ్యారు. జూలై 24న గ్లోబల్ రేంజ్‌లో రాబోతున్న ట్రైలర్‌లో యష్ విజువల్స్ మీద మంచి బజ్‌ క్రియేట్ అవుతోంది. అయితే ఓ వైపు టాక్సిక్‌ లాంటి బోల్డ్ మూవీలో నటిస్తూనే.. మరో వైపు రామాయణలాంటి మైథలాజికల్ మూవీలో నటించారు యష్‌. ఈ రెండు సినిమాల ప్రమోషన్స్‌ కూడా ప్యారలల్‌గా జరుగుతుండటంతో టాక్సిక్‌, ఎఫెక్ట్ రామాయణ మీద పడే ఛాన్స్ ఉందన్న టాక్ వినిపిస్తోంది. కేజీఎఫ్ తో గ్లోబల్ ఇమేజ్ తెచ్చుకున్న యష్.. నెగటివ్ క్యారెక్టర్ చేయడమే పెద్ద రిస్క్‌, అలాంటిది రామాయణ పార్ట్‌లో యష్ రావణుడిగా రాముడి చేతిలో చనిపోయే సీన్‌లో నటించాల్సి ఉంటుంది. టెక్నికల్‌గా విజువల్‌గా ఆ సీన్‌ను ఎంత గొప్పగా తీసినా.. యష్ అభిమానులు ఆ సీన్‌ను ఎలా రిసీవ్ చేసుకుంటారన్న టెన్షన్ మేకర్స్‌లో ఇప్పటినుంచో కనిపిస్తోంది. ఇలాంటి ఎన్నో డౌట్స్‌కు ఆన్సర్స్ రావాలంటే అఫీషియల్ రిలీజ్‌ వరకు వెయిట్ చేయాల్సిందే.

మరిన్ని వీడియోల కోసం ఇక్కడ క్లిక్ చేయండి

Also Watch:

Prabhas: ‘స్పిరిట్’పై సందీప్ రెడ్డి వంగా బిగ్ అప్‌డేట్.. 40% షూట్ పూర్తి, రిలీజ్‌పై క్లారిటీ!

వంద కోట్ల హీరోలు.. కానీ ఇంకా టైర్-1 కాదు! ఈ సినిమాలే వారి కెరీర్‌ను మార్చేస్తాయా?

Ram Charan: చరణ్-సుకుమార్ సినిమాలో హీరోయిన్ ఎవరు? రష్మిక, కియారా, రుక్మిణి మధ్య హాట్ రేస్!

టాలీవుడ్‌లో కాంటెంపరరీ కథలకు బ్రేక్.. స్టార్ హీరోలందరూ పీరియాడిక్, ఫ్యూచరిస్టిక్ బాటే ఎందుకు?

షూటింగ్‌లతో ఫుల్ బిజీ టాలీవుడ్.. స్టార్ హీరోలందరూ సెట్స్‌పైనే

డార్లింగ్ ప్రభాస్, టాలీవుడ్ సెన్సేషనల్ డైరెక్టర్ సందీప్ రెడ్డి వంగా కాంబినేషన్‌లో వస్తున్న ‘స్పిరిట్’ సినిమా మీద భారీ అంచనాలు ఉన్నాయి. ఈ ప్రాజెక్ట్ అనౌన్స్ చేసిన రోజు నుంచే ఎప్పుడెప్పుడు అప్‌డేట్ వస్తుందా అని అంతా వెయిట్ చేస్తున్నారు. అయితే ఈ సినిమా డిలే అవుతుందంటూ వస్తున్న రూమర్స్‌కు ఒకే ఒక్క స్టేట్‌మెంట్‌తో చెక్ పెడుతూ డైరెక్టర్ సందీప్ రెడ్డి వంగా ఇచ్చిన అప్‌డేట్ డార్లింగ్‌ ఫ్యాన్స్‌లో జోష్ తీసుకువచ్చింది? డార్లింగ్ ప్రభాస్ స్పిరిట్ షూటింగ్ స్టేటస్‌ ఏంటి? అసలు అనుకున్న టైమ్‌కి సినిమా రిలీజ్ అవుతుందా లేదా? అని ఫ్యాన్స్‌ కన్‌ఫ్యూజన్‌లో ఉన్న టైమ్‌లో సందీప్ రెడ్డి వంగా అదిరిపోయే అప్‌డేట్ ఇచ్చారు. రీసెంట్‌ ఈవెంట్‌లో స్పిరిట్ సినిమా తాము ప్లాన్ చేసుకున్న షెడ్యూల్ ప్రకారమే పూర్తవుతుందన్నారు. అంతేకాదు, ఇప్పటికే ఈ సినిమా షూటింగ్ 40 శాతం పూర్తయిందని చెప్పి ప్రభాస్ ఫ్యాన్స్‌కు ఫుల్ కిక్ ఇచ్చారు. మిగతా 60 శాతం బ్యాలెన్స్ కూడా ఎక్కడా బ్రేక్ లేకుండా కంప్లీట్ చేసేందుకు పక్కా ప్లానింగ్‌తో ఉంది మూవీ టీమ్. షూటింగ్ డిలే అవుతోందని, సినిమా పోస్ట్‌పోన్ అవుతుందన్న రూమర్స్‌కు ఈ అప్‌డేట్‌తో చెక్‌ పెట్టారు. ఎలాంటి ఆలస్యం లేకుండా, గతంలో ప్రకటించినట్లుగానే 2027 మార్చి 5న ప్రపంచవ్యాప్తంగా స్పిరిట్‌ను రిలీజ్ చేయబోతున్నట్టు క్లారిటీ ఇచ్చారు. ‘స్పిరిట్ మీ అందరికీ కచ్చితంగా నచ్చుతుంది’ అని సందీప్ చెప్పిన మాటలతో ఫ్యాన్స్ పండగ చేసుకుంటున్నారు. ఈ సినిమాలో ప్రభాస్ ఫస్ట్ టైమ్ ఓ పవర్‌ఫుల్ పోలీస్ ఆఫీసర్‌ పాత్రలో కనిపించబోతున్నారు. సందీప్ మార్క్ వయొలెన్స్, ఎమోషనల్ డ్రామాకు ప్రభాస్ కటౌట్ తోడైతే థియేటర్లలో పూనకాలు ఖాయమని ఎక్స్‌పెక్ట్ చేస్తున్నారు ఫ్యాన్స్‌. అర్జున్ రెడ్డి, కబీర్ సింగ్, యానిమల్ చిత్రాలతో సెన్సేషన్ క్రియేట్ చేసిన వంగా.. స్పిరిట్‌ను తన కెరీర్‌లోనే బిగ్గెస్ట్ యాక్షన్ ఫిల్మ్‌గా రూపొందిస్తున్నారు. బాలీవుడ్ బ్యూటీ త్రిప్తి దిమ్రి హీరోయిన్‌గా, బాలీవుడ్ నటుడు వివేక్ ఒబెరాయ్‌ విలన్‌గా నటిస్తున్నారు.

మరిన్ని వీడియోల కోసం ఇక్కడ క్లిక్ చేయండి

Also Watch:

వంద కోట్ల హీరోలు.. కానీ ఇంకా టైర్-1 కాదు! ఈ సినిమాలే వారి కెరీర్‌ను మార్చేస్తాయా?

Ram Charan: చరణ్-సుకుమార్ సినిమాలో హీరోయిన్ ఎవరు? రష్మిక, కియారా, రుక్మిణి మధ్య హాట్ రేస్!

టాలీవుడ్‌లో కాంటెంపరరీ కథలకు బ్రేక్.. స్టార్ హీరోలందరూ పీరియాడిక్, ఫ్యూచరిస్టిక్ బాటే ఎందుకు?

షూటింగ్‌లతో ఫుల్ బిజీ టాలీవుడ్.. స్టార్ హీరోలందరూ సెట్స్‌పైనే

Anupama Parameswaran: ‘నా గొంతు నేనే వినిపిస్తా’.. అనుపమ ఎమోషనల్ పోస్ట్ వెనక అసలు కథ ఏంటి?

సినిమా హిట్టయినా… వంద కోట్ల కలెక్షన్లు వచ్చినా… ఇంకా మీడియం రేంజ్ స్టార్స్‌గానే మిగిలిపోతున్నారు కొందరు యంగ్ హీరోలు. బాక్సాఫీస్ దగ్గర సత్తా చాటుతున్నా టైర్-1 రేంజ్‌కి మాత్రం వెళ్లలేకపోతున్నారు. ఇంతకీ నెక్ట్స్ రాబోతున్న భారీ సినిమాలతో వాళ్లు ఆ లైన్ దాటుతారా,.. ప్రమోషన్ కొడతారా? ఈ క్రేజీ డిస్కషన్‌కు సంబంధించి ఫుల్ డిటైల్స్ ఈ స్టోరీలో చూద్దాం. ప్రజెంట్ టాలీవుడ్‌లో మీడియం రేంజ్ హీరోల టార్గెట్ అంతా వంద కోట్లు దాటి పాన్ ఇండియా స్టార్స్‌గా ఎదగడం పైనే ఉంది. ఈ లిస్ట్‌లో ముందు వరుసలో ఉన్నారు న్యాచురల్ స్టార్ నాని, రౌడీ బాయ్ విజయ్ దేవరకొండ, యువ సామ్రాట్‌ నాగచైతన్య. ఇప్పటికే వంద కోట్ల వసూళ్లతో తమ మార్కెట్ స్టామినా ప్రూవ్ చేసిన ఈ హీరోలకు… ఇంకా బిగ్ బడ్జెట్ స్టార్స్ ఇమేజ్ రాలేదు. దసరా, సరిపోదా శనివారం, హిట్‌ 3 సినిమాలతో బ్యాక్ టు బ్యాక్ సెంచరీ కొట్టేసి తన మార్కెట్‌ను అమాంతం పెంచుకున్నారు నాని. కానీ టైర్-1 బరిలో నిలవాలంటే మరో భారీ హిట్ పడాలి. అందుకే ప్రజెంట్ చేస్తున్న పాన్ ఇండియా ఫిల్మ్ ది ప్యారడైజ్ మీద భారీ ఆశలు పెట్టుకున్నారు. ఈ యాక్షన్ డ్రామా నానికి ఖచ్చితంగా ప్రమోషన్ ఇస్తుందన్న అంచనాలు ఉన్నాయి. అటు విజయ్ దేవరకొండ పరిస్థితి కూడా ఇలాగే ఉంది. గీత గోవిందంతో అప్పట్లోనే వంద కోట్లు అందుకున్న రౌడీ బాయ్… ఆ తర్వాత ఆ రేంజ్ సక్సెస్ కోసం గట్టిగానే ట్రై చేస్తున్నారు. రాహుల్ సాంకృత్యాయన్‌తో ‘రణబాలి’, రవికిరణ్ కోలాతో ‘రౌడీ జనార్ధన’ లాంటి భారీ బడ్జెట్ ప్రాజెక్ట్స్‌ లైన్‌లో పెట్టిన రౌడీ భాయ్‌, ఆ సినిమాలతో టాప్‌ లీగ్‌లోకి అడుగుపెట్టాలని గట్టిగా ఫిక్స్ అయ్యారు. మరోవైపు నాగచైతన్య కూడా కెరీర్‌లోనే బిగ్గెస్ట్ హిట్ కోసం చూస్తున్నారు. ఆల్రెడీ తండేల్‌తో వందకోట్ల హిట్ అందుకున్న చైతూ , వృషకర్మతో మరో భారీ సక్సెస్‌ను టార్గెట్ చేశారు. చైతూ కెరీర్‌లోనే హైయెస్ట్ బడ్జెట్‌తో తెరకెక్కుతున్న ఈ సినిమా బ్లాక్ బస్టర్ అయితే… బిగ్ బడ్జెట్ స్టార్స్ సరసన ప్లేస్ దక్కడం ఖాయం. మరి ఈ హీరోలు తమ నెక్ట్స్ మూవీస్‌తో మీడియం రేంజ్ అనే ట్యాగ్‌ను చెరిపేసి, బిగ్ లీగ్‌లో అడుగుపెడతారేమో చూడాలి.

మరిన్ని వీడియోల కోసం ఇక్కడ క్లిక్ చేయండి

Also Watch:

Ram Charan: చరణ్-సుకుమార్ సినిమాలో హీరోయిన్ ఎవరు? రష్మిక, కియారా, రుక్మిణి మధ్య హాట్ రేస్!

టాలీవుడ్‌లో కాంటెంపరరీ కథలకు బ్రేక్.. స్టార్ హీరోలందరూ పీరియాడిక్, ఫ్యూచరిస్టిక్ బాటే ఎందుకు?

షూటింగ్‌లతో ఫుల్ బిజీ టాలీవుడ్.. స్టార్ హీరోలందరూ సెట్స్‌పైనే

Anupama Parameswaran: ‘నా గొంతు నేనే వినిపిస్తా’.. అనుపమ ఎమోషనల్ పోస్ట్ వెనక అసలు కథ ఏంటి?

Mamitha Baiju: నెల రోజుల్లో మూడు భారీ సినిమాలు.. మమిత బైజు దండయాత్రకు రెడీ!

ఢిల్లీలో జరిగిన నిరసన కార్యక్రమం సమయంలో ఓ వీడియో వైరల్ కావడంతో బొద్దింక జనతా పార్టీ (CJP) తమ అధికార ప్రతినిధి విజేత దహియాపై క్రమశిక్షణా చర్యలు తీసుకుంది. పార్టీ అధికార ప్రతినిధి పదవి నుంచి ఆయనను తొలగించడంతో పాటు, అన్ని అధికారిక బాధ్యతల నుంచి తప్పించినట్లు సీజేపీ ప్రకటించింది.

పరీక్షల్లో అవకతవకలు, ప్రశ్నపత్రాల లీకేజీల ఆరోపణలపై కేంద్ర విద్యాశాఖ మంత్రి రాజీనామా చేయాలని డిమాండ్ చేస్తూ సీజేపీ ఢిల్లీలోని జంతర్ మంతర్ వద్ద నిరసన చేపట్టింది. ఈ నిరసన సమయంలో పలువురు కార్యకర్తలు, మద్దతుదారులపై పోలీసులు చర్యలు తీసుకున్నారని పార్టీ ఆరోపిస్తోంది. ఇదే సమయంలో పార్టీ ప్రతినిధి విజేత దహియా బర్గర్ దుకాణంలో ఉన్న వీడియో సోషల్ మీడియాలో వైరల్ కావడంతో వివాదం మొదలైంది.

We strongly condemn the deeply insensitive actions of our spokesperson Vijeta Dahiya, whose videos surfaced while peaceful protestors and our team were facing brutal police violence. Such conduct is unacceptable, shows a complete lack of judgment, and is wholly inconsistent with…

— Cockroach is Back (@Cockroachisback) July 21, 2026

నిరసనకారులు పోలీసుల చర్యలను ఎదుర్కొంటున్న సమయంలో దహియా రెస్టారెంట్‌లో ఉండటంపై పలువురు సోషల్ మీడియా వినియోగదారులు ప్రశ్నలు లేవనెత్తారు. మరో వీడియోలో కొందరు వ్యక్తులు బర్గర్ అవుట్‌లెట్ వద్ద దహియాను నిలదీస్తూ, నిరసనకారులతో కలిసి ఉండకుండా అక్కడ ఎందుకు ఉన్నారని ప్రశ్నిస్తున్న దృశ్యాలు కనిపించాయి.

వైరల్ వీడియో ఇక్కడ చూడండి..

जंतर मंतर पर कल छात्र लाठियां खा रहे थे, उसी वक्त CJP प्रवक्ता विजेता दहिया मॉल में जाकर बर्गर खा रहा था !! pic.twitter.com/D75L0hJlZL

— Sachin Gupta (@Sachingupta) July 21, 2026

ఈ పరిణామాలపై స్పందించిన సీజేపీ, తమ ప్రతినిధి చర్యలను తీవ్రంగా తప్పుబట్టింది. శాంతియుత నిరసనకారులు పోలీసుల చర్యలను ఎదుర్కొంటున్న సమయంలో ఇలాంటి ప్రవర్తన పార్టీ విలువలకు విరుద్ధమని పేర్కొంది. అయితే వైరల్ వీడియో ఎప్పుడు, ఏ పరిస్థితుల్లో రికార్డు అయ్యిందనే విషయాన్ని స్వతంత్రంగా నిర్ధారించలేకపోయారు.

విమర్శలపై విజేత దహియా స్పందిస్తూ, తాను నిరసన కార్యక్రమంలో పాల్గొన్న తర్వాతే అక్కడి నుంచి వెళ్లినట్లు తెలిపారు. రెండు రోజులుగా నిద్ర లేకుండా ఉద్యమంలో పనిచేశానని, ఆకలిగా ఉండటంతో భోజనం కోసం ఆగానని చెప్పారు. బర్గర్ తినడాన్ని పెద్ద వివాదంగా మార్చడం సరైనది కాదని ఆయన వ్యాఖ్యానించారు. అలాగే, బర్గర్‌లోని పదార్థాలపై సందేహం రావడంతో చివరకు దానిని తినలేదని తెలిపారు. దేశం కోసం ఉద్యమంలో పాల్గొంటున్నానని, తన చర్యల్లో తప్పేమీ లేదని దహియా స్పష్టం చేశారు.

వైరల్ వీడియో ఇక్కడ చూడండి..

A post shared by Vijeta Dahiya (@vijetadahiya1)

విజేత దహియాపై ఇది తొలి వివాదం కాదని, గతంలోనూ ఆయన చేసిన కొన్ని వ్యాఖ్యలపై సోషల్ మీడియాలో విమర్శలు వచ్చాయని సమాచారం. తాజా ఘటనతో సీజేపీ నిరసన కార్యక్రమం కంటే ప్రతినిధి వివాదమే చర్చనీయాంశంగా మారింది.

మరిన్ని జాతీయ వార్తల కోసం ఇక్కడ క్లిక్ చేయండి..

పెద్ది సినిమాతో బ్లాక్ బస్టర్ అందుకున్న మెగా పవర్‌ స్టార్ రామ్ చరణ్ నెక్ట్స్ మూవీని షార్ట్ బ్రేక్ తరువాత స్టార్ట్ చేయబోతున్నారు. రంగస్థలం లాంటి ఇండస్ట్రీ హిట్ తర్వాత చరణ్‌, సుకుమార్ కాంబోలో రాబోతున్న ఈ క్రేజీ ప్రాజెక్ట్‌లో హీరోయిన్‌గా కనిపించబోయేది ఎవరు? ఆ అవకాశం ఎవరెవరికి దక్కనుంది? అసలు సుక్కు ఛాయిస్ ఏంటి? రామ్ చరణ్ ఓటు ఎవరికి? ఆ డిటైల్స్‌ అన్నింటి మీద ఓ లుక్కేద్దాం పదండి. ప్రజెంట్ పెద్ది సక్సెస్‌ జోష్‌లో ఉన్న రామ్ చరణ్‌, నెక్ట్స్ సుకుమార్ కెప్టెన్సీలో ఓ సినిమా చేయబోతున్నారు. అయితే ఈ మూవీలో హీరోయిన్ ఎవరనే దానిపై ఆసక్తికర చర్చ నడుస్తోంది. కియారా అద్వాని మరోసారి చరణ్‌కు జోడీగా నటిస్తారన్న టాక్ గట్టిగా వినిపిస్తోంది. కానీ చరణ్, కియారా కాంబినేషన్‌లో వచ్చిన రెండు సినిమాలు డిజాస్టర్స్ కావడంతో ఈ కాంబో విషయంలో ఫ్యాన్స్ కాస్త టెన్షన్‌ పడుతున్నారు. సుకుమార్ తన సెంటిమెంట్‌ను రిపీట్ చేస్తూ పుష్ప బ్యూటీ రష్మిక మందన్నను రంగంలోకి దించే ఛాన్స్ కూడా లేకపోలేదన్న టాక్‌ వినిపిస్తోంది. రామ్ చరణ్, రష్మిక తొలిసారి కలిసి నటిస్తే సినిమాకు స్పెషల్ క్రేజ్ వస్తుంది. మరోవైపు ఆన్‌లైన్‌లో వైరల్ అవుతున్న లేటెస్ట్ బజ్‌ ప్రకారం కన్నడ బ్యూటీ రుక్మిణి వసంత్ పేరు కూడా ఈ హీరోయిన్ల రేసులో ఫ్లాష్ అవుతోంది. మరో వైపు బాలీవుడ్ బ్యూటీస్ కూడా నటించే ఛాన్స్ ఉందన్న టాక్ ఇండస్ట్రీలో నడుస్తోంది. ఆల్రెడీ చరణ్‌తో సూపర్ హిట్ సినిమాల్లో నటించిన జాన్వీ కపూర్, ఆలియా భట్ మరోసారి చరణ్‌తో జోడి కట్టే ఛాన్స్ ఉందన్న అంచనాలు ఉన్నాయి. చరణ్ రీసెంట్ మూవీస్‌లో బాలీవుడ్ భామలే ఎక్కువగా కనిపిస్తుండటంతో.. ఆర్సీ 17కు కూడా నార్త్ బ్యూటీనే ఫైనల్ చేస్తారని ఫ్యాన్స్‌ గట్టిగా నమ్ముతున్నారు. హీరోయిన్ల లిస్ట్ ఇలా ఉంటే.. తాజాగా ఈ సినిమాలో ఓ పవర్‌ఫుల్ రోల్‌లో సౌత్ లేడీ సూపర్ స్టార్ నయనతారను నటిస్తున్నారన్న న్యూస్‌ వైరల్ అవుతోంది. మరి ఫైనల్‌గా వీళ్లందరిలో సుకుమార్ ఛాయిస్ ఏంటి..? రామ్ చరణ్ ఏ కాంబోకు గ్రీన్‌ సిగ్నల్ ఇస్తారు.? తెలియాలంటే మేకర్స్ నుంచి అఫీషియల్ అనౌన్స్‌మెంట్ వచ్చేవరకు వెయిట్ చేయాల్సిందే.

మరిన్ని వీడియోల కోసం ఇక్కడ క్లిక్ చేయండి

Also Watch:

టాలీవుడ్‌లో కాంటెంపరరీ కథలకు బ్రేక్.. స్టార్ హీరోలందరూ పీరియాడిక్, ఫ్యూచరిస్టిక్ బాటే ఎందుకు?

షూటింగ్‌లతో ఫుల్ బిజీ టాలీవుడ్.. స్టార్ హీరోలందరూ సెట్స్‌పైనే

Anupama Parameswaran: ‘నా గొంతు నేనే వినిపిస్తా’.. అనుపమ ఎమోషనల్ పోస్ట్ వెనక అసలు కథ ఏంటి?

Mamitha Baiju: నెల రోజుల్లో మూడు భారీ సినిమాలు.. మమిత బైజు దండయాత్రకు రెడీ!

Ramayana Leak: ‘రామాయణ’ ట్రైలర్ లీక్ వెనక అసలు కథ ఏంటి..? పైరసీనా.. ప్రమోషన్ ప్లానా?

పాన్ ఇండియా లెవల్లో టాలీవుడ్‌ సత్తా చాటుతోంది. కానీ, ఇప్పుడు టాలీవుడ్‌లో వస్తున్న సినిమాలన్నీ ఒకే పాటర్న్‌లో కనిపిస్తున్నాయి. ఒకప్పుడు కాంటెంపరరీ కథలతో బ్లాక్‌బస్టర్స్ ఇచ్చిన మన హీరోలు, ఇప్పుడు పూర్తిగా రూటు మార్చేశారు. కాంటెంపరరీ టైమ్‌ లైన్స్‌ దూరంగా అయితే పీరియాడిక్‌ లేదంటే ఫ్యూచరిస్టిక్ సినిమాలతో ఆడియన్స్‌ ముందుకు వస్తున్నారు. అసలు మన హీరోలు మళ్లీ మన టైమ్‌ లైన్స్‌లో కనిపించేదెప్పుడు..? ప్రస్తుతం టాలీవుడ్‌లో ఎక్కడ చూసినా పీరియాడిక్ లేదా ఫ్యూచరిస్టిక్ కథలతో వస్తున్న సినిమాలే కనిపిస్తున్నాయి. స్టార్ హీరోలంతా మన టైమ్ లైన్స్‌ను వదిలేసి, వందేళ్ల వెనక్కి లేదా వందేళ్ల ముందుకు వెళ్లిపోవడంతో కాంటెంపరరీ కథలు కరువయ్యాయి. కథలో కొత్తదనం పేరుతో రియాలిటీకి దూరంగా ఉండే ఫాంటసీ, సైన్స్ ఫిక్షన్ మూవీస్ చేస్తున్నారు స్టార్స్‌. దీంతో కాంటెంపరరీ కథల్లో మన హీరోలు కనిపించే రోజులు ఎప్పుడొస్తాయా అని ఎదురుచూస్తున్నారు ఫ్యాన్స్‌. బాక్సాఫీస్ దగ్గర భారీ వసూళ్లు రాబట్టిన ‘కల్కి’ సినిమా పూర్తిగా ఫ్యూచరిస్టిక్ టైమ్ లైన్‌లో జరిగిన కథగా ఆడియన్స్‌ ముందుకు వచ్చింది. ఇదే సినిమాలో మహాభారత కాలం నాటి అంశాలతో మైథలాజికల్ టచ్‌ కూడా ఇచ్చారు మేకర్స్‌. ప్రజెంట్ సెట్స్ మీద ఉన్న ‘రాకా’ లాంటి సినిమాలు కూడా అదర్‌ వరల్డ్స్, పీరియాడిక్ సెటప్స్‌లోనే వస్తున్నాయి. పాన్ ఇండియా అప్పీల్, బిగ్ కాన్వాస్ పేరుతో స్టార్స్ అంతా ఇలాంటి కథల వైపే మొగ్గుచూపడంతో, రెగ్యులర్ రియలిస్టిక్ డ్రామాలు తగ్గిపోతున్నాయి. అప్‌కమింగ్ లిస్ట్‌లో పాన్ ఇండియా స్టార్ ప్రభాస్ నటిస్తున్న ‘ఫౌజీ’, ఎన్టీఆర్‌ ‘డ్రాగన్’ లాంటి సినిమాలు కూడా పీరియాడిక్ బ్యాక్‌డ్రాప్‌లోనే రూపొందుతున్నాయి. పాత కాలం నాటి సెట్టింగ్స్, అప్పటి గెటప్స్‌లోనే మన హీరోలు సందడి చేయబోతున్నారు. భారీ యాక్షన్ సీక్వెన్స్‌లు, లార్జర్ దేన్ లైఫ్ ఎలివేషన్స్ కోరుకునే దర్శకులు సినిమాటిక్ లిబర్టీ కోసమే ఇలాంటి టైమ్ లైన్స్ ఎంచుకుంటున్నారా అన్న డౌట్స్ రెయిజ్ అవుతున్నాయి. మన టాలీవుడ్ పరిస్థితి ఇలా ఉంటే, పక్క ఇండస్ట్రీలైన బాలీవుడ్, కోలీవుడ్‌, మాలీవుడ్‌లో మాత్రం స్టార్స్ కొత్త ప్రయోగాలు చేస్తూనే, కాంటెంపరరీ కథల్లో అదరగొడుతున్నారు. కరెంట్ ఇష్యూస్ బేస్ చేసుకుని మన చుట్టూ జరిగే రియలిస్టిక్ కథలతో మ్యాజిక్ చేస్తున్నారు. ఇతర భాషల వాళ్లు ప్రయోగాలను, కాంటెంపరరీ కథలను బ్యాలెన్స్ చేస్తున్నప్పుడు.. మన తెలుగు స్టార్స్ మాత్రం ఈ కథలను పక్కన పెట్టేస్తున్నారు.

మరిన్ని వీడియోల కోసం ఇక్కడ క్లిక్ చేయండి

Also Watch:

షూటింగ్‌లతో ఫుల్ బిజీ టాలీవుడ్.. స్టార్ హీరోలందరూ సెట్స్‌పైనే

Anupama Parameswaran: ‘నా గొంతు నేనే వినిపిస్తా’.. అనుపమ ఎమోషనల్ పోస్ట్ వెనక అసలు కథ ఏంటి?

Mamitha Baiju: నెల రోజుల్లో మూడు భారీ సినిమాలు.. మమిత బైజు దండయాత్రకు రెడీ!

Ramayana Leak: ‘రామాయణ’ ట్రైలర్ లీక్ వెనక అసలు కథ ఏంటి..? పైరసీనా.. ప్రమోషన్ ప్లానా?

Bhagyasree Borse: ‘ఐరెన్ లెగ్’ అంటూ నన్నే ఎందుకు..? హిట్ తర్వాత భాగ్యశ్రీ బోర్సే ఘాటు కౌంటర్!

రుచికి తగ్గట్టే పోషకాల విషయంలోనూ మొక్కజొన్న చాలా ప్రత్యేకం. ఇందులో శరీర జీవక్రియలను వేగవంతం చేసే అనేక రకాల విటమిన్లు దాగి ఉన్నాయి. ముఖ్యంగా విటమిన్ బి6, విటమిన్ ఎ వంటి కీలక విటమిన్లతో పాటు ఐరన్, మెగ్నీషియం, పొటాషియం వంటి అత్యంత ప్రాధాన్యత కలిగిన ఖనిజాలు కూడా మొక్కజొన్నలో అధిక మోతాదులో లభిస్తాయి. ఇవి శరీరానికి తక్షణ శక్తిని ఇవ్వడంతో పాటు రోజంతా ఉత్సాహంగా ఉండేలా చేస్తాయి.

మొక్కజొన్నను మన ఆహారంలో భాగం చేసుకోవడం వల్ల లభించే మరో పెద్ద ప్రయోజనం విటమిన్ సి. ఇది ఒక శక్తివంతమైన యాంటీఆక్సిడెంట్‌గా పనిచేస్తుంది. వర్షాకాలంలో వ్యాపించే రకరకాల ఇన్ఫెక్షన్ల నుండి మనల్ని కాపాడటానికి, రోగనిరోధక వ్యవస్థను బలోపేతం చేయడానికి విటమిన్ సి ఎంతగానో ఉపయోగపడుతుంది. దీనితో పాటు చర్మాన్ని ఆరోగ్యంగా ఉంచడంలో శరీరంలో దెబ్బతిన్న కణాలను పునరుద్ధరించడంలో ఇది ప్రముఖ పాత్ర పోషిస్తుంది.

మనం సాధారణంగా తినే పసుపు రంగు మొక్కజొన్న గింజల్లో కెరోటినాయిడ్స్ అనే సహజ సిద్ధమైన మూలకాలు పుష్కలంగా ఉంటాయి. ఈ కెరోటినాయిడ్లు మన శరీరంలోకి వెళ్లిన తర్వాత విటమిన్ ఎ గా మారతాయి. రేచీకటి, శుక్లాలు వంటి సమస్యలు రాకుండా చూడటంలో, కంటి చూపును సుదీర్ఘకాలం పాటు పదునుగా ఉంచడంలో విటమిన్ ఎ అద్భుతమైన ప్రయోజనాలను అందిస్తుంది. కంటి ఆరోగ్యంతో పాటు ఇది శరీర దైవిక రక్షణ వ్యవస్థకు కూడా ఎంతో మేలు చేస్తుంది.

మొక్కజొన్నలో ఉండే పొటాషియం రక్తపోటును నియంత్రణలో ఉంచడానికి సహాయపడితే, ఇనుము శరీరంలో రక్తం కొరత ఏర్పడకుండా చూస్తుంది. అలాగే మెగ్నీషియం ఎముకల దృఢత్వానికి, నరాల పనితీరుకు తోడ్పడుతుంది. అందువల్ల వర్షాకాలంలో వచ్చే చిన్న చిన్న అనారోగ్య సమస్యలను తట్టుకోవడానికి, శరీరానికి తగినంత బలాన్ని సమకూర్చుకోవడానికి మొక్కజొన్న ఒక ప్రకృత్య సిద్ధమైన ఔషధంగా పనిచేస్తుంది.

మొత్తంగా చూస్తే, వర్షాకాలపు సాయంత్ర వేళల్లో తినే సరదా చిరుతిండిగా మాత్రమే కాకుండా సమగ్ర ఆరోగ్యానికి అవసరమైన విటమిన్ల గనిగా మొక్కజొన్న నిలుస్తుంది. రుచిని ఆస్వాదిస్తూనే, శరీరానికి కావలసిన విటమిన్ బి6, విటమిన్ ఎ, విటమిన్ సి, అత్యవసర ఖనిజాలను పొందడానికి మొక్కజొన్నను మీ దైనందిన ఆహారంలో భాగం చేసుకోవడం ఎంతో మంచిది.

Team India England Tour: భారత క్రికెట్ రంగానికి ఐర్లాండ్, ఇంగ్లాండ్ పర్యటనలు అత్యంత చేదు జ్ఞాపకాన్ని మిగిల్చింది. సీనియర్ల గైర్హాజరు, బాధ్యతారాహిత్యం, పదే పదే చేస్తున్న ప్రయోగాల కారణంగా టీమిండియా ఇంగ్లాండ్ గడ్డపై ఘోర పరాజయాన్ని చవిచూసింది. ఓటమి కంటే కూడా జట్టు యాజమాన్యం తీరు, ఆటగాళ్ల ఎంపిక విధానం ఇప్పుడు తీవ్ర విమర్శలకు తావిస్తోంది. అభిమానుల్లో తీవ్ర ఆందోళన రేకెత్తిస్తున్న ఈ వరుస వైఫల్యాల వెనుక ఉన్న అసలు కారణాలేంటో విశ్లేషిద్దాం.

గతంలో ఇంగ్లాండ్ పరిస్థితుల్లో అద్భుతంగా రాణించిన చరిత్ర కలిగిన భారత జట్టు, ఈసారి మాత్రం దారుణంగా తడబడింది. గౌతమ్ గంభీర్ కోచింగ్ పర్యవేక్షణలో బరిలోకి దిగిన టీమిండియా, పర్యటనలో ఆడిన 8 మ్యాచ్‌ల్లోనూ దారుణ ప్రదర్శన చేసింది.

ఇదికూడా చదవండి: ఆల్‌రౌండర్ మోజులో అసలైన వికెట్ టేకర్ బలి.. భారత్ కొంపముంచుతోన్న గంభీర్ మొండి పట్టుదల

ఐదు మ్యాచ్‌ల టీ20 సిరీస్‌లో ఒక మ్యాచ్ వర్షం కారణంగా రద్దు కాగా, మిగిలిన నాలుగు మ్యాచ్‌ల్లోనూ భారత్ ఓటమి పాలైంది. ఆ తర్వాత జరిగిన మూడు మ్యాచ్‌ల వన్డే సిరీస్‌ను కూడా 1-2తో ఇంగ్లాండ్‌కు అప్పగించింది. పరుగుల వేటలో బ్యాటర్లు విఫలమవ్వడమే కాకుండా, బౌలింగ్ విభాగంలోనూ ఇంగ్లాండ్ ఆటగాళ్లే పూర్తి ఆధిపత్యం చెలాయించారు.

ఈ వరుస ఓటములకు ప్రధాన కారణం ప్రధాన కోచ్ గౌతమ్ గంభీర్, చీఫ్ సెలెక్టర్ అజిత్ అగార్కర్ తీసుకుంటున్న నిర్ణయాలేనని నెటిజన్లు, క్రికెట్ విశ్లేషకులు మండిపడుతున్నారు. రోహిత్ శర్మ, విరాట్ కోహ్లీ (రో-కో) వంటి దిగ్గజ ఆటగాళ్లను జట్టు నుంచి ఎలా సాగనంపాలనే అంశంపై పెట్టిన శ్రద్ధను, జట్టు విజయం సాధించడంపై పెట్టి ఉంటే ఈ పరిస్థితి వచ్చేది కాదని అభిప్రాయపడుతున్నారు.

ఇదికూడా చదవండి: టీమిండియా పరువు తీశారుగా.. ఆ ఒక్కడిని పక్కనపెట్టి పెద్ద తప్పు చేశారయ్యా గంభీర్..!

సూర్యకుమార్ యాదవ్ సారథ్యంలో భారత్ టీ20 ప్రపంచకప్ గెలిచినప్పటికీ, ఆ తర్వాత టెస్టులు, వన్డేలు, టీ20లలో వరుసగా దెబ్బమీద దెబ్బ తగులుతోంది. ముఖ్యంగా కోచ్ గంభీర్‌కు నచ్చిన వారు, కెప్టెన్ శుభ్‌మన్ గిల్‌కు అత్యంత సన్నిహితులు, శ్రేయస్ అయ్యర్, సెలెక్టర్ అగార్కర్‌లకు నచ్చిన ఆటగాళ్లను మాత్రమే జట్టులోకి తీసుకుంటున్నారనే విమర్శలు బలంగా వినిపిస్తున్నాయి.

విదేశీ గడ్డపై ఆడి అనుభవం ఉన్న మహమ్మద్ షమీ, భువనేశ్వర్ కుమార్ లాంటి దిగ్గజ బౌలర్లను పక్కనపెట్టి, అనుభవం లేని యువ ఆటగాళ్లను ఎంపిక చేయడం తీవ్ర ప్రతికూలంగా మారింది. జస్ప్రీత్ బుమ్రా మినహా ఇంగ్లీష్ కండిషన్స్ లో వికెట్లు తీయగల బౌలర్ ఒక్కడు కూడా కనిపించలేదు.

మరొకవైపు బ్యాటింగ్ విభాగంలో ఆటగాళ్లకు నిర్దిష్టమైన స్థానం లేకుండా పదే పదే బ్యాటింగ్ ఆర్డర్ మార్చడం వారి ఏకాగ్రతను, ఆత్మవిశ్వాసాన్ని దెబ్బతీసింది. దీంతో ఏ ఒక్క ఆటగాడు కూడా క్రీజులో నిలదొక్కుకోలేకపోయాడు.

మరిన్ని క్రికెట్ వార్తల కోసం ఇక్కడ క్లిక్ చేయండి

వంటింట్లో సులభంగా అందుబాటులో ఉంటుందని చాలామంది వంట నూనె సీసాలను స్టవ్ పక్కనే ఉంచుతుంటారు. కానీ, ఇది తీవ్రమైన ఆరోగ్య సమస్యలకు దారితీసే పెద్ద పొరపాటు అంటున్నారు ఆరోగ్య నిపుణులు.. ఎందుకంటే..వంట చేసేటప్పుడు స్టవ్ నుంచి వచ్చే విపరీతమైన వేడి, సెగ నూనె సీసాపై నిరంతరం పడుతుంటాయి. ఈ అధిక ఉష్ణోగ్రత వల్ల నూనెలోని యాంటీఆక్సిడెంట్లు, ఆరోగ్యకరమైన కొవ్వులు వేగంగా విచ్ఛిన్నమై నాశనమవుతాయి.

వేడి, వెలుతురు ప్రభావం వల్ల నూనె త్వరగా ఆక్సీకరణకు గురవుతుంది. దీనివల్ల నూనె రంగు మారడం, వికారమైన దుర్వాసన రావడం జరుగుతుంది. ఇలా పాడైన నూనెతో వండిన ఆహారం రుచి తగ్గడమే కాక, కడుపులో ఎసిడిటీ, గ్యాస్, జీర్ణ సమస్యలకు దారితీస్తుంది.

ఎక్కువమంది నూనెను ప్లాస్టిక్ సీసాలలోనే నిల్వ చేస్తుంటారు. స్టవ్ వేడికి ప్లాస్టిక్ కరిగి, అందులోని BPA (బిస్‌ఫెనాల్-ఎ) వంటి ప్రమాదకరమైన రసాయనాలు నూనెలో కలిసే అవకాశం ఉంది. ఇది దీర్ఘకాలంలో హార్మోన్ల అసమతుల్యతకు, ఇతర తీవ్ర ఆరోగ్య రుగ్మతలకు కారణమవుతుంది.

వంట నూనెను ఎప్పుడూ ప్రత్యక్ష సూర్యకాంతి, వేడి తగలని చల్లని, పొడి ప్రదేశంలో ఉంచాలి. కిచెన్ క్యాబినెట్ లేదా తలుపులు ఉన్న షెల్ఫ్‌లు దీనికి సరైన ప్రదేశాలు. అలాగే, వంట నూనెను ప్లాస్టిక్ డబ్బాల్లో కాకుండా గాజు లేదా స్టీలు సీసాలలో భద్రపరచుకోవడం ఎంతో సురక్షితం. లేదంటే, గాలిలోని ఆక్సిజన్ తగిలితే నూనె త్వరగా పాడవుతుంది. కాబట్టి, వాడిన వెంటనే మూతను గట్టిగా మూసి ఉంచాలి.

ఆరోగ్యకరమైన నూనెను ఎంచుకోవడం ఎంత ముఖ్యమో, దాన్ని సరైన పద్ధతిలో నిల్వ చేయడం కూడా అంతే ముఖ్యం. ఇకపై వంట నూనె సీసాను స్టవ్‌కు దూరంగా ఉంచి, మీ కుటుంబ ఆరోగ్యానికి రక్షణగా నిలవండి.

రాజస్థాన్‌లో చోటుచేసుకున్న ఓ దారుణ ఘటన స్థానికంగా తీవ్ర కలకలం రేపింది. ఝున్‌ఝును జిల్లా సూరజ్‌గఢ్ పోలీస్ స్టేషన్ పరిధిలోని అగ్వానా ఖుర్ద్ గ్రామ పంచాయతీ పరిధిలో ఉన్న ఫొగటా కా బస్ ప్రాంతంలో ఓ మహిళ మృతదేహం ట్రంకులో లభించడం సంచలనం సృష్టించింది. ఈ ఘటన వెలుగులోకి రావడంతో గ్రామస్తులు పెద్ద సంఖ్యలో అక్కడికి చేరుకోగా, పోలీసులు వెంటనే రంగంలోకి దిగి దర్యాప్తు ప్రారంభించారు.

పోలీసుల వివరాల ప్రకారం, మృతురాలిని సిలోచనగా గుర్తించారు. కుటుంబ సభ్యులు ఆమె భర్త కృష్ణపై తీవ్ర ఆరోపణలు చేశారు. మహిళను హత్య చేసిన అనంతరం మృతదేహాన్ని ఇంట్లోని ట్రంకులో దాచిపెట్టినట్లు వారు అనుమానం వ్యక్తం చేస్తున్నారు. అయితే ఈ ఆరోపణలు నిజమా కాదా అనే విషయాన్ని పోలీసులు దర్యాప్తు చేస్తున్నారు. సమాచారం అందుకున్న సూరజ్‌గఢ్ పోలీస్ స్టేషన్ ఇన్‌చార్జ్ రామ్ సింగ్ యాదవ్ ఆధ్వర్యంలో పోలీసు బృందం ఘటనాస్థలానికి చేరుకుంది. ఇంట్లోని పరిస్థితులను పరిశీలించిన పోలీసులు ఆధారాలను సేకరించారు. అనంతరం మృతదేహాన్ని స్వాధీనం చేసుకుని, పోస్టుమార్టం కోసం కమ్యూనిటీ హెల్త్ సెంటర్ మార్చురీకి తరలించారు.

ప్రాథమిక విచారణలో మహిళ మృతదేహం సుమారు మూడు రోజుల పాటు ట్రంకులో ఉన్నట్లు అనుమానిస్తున్నారు. ఈ వ్యవహారంపై పోలీసులు కుటుంబ సభ్యులు, బంధువులు, స్థానికులను విచారిస్తున్నారు. ఘటనకు సంబంధించిన ఆధారాలు, సాక్ష్యాలను సేకరించి అన్ని కోణాల్లో దర్యాప్తు కొనసాగిస్తున్నారు. మహిళ మరణానికి అసలు కారణం పోస్టుమార్టం నివేదిక తర్వాత స్పష్టమయ్యే అవకాశం ఉందని పోలీసులు తెలిపారు. భర్తపై వచ్చిన హత్య ఆరోపణల నేపథ్యంలో పోలీసులు ప్రత్యేకంగా విచారణ చేపట్టారు. దర్యాప్తులో ఆధారాలు లభిస్తే చట్టపరమైన చర్యలు తీసుకుంటామని అధికారులు తెలిపారు.

ఈ ఘటనతో అగ్వానా ఖుర్ద్ గ్రామంలో విషాదం నెలకొంది. మహిళ మృతదేహం ట్రంకులో బయటపడటం స్థానికులను తీవ్ర దిగ్భ్రాంతికి గురిచేసింది. నిందితులు ఎవరైనా ఉంటే వారిపై కఠిన చర్యలు తీసుకోవాలని గ్రామస్తులు డిమాండ్ చేస్తున్నారు.

మరిన్ని క్రైమ్ వార్తల కోసం ఇక్కడ క్లిక్ చేయండి..

చిన్నారులకు మంచి అలవాట్లు, నిజాయితీ, కష్టపడి పనిచేసే తత్వం నేర్పించే నీతి కథలు ఎప్పటికీ ప్రత్యేకమే. అలాంటి నీతి కథల్లో ‘సోమరి గాడిద కథ’ ఒకటి. మనం చేసే పనిలో నిజాయితీ, కష్టపడే తత్వం ఉండాలి. ఇవి లేకుంటే ఏదో ఒకరోజు మన ఉపాయమే మనకు ముప్పుగా మారుతుంది. చురుకుదనం లేక బద్ధకంతో పని నుంచి తప్పించుకోవాలని అతి తెలివి చూపితే చివరికి అదే ఉపాయం వారికి కష్టాలు తెచ్చిపెడుతుందనే గొప్ప సందేశాన్ని ఈ కథ ఇస్తోంది.

ఒక ఊరిలో బోలా అనే వ్యాపారి ఉండేవాడు. అతని వద్ద ఖండ్యా అనే గాడిద ఉండేది. బోలా ఎంతో దయగల యజమాని. గాడిదకు సరిపడా ఆహారం పెట్టి, ప్రేమగా చూసుకునేవాడు. అయితే ఖండ్యా మాత్రం చాలా సోమరి. పని చేయకుండా ఎలాగైనా తప్పించుకోవాలని ఎప్పుడూ ఆలోచించేది. ఒకరోజు బోలా గాడిద వీపుపై ఉప్పు బస్తాలు వేసుకుని సంతకు బయలుదేరాడు. మార్గమధ్యంలో ఒక చిన్న వాగును దాటాల్సి వచ్చింది. వాగు దాటుతుండగా గాడిద కాలు జారి నీటిలో పడిపోయింది. బస్తాల్లోని ఉప్పు నీటిలో కరిగిపోవడంతో గాడిద వీపుపై ఉన్న బరువు ఒక్కసారిగా తగ్గిపోయింది.

వాగు నుంచి బయటకు వచ్చిన గాడిదకు చాలా తేలికగా అనిపించింది. దీంతో అది ఒక ఉపాయం ఆలోచించింది.”ప్రతిరోజూ ఇలా నీటిలో పడితే బస్తాల బరువు తగ్గిపోతుంది. ఇక నాకు కష్టం ఉండదు” అని గాడిద అనుకుంది. ఆ తర్వాత ప్రతిసారి వాగు దాటేటప్పుడు కావాలనే గాడిద ఆ నీటిలో పడటం ప్రారంభించింది. ఉప్పు కరిగిపోవడంతో యజమాని బోలాకు రోజూ నష్టం వాటిల్లింది. కొన్ని రోజుల తర్వాత గాడిద కావాలనే ఇలా చేస్తోందని బోలా గ్రహించాడు. వెంటనే దానికి మంచి గుణపాఠం చెప్పాలని నిర్ణయించుకున్నాడు.

మరుసటి రోజు బోలా ఉప్పు బస్తాల బదులుగా పత్తి బస్తాలను గాడిద వీపుపై మోపాడు. ఇది తెలియని గాడిద మళ్లీ తన పాత అలవాటు ప్రకారం వాగులో పడిపోయింది. కానీ ఈసారి పరిస్థితి పూర్తిగా మారిపోయింది. పత్తి నీటిని పీల్చుకుని చాలా బరువుగా మారింది. గాడిద ఆ భారాన్ని మోయలేక నీటి నుంచి పైకి రావడానికి తీవ్రంగా ఇబ్బంది పడింది. కొద్దిసేపు అది పడిన కష్టాన్ని చూసిన బోలా చివరకు గాడిదను బయటకు తీసుకొచ్చాడు. తన అతి తెలివి చివరికి తనకే శిక్షగా మారిందని గాడిద అర్థం చేసుకుంది. ఆ రోజు నుంచి బద్ధకాన్ని పూర్తిగా వదిలేసి, నిజాయితీగా పని చేయడం ప్రారంభించింది. యజమాని చెప్పిన గుణపాఠాన్ని జీవితాంతం గుర్తుంచుకుంది.

బద్ధకం ఎప్పటికీ విజయాన్ని ఇవ్వదు. వంకర ఉపాయాలు చివరికి మనల్నే ఇబ్బందుల్లో పడేస్తాయి. నిజాయితీగా, కష్టపడి పనిచేసేవారే జీవితంలో విజయం సాధిస్తారు. తాత్కాలిక లాభం కోసం చేసే మోసం శాశ్వత నష్టాన్ని కలిగిస్తుంది. ‘సోమరి గాడిద కథ’ చిన్నారులకు మాత్రమే కాదు, పెద్దలకు కూడా జీవితంలో నిజాయితీ, కష్టపడి పనిచేయడం ఎంత ముఖ్యమో గుర్తుచేసే అద్భుతమైన నీతి కథ. సమస్యల నుంచి తప్పించుకోవడానికి అడ్డదారులు వెతకకుండా, బాధ్యతతో పని చేస్తేనే నిజమైన విజయం లభిస్తుందని ఈ కథ స్పష్టంగా చెబుతోంది.

తమిళనాడు ముఖ్యమంత్రి, అగ్ర కథానాయకుడు విజయ్‌ ‘జన నాయకుడు’ సినిమా కోసం సినీ ప్రేక్షకులు ఎంతో ఆసక్తిగా ఎదురు చూస్తున్నారు. హెచ్‌.వినోద్‌ దర్శకత్వం వహించిన ఈ చిత్రంలో పూజా హెగ్డే, బాబీ డియోల్, మమితా బైజు కీలక పాత్రలు పోషించారు. కేవీఎన్ ప్రొడక్షన్స్ బ్యానర్ పై వెంకట్ కె. నారాయణ ప్రతిష్టాత్మకంగా నిర్మించారు. భారీ అంచనాలు వున్న ఈ చిత్రం జులై 23న ప్రపంచవ్యాప్తంగా గ్రాండ్ గా రిలీజ్ కానుంది. ఈ సందర్భంగా నిర్మాత వెంకట్ కె. నారాయణ విలేకరుల సమావేశంలో సినిమా విశేషాలు పంచుకున్నారు.

ఈ సినిమా రిలీజ్ విషయంలో కొన్ని ఇబ్బందులు ఎదుర్కొన్నారు కదా? మీరు ముందుగానే ఊహించారా?

ముందుగానే కొన్ని ఇబ్బందులు రావొచ్చని మేము అనుకున్నాం. విజయ్ గారు కూడా, “ఇది నా చివరి సినిమా. దీని తర్వాత పూర్తిగా రాజకీయాల్లోకి వెళ్తున్నాను. అందువల్ల కొన్ని సమస్యలు వచ్చే అవకాశం ఉంది” అని ముందే చెప్పారు. అయితే రిలీజ్ సమయంలో థియేటర్స్ విషయంలో కొన్ని అడ్డంకులు రావచ్చని మాత్రమే భావించాం. కానీ మేము ఊహించని కొన్ని పరిస్థితులు వచ్చాయి. జీవితం ఎప్పుడూ ఊహించని మలుపులు తీసుకుంటుంది. జనవరిలో విడుదల కావాల్సిన సినిమా ఇప్పుడు జులై 23కి వచ్చింది. మొత్తంగా చూస్తే రిలీజ్, పైరసీ, కోర్టు వ్యవహారాలు… ఇలా ఇన్ని సమస్యలు ఎదురవుతాయని మేము అసలు ఊహించలేదు. కాకపొతే ఇందులో మంచిని కూడా చూడాలంటే విజయ్ గారు ముఖ్యమంత్రి అయిన తర్వాత సినిమా వస్తోంది. అది అభిమానులకు మరింత ఉత్సాహం ఇస్తుంది.

మీరు బిజినెస్‌లో ఎంతో ఉన్నత స్థాయికి వెళ్లారు.సినిమాల్లోకి రావాలనే ఆలోచన ఎలా వచ్చింది?

నాకు చిన్నప్పటి నుంచే సినిమాలంటే చాలా ఇష్టం. అకాడమిక్ పుస్తకాల్లో దొరకని ఎన్నో గొప్ప విషయాలు సినిమాల్లో ఉంటాయి. పాటలు, లిరిక్స్, కథలు… ఇవన్నీ మన జీవితంపై ఎంతో ప్రభావం చూపుతాయి. ఇటీవల విడుదలైన పెద్ది సినిమాలో “ఒకేలాగే బతికేయడానికి ఇంత పెద్ద జన్మ ఎందుకు?” అనే డైలాగ్ ఉంది. ఆ డైలాగ్ నాకు చాలా నచ్చింది. ఇలాంటి గొప్ప ఆలోచనలను సమాజానికి సినిమాల ద్వారానే బలంగా చెప్పొచ్చు. బిజినెస్‌లో ఎన్నో బాధ్యతలు నిర్వహించిన తర్వాత కూడా నా బకెట్ లిస్ట్‌లో సినిమా రంగంలోకి రావడం ఒక లక్ష్యంగా పెట్టుకున్నాను. నాకు స్ఫూర్తిని ఇచ్చన అందరితో పని చేయాలని ఈ ప్రయాణం చేస్తున్నాను,

కోవిడ్ సమయంలో సినీ పరిశ్రమలో అడుగుపెట్టారు కదా?

-కోవిడ్ కారణంగా చాలా మంది ఇంపాక్ట్ అయ్యారు. ఆ సమయంలో మేము కేవీఎన్ ద్వారా’ఫీడ్ మై సిటీ’ కార్యక్రమాన్ని ప్రారంభించాం. కోవిడ్ కారణంగా ఉపాధి కోల్పోయినవారికి, రోజువారీ కూలీలకు భోజనం అందించాం. సుమారు 45 రోజుల పాటు ఈ కార్యక్రమాన్ని కొనసాగించి లక్షలాది మందికి ఆహారం అందించగలిగాం. ఆ సేవా కార్యక్రమం మా జీవితంలో ఎంతో సంతృప్తిని ఇచ్చిన అనుభవంగా నిలిచిపోయింది.

కోవిడ్ సమయంలో సినిమా పరిశ్రమ కూడా తీవ్రంగా నష్టపోయింది. మా చుట్టుపక్కల కూడా సినీ పరిశ్రమకు చెందిన వాళ్లు ఉండేవారు. వాళ్లతో మాట్లాడినప్పుడు ఎన్ని సినిమాలు ఆగిపోయాయో, ఎంతమంది ఉపాధి కోల్పోయారో తెలిసింది. అప్పుడే మనం కూడా ఈ పరిశ్రమకు ఏదైనా చేయాలనే ఆలోచన వచ్చింది. ముందుగా ఫిల్మ్ ఫైనాన్స్, ఆ తర్వాత డిస్ట్రిబ్యూషన్‌లోకి అడుగుపెట్టాం. రాజమౌళి గారి ‘ఆర్‌ఆర్‌ఆర్’ సినిమాను కర్ణాటకలో డిస్ట్రిబ్యూట్ చేశాం. రాజమౌళి గారు, వారి కుటుంబం అంటే నాకు ఎంతో గౌరవం. డిస్ట్రిబ్యూషన్‌ తర్వాత ప్రొడక్షన్‌లోకి కూడా అడుగుపెట్టాం.

విజయ్ గారితో మీ ప్రయాణం ఎలా మొదలైంది?

ఇది నా తొలి తమిళ సినిమా. విజయ్ గారి మేనేజర్‌తో నాకు ముందే పరిచయం ఉంది. ‘లియో’ సినిమా సమయంలో మా మధ్య చర్చలు జరిగాయి. గోట్ తర్వాత విజయ్ గారు మరో సినిమా చేయబోతున్నారని తెలిసింది. ఆయన సినిమాలు నాకు చాలా ఇష్టం. అందుకే ఆయన మేనేజర్‌కు నా ఆసక్తిని చెప్పాను. ఒక్క మీటింగ్‌లోనే ఈ సినిమా ఓకే అయింది. అలా విజయ్ గారితో నా ప్రయాణం ప్రారంభమైంది.

‘భగవంత్ కేసరి’ సినిమాను ‘జన నాయకుడు’కు ఇన్‌స్పిరేషన్‌గా తీసుకోవాలనే ఆలోచన ఎవరిది?

‘భగవంత్ కేసరి’ సినిమా విజయ్ గారికి చాలా నచ్చింది. నాకు కూడా చాలా ఇష్టం. అందులోని రెండు సన్నివేశాలను మాత్రమే ఇన్‌స్పిరేషన్‌గా తీసుకుని, మిగతా కథ మొత్తం కొత్త ప్రపంచంలో సాగేలా రూపొందించాం. ఈ విషయంపై అనిల్ గారితో కూడా మాట్లాడాం. పూర్తిగా కొత్త సబ్జెక్ట్‌ను ప్రేక్షకుల ముందుకు తీసుకురావాలనే ఉద్దేశంతో పని చేశాం. ట్రైలర్‌ను కూడా చాలా నిజాయితీగా కట్ చేశాం. ‘భగవంత్ కేసరి’లోని రెండు సన్నివేశాల ప్రభావం ఉందనే విషయాన్ని దాచలేదు. అయితే ట్రైలర్ చూసి ఒక అభిప్రాయం ఏర్పడొచ్చు. కానీ సినిమా చూస్తే పూర్తిగా కొత్త ప్రపంచం, కొత్త కాన్ఫ్లిక్ట్ కనిపిస్తుంది. అమ్మాయిని ఆర్మీలో జాయిన్ చేయాలనే థ్రెడ్ తప్పితే మిగతాదంతా పూర్తిగా కొత్త కథ. ఓపెన్ మైండ్‌తో చూస్తే సినిమా కొత్త అనుభూతిని ఇస్తుంది. ఎమోషనల్‌గా కూడా ప్రేక్షకులతో బలంగా కనెక్ట్ అవుతుంది.

సెన్సార్ విషయంలో చాలా ఇబ్బందులు వచ్చాయి కదా? బాధపడ్డారా?

ఇందులో గర్ల్ చైల్డ్ ఎంపవర్‌మెంట్, సమాజంలో మార్పు తీసుకురావాలనే సందేశం ఉంది. భగవంత్ కేసరికి జాతీయ అవార్డు కూడా అందుకుంది. అలాంటి స్ఫూర్తితో వస్తున్న ఈ సినిమాకు మొదట మా సినిమాకు U/A సర్టిఫికెట్ ఇచ్చి, తర్వాత A సర్టిఫికెట్ ఇవ్వడం కొంచెం బాధ కలిగించింది. ఎందుకంటే ఈ సినిమా యువతను ప్రేరేపించేలా, ఆలోచింపజేసేలా ఉంటుంది. ఎక్కువ మంది కుటుంబాలతో కలిసి చూస్తే ఆ సందేశం మరింత మందికి చేరేది. అయితే సెన్సార్ బోర్డు తమ అభిప్రాయం ప్రకారం నిర్ణయం తీసుకుంది.

ఈ సినిమా రిలీజ్ చాలా ఆలస్యమైంది కదా? నిర్మాతగా ఎలాంటి ఇబ్బందులు ఎదుర్కొన్నారు?

-ఇంత పెద్ద సినిమా అనుకున్న సమయానికి విడుదల కాకపోతే నిర్మాతగా ఎలాంటి ఇబ్బందులు వస్తాయో అవన్నీ సహజంగా వస్తాయి. నిర్మాత ఒక్కరిపైనే కాదు… మొత్తం సినిమా ఎకోసిస్టమ్‌పై దీని ప్రభావం పడుతుంది.

-మన గమ్యం గొప్పగా ఉన్నప్పుడు, ఆ ప్రయాణం కూడా కొన్నిసార్లు కఠినంగానే ఉంటుంది. గొప్ప విజయాలు ఎప్పుడూ సులభంగా రావు. దేవుడు యుధం తర్వాతే కిరీటం ఇస్తాడు. పోరాటాలను దాటిన తర్వాతే విజయం దక్కుతుంది.

ముఖ్యమంత్రి అయిన తర్వాత విజయ్ గారి నుంచి వస్తున్న తొలి సినిమా ఇది. అంచనాలు ఇంకా పెరుగుతాయని భావిస్తున్నారా?

ఖచ్చితంగా. తమిళనాడు ముఖ్యమంత్రిగా బాధ్యతలు చేపట్టిన తర్వాత విజయ్ గారి సినిమా థియేటర్లలో విడుదల కావడం ప్రేక్షకులకు, అభిమానులకు ఒక ప్రత్యేకమైన అనుభూతి. ఈ తరం ప్రేక్షకులకు ఒక ముఖ్యమంత్రి నటించిన సినిమాను థియేటర్‌లో చూసే అవకాశం రావడం చాలా అరుదు. కచ్చితంగా ఇది ప్రతి ఒక్కరికీ మెమొరబుల్ మూమెంట్ అవుతుంది.

విజయ్ గారు చాలా డిసిప్లిన్ ఉన్న వ్యక్తి. ఆయనతో కలిసి పని చేయడం గొప్ప అనుభవం. అనుకున్న సమయానికి తన పనిని పూర్తి చేస్తారు. ఆయనతో వర్క్ చేయడం నిజంగా ఎంతో ఆనందాన్ని ఇచ్చింది.

ఈ సినిమా విజయ్ గారి అభిమానులకు ఎలాంటి అనుభూతిని ఇస్తుందని భావిస్తున్నారు?

ఈ సినిమా విజయ్ గారి అభిమానులకు కచ్చితంగా ఒక మెమొరబుల్ ఎక్స్‌పీరియన్స్ ఇస్తుంది. ప్రపంచవ్యాప్తంగా సుమారు 7,000 నుంచి 8,000 స్క్రీన్స్లో సినిమాను విడుదల చేస్తున్నాం. విజయ్ గారి సినీ ప్రయాణానికి ఓ ట్రిబ్యూట్‌లా ఉండేలా ప్లాన్ చేశాం.

విజయ్ గారితో మళ్లీ సినిమా చేసే అవకాశం ఉందా?
ప్రస్తుతం విజయ్ గారి దృష్టంతా ప్రజా సేవపైనే ఉంది. ప్రజల జీవితాలను మెరుగుపరచడానికి ఆయన పూర్తిస్థాయిలో కష్టపడుతున్నారు. ఈ పరిస్థితుల్లో ఆయన మళ్లీ సినిమాలు చేసే అవకాశం ఉంటుందని నేను అనుకోవడం లేదు. ఒకవేళ భవిష్యత్తులో అలాంటి అవకాశం వస్తే మాత్రం తప్పకుండా ఆయనతో మరో సినిమా చేయాలని ఉంటుంది.

-చాలా మందిని జీవితంలో కలుస్తాం. కానీ కొందరి వ్యక్తిత్వం మాత్రం ఎప్పటికీ గుర్తుండిపోతుంది. విజయ్ గారు అలాంటి వ్యక్తి.

-ఆయన నాకు ఒక ముఖ్యమైన బాధ్యత కూడా అప్పగించారు. నా అనుభవాన్ని ఉపయోగించి ఆ బాధ్యతను నిజాయితీగా నిర్వర్తించడానికి ప్రయత్నిస్తున్నాను.

చిరంజీవి గారితో చేస్తున్న సినిమా గురించి?
నాకు చిన్నప్పటి నుంచి చిరంజీవి గారంటే చాలా అభిమానం. ఆయన సినిమాలు, ఆయన ప్రయాణం నాకు స్ఫూర్తి. ముఖ్యంగా ఆయన సినిమాల్లోని పాటలు, సందేశాలు జీవితంలో ముందుకు వెళ్లడానికి ఎంతో ప్రేరణ ఇచ్చాయి. అందుకే నేను తెలుగులో సినిమా చేస్తే మొదట చిరంజీవి గారితోనే చేయాలని ముందే నిర్ణయించుకున్నాను. ఇప్పుడు ఆయనతో సినిమా చేసే అవకాశం రావడం చాలా ఆనందంగా ఉంది. సినిమా చాలా అద్భుతంగా వస్తోంది.

India vs Sri Lanka Test Series 2026: ఐపీఎల్ ముగిసినప్పటి నుంచి వరుస వన్డేలు, టీ20 మ్యాచ్‌లతో బిజీగా గడిపిన భారత క్రికెట్ జట్టు, త్వరలోనే సంప్రదాయ టెస్టు సమరానికి సిద్ధమవుతోంది. వచ్చే నెలలో శ్రీలంకతో జరగనున్న రెండు మ్యాచ్‌ల టెస్టు సిరీస్ కోసం భారత నియంత్రణ మండలి (బీసీసీఐ) ఈ వారంలోనే ప్రకటన విడుదల చేసే అవకాశం ఉంది. జట్టులోకి కీలక సీనియర్లు తిరిగి రానుండటంతో అభిమానుల్లో విపరీతమైన ఆసక్తి నెలకొంది.

శ్రీలంకతో జరగబోయే కీలకమైన టెస్టు పోరు కోసం సీనియర్ వేగపంథ్ బౌలర్ జస్ప్రీత్ బుమ్రా, ఆల్‌రౌండర్ రవీంద్ర జడేజాలు మళ్లీ జట్టులోకి అడుగుపెడుతుండటం ఎంతో ఊరటనిచ్చే అంశం. వీరితో పాటు మహమ్మద్ సిరాజ్, ప్రసిద్ధ్ కృష్ణ, చైనామన్ స్పిన్నర్ కుల్దీప్ యాదవ్‌ల ఎంపిక కూడా దాదాపు ఖాయంగా కనిపిస్తోంది.

ఇదికూడా చదవండి: టీమిండియా పరువు తీశారుగా.. ఆ ఒక్కడిని పక్కనపెట్టి పెద్ద తప్పు చేశారయ్యా గంభీర్..!

అయితే, తీవ్ర గాయం కారణంగా ఇంగ్లాండ్ సిరీస్‌కు దూరమైన ఆల్‌రౌండర్ వాషింగ్టన్ సుందర్ ఈ టెస్టు సిరీస్‌కు కూడా అందుబాటులో ఉండటం అనుమానంగా మారింది. మరోవైపు గాయం నుంచి పూర్తిగా కోలుకున్న తెలుగు ఆల్‌రౌండర్ నితీష్ కుమార్ రెడ్డి తిరిగి భారత స్క్వాడ్‌లో చోటు దక్కించుకునేందుకు సిద్ధంగా ఉన్నాడు.

శుభ్‌మన్ గిల్ సారథ్యంలోని టీమిండియా ఇటీవల స్వదేశంలో న్యూజిలాండ్, దక్షిణాఫ్రికా చేతుల్లో అనూహ్యంగా టెస్టు సిరీస్‌లను కోల్పోయి తీవ్ర విమర్శలు ఎదుర్కొంది. అఫ్గానిస్థాన్‌తో జరిగిన ఏకైక టెస్టులో భారీ విజయం సాధించినప్పటికీ, ఆ ఓటముల భారం జట్టును వెంటాడుతోంది.

ఇదికూడా చదవండి: ఆల్‌రౌండర్ మోజులో అసలైన వికెట్ టేకర్ బలి.. భారత్ కొంపముంచుతోన్న గంభీర్ మొండి పట్టుదల

ఈ నేపథ్యంలో, పాత పరాభవాలను మరిచిపోయి కొలంబో, గాలే మైదానాల్లో ఆధిపత్యం చెలాయించాలని భారత్ పట్టుదలతో ఉంది. శ్రీలంక పర్యటనలో భాగంగా తొలి టెస్టు మ్యాచ్ ఆగస్టు 15 నుంచి 19 వరకు గాలే వేదికగా జరగనుంది. అలాగే రెండో టెస్టు మ్యాచ్ ఆగస్టు 23 నుంచి 27 వరకు కొలంబోలో నిర్వహించేందుకు షెడ్యూల్ ఖరారైంది.

ఈ సిరీస్ కోసం అనుభవజ్ఞులు, యువ రక్తం కలయికతో పటిష్టమైన 15 మంది సభ్యుల జట్టును బీసీసీఐ సెలెక్టర్లు ఎంపిక చేసే అవకాశాలు కనిపిస్తున్నాయి.

బ్యాటర్లు: యశస్వి జైస్వాల్, కేఎల్ రాహుల్, శుభ్‌మన్ గిల్, రిషభ్ పంత్, దేవదూత్ పడిక్కల్, సాయి సుదర్శన్

ఆల్‌రౌండర్లు: రవీంద్ర జడేజా, అక్షర్ పటేల్, నితీష్ కుమార్ రెడ్డి

స్పిన్నర్: కుల్దీప్ యాదవ్

ఫాస్ట్ బౌలర్లు: జస్ప్రీత్ బుమ్రా, మహమ్మద్ సిరాజ్, గుర్నూర్ బ్రార్, ప్రసిద్ధ్ కృష్ణ.

మరిన్ని క్రికెట్ వార్తల కోసం ఇక్కడ క్లిక్ చేయండి

ఆఫ్ఘనిస్తాన్‌లో తాలిబన్ పాలనకు వ్యతిరేకంగా సాయుధ ప్రతిఘటన ఇంకా కొనసాగుతోంది. ఇందుకు సంబంధించిన సంకేతాలు మరోసారి వెలుగులోకి వచ్చాయి. పాకిస్తాన్ సరిహద్దుకు సమీపంలోని ఈశాన్య బదఖ్షాన్ ప్రావిన్స్‌లోని యఫ్తల్-ఎ-పాయీన్ జిల్లా ప్రధాన కార్యాలయాన్ని తాలిబన్ వ్యతిరేక సాయుధ బృందం కొన్ని గంటల పాటు తమ ఆధీనంలోకి తీసుకున్నట్లు ప్రకటించింది. అయితే తాలిబన్ అధికారులు దాడి జరిగిన విషయాన్ని అంగీకరిస్తూనే, అది పెద్ద భద్రతా వైఫల్యం కాదని పేర్కొంటూ కొద్ది గంటల్లోనే జిల్లాపై తిరిగి నియంత్రణ సాధించినట్లు వెల్లడించారు.

స్థానిక మీడియా కథనాల ప్రకారం, శుక్రవారం (జూలై 17) తెల్లవారుజామున పెద్ద సంఖ్యలో సాయుధ వ్యక్తులు జిల్లా కేంద్రంపై దాడి చేసి అక్కడ ఉన్న తాలిబన్ సిబ్బందిని నిరాయుధులను చేసినట్లు సమాచారం. అనంతరం జిల్లా పరిపాలనా భవనంపై ‘సెపహియాన్-ఎ మిహాన్’ అనే కొత్తగా ప్రకటించిన తాలిబన్ వ్యతిరేక బృందం జెండాను ఎగురవేసినట్లు పేర్కొన్నారు. కొన్ని గంటల తర్వాత ఆ బృందం వెనుదిరగగా, తాలిబన్ భద్రతా దళాలు మళ్లీ జిల్లా కేంద్రాన్ని తమ ఆధీనంలోకి తీసుకున్నట్లు అధికారులు తెలిపారు.

ఈ దాడిలో పాల్గొన్న పలువురు అనుమానితులను అరెస్టు చేసినట్లు బదఖ్షాన్ పోలీసులు వెల్లడించారు. మిగిలిన నిందితుల కోసం గాలింపు కొనసాగుతోందని తెలిపారు. భద్రతా అధికారుల నిర్లక్ష్యం కారణంగా ఈ ఘటన జరిగి ఉండొచ్చని అంగీకరిస్తూ, బాధ్యులపై చర్యలు తీసుకుంటామని ఆఫ్ఘాన్ అధికారులు చెప్పారు. తాలిబన్ సైన్యాధిపతి ఖారీ ఫసిహుద్దీన్ ఫిట్రాత్ ఈ ఘటనను ప్రచార స్టంట్‌గా అభివర్ణించారు. వివిధ చిన్న సాయుధ బృందాలు తమ ఉనికిని చాటుకునేందుకే ఇలాంటి చర్యలకు పాల్పడుతున్నాయని, తాలిబన్ భద్రతా దళాలను ఎదుర్కొనే సామర్థ్యం వాటికి లేదని వ్యాఖ్యానించారు. విదేశీ శక్తుల పాత్ర ఉండొచ్చని ఆయన సూచించినప్పటికీ, అందుకు ఎలాంటి ఆధారాలు వెల్లడించలేదు.

ఈ దాడికి బాధ్యత వహించినట్లు ప్రకటించిన సెపహియాన్-ఎ మిహాన్ బృందానికి మాజీ ఆఫ్ఘాన్ జాతీయ సైన్య అధికారి ఖయ్యూమ్ ఖాన్ మలాంగ్ నాయకత్వం వహిస్తున్నట్లు సమాచారం. అమెరికా మద్దతు ఉన్న ఆఫ్ఘాన్ ప్రభుత్వ హయాంలో ఆయన సైన్యంలో పనిచేయడంతో పాటు అమెరికా ప్రత్యేక దళాలతో కలిసి శిక్షణ పొందినట్లు సమాచారం. 2021లో తాలిబన్లు అధికారంలోకి వచ్చిన తర్వాత కొంతకాలం నేషనల్ రెసిస్టెన్స్ ఫ్రంట్ (NRF)తో కలిసి పనిచేసిన ఆయన, అనంతరం స్వంత సాయుధ బృందాన్ని ఏర్పాటు చేసినట్లు సమాచారం.

ఈ ఘటనకు సంబంధించిన వివరాలను స్వతంత్రంగా ధృవీకరించడం పరిమితంగానే ఉన్నప్పటికీ, స్థానిక మీడియా కథనాల ప్రకారం ఇది నిజమైతే 2021లో తాలిబన్లు అధికారంలోకి వచ్చిన తర్వాత ఒక జిల్లా ప్రధాన కార్యాలయం తాత్కాలికంగా తాలిబన్ నియంత్రణ నుంచి బయటకు వెళ్లిన తొలి ఘటనగా అవుతుందంటున్నారు రాజకీయ నిపుణులు. ఈ సంఘటనతో ఆఫ్ఘనిస్తాన్‌లో తాలిబన్ వ్యతిరేక సాయుధ ప్రతిఘటన పూర్తిగా ముగియలేదనే చర్చ మళ్లీ తెరపైకి వచ్చింది.

మరిన్ని అంతర్జాతీయ వార్తల కోసం ఇక్కడ క్లిక్ చేయండి..

షూటింగ్ షూటింగ్ షూటింగ్.. మన హీరోలను ఎవరిని కదిపినా ఇప్పుడిదే అంటున్నారు. ఎవర్ని చూసినా లొకేషన్‌లోనే కనిపిస్తున్నారు. ఒప్పుకున్న ప్రాజెక్ట్స్ పూర్తయ్యే వరకు నో బ్రేక్స్ అంటున్నారు. ఒకరిద్దరు మినహాయిస్తే మిగిలిన వాళ్లందరూ షూటింగ్స్‌తోనే బిజీ బిజీగా ఉన్నారు. సీనియర్ హీరోలు సైతం నెక్ట్స్ ప్రాజెక్ట్స్‌పై ఫోకస్ పెంచేసారు. మరి ఎవరి షూటింగ్ ఎక్కడ జరుగుతుందో చూద్దామా..? ముందుగా హెలో నేటివ్ స్టూడియోలో జరుగుతున్న షూటింగ్స్‌ను చూద్దాం.. నాని, శ్రీకాంత్ ఓదెల చేస్తున్న ప్యారడైజ్‌తో పాటు.. ప్రశాంత్ వర్మ కథ అందిస్తున్న అధీరా, రవితేజ ఇరుముడి షూట్స్ ముచ్చింతల్‌లోనే జరుగుతున్నాయి. ప్రభాస్ ఫౌజీ షూట్ కోకాపేటలో జరుగుతుంది. స్పిరిట్ షూటింగ్ అజీజ్‌నగర్‌లో జరుగుతుంది. ఎన్టీఆర్, ప్రశాంత్ నీల్ డ్రాగన్ సినిమా షూట్ ఆర్ఎఫ్‌సీలోనే కంటిన్యూ అవుతోంది. అల్లు అర్జున్ రాకా షూటింగ్ కొన్ని నెలలుగా ముంబైలోనే జరుగుతుంది. వారణాసి షూట్ కూడా గత నెల రోజులుగా శంషాబాద్ తాహెర్ స్టూడియోలో జరుగుతుండగా.. వెంకటేష్, అనిల్ రావిపూడి, కళ్యాణ్ రామ్ షూట్ మోకిళ్లలో జరుగుతుంది. బాలకృష్ణ గోపిచంద్ మలినేని సినిమా షూటింగ్ కాకినాడలో జరుగుతోంది.
శ్రీ విష్ణు రామ్ అబ్బరాజు షూట్‌తో పాటు సాయి ధరమ్ తేజ్ నటిస్తున్న సంబరాల ఏటిగట్టు సినిమా షూటింగ్ కూడా శంకరపల్లిలోనే జరుగుతుంది. గోపీచంద్, వెంకట్ కాంబినేషన్‌లో వస్తున్న సింగ షూట్ అల్యూమీనియం ఫ్యాక్టరీలో జరుగుతుంది. ఇక విజయ్ దేవరకొండ, రష్మిక మందన్న రణబాలి షూటింగ్ బేతంచర్ల నుంచి గండిపేటకు షిఫ్ట్ అయింది.

మరిన్ని వీడియోల కోసం ఇక్కడ క్లిక్ చేయండి

Also Watch:

Anupama Parameswaran: ‘నా గొంతు నేనే వినిపిస్తా’.. అనుపమ ఎమోషనల్ పోస్ట్ వెనక అసలు కథ ఏంటి?

Mamitha Baiju: నెల రోజుల్లో మూడు భారీ సినిమాలు.. మమిత బైజు దండయాత్రకు రెడీ!

Ramayana Leak: ‘రామాయణ’ ట్రైలర్ లీక్ వెనక అసలు కథ ఏంటి..? పైరసీనా.. ప్రమోషన్ ప్లానా?

Bhagyasree Borse: ‘ఐరెన్ లెగ్’ అంటూ నన్నే ఎందుకు..? హిట్ తర్వాత భాగ్యశ్రీ బోర్సే ఘాటు కౌంటర్!

Salman Khan: కండల వీరుడికి ఏమైంది..? సల్మాన్ ఖాన్ కొత్త లుక్ చూసి షాక్‌లో అభిమానులు!

కేవలం ఒక లీటరు పాలు మాత్రమే కొందామని సూపర్ మార్కెట్‌లోకి అడుగుపెడతారు. కానీ తిరిగి బయటకు వచ్చేసరికి చేతిలో చిప్స్, బిస్కెట్లు, చాక్లెట్లు, ఇతర ఫ్రోజెన్ స్నాక్స్ నిండిన పెద్ద ట్రాలీ ఉంటుంది. అసలు అనుకోకుండానే ఈ ఖర్చు ఎలా పెరిగింది? ప్రజలను ఎక్కువ వస్తువులు కొనేలా చేయడానికి రీటైల్ దుకాణాలు పన్నిన వ్యూహమా? ప్రతి సూపర్ మార్కెట్‌లోనూ నిత్యం కొనే పాలు, బ్రెడ్ వంటి వస్తువులు ఎప్పుడూ స్టోర్ ఆఖరి చివరన ఎందుకు ఉంటాయి? దీని వెనుక ఉన్న అసలు రహస్యాన్ని రీటైల్, సప్లై చైన్ నిపుణులు బయటపెట్టారు.

పాలను స్టోర్ చివరన పెట్టడం వెనుక మార్కెటింగ్ కంటే వస్తువు నాణ్యత, కూలింగ్ కారణాలే ఎక్కువని నిపుణులు చెబుతున్నారు. పాలు త్వరగా పాడైపోయే సున్నితమైన ఆహార పదార్థం. సరఫరా చేసే ట్రక్కులు సూపర్ మార్కెట్ వెనుక భాగంలోని లోడింగ్ డాక్స్ వద్దే అన్ లోడ్ అవుతాయి. పాలు వెనుక భాగంలోనే ఉండటం వల్ల, ట్రక్కుల నుంచి నేరుగా వాక్ ఇన్ రిఫ్రిజరేటర్లలోకి సులభంగా మార్చవచ్చు. ఒకవేళ వీటిని స్టోర్ ముందు భాగంలో పెడితే, రోజులో పలుమార్లు భారీ పాల క్రేట్లను సిబ్బంది షాప్ అంతటా మోయాల్సి వస్తుంది. దీనివల్ల ఉష్ణోగ్రత మారి పాలు పాడయ్యే ప్రమాదంతో పాటు శ్రమ కూడా పెరుగుతుంది. పాలు ఎల్లప్పుడూ ఒకే విధమైన కూలింగ్‌లో ఉండాలి. ఎంట్రన్స్ వద్ద ఉంచితే తరచూ మెయిన్ డోర్లు తెరుచుకోవడం వల్ల గాలి మారి పాలు పాడయ్యే అవకాశం ఉంటుంది.

లాజిస్టిక్స్ కారణమే ప్రధానమైనప్పటికీ, రీటైలర్లు ఈ అవకాశాన్ని తమ వ్యాపార లాభానికి అద్భుతంగా వాడుకుంటున్నారు. పాలు, బ్రెడ్, గ్రుడ్లు అనేవి కస్టమర్ ఆఫర్లు ఉన్నా లేకపోయినా ఖచ్చితంగా కొనే వస్తువులు. పాలు స్టోర్ చివరన ఉండటం వల్ల కస్టమర్లు మిగతా అన్ని ర్యాక్‌ల గుండా నడుచుకుంటూ వెళ్లాల్సి వస్తుంది. ఈ క్రమంలో మిగతా వస్తువులను చూసి, అవసరం లేకపోయినా కొనుగోలు చేసే అవకాశం దాదాపు 40శాతం పెరుగుతుంది. దీన్నే రీటైల్ భాషలో “బిల్డింగ్ ది బాస్కెట్” అంటారు.

సూపర్ మార్కెట్లలో వాడే కమర్షియల్ కూలింగ్ సిస్టమ్స్‌కు అధిక విద్యుత్, సంక్లిష్టమైన పైపింగ్ అవసరం. ఈ పెద్ద పెద్ద ఫ్రీజర్లను స్టోర్ గోడల వైపు లేదా వెనుక భాగంలో అమర్చడం వల్ల నిర్మాణ వ్యయం తగ్గడమే కాకుండా నిర్వహణ కూడా సులభమవుతుంది.

దీనికి సమాధానం రెండూ.. పాలు స్టోర్ చివరన ఉండటం అనేది ఒక రకంగా పాలు పాడవ్వకుండా కాపాడే సాంకేతిక అవసరం. అదే సమయంలో కస్టమర్ల చేత ఎక్కువ వస్తువులు కొనిపించే వ్యాపార వ్యూహం కూడా. కాబట్టి మీరు సూపర్ మార్కెట్‌కు వెళ్లినప్పుడు కేవలం పాలు మాత్రమే కొని బయటకు రాగలిగితే.. మీరు రీటైలర్ల సైకాలజీని జయించినట్లే..

నీట్ పేపర్ లీక్ అంశంపై దేశ రాజధాని ఢిల్లీలో కాంగ్రెస్ పార్టీ చేపట్టిన నిరసన ఉద్రిక్తతకు దారితీసింది. సోమవారం కాక్రోజ్ జనతా పార్టీ ఆధ్వర్యంలో జరిగిన ఛలో పార్లమెంట్ కార్యక్రమంలో పాల్గొన్న కార్యకర్తలపై పోలీసులు లాఠీచార్జ్ చేశారంటూ ఆరోపిస్తూ, మంగళవారం కాంగ్రెస్ అగ్రనేతలు ప్రధాని నరేంద్ర మోదీ నివాసం సమీపంలో ధర్నాకు దిగారు. ప్రతిపక్ష నాయకుడు రాహుల్ గాంధీ, కాంగ్రెస్ జాతీయ అధ్యక్షుడు మల్లికార్జున ఖర్గే, ఎంపీ ప్రియాంకా గాంధీతో పాటు పలువురు నేతలు నిరసనలో పాల్గొన్నారు. కొద్దిసేపటి తర్వాత కేంద్ర మంత్రి జితేంద్ర సింగ్ అక్కడికి చేరుకుని కాంగ్రెస్ నాయకులతో చర్చలు జరిపారు.

मोदी की तानाशाही देखिए।

देश के नेता विपक्ष के साथ ऐसा सुलूक किया जा रहा है।

शर्मनाक! pic.twitter.com/mPvojsUnbA

— Congress (@INCIndia) July 21, 2026

ఈ సందర్భంగా తమ ఐదు డిమాండ్లను కేంద్ర ప్రభుత్వం అంగీకరిస్తేనే నిరసన విరమిస్తామని రాహుల్ గాంధీ స్పష్టం చేసినట్లు కాంగ్రెస్ వర్గాలు తెలిపాయి. అనంతరం జితేంద్ర సింగ్ కేంద్ర హోంమంత్రి అమిత్ షాతో సమావేశమయ్యారు. తదుపరి పరిస్థితులు ఉద్రిక్తంగా మారడంతో పోలీసులు నిరసన ప్రాంతానికి చేరుకుని ధర్నాను విరమింపజేసే చర్యలు చేపట్టారు. ఈ క్రమంలో ప్రతిపక్ష నేత రాహుల్ గాంధీని పోలీసులు అదుపులోకి తీసుకున్నారు. నిరసనలో పాల్గొన్న పలువురు కాంగ్రెస్ నాయకులు, కార్యకర్తలను కూడా అక్కడి నుంచి తరలించారు.

VIDEO | Delhi: Police swoop down on Congress protest site outside Prime Minister’s residence, try to forcibly remove Rahul Gandhi, Akhilesh Yadav and other leaders.

(Full video available on PTI Videos – https://t.co/n147TvrpG7) pic.twitter.com/PgU7xTSpWT

— Press Trust of India (@PTI_News) July 21, 2026

మరిన్ని జాతీయ వార్తల కోసం ఇక్కడ క్లిక్ చేయండి

ఒక్క పోస్టుతో హాట్ టాపిక్ అయిపోయారు అనుపమ పరమేశ్వరన్. ఇకపై నా వాయిస్ నేనే వినిపిస్తాను.. నా సొంత దారి నేనే ఎంచుకుంటున్నాను.. పనికిరాని గతాన్ని వదిలేసి ఎట్టకేలకు మనశ్శాంతిని కనుగొన్నాను అంటూ ఈ బ్యూటీ చేసిన పోస్ట్ వైరల్ అవుతుందిప్పుడు. ఈ ఎమోషనల్ పోస్ట్ వెనక ఏదో ఉందంటూ ఆరాలు తీయడం మొదలుపెట్టారు అభిమానులు. విక్రమ్ తనయుడు ధృవ్‌తో అనుపమ ప్రేమలో ఉన్నారనే వార్తలు చాలా కాలంగా వైరల్ అవుతున్నాయి.. ఇప్పుడు ఈ రిలేషన్ ఏమైనా బ్రేక్ అయిందా.. అందుకే ఇలాంటి పోస్ట్ పెట్టారా అనే అనుమానాలు కూడా లేకపోలేదు. ఒకవేళ ఇది కాకపోతే వ్యక్తిగత జీవితంలో లేదా కెరీర్‌లో ఏదైనా పెద్ద మార్పును సూచిస్తూ ఇలా రాసారా అని లెక్కలేసుకుంటున్నారు ఫ్యాన్స్. తన లేటెస్ట్ పోస్ట్‌పై అనుపమ పరమేశ్వరన్ మౌనం అభిమానుల్లో ఉత్కంఠ మరింత పెంచుతుంది. ఆమె రాసిన క్యాప్షన్‌లో అర్థం ఏంటా అని ఒక్కో లైన్‌ను జల్లడేస్తున్నారు ఫ్యాన్స్. కొన్నిసార్లు మనశ్శాంతి కావాలంటే ఇంకొన్ని వదిలేయాల్సి ఉంటుంది.. ఈ రోజు నాకు ఆ శాంతి దొరికిందనే బలమైన పదాలను వాడేసారు ఈ బ్యూటీ. మరి ఈమె ఫ్రీడమ్‌ను ఇన్నాళ్ళూ ఎవరు దోచేసారనేది అనుపమే క్లారిటీ ఇవ్వాలిక.

మరిన్ని వీడియోల కోసం ఇక్కడ క్లిక్ చేయండి

Also Watch:

Mamitha Baiju: నెల రోజుల్లో మూడు భారీ సినిమాలు.. మమిత బైజు దండయాత్రకు రెడీ!

Ramayana Leak: ‘రామాయణ’ ట్రైలర్ లీక్ వెనక అసలు కథ ఏంటి..? పైరసీనా.. ప్రమోషన్ ప్లానా?

Bhagyasree Borse: ‘ఐరెన్ లెగ్’ అంటూ నన్నే ఎందుకు..? హిట్ తర్వాత భాగ్యశ్రీ బోర్సే ఘాటు కౌంటర్!

Salman Khan: కండల వీరుడికి ఏమైంది..? సల్మాన్ ఖాన్ కొత్త లుక్ చూసి షాక్‌లో అభిమానులు!

భారీ సినిమాల దర్శకుల కొత్త మిషన్.. చిన్న సినిమాలకు పాన్ వరల్డ్ సపోర్ట్!

వర్షాకాలంలో చెప్పులు, షూస్‌ తడవడం, వాటి నుంచి తీవ్రమైన దుర్వాసన రావడం సహజం. అయితే కొన్ని సులువైన చిట్కాలతో తడిసిన షూస్‌ను వేగంగా ఆరబెట్టడంతో పాటు బ్యాక్టీరియా, చెడు వాసనను పూర్తిగా నివారించవచ్చు. ఇంట్లో మనకు అందుబాటులో ఉన్న వస్తువులతోనే ఈ సమస్యకు చెక్‌ పెట్టొచ్చు. ఇలాంటి చిన్న చిన్న టిప్స్‌, జాగ్రత్తలతో వర్షాకాలంలోనూ మీ పాదరక్షలను పరిశుభ్రంగా, సువాసనభరితంగా ఉంచుకోవచ్చు.

న్యూస్ పేపర్ల చిట్కా: తడిసిన షూస్ లోపల ఉన్న ఇన్సోల్స్ తొలగించి, బాగా నలిపిన న్యూస్ పేపర్లను దట్టంగా కుక్కి ఉంచాలి. ఇవి షూస్‌లోని తేమను త్వరగా పీల్చుకుంటాయి. పేపర్లు తడిసిపోగానే మార్చుతూ ఉండాలి.

ఫ్యాన్ గాలి వాడకం: షూస్‌ను నేరుగా ఎక్కువ ఎండలో వేస్తే వాటి మెటీరియల్, రంగు పాడవుతాయి. కాబట్టి, గాలి ధారాళంగా ఆడే ప్రదేశంలో లేదా ఫ్యాన్ కింద ఉంచి ఆరబెట్టడం సురక్షితం. హెయిర్ డ్రైయర్ వాడుతున్నట్లయితే కేవలం కూల్ మోడ్‌లోనే వాడాలి.

తడి వాతావరణం వల్ల షూస్‌లో బ్యాక్టీరియా చేరి దుర్వాసన వస్తుంది. దీని నివారణకు:

బేకింగ్ సోడా: రాత్రి పడుకునే ముందు కొద్దిగా బేకింగ్ సోడాను షూస్ లోపల చల్లి, ఉదయాన్నే దాన్ని దులిపేయాలి. ఇది దుర్వాసనను, తేమను పూర్తిగా పీల్చేస్తుంది.

వాడేసిన టీ బ్యాగ్స్: ఉపయోగించిన టీ బ్యాగ్స్‌ను బాగా ఆరబెట్టి షూస్ లోపల ఉంచితే, తేయాకులోని సహజ గుణాలు చెడు వాసనలను తొలగిస్తాయి.

ఎసెన్షియల్ ఆయిల్స్ / నిమ్మ తొక్కలు: నిమ్మ లేదా నారింజ పండ్ల తొక్కలను రాత్రంతా షూస్‌లో ఉంచడం ద్వారా లేదా టీట్రీ ఆయిల్ చుక్కలు వేయడం ద్వారా మంచి సువాసన వస్తుంది.

వర్షాకాలంలో సాధ్యమైనంత వరకు కాన్వాస్, లెదర్ షూస్‌కు దూరంగా ఉండి, త్వరగా ఆరే సింథటిక్ లేదా రబ్బర్ చెప్పులు, షూస్‌ను వాడటం మంచిది. ఒకవేళ తప్పనిసరిగా షూస్ వాడాల్సి వస్తే, ఈ చిన్న చిన్న గృహ చిట్కాలను పాటిస్తూ మీ పాదరక్షలను సురక్షితంగా, దుర్వాసన రహితంగా కాపాడుకోండి.

ఇండస్ట్రీలో ఎవరి టైమ్ ఎప్పుడెలా టర్న్ అవుతుందో తెలియదు. తాజాగా మలయాళ బ్యూటీ మమిత బైజును చూస్తుంటే ఇదే అనిపిస్తుంది. కొన్ని నెలలుగా విడుదల కాని సినిమా వచ్చేస్తుంది.. అలాగే లైన్‌లో ఉన్న మూవీస్ అన్నీ ఒకేసారి క్యూ కడుతున్నాయి. నెల రోజుల్లోనే 3 భారీ సినిమాలతో దండయాత్రకు సిద్ధమవుతున్నారు ప్రేమలు బ్యూటీ. మరి ఏంటా సినిమాలు మనం కూడా చూద్దామా..? సెన్సేషన్ ఆఫ్ సౌత్.. ఇప్పుడు ఈ మాట మమిత బైజుకు బాగా సెట్ అవుతుంది. నెల రోజుల్లోనే మూడు భారీ సినిమాలతో బాక్సాఫీస్ మీద దండయాత్ర చేస్తున్నారు ఈ భామ. జూలై 23న విజయ్ జన నాయగన్ రిలీజ్ కానుంది. ఆర్నెళ్లుగా బాక్సుల్లోనే ఉండిపోయిన ఈ సినిమా.. మరో మూడు రోజుల్లో ప్రేక్షకుల ముందుకొచ్చేస్తుంది. మమిత తమిళ కెరీర్‌కు ఇది ఇంపార్టెంట్ సినిమా. విజయ్ సినిమా థియేటర్లలో ఉండగానే.. ఆగస్ట్ 14న సూర్యతో నటిస్తున్న విశ్వనాథ్ అండ్ సన్స్‌తో మరోసారి ఆడియన్స్ ముందుకు రానున్నారు మమిత. 40 ఏళ్ళ వ్యక్తిని ప్రేమించే 20 ఏళ్ళ అమ్మాయిగా ఇంట్రెస్టింగ్ క్యారెక్టర్ చేస్తున్నారు మమిత బైజు. నేషనల్ అవార్డ్ విన్నర్ వెంకీ అట్లూరి ఈ సినిమాకు దర్శకుడు. సితార ఎంటర్‌టైన్మెంట్స్ విశ్వనాథ్ అండ్ సన్స్‌ సినిమాను నిర్మిస్తుంది. విశ్వనాథ్ అండ్ సన్స్‌ వచ్చిన వారం రోజుల్లోనే ఆగస్ట్ 21న నివిన్ పాలితో జోడీ కట్టిన బెత్లెహెం కుటుంబ యూనిట్ విడుదల కానుంది. మలయాళంలో ఈ సినిమాపై భారీ అంచనాలున్నాయి. మొత్తానికి నెల రోజుల్లోనే మూడు భారీ సినిమాలతో ప్రేక్షకుల ముందుకొస్తున్నారు మమిత. వీటితో పాటు ప్రస్తుతం ప్రదీప్ రంగనాథన్ సినిమా చేస్తున్నారు ఈ భామ. డ్యూడ్ తర్వాత ఈ కాంబో రిపీట్ అవుతుంది.

మరిన్ని వీడియోల కోసం ఇక్కడ క్లిక్ చేయండి

Also Watch:

Ramayana Leak: ‘రామాయణ’ ట్రైలర్ లీక్ వెనక అసలు కథ ఏంటి..? పైరసీనా.. ప్రమోషన్ ప్లానా?

Bhagyasree Borse: ‘ఐరెన్ లెగ్’ అంటూ నన్నే ఎందుకు..? హిట్ తర్వాత భాగ్యశ్రీ బోర్సే ఘాటు కౌంటర్!

Salman Khan: కండల వీరుడికి ఏమైంది..? సల్మాన్ ఖాన్ కొత్త లుక్ చూసి షాక్‌లో అభిమానులు!

భారీ సినిమాల దర్శకుల కొత్త మిషన్.. చిన్న సినిమాలకు పాన్ వరల్డ్ సపోర్ట్!

God Of War: డిసెంబర్ నుంచి పట్టాలెక్కనున్న ‘గాడ్ ఆఫ్ వార్’.. తారక్ కోసం గురూజీ మైథాలజీ మ్యాజిక్!

ఈ రోజుల్లో ఏం చేసినా.. ఎంత జాగ్రత్తగా ఉన్నా పైరసీ, లీకులు మాత్రం ఆపలేకపోతున్నారు మన మేకర్స్. పెద్దా చిన్నా తేడా లేకుండా ప్రతీ సినిమాను ఇవి ఇబ్బంది పెడుతూనే ఉన్నాయి. తాజాగా రామాయణ విషయంలోను లీక్స్ బెడద తప్పట్లేదు. విడుదలకు మూడ్రోజుల ముందే ట్రైలర్ లీక్ అయిపోయింది. మరి ఇది నిజంగానే లీకైందా లేదంటే ట్రెండింగ్ కోసం కావాలనే లీక్ చేసారా..? గత రెండు మూడు రోజులుగా రామాయణ సినిమా ట్రెండింగ్‌లోనే ఉంది. విడుదల దగ్గరికి వస్తుండటంతో నాన్ స్టాప్ ప్రమోషన్స్ చేస్తూనే ఉన్నారు మేకర్స్. మొన్నటికి మొన్న ఢిల్లీలో ప్రథమ్ సంకల్ప్ పేరుతో భారీ ఈవెంట్ చేసారు. దానికి రణ్‌బీర్, సాయి పల్లవి, యశ్ సహా యూనిట్ అంతా హాజరైంది. దానికి ముందు స్కూల్స్‌కు వెళ్లి అక్కడ రామాయణం గురించి చెప్పారు. ఇలా ఎక్కడ చూసినా కూడా రామాయణనే కనిపిస్తుంది కొన్ని రోజులుగా..! జూలై 24న ట్రైలర్ కూడా విడుదల చేయనున్నారు. అయితే ఇప్పటికే ఇంటర్నేషనల్ ఫిల్మ్ వేదికలపై ట్రైలర్ ప్లే చేసారు. అక్కడ్నుంచి విజువల్స్ అన్నీ లీక్ అయ్యాయి. సోషల్ మీడియాలో 3డి ట్రైలర్ లీక్డ్ వర్షన్ తెగ వైరల్ అయిపోతుంది. అందులో విజువల్స్ గురించి చర్చ కూడా మొదలైపోయింది. ట్రైలర్ నిజంగానే లీక్ అయిందా లేదంటే అంచనాలు పెంచడానికి కావాలనే లీక్ చేసారా అనేది కూడా అర్థం కాని విషయమే..! ఎందుకంటే ట్రైలర్ విడుదలయ్యే వరకు దాని గురించే డిస్కషన్ జరగాలంటే ఏదో మ్యాజిక్ జరగాలి. లీకైతే.. దానికంటే పెద్ద డిష్కషన్ పాయింట్ మరోటి ఉండదు కదా.. ఏమో అలా కూడా చేసారేమో అనే అనుమానాలు కూడా వస్తున్నాయిప్పుడు. నితీష్ తివారి ఏ రిస్కులు తీసుకోకుండా.. రామాయణ ఇతిహాసాన్ని ప్రాపర్‌గా ఫాలో అయ్యారు. కథతో పాటు ఎమోషన్.. ఎమోషన్‌కు తోడు అద్బుతమైన విజువల్స్ ఉండేలా ఈ సినిమాను తెరకెక్కిస్తున్నారు. ఇప్పటికైతే లీకైన ఫుటేజ్ బాగా ట్రెండ్ అవుతుంది. రేపు ట్రైలర్ రిలీజ్ తర్వాత పాజిటివ్ రెస్పాన్స్ వస్తే సినిమాకు అంతకంటే కావాల్సింది మరోటి లేదేమో..?

మరిన్ని వీడియోల కోసం ఇక్కడ క్లిక్ చేయండి

Also Watch:

Bhagyasree Borse: ‘ఐరెన్ లెగ్’ అంటూ నన్నే ఎందుకు..? హిట్ తర్వాత భాగ్యశ్రీ బోర్సే ఘాటు కౌంటర్!

Salman Khan: కండల వీరుడికి ఏమైంది..? సల్మాన్ ఖాన్ కొత్త లుక్ చూసి షాక్‌లో అభిమానులు!

భారీ సినిమాల దర్శకుల కొత్త మిషన్.. చిన్న సినిమాలకు పాన్ వరల్డ్ సపోర్ట్!

God Of War: డిసెంబర్ నుంచి పట్టాలెక్కనున్న ‘గాడ్ ఆఫ్ వార్’.. తారక్ కోసం గురూజీ మైథాలజీ మ్యాజిక్!

జెన్ జీకి హాలీవుడ్ ఫీవర్.. తెలుగు సినిమాలు ఎందుకు కనెక్ట్ కావడం లేదు?

నీట్ పేపర్ లీక్‌ను నిరసిస్తూ యువత నిరసనకు దిగితే వారిపై లాఠీచార్జ్ చేయడంపై కాంగ్రెస్ పార్టీ నేతలు ఆందోళనకు దిగారు. మంగళవారం దేశ రాజధాని ఢిల్లీలో కాంగ్రెస్ అగ్రనేత, ప్రతిపక్ష నేత రాహుల్ గాంధీ, ఎంపీ ప్రియాంకా గాంధీ, ఆ పార్టీ జాతీయ అధ్యక్షుడు మల్లికార్జున ఖర్గే ప్రధాని మోదీ ఇంటి ముందు ధర్నాకు దిగారు. వారితో కేంద్ర మంత్రి జితేంద్ర సింగ్ చర్చలు జరిపి, నిరసన విరమించే ప్రయత్నం చేశారు. ఈ చర్చల తర్వాత కేంద్ర మంత్రి సోషల్ మీడియా వేదిక స్పందించారు.

జితేంద్ర సింగ్ ప్రకారం.. ఆ ప్రాంతం నిరసనలకు అనువైన ప్రదేశం కాదని, ప్రజలకు అసౌకర్యం కలుగుతోందని రాహుల్ గాంధీకి వివరించినట్లు చెప్పారు. ఈ సందర్భంగా నీట్ అంశం, సంబంధిత సమస్యలపై పార్లమెంటులో చర్చకు ప్రభుత్వం అంగీకరిస్తే ధర్నా విరమిస్తానని రాహుల్ గాంధీ తొలుత చెప్పారని ఆయన పేర్కొన్నారు. ప్రభుత్వ ఉన్నత నాయకత్వంతో చర్చించిన అనంతరం నీట్ అంశంపై పార్లమెంటులో చర్చకు సిద్ధమని రాహుల్ గాంధీకి తెలియజేశామని జితేంద్ర సింగ్ తెలిపారు.

అనంతరం కేంద్ర విద్యాశాఖ మంత్రి ధర్మేంద్ర ప్రధాన్ కూడా రాజీనామా చేయాలనే డిమాండ్‌ రాహుల్ గాంధీ ముందుకు తెచ్చారని ఆరోపించారు. దీనితో ఆయన తన డిమాండ్లపై మాట మార్చారంటూ జితేంద్ర సింగ్ విమర్శించారు. ప్రజాస్వామ్యంలో మాట ఇచ్చిన తర్వాత దానిని వెనక్కి తీసుకోవడం సరైన విధానం కాదని జితేంద్ర సింగ్ వ్యాఖ్యానించారు. నీట్ అంశంపై పార్లమెంటులో చర్చించేందుకు ప్రభుత్వం సిద్ధంగా ఉందని, అయితే కాంగ్రెస్ పార్టీ అధికారిక చర్చ కోసం ఇప్పటివరకు నోటీసు ఇవ్వలేదని ఆయన పేర్కొన్నారు.

कुछ समय पहले, यह ज्ञात हुआ कि कांग्रेस पार्टी के राष्ट्रीय अध्यक्ष, श्री मल्लिकार्जुन खड़गे और उनके साथ अन्य वरिष्ठ नेता, जैसे कि श्री राहुल गांधी, श्रीमती प्रियंका गांधी इत्यादि अकस्मात ही अकबर रोड़ के समीप एक स्थान पर अपने समर्थकों के साथ धरने पर बैठ गयेहैं। सरकार ने इस वरिष्ठ…

— Dr Jitendra Singh (@DrJitendraSingh) July 21, 2026

మరిన్ని జాతీయ వార్తల కోసం ఇక్కడ క్లిక్ చేయండి

వరసగా రెండు సినిమాలు ఫ్లాపైతే ఆ హీరోయిన్‌కు ఇండస్ట్రీలో ఇచ్చే ముద్దుపేరేంటో తెలుసా.. ఐరెన్ లెగ్. మన దగ్గర కూడా చాలా మందికి ఈ బిరుదు వచ్చింది. తాజాగా ఈ ఐరెన్ లెగ్ కాంట్రవర్సీపై ఓపెన్ అయ్యారు భాగ్యశ్రీ బోర్సే. లెనిన్ తర్వాత ఈమె తీరు, జోరు మారింది. కెరీర్‌లో తొలి సక్సెస్ చూసాక.. ఐరెన్ లెగ్ ముద్రపై ఘాటుగానే రియాక్ట్ అయ్యారీమే. మరింతకీ బోర్సే ఏమంది..? హిట్ ఇచ్చిన జోష్ ఇంకేదీ ఇవ్వదు.. భాగ్యశ్రీ బోర్సే ప్రస్తుతం అలాంటి జోష్ మీదే ఉన్నారు. కెరీర్ మొదలుపెట్టి మూడేళ్ళవుతున్నా ఒక్క హిట్ కూడా కొట్టకపోవడంతో భాగ్యశ్రీ బోర్సేను ఐరెన్ లెగ్ అని పిలవడం మొదలెట్టారు.. ఈ టైమ్‌లోనే లెనిన్ సినిమాతో హిట్ అకౌంట్ ఓపెన్ చేసారు ఈ బ్యూటీ. ఇదే సమయంలో తన గత సినిమాల ఫలితాలపై ఓపెన్ అయ్యారు. తాజాగా ఓ ఇంటర్వ్యూలో తన ఫెయిల్యూర్స్ గురించి మాత్రమే కాదు.. ఐరెన్ లెగ్ ముద్ర గురించి కూడా ఓపెన్ అయ్యారు భాగ్యశ్రీ. సనిమా ఫలితానికి హీరోయిన్‌ను మాత్రమే బాధ్యులను చేయడంపై ఘాటుగా స్పందించారు ఈ బ్యూటీ. స్క్రిప్ట్ తానే సెలెక్ట్ చేసినా కూడా చాలా మంది కలిసి పని చేసినపుడు ఫెయిల్యూర్‌కు హీరోయిన్‌నే ఎందుకు బాధ్యులను చేస్తారని ప్రశ్నించారు. తనకిచ్చిన పాత్రకి 100 పర్సెంట్ న్యాయం చేసానా లేదా అనేది ముఖ్యమని.. తనవరకు ప్రతీ సినిమాలో అది చేసానన్నారు భాగ్యశ్రీ. రిజల్ట్ తన చేతుల్లో లేదని.. కానీ ఫ్లాప్ వస్తే హీరోయిన్‌నే బ్లేమ్ చేయడం ఎక్కడి న్యాయమని గట్టిగానే నిలదీసారు ఈ బ్యూటీ. గతంలోనూ కొందరు హీరోయిన్లకు ఇది తప్పలేదన్నారు.. ఇకపై స్క్రిప్ట్స్ విషయంలో ఇంకాస్త జాగ్రత్తగా ఉంటానని చెప్పారు భాగ్యశ్రీ.

మరిన్ని వీడియోల కోసం ఇక్కడ క్లిక్ చేయండి

Also Watch:

Salman Khan: కండల వీరుడికి ఏమైంది..? సల్మాన్ ఖాన్ కొత్త లుక్ చూసి షాక్‌లో అభిమానులు!

భారీ సినిమాల దర్శకుల కొత్త మిషన్.. చిన్న సినిమాలకు పాన్ వరల్డ్ సపోర్ట్!

God Of War: డిసెంబర్ నుంచి పట్టాలెక్కనున్న ‘గాడ్ ఆఫ్ వార్’.. తారక్ కోసం గురూజీ మైథాలజీ మ్యాజిక్!

జెన్ జీకి హాలీవుడ్ ఫీవర్.. తెలుగు సినిమాలు ఎందుకు కనెక్ట్ కావడం లేదు?

మెగాఫోన్ పట్టిన మాస్ హీరోలు.. డైరెక్షన్‌లోనూ కమర్షియల్ ఫార్ములాపైనే నమ్మకం!

పార్లమెంట్ సమావేశాల సందర్భంగా రాజకీయ వాతావరణం మరింత వేడెక్కింది. ఆమ్ ఆద్మీ పార్టీ (AAP) రాజ్యసభ సభ్యుడు సంజయ్ సింగ్, లోక్‌సభ ప్రతిపక్ష నాయకుడు రాహుల్ గాంధీపై తీవ్ర వ్యాఖ్యలు చేశారు. ప్రధాన న్యాయమూర్తి నివాసం ఎదుట చేపట్టాల్సిన నిరసనను బలహీనపరిచే ప్రయత్నంలో భాగంగా, ప్రధాని నరేంద్ర మోదీ ఒత్తిడితో రాహుల్ గాంధీ తన నివాసంలోనే ధర్నాకు పరిమితమయ్యారని సంజయ్ సింగ్ ఆరోపించారు. ఈ వ్యాఖ్యలను ఆయన సోషల్ మీడియా వేదికగా పోస్టు చేశారు.

అంతకుముందు పార్లమెంట్ ప్రాంగణంలో ప్రతిపక్ష ఎంపీలతో కలిసి సంజయ్ సింగ్ కేంద్ర ప్రభుత్వానికి వ్యతిరేకంగా నినాదాలు చేశారు. పార్లమెంట్ భవనం కేవలం భారతీయ జనతా పార్టీకి మాత్రమే చెందిందని కాదు, దేశ ప్రజలందరికీ చెందిన ప్రజాస్వామ్య వేదిక అని ఆయన అన్నారు. పార్లమెంట్‌లో ప్రతిపక్ష గొంతును అణచివేసే ప్రయత్నాలు జరుగుతున్నాయని ఆరోపిస్తూ, అలాంటి చర్యలను వ్యతిరేకిస్తామని స్పష్టం చేశారు.

CJP के धरने को कमजोर करने के लिए मोदी जी ने @RahulGandhi को अपने आवास पर धरने पर बिठा दिया।

— Sanjay Singh AAP (@SanjayAzadSln) July 21, 2026

మీడియాతో మాట్లాడిన సంజయ్ సింగ్, ఢిల్లీలో విద్యార్థులపై పోలీసులు వ్యవహరించిన తీరును కూడా తప్పుబట్టారు. నిరసన వ్యక్తం చేసిన విద్యార్థులపై దాడులు జరిగాయని ఆరోపించారు. అలాగే సామాజిక కార్యకర్త సోనం వాంగ్‌చుక్ 22 రోజులుగా నిరాహార దీక్ష చేస్తున్నప్పటికీ కేంద్ర ప్రభుత్వం స్పందించడం లేదని విమర్శించారు. సంజయ్ సింగ్ చేసిన వ్యాఖ్యలపై కాంగ్రెస్ కానీ, కేంద్ర ప్రభుత్వం నుంచి ఎటువంటి స్పందనలేదు. కాగా, ఈ పరిణామాల మధ్య పార్లమెంట్‌లో ప్రతిపక్ష-ప్రభుత్వాల మధ్య మాటల యుద్ధం మరింత ముదిరే అవకాశం కనిపిస్తోంది.

మరిన్ని జాతీయ వార్తల కోసం ఇక్కడ క్లిక్ చేయండి..

Viral Video Bison Attack: అమెరికాలోని ప్రసిద్ధ ఎల్లోస్టోన్ నేషనల్ పార్క్‌లో ఊహించని సంఘటన చేసుకుంది. అధికారుల హెచ్చరికలను పక్కనబెట్టి, వన్యమృగానికి అతి సమీపంలోకి వెళ్లిన 65 ఏళ్ల వయోవృద్ధుడిపై 900 కిలోల బరువున్న రాకాసి బైసన్ (అడవి దున్న) దాడి చేసింది. అతడిని గాల్లోకి ఎనిమిది అడుగుల ఎత్తుకు ఎగరేసి కింద పడేసిన ఈ దృశ్యాలు సామాజిక మాధ్యమాల్లో తీవ్ర భయాందోళనలు సృష్టిస్తున్నాయి.

ఎల్లోస్టోన్ పార్క్‌లోని బ్రిడ్జ్ బే క్యాంప్‌గ్రౌండ్ ప్రాంతంలో ఈ భయానక సంఘటన చోటుచేసుకుంది. సదరు పర్యాటకుడు తన మనవడితో కలిసి ప్రశాంతంగా నడుచుకుంటూ వెళ్తుండగా, రహదారి పక్కన విశ్రాంతి తీసుకుంటున్న ఒక భారీ బైసన్ కనిపించింది. అప్పటివరకు ప్రశాంతంగా ఉన్న ఆ వన్యమృగం, వీరు ఫోన్లలో చిత్రీకరించేందుకు ప్రయత్నించిన కొద్ది క్షణాల్లోనే ఉగ్రరూపం దాల్చింది.

అక్కడే ఉన్న ఇతర పర్యాటకులు బైసన్ వస్తోందని గట్టిగా కేకలు వేస్తూ హెచ్చరించినప్పటికీ, ప్రమాదాన్ని గ్రహించే లోపే అది దూసుకొచ్చింది. మనవడు అదృష్టవశాత్తూ అక్కడి నుంచి తప్పించుకోగా, ఆ వృద్ధుడిని చెట్ల చుట్టూ తిప్పుతూ తీవ్రంగా గాయపరిచింది.

A tourist was seriously injured Friday evening after being thrown 8 feet into the air by a bull bison in Yellowstone National Park. Professional photographer Mike Macleod filmed the incident and said the bison was “angry, agitated and charging anything and everything.” (No audio) pic.twitter.com/ELmHQjvxFj

— Molly Ploofkins (@Mollyploofkins) July 12, 2026

కళ్లముందే జరిగిన ఈ దాడిని చూసి తోటి పర్యాటకులు షాక్‌కు గురయ్యారు. దాదాపు 900 కిలోల బరువున్న ఆ భారీ జంతువు తన కొమ్ములతో వృద్ధుడిని బలంగా పొడిచి, దాదాపు ఎనిమిది అడుగుల ఎత్తుకు గాల్లోకి విసిరేసింది. కిందపడిన ఆ పర్యాటకుడు తీవ్ర గాయాలపాలయ్యాడు.

ఈ దృశ్యాన్ని చిత్రీకరించిన మైక్ మెక్‌లియోడ్ అనే పర్యాటకుడు మాట్లాడుతూ, “ఆ సమయంలో అక్కడ తీవ్ర గందరగోళం నెలకొంది. బైసన్ దాడిలో ఆ వ్యక్తికి చాలా బలమైన గాయాలయ్యాయి. ఆయన పరిస్థితి ఇప్పటికీ విషమంగానే ఉందనే సమాచారం ఉంది” అని తెలిపారు. ఘటన అనంతరం అత్యవసర వైద్య సిబ్బంది బాధితుడిని ఆసుపత్రికి తరలించారు.

ప్రస్తుతం ఎల్లోస్టోన్ పార్క్‌లో బైసన్ జంతువులకు సంతానోత్పత్తి కాలం సాగుతోంది. ఈ సమయంలో మగ బైసన్లు తమ బలాన్ని నిరూపించుకోవడానికి ఎంతో ఆవేశంగా ఉంటాయని నిపుణులు చెబుతున్నారు.

శాంతంగా కనిపిస్తున్నప్పటికీ అటవీ జంతువులు ఎప్పుడైనా ప్రమాదకరంగా మారవచ్చని పార్క్ అధికారులు పదే పదే హెచ్చరిస్తున్నారు. పర్యాటకులు వన్యమృగాలకు కనీసం నిర్దేశిత దూరం పాటించాలని, వీలైతే వాహనాల్లో ఉండే వీక్షించాలని స్పష్టం చేస్తున్నా జనాలు వినడం లేదు.

మరిన్ని ట్రెండింగ్ వార్తల కోసం ఇక్కడ క్లిక్ చేయండి. 

సల్మాన్ ఖాన్ అంటే కండలు తిరిగిన దేహం, ఫిట్ లుక్ ఇలా మైండ్‌లో ఓ రూపం వచ్చేస్తుంది. అలాంటి సల్మాన్‌కు ఇప్పుడేమైంది..? ఇలా అయిపోయారేంటి..? ఫిట్ బాడీతో కండల వీరుడిగా పేరు తెచ్చుకున్న సల్లూ భాయ్.. సడన్‌గా ఇలా మారిపోవడం వెనక రహస్యమేంటి..? ఎందుకింత నీరసంగా అయిపోయారు..? భాయిజాన్ హెల్త్ అంతా ఓకేనా..? చూస్తున్నారుగా.. సల్మాన్ లేటెస్ట్ లుక్ చూసాక ఇందాక మనం అడిగిన ప్రశ్నలన్నీ ఫ్యాన్స్ మదిలో మెదలాడుతూ ఉన్నాయి. అసలేమైంది మా హీరోకు అంటూ ఆరాలు తీస్తున్నారు వాళ్లు. ముంబైలోని స్లమ్ రిహాబిలిటేషన్ అథారిటీ ఆఫీస్‌కి వచ్చిన భాయీజాన్‌ను చూసి షాక్ అయ్యారంతా. అసలు గుర్తుపట్టలేనంత నీరసంగా మారిపోయారు కండల వీరుడు. 60 ఏళ్ల వయసులో కూడా మొన్నటి వరకు సూపర్ ఫిట్‌గా కనిపించిన సల్మాన్.. ఉన్నట్లుండి ఇలా అయిపోడానికి కారణమేంటి అంటూ షాక్‌లో ఉన్నారు ఫ్యాన్స్. ఇది కొత్త సినిమా కోసం చేసిన మేకోవరా లేదంటే ఏదైనా హెల్త్ ఇష్యూ వచ్చిందా అనే అనుమానాలు కూడా వస్తున్నాయి. ఈ లుక్‌పై సల్మాన్ టీం నుంచి ఎలాంటి అధికారిక ప్రకటన లేదు. త్వరలోనే మాతృభూమితో రానున్నారు సల్మాన్. ఇప్పుడున్నంత నీరసంగా గతంలో ఎప్పుడూ కనబడలేదు సల్మాన్. తలపై క్యాప్‌తో, ముఖంలో గ్లో లేకుండా, ముడతలు పడ్డ శరీరంతో కనిపించారు భాయీజాన్. అసలీయన సల్మానేనా అని షాకవుతున్నారు ఫ్యాన్స్. ప్రస్తుతం దిల్ రాజు నిర్మాతగా వంశీ పైడిపల్లి సినిమాతో బిజీగా ఉన్నారు సల్మాన్ ఖాన్. ఏదేమైనా కండలవీరుడి కొత్త లుక్ మాత్రం సస్పెన్స్‌గా మారిపోయింది.

మరిన్ని వీడియోల కోసం ఇక్కడ క్లిక్ చేయండి

Also Watch:

భారీ సినిమాల దర్శకుల కొత్త మిషన్.. చిన్న సినిమాలకు పాన్ వరల్డ్ సపోర్ట్!

God Of War: డిసెంబర్ నుంచి పట్టాలెక్కనున్న ‘గాడ్ ఆఫ్ వార్’.. తారక్ కోసం గురూజీ మైథాలజీ మ్యాజిక్!

జెన్ జీకి హాలీవుడ్ ఫీవర్.. తెలుగు సినిమాలు ఎందుకు కనెక్ట్ కావడం లేదు?

మెగాఫోన్ పట్టిన మాస్ హీరోలు.. డైరెక్షన్‌లోనూ కమర్షియల్ ఫార్ములాపైనే నమ్మకం!

ఈ ఏడాది జనవరిలో దావోస్ వేదికగా జరిగిన ప్రపంచ ఆర్థిక సదస్సు (WEF)లో ఆంధ్రప్రదేశ్ ప్రభుత్వం కుదుర్చుకున్న మరో కీలక ఒప్పందం ఆరు నెలల్లోనే సాకారమైంది. ఏపీలో ఫుడ్ ప్రాసెసింగ్ రంగాన్ని అంతర్జాతీయ స్థాయికి తీసుకెళ్లేందుకు ఏపీ ఎకనామిక్ డెవలప్‌మెంట్ బోర్డ్ (APEDB) మరియు యునైటెడ్ అరబ్ ఎమిరేట్స్ (UAE) ఫుడ్ క్లస్టర్ మధ్య చారిత్రాత్మక అవగాహనా ఒప్పందం (MoU) కుదిరింది. రాష్ట్ర సచివాలయంలో ముఖ్యమంత్రి నారా చంద్రబాబు నాయుడు, యూఏఈ ఆర్థిక, పర్యాటక శాఖ మంత్రి అబ్దుల్లా బిన్ తౌక్ అల్ మర్రీ సమక్షంలో ఈ సంతకాలు జరిగాయి.

ఈ ఒప్పందం ద్వారా ఏపీలో పండే మామిడి, అరటి, కోకో వంటి వివిధ రకాల ఉద్యాన పంటలకు అంతర్జాతీయ మార్కెట్లలో భారీ డిమాండ్ ఏర్పడనుంది. ఆహార శుద్ధి యూనిట్ల ఏర్పాటుతో పాటు విలువ జోడించిన ఉత్పత్తులను నేరుగా విదేశాలకు ఎగుమతి చేసేందుకు యూఏఈ సహకరిస్తుంది. ఒప్పందంలో భాగంగా యూఏఈకి చెందిన ప్రముఖ ఫ్లోర్ మాస్టర్స్ ఇంటర్నేషనల్‌ సంస్థ, చిత్తూరు జిల్లా గంగాధర నెల్లూరులో రూ.100 కోట్ల పెట్టుబడితో అధునాతన ప్రాసెసింగ్ యూనిట్‌ను ఏర్పాటు చేయనుంది. ఇక్కడ తయారయ్యే ప్రపంచ శ్రేణి ఉత్పత్తులు దాదాపు 25 దేశాలకు ఎగుమతి కానున్నాయి.

సమావేశంలో సీఎం చంద్రబాబు మాట్లాడుతూ, రాష్ట్రంలో పెట్టుబడుల వేగాన్ని మరింత పెంచేలా స్పీడ్ ఆఫ్ డూయింగ్ బిజినెస్ విధానాన్ని అమలు చేస్తున్నామని వెల్లడించారు. రూ.1 లక్ష కోట్ల అంచనాతో రాయలసీమను హార్టికల్చర్ హబ్‌గా తీర్చిదిద్దుతున్నామని, రిలయన్స్ భాగస్వామ్యంతో ఇండియన్ స్కూల్ ఆఫ్ అగ్రికల్చర్ (ISA)ను కూడా ఏర్పాటు చేయనున్నట్లు తెలిపారు. దేశంలోనే లభిస్తున్న మొత్తం పెట్టుబడుల్లో 25 శాతం ఏపీకి రావడం గర్వకారణమని, ఆగస్టు 1 నుండి అందుబాటులోకి రానున్న మరో అంతర్జాతీయ విమానాశ్రయం లాజిస్టిక్స్ రంగానికి మరింత బలాన్నిస్తుందని సీఎం స్పష్టం చేశారు.

కృష్ణా-గోదావరి డెల్టా నీటి వనరులు, 200కు పైగా ఉద్యాన క్లస్టర్లు, బలమైన రోడ్డు, రైలు, పోర్టు కనెక్టివిటీ ఉన్న ఏపీలో క్వాంటం స్పీడ్‌తో లభించే అవకాశాలను యూఏఈ పారిశ్రామికవేత్తలు అందుకోవాలని సీఎం చంద్రబాబు పిలుపునిచ్చారు. ఈ ప్రాజెక్ట్ ద్వారా ఏపీ రైతుల ఆదాయం పెరగడమే కాకుండా వేలాదిమంది యువతకు స్థానికంగానే ఉపాధి లభించనుంది.

మరిన్ని ఆంధ్రప్రదేశ్ వార్తల కోసం క్లిక్ చేయండి..

Special Intensive Revision (SIR): ప్రస్తుతం ఏపీ, తెలంగాణలో ఓటర్ల ప్రత్యేక సమగ్ర సవరణ (SIR) ప్రక్రియ కొనసాగుతోంది. ఇప్పటికే చాలా మంది ఓటర్లు తమ వివరాలను విజయవంతంగా నమోదు చేసుకున్నారు. అయితే కొందరికి తమ వివరాలు నమోదు అయ్యాయా? లేదా అనే సందేహంలో ఉన్నారు. అలాంటి వారు వారివారి మొబైల్‌లోనే సులభంగా చెక్‌ చేసుకోవచ్చు. ఒక్క మెసేజ్‌ చేస్తే చాలా సెకన్లలోనే అప్‌డేట్‌ అయ్యాయా? లేదా అనేది తెలిసిపోతుంది. దీని కోసం ఎలాంటి ఇంటర్నెట్‌ అవసరం లేదు.

దీని కోసం మీరు ప్రభుత్వ కార్యాలయానికి వెళ్లాల్సిన అవసరం లేదు. కొన్ని సులభమైన దశలను అనుసరించడం ద్వారా మీరు మీ మొబైల్ ఫోన్‌ను ఉపయోగించి, మీ ఇంటి నుండే సౌకర్యవంతంగా మీ ఫారం స్థితిని తనిఖీ చేసుకోవచ్చు. అది ఎలాగో తెలుసుకుందాం..

• మీ మొబైల్‌ నుంచి1950 నంబర్‌కు మెసేజ్‌ చేయాల్సి ఉంటుంది.
• ముందుగా మీ మొబైల్‌లో ECI అని టైప్‌ చేసి స్పెస్‌ ఇచ్చి EPIC Number ఎంటర్‌ చేయండి (ఉదాహారణకు ECI UTQ0777245)
• SMS పంపిన కాసేపటికే ఈసీ నుంచి మీకు రిప్లై ఎస్‌ఎంఎస్‌ వస్తుంది.

ఇలా మీ మొబైల్‌ నంబర్‌కు మీ పేరు, సీరియల్‌ నెంబర్‌, నియోజకవర్గం పేరు వంటి వివరాలు వచ్చినట్లయితే మీ SIR సక్సెస్‌ అయినట్లే. అయితే ఒక వేళ ప్రాసెస్‌లో ఉంటే మీరు మీ వివరాలు సబ్మిట్‌ చేశారని, త్వరలో నమోదు పూర్తవుతుందని రిప్లై వస్తుంది.

వివరాలు రాకపోతే మీ BLOని సంప్రదించండి. కేవలం SMS రాకపోవడం కారణంగా నమోదు కాలేదని ఖచ్చితమైన ఆధారం కాదని ఎన్నికల అధికారులు పేర్కొంటున్నారు. ఎపిక్‌ నంబర్‌లో ఎలాంటి తప్పుల్లేకుండా టైప్‌ చేయాలని, మెసేజ్ పంపిన తర్వాత కాసేపు వేచి ఉండాలని సూచించారు. అయితే, కొన్నిసార్లు నెట్‌వర్క్‌ సమస్యల కారణంగా కూడా ఆలస్యంగా సమాధానం రావచ్చని, ఏవైనా సందేహాలు ఉంటే మీ ఏరియా బీఎల్‌వో లేదా ఎన్నికల అధికారులను సంప్రదించవచ్చని తెలిపారు.

• ముందుగా ఎన్నికల సంఘం ఓటరు పోర్టల్ voters.eci.gov.in కు వెళ్లండి.
• ఇక్కడ హోమ్ పేజీలో కనిపించే ‘ఫిల్ ఎన్యూమరేషన్ ఫారం’ ఎంపికపై క్లిక్ చేయండి.
• మీరు ఇంతకు ముందు ఈ పోర్టల్‌ను ఎప్పుడూ ఉపయోగించకపోతే, సైన్ అప్ చేయడం ద్వారా కొత్త ఖాతాను సృష్టించుకోండి.
• దీని కోసం మొబైల్ నంబర్, ఇమెయిల్ ఐడి, క్యాప్చా నమోదు చేసి రిజిస్టర్ చేసుకోండి.
• ఇప్పటికే ఖాతా ఉన్నవారు తమ నమోదిత మొబైల్ నంబర్, పాస్‌వర్డ్ లేదా OTPతో లాగిన్ అవ్వాలి.
• మీరు లాగిన్ అయిన తర్వాత, ‘ఫిల్ ఎన్యూమరేషన్ ఫారం’ ఎంపికను మళ్ళీ తెరవండి.
• ఇప్పుడు ఇచ్చిన బాక్స్‌లో మీ మీ ఓటరు గుర్తింపు సంఖ్యను నమోదు చేసి సెర్చ్‌ చేయండి.
• దీని తర్వాత మీ SIR ఫారం స్థితి స్క్రీన్‌పై కనిపిస్తుంది.

మీ ఫారం BLO ద్వారా విజయవంతంగా సమర్పించినట్లయితే మీ స్క్రీన్‌పై “మీ ఫారం అనుసంధానించిన మొబైల్ నంబర్‌తో సమర్పించబడింది” అని ఒక సందేశం కనిపిస్తుంది. దీని అర్థం మీ దరఖాస్తు ఎన్నికల సంఘం రికార్డులలో నమోదు చేశారని అర్థం.

మీరు ఏదైనా సమాచారం కోసం మీ BLOతో మాట్లాడవలసి వస్తే, అదే ఓటర్ పోర్టల్‌కు వెళ్లి, “BLOతో కాల్ బుక్ చేసుకోండి” అనే ఆప్షన్‌పై క్లిక్ చేయండి. ఈ ఆప్షన్‌పై క్లిక్ చేసిన తర్వాత, వెతకడానికి మీ ఓటర్ ఐడి నంబర్, క్యాప్చాను నమోదు చేయండి. అప్పుడు BLO పేరు, మొబైల్ నంబర్ స్క్రీన్‌పై కనిపిస్తాయి. దీని ద్వారా మీరు వారిని నేరుగా సంప్రదించవచ్చు.

SIR

ఇది కూడా చదవండి: Best Scheme: కేవలం వడ్డీ నుండే రూ.50 లక్షలు సంపాదించవచ్చని మీకు తెలుసా? ధనవంతులను చేసే స్కీమ్‌!

మరిన్ని బిజినెస్ వార్తల కోసం ఇక్కడ క్లిక్ చేయండి

వాళ్లందరూ ప్యాన్ ఇండియా కాదు కాదు.. ప్యాన్ వరల్డ్ డైరెక్టర్స్. వాళ్ల సినిమాల్లో ఓ పాటకు, ఫైట్‌కే పదుల కోట్లు ఖర్చు పెడుతుంటారు.. అలాంటి వాళ్లు తలుచుకుంటే పెద్ద సినిమాలనే నిర్మించొచ్చు. కానీ మన దర్శకుల దారే వేరు. ఎవ్వరూ ఊహించని రీతిలో చిన్న సినిమాలను బ్యాక్ చేస్తున్నారు మన ప్యాన్ వరల్డ్ డైరెక్టర్స్. మరి వాళ్లెవరు.. ఆ సినిమాలేంటో ఎక్స్‌క్లూజివ్‌గా చూద్దామా..? వందల, వేల కోట్ల బడ్జెట్‌తో సినిమాలు చేస్తున్న దర్శకుల ఆలోచనలు కూడా అదే రేంజ్‌లోనే ఉంటాయి. కానీ మన దర్శకులు మాత్రం తాము డైరెక్ట్ చేసేటప్పుడు పెద్ద సినిమాలు.. నిర్మించేటప్పుడు చిన్న సినిమాలు చేస్తూ ట్రెంట్ సెట్ చేస్తున్నారు. చిన్న సినిమాలకు తమ బ్రాండ్ వ్యాల్యూ ఇస్తున్నారు. రాజమౌళి, ప్రశాంత్ నీల్, సందీప్ వంగా, నాగ్ అశ్విన్ ఇలా అందరూ ఇదే దారిలో వెళ్తున్నారు. ఇప్పుడు మీరు చూస్తున్న ఈ టీజర్ రాజమౌళి కంపౌండ్ నుంచి వచ్చింది. జక్కన్న సమర్పణలో ఆయన కుమారుడు కార్తికేయ నిర్మిస్తున్న సినిమా సినిమానే డోంట్ ట్రబుల్ ది ట్రబుల్. అల్లాద్దీన్ అద్భుతదీపం కాన్సెప్ట్‌తో ఈ సినిమాను తెరకెక్కిస్తున్నారు దర్శకుడు శశాంక్ యేలేటి. అలాగే మరో ప్యాన్ వరల్డ్ డైరెక్టర్ ప్రశాంత్ నీల్.. డ్రాగన్ తీస్తూనే 418 అనే హారర్ సినిమాను సపోర్ట్ చేస్తున్నారు. మైత్రి మూవీ మేకర్స్‌లోనే ప్రస్తుతం జూనియర్ ఎన్టీఆర్ హీరోగా డ్రాగన్ తెరకెక్కిస్తున్నారు నీల్. ఇదే బ్యానర్‌తో కలిసి 418 అనే సినిమా నిర్మాణంలో భాగమయ్యారు. హార్రర్ థ్రిల్లర్‌గా వస్తున్న ఈ చిత్రాన్ని కీర్తన్ నాదగౌడ డైరెక్ట్ చేస్తున్నారు. ఇక సందీప్ రెడ్డి వంగా సైతం స్పిరిట్ లాంటి సెన్సేషనల్ సినిమా చేస్తూనే.. రోమాంచకం అనే చిన్న సినిమాను నిర్మిస్తున్నారు. సుమంత్ ప్రభాస్ ఇందులో హీరో. రొమాంటిక్ ఎంటర్‌టైనర్‌గా వస్తున్న రోమాంచకం సినిమాను వేణుగోపాల్ రెడ్డి తెరకెక్కిస్తున్నారు. ఇక నాగ్ అశ్విన్ కూడా కల్కి 2 చేస్తూనే.. సింగీతం శ్రీనివాసరావు తెరకెక్కించిన సింగ్ గీతం సినిమాను అన్నీ తానేయై ప్రేక్షకుల ముందుకు తీసుకొచ్చారు. సుకుమార్ చిన్న సినిమాలను ఎప్పుడూ సపోర్ట్ చేస్తూనే ఉంటారు. మొత్తానికి తమ బ్రాండ్‌ను చిన్న సినిమాల కోసం వాడేస్తున్నారు మన పెద్ద దర్శకులు.

మరిన్ని వీడియోల కోసం ఇక్కడ క్లిక్ చేయండి

Also Watch:

God Of War: డిసెంబర్ నుంచి పట్టాలెక్కనున్న ‘గాడ్ ఆఫ్ వార్’.. తారక్ కోసం గురూజీ మైథాలజీ మ్యాజిక్!

జెన్ జీకి హాలీవుడ్ ఫీవర్.. తెలుగు సినిమాలు ఎందుకు కనెక్ట్ కావడం లేదు?

మెగాఫోన్ పట్టిన మాస్ హీరోలు.. డైరెక్షన్‌లోనూ కమర్షియల్ ఫార్ములాపైనే నమ్మకం!

మన దేశంలో గట్టిగా పాతుకుపోయిన విచిత్రమైన నమ్మకాల్లో గర్భిణీ స్త్రీలను పాములు కాటు వేయవు అనేది ఒకటి. ఇప్పటికీ అనేక పల్లెల్లో అమ్మమ్మలు, నాయనమ్మల నోటి వెంట ఈ మాట వినిపిస్తూనే ఉంటుంది. సృష్టి పరిణామానికి కారణమయ్యే మాతృత్వాన్ని ప్రకృతి ఆటోమేటిక్‌గా రక్షిస్తుందని కొందరు విశ్వసిస్తే.. దీని వెనుక జ్యోతిష్య కారణాలు ఉన్నాయని మరికొందరు వాదిస్తారు. పురాణాల ప్రకారం.. గర్భం దాల్చిన మహిళను సాక్షాత్తు ఆదిశక్తి రూపంగా పరిగణిస్తారు. శివకేశవుల అలకారాలైన సర్పాలు.. మహిళ కడుపులోని జీవాన్ని గుర్తించగలవని, సృష్టిని ముందుకు తీసుకెళ్లే కార్యక్రమానికి ఆటంకం కలిగించకుండా అవి పక్కకు తొలిగిపోతాయని పౌరాణిక కథలు చెబుతున్నాయి. మరోవైపు జ్యోతిష్య రీత్యా చూస్తే.. పాములను రాహు-కేతువుల స్వరూపంగా భావిస్తారు. గర్భధారణ సమయంలో మహిళ చుట్టూ ఒక ప్రత్యేకమైన సానుకూల ఆరా ఏర్పడుతుందని.. ఇది ప్రతికూల గ్రహాల తీవ్రతను తగ్గించి సర్పాలు దాడి చేయకుండా నిరోధిస్తుందని జ్యోతిష్య నిపుణుల నమ్మకం.

వైద్య నిపుణులు, జీవశాస్త్రవేత్తలు మాత్రం ఈ నమ్మకాన్ని పూర్తిగా కొట్టిపడేస్తున్నారు. పాములకు ఎదుటి వ్యక్తి పురుషుడా, స్త్రీయా లేదా గర్భిణీనా అని గుర్తించే విచక్షణ జ్ఞానం ఉండదని సైన్స్ స్పష్టం చేస్తుంది. పాము కాటు వేయడం అనేది కేవలం తనను తాను రక్షించుకోవడానికి చేసే ఆత్మరక్షణ చర్య మాత్రమే. పొరపాటున కాలు పడినా లేదా ప్రమాదాన్ని పసిగట్టినా అది ఎవరినైనా కాటు వేస్తుంది. గర్భధారణ సమయంలో హార్మోన్ల మార్పుల వల్ల వచ్చే వాసన పాములను దూరంగా ఉంచుతుందనే ప్రచారానికి కూడా ఎలాంటి శాస్త్రీయ ఆధారాలు లేవు.

సంస్కృతి, సంప్రదాయాలను పక్కన పెడితే.. ప్రాణాల విషయంలో విశ్వాసాల కంటే హెచ్చరికలే ముఖ్యం. చీకటి ప్రదేశాలు లేదా పొదల్లోకి వెళ్లేటప్పుడు గర్భిణీలు అత్యంత అప్రమత్తంగా ఉండాలి. ఒకవేళ అవాంఛనీయంగా పాము కాటుకు గురైతే నమ్మకాలపై ఆధారపడకుండా వెంటనే సమీప ఆసుపత్రికి వెళ్లేలా చూడటమే సురక్షితం.

హీరో నందమూరి బాలకృష్ణ తన కొత్త సినిమా షూటింగ్ లో ప్రమాదవశాత్తూ గాయపడ్డారు. గోపీచంద్ మలినేని తెరకెక్కిస్తోన్న NBK111 (వర్కింగ్ టైటిల్) సినిమాలోని ఓ యాక్షన్ సీక్వెన్స్ లో బాలకృష్ణ కు గాయమైనట్లు సమాచారం. ఈ విషయం తెలియగానే బాలకృష్ణ అభిమానులు తీవ్ర ఆందోళనకు గురయ్యారు. ఆయన త్వరగా కోలుకోవాలని ప్రార్థిస్తూ సోషల్ మీడియా వేదికగా పోస్టులు పెడుతున్నారు. కాగా బాలకృష్ణకు సిద్ధార్థ హాస్పటల్ వైద్యులు MRI స్కానింగ్ నిర్వహించారు. ఈ సందర్భంగా మోకాలు దగ్గర ఇబ్బంది గా ఉందని బాలయ్య చెప్పారని వైద్యులు తెలిపారు. కనీసం వారం రోజులు పాటు రెస్ట్ తీసుకోవాలని బాలయ్యుకు డాక్టర్లు సూచించారు. ప్రస్తుతం ఆయన జీఆర్‌టీ హోటల్ లోనే ఉన్నారు. ఇవాళ రాత్రి లేదా రేపు ఉదయం హైదరాబాద్ కి బాలకృష్ణ వెళ్తారని చిత్ర బృందం చెబుతోంది. మరోవైపు కాలు నొప్పి కొంచెం తగ్గిన తర్వాత జర్నీ చేయాలని డాక్టర్లు సూచించినట్లు సమాచారం.

కాగా బాలయ్య ఆరోగ్య పరిస్థితిపై డైరెక్టర్ గోపీచంద్ మలినేని ట్వీట్ చేశారు. ‘NBK111 షూటింగ్ కాకినాడలో జరుగుతున్న సమయంలో ఓ యాక్షన్ సీక్వెన్స్ లో నందమూరి బాలకృష్ణ గారికి చిన్న మసిల్ టియర్ అయింది. వైద్యుల సూచన మేరకు, ఆయన త్వరగా పూర్తిగా కోలుకోవడానికి ఒక చిన్న మైనర్ సర్జరీ చేయాల్సి ఉంది. సినిమాపై ఆయనకున్న క్రమశిక్షణ, కష్టపడే తత్వం #NBK111 చిత్ర బృందంలోని ప్రతి ఒక్కరికీ ఎంతో స్ఫూర్తినిస్తుంది. అభిమానులు ఎలాంటి ఆందోళన చెందాల్సిన అవసరం లేదు. ఆయన త్వరగా కోలుకుని మళ్లీ షూటింగ్లో పాల్గొనాలని మనస్ఫూర్తిగా కోరుకుంటున్నాం’ అని ఎక్స్ లో రాసుకొచ్చారు గోపీచంద్.

ఇక ఏపీ సీఎం చంద్రబాబు నాయుడు బాలయ్య ఆరోగ్యంపై ఆరా తీశారు.  నేరుగా బాలకృష్ణకు ఫోన్ చేసి ఆయన ఆరోగ్య పరిస్థితి గురించి తెలుసుకున్నారు. నందమూరి హీరో త్వరగా కోలుకోవాలని ప్రార్థించారు.

Spoke with Nandamuri Balakrishna Garu after learning about his injury on set. Wishing him a very speedy recovery. Knowing his unstoppable spirit, he will be back in action in no time! Get well soon!

— N Chandrababu Naidu (@ncbn) July 21, 2026

#NBK111 షూటింగ్ కాకినాడలో జరుగుతున్న సమయంలో ఓ యాక్షన్ సీక్వెన్స్ లో నందమూరి బాలకృష్ణ గారికి చిన్న మసిల్ టియర్ అయింది.

వైద్యుల సూచన మేరకు, ఆయన త్వరగా పూర్తిగా కోలుకోవడానికి ఒక చిన్న మైనర్ సర్జరీ చేయాల్సి ఉంది.

సినిమాపై ఆయనకున్న క్రమశిక్షణ, కష్టపడే తత్వం #NBK111 చిత్ర బృందంలోని…

— Gopichandh Malineni (@megopichand) July 21, 2026

మరిన్ని సినిమా వార్తల కోసం ఇక్కడ క్లిక్ చేయండి.

త్రివిక్రమ్ గాడ్ ఆఫ్ వార్ ఎలా ఉండబోతుంది..? కొత్తగా ఈ సినిమాలో కార్తికేయుడి గురించి మాటల మాంత్రికుడు ఏం చెప్పబోతున్నారు..? చరిత్రలో తెలియని నిజాలు ఈ సినిమాలో చూపించబోతున్నారా..? తమిళ కాంట్రవర్సీ గురించి గురూజీ లైట్ తీసుకున్నారా..? అసలు తారక్‌తో ఎలాంటి మైథలాజికల్ సబ్జెక్ట్ త్రివిక్రమ్ ప్లాన్ చేస్తున్నారు..? ఈ జనరేషన్ దర్శకులలో పౌరాణికాల గురించి త్రివిక్రమ్‌కు ఉన్నంత పట్టు మరో దర్శకుడికి లేదు. ప్రతీ సినిమాలోనూ పురాణాలతో ముడిపెడుతూ మాటలు రాస్తుంటారీయన. అలాంటి దర్శకుడి నుంచి నిజంగా ఓ మైథాలజీ సినిమా వస్తే ఎలా ఉంటుంది..? అందుకే కార్తికేయుడిపై గురూజీ ప్రకటించిన గాడ్ ఆఫ్ వార్ సినిమాపై అంత ఆసక్తి., అన్ని అంచనాలున్నాయి. ఉత్తరంలో జన్మించి, దక్షిణంలో ఆరాధించబడే దేవుడు అనే కాన్సెప్ట్‌‌తోనే త్రివిక్రమ్, ఎన్టీఆర్ సినిమా రానుంది.. దీనిచుట్టూనే వివాదం రాజుకుంది. కానీ పూర్తి కథను ఇప్పటి వరకు మేకర్స్ చెప్పలేదు. ఇందులో కార్తికేయుడి గురించి ఎవరికీ తెలియని రహస్యాలు, విషయాలు ఉండబోతున్నాయి. ముఖ్యంగా ఆయన జన్మరహస్యంతో పాటు యుద్ధాలపైనే ఎక్కువగా గురూజీ ఫోకస్ చేస్తున్నట్లు తెలుస్తుంది. ఆదర్శ కుటుంంతో బిజీగా ఉన్న త్రివిక్రమ్.. డిసెంబర్ నుంచి గాడ్ ఆఫ్ వార్ షురూ చేయనున్నారు. ఆలోపు తారక్ కూడా డ్రాగన్ షూటింగ్ నుంచి ఫ్రీ కానున్నారు. ఈ చిత్రాన్ని హారిక అండ్ హాసిని క్రియేషన్స్, ఎన్టీఆర్ ఆర్ట్స్ సంయుక్తంగా నిర్మిస్తున్నాయి. మొత్తానికి కార్తికేయ స్వామి గురించి ఎన్నో రహస్యాలను ఇందులో చూపించాలనేదే త్రివిక్రమ్ ప్రయత్నంగా కనిపిస్తుంది.

మరిన్ని వీడియోల కోసం ఇక్కడ క్లిక్ చేయండి

Also Watch:

జెన్ జీకి హాలీవుడ్ ఫీవర్.. తెలుగు సినిమాలు ఎందుకు కనెక్ట్ కావడం లేదు?

మెగాఫోన్ పట్టిన మాస్ హీరోలు.. డైరెక్షన్‌లోనూ కమర్షియల్ ఫార్ములాపైనే నమ్మకం!

హాలీవుడ్, కొరియన్ సిరీస్‌ల మాయలో పడిన మన జెన్ జీ ఆడియన్స్‌ను మెప్పించడంలో తెలుగు దర్శకులు వెనకబడుతున్నారా..? ‘ది ఒడిస్సీ’ లాంటి సినిమాలకు విడుదలకు 10 రోజుల ముందే టికెట్లు అమ్ముడైపోతుంటే.. మన సినిమాలు మాత్రం బాక్సాఫీస్ దగ్గర మూడు రోజుల ముచ్చటగానే ఎందుకు మిగిలిపోతున్నాయి..? ఇంటర్నేషనల్ సినిమాలకు క్యూలు కడుతున్న జెన్ జీ.. మన సినిమాలను పట్టించుకోవట్లేదా..? ఇండియన్ బాక్సాఫీస్ దగ్గర ప్రస్తుతం ది ఒడిస్సీ ప్రభంజనం నడుస్తుంది. థియేటర్లలో ఈ సినిమా ఫుట్ ఫాల్స్ చూస్తుంటే పిచ్చెక్కిపోతుంది. జెన్ జీ అంతా ఇంటర్నేషనల్ కంటెంట్‌పైనే ఫోకస్ పెడుతున్నారు. ముఖ్యంగా హాలీవుడ్ సినిమాలు, కొరియన్ సిరీస్‌ల క్వాలిటీకి అలవాటు పడిన ఈ తరం ప్రేక్షకులను మన రొటీన్ కథలు ఆకట్టుకోలేకపోతున్నాయి. స్పైడర్ మ్యాన్, అవేంజర్స్ లాంటి సినిమాలొచ్చినప్పుడు ఇండియాలో థియేటర్లు దద్దరిల్లిపోతుంటే.. మన సినిమాలు మాత్రం వీకెండ్ దాటడమే గగనంగా మారిపోతుంది. దీనికి బెస్ట్ ఎగ్జాంపుల్‌ ది ఒడిస్సీ. మన కథ కాదు, మన చరిత్ర కాదు.. కానీ రిలీజ్‌కు 10 రోజుల ముందే టికెట్స్ అన్నీ హాట్ కేకుల్లా అమ్ముడైపోయాయి.. ఎప్పుడో రాజమౌళి సినిమా వచ్చినపుడే మన దగ్గర ఈ మ్యాజిక్ చూస్తుంటాం..! 2000 కోట్లతో తెరకెక్కిన ది ఒడిస్సీని కేవలం 91 రోజుల్లోనే నోలెన్ పూర్తి చేసారంటే నమ్మడం సాధ్యమేనా..? స్క్రిప్ట్ దశలోనే ప్రతి సన్నివేశాన్ని పక్కాగా డిజైన్ చేసుకోవడం వల్లే క్వాలిటీతో పాటు ప్రేక్షకుల్లో అంత అద్భుతమైన క్రేజ్ సాధ్యమవుతోంది. హాలీవుడ్ మేకర్స్‌పై జెన్ జీ సాధించిన ఈ నమ్మకాన్ని.. మన మేకర్స్ సంపాదించడంలో ఎక్కడో వెనకబడుతున్నారనేది కాదనలేని నిజం. ప్రీ ప్రొడక్షన్ కంటే సెట్స్ మీదకు వెళ్లాక కథలు మార్చడం, ఏళ్ల తరబడి షూటింగ్స్ చేయడం వల్లే మన బడ్జెట్లు పెరిగిపోయి కంటెంట్ దెబ్బతింటోంది. కాలంతో పాటు ప్రేక్షకుల అభిరుచి మారుతున్నా.. మన మేకర్స్ ఇంకా పాత ఫార్ములానే నమ్ముకుంటూ కొత్త తరానికి కనెక్ట్ అయ్యేలా సినిమాలు తీయలేకపోతున్నారేమో అనిపిస్తుంది.. అందుకే ఇంటర్నేషనల్ కంటెంట్ ఇండియాలోనూ రూల్ చేస్తుంది.

మరిన్ని వీడియోల కోసం ఇక్కడ క్లిక్ చేయండి

Also Watch:

మెగాఫోన్ పట్టిన మాస్ హీరోలు.. డైరెక్షన్‌లోనూ కమర్షియల్ ఫార్ములాపైనే నమ్మకం!

ట్రైనీ ఐపీఎస్ ఉదయ్ కృష్ణారెడ్డిపై నమోదైన కేసు దేశవ్యాప్తంగా చర్చనీయాంశంగా మారిన నేపథ్యంలో మాజీ సీబీఐ డైరెక్టర్, రిటైర్డ్ ఐపీఎస్ అధికారి ఎం.నాగేశ్వరరావు స్పందించారు. ఈ అంశంపై సోషల్ మీడియా వేదికగా స్పందించారు. ఎక్స్‌లో పోస్టు చేస్తూ.. ఉదయ్ కృష్ణారెడ్డికి న్యాయం జరిగేలా నిష్పాక్షిక దర్యాప్తు నిర్వహించాలని విజ్ఞప్తి చేశారు. ప్రేమ సంబంధం విఫలమైతే దానిని వెంటనే క్రిమినల్ కేసుగా పరిగణించకూడదని నాగేశ్వరరావు అభిప్రాయపడ్డారు. కేసులోని వాస్తవాలను సాక్ష్యాధారాల ఆధారంగా పరిశీలించి, ఎలాంటి పక్షపాతం లేకుండా దర్యాప్తు జరగాలని సూచించారు.

అలాగే ఎఫ్‌ఐఆర్ నమోదు అయిన వెంటనే ఉదయ్ కృష్ణారెడ్డిని సస్పెండ్ చేయడంపై కూడా ఆయన ప్రశ్నలు లేవనెత్తారు. పరస్పర అంగీకారంతో సంబంధం ఉన్నట్లు తేలితే, క్రమశిక్షణా చర్యలు ఇద్దరిపైనా ఒకే విధంగా ఉండాలని పేర్కొన్నారు. ఒకరిపై మాత్రమే చర్యలు తీసుకోవడం సమానత్వ సూత్రాలకు విరుద్ధంగా కనిపిస్తుందని అభిప్రాయపడ్డారు. కేంద్ర హోంశాఖ ఉదయ్ కృష్ణారెడ్డి సస్పెన్షన్ నిర్ణయాన్ని పునఃసమీక్షించాలని ఆయన కోరారు. దర్యాప్తు పూర్తయ్యే వరకు ఉదయ్‌కు శిక్షణ కొనసాగించే అవకాశం కల్పించాలని సూచించారు.

Justice for Uday Krishna Reddy: A Case for Fairness

The allegations levelled by lady IPS probationer Suma H.K. against her co-trainee Uday Krishna Reddy at the Sardar Vallabhbhai Patel National Police Academy (SVPNPA), Hyderabad, have ignited intense public debate.

Currently,… pic.twitter.com/YSm2pb0pRS

— M. Nageswara Rao IPS (Retired) (@MNageswarRaoIPS) July 21, 2026

అదేవిధంగా ఈ కేసులో నిష్పాక్షిక దర్యాప్తు జరిగేలా చర్యలు తీసుకోవాలని హైదరాబాద్ పోలీస్ కమిషనర్, తెలంగాణ డీజీపీని కోరారు. అలాగే కేంద్ర హోంమంత్రి అమిత్ షా, ఆంధ్రప్రదేశ్ ముఖ్యమంత్రి నారా చంద్రబాబు నాయుడు, ఉప ముఖ్యమంత్రి పవన్ కళ్యాణ్, మంత్రి నారా లోకేశ్ ఈ అంశంపై దృష్టి సారించాలని విజ్ఞప్తి చేశారు. కానిస్టేబుల్‌గా ఉద్యోగ జీవితం ప్రారంభించి కష్టపడి ఐపీఎస్ స్థాయికి చేరుకున్న ఉదయ్ కృష్ణారెడ్డి ప్రస్థానం వేలాది మంది యువతకు స్ఫూర్తిదాయకమని నాగేశ్వరరావు తన పోస్టులో పేర్కొన్నారు. అయితే ఈ కేసుకు సంబంధించి ఆరోపణలపై దర్యాప్తు కొనసాగుతోంది. కేసులోని వాస్తవాలపై తుది నిర్ణయం దర్యాప్తు, న్యాయ ప్రక్రియ పూర్తైన తర్వాతే వెలువడనుంది. ప్రస్తుతం ఇరుపక్షాల వాదనలు పరిశీలనలో ఉన్నందున అధికారిక విచారణ ఫలితాలే కీలకంగా మారనున్నాయి.

టాలీవుడ్‌తో పాటు కోలీవుడ్‌లో కూడా ఇప్పుడు యంగ్ హీరోలంతా వరసగా మెగాఫోన్ పట్టి ట్రెండ్ సృష్టిస్తున్నారు. యాక్టింగ్‌తోనే కాకుండా డైరెక్షన్‌తో కూడా బాక్సాఫీస్ దగ్గర బ్లాక్‌బస్టర్స్ కొట్టాలని కసితో ముందుకెళ్తున్నారు. అయితే ఇక్కడే అందరూ ఒకే దారిని ఎంచుకున్నారు. రామ్ పోతినేని నుంచి విశాల్ వరకు కెమెరా వెనుక ఫాలో అవుతున్న ఆ రూట్ ఏంటో చూద్దామా..? రామ్ పోతినేని తొలిసారి మెగాఫోన్ పట్టి సైకలాజికల్ యాక్షన్ థ్రిల్లర్ తెరకెక్కిస్తున్నారు. ప్రస్తుతం షూట్ వేగంగా జరుగుతుంది. ఇందులో బాలీవుడ్ నటుడు జాకీ ష్రాఫ్ విలన్‌గా నటిస్తున్నారు. పక్కా కమర్షియల్ కథతో మెగాఫోన్ పట్టారు రామ్. మరోవైపు కిరణ్ అబ్బవరం కూడా ఫన్ కమర్షియల్ ఎంటర్టైనర్‌తో దర్శకుడిగా మారుతున్నారు. ఇప్పటికే ఫలక్‌నుమా దాస్, ధమ్కీ లాంటి కమర్షియల్ సినిమాలతో దర్శకుడిగా సత్తా చాటిన విశ్వక్ సేన్.. మరోసారి అలాంటి కథతోనే వస్తున్నారు. ఈసారి ఏకంగా కల్ట్ అనే పవర్ ఫుల్ టైటిల్‌తో కమర్షియల్ యాక్షన్ సినిమా తెరకెక్కిస్తున్నారు. తన యాటిట్యూడ్‌కు సరిపోయే కథతోనే వస్తున్నారు విశ్వక్ సేన్. ఈ చిత్ర టీజర్‌కు రెస్పాన్స్ బాగానే వస్తుంది. తెలుగు ఇండస్ట్రీలోనే కాదు తమిళనాట డైరెక్షన్ బాట పడుతున్నారు హీరోలు. విశాల్ తొలిసారి డైరెక్ట్ చేస్తున్న మకుటం కూడా ఔట్ అండ్ ఔట్ పక్కా కమర్షియల్ సినిమానే. ఈ సినిమాను దివంగత నిర్మాత ఆర్‌బీ చౌదరి తన సూపర్ గుడ్ బ్యానర్‌లో నిర్మిస్తున్నారు. ఇలా సౌత్‌లో యంగ్ హీరోలంతా మెగాఫోన్ పడుతున్నది కమర్షియల్ కథలతోనే..! మరి వాళ్లను అవి ఆదుకుంటాయా లేదా అనేది చూడాలి.

మరిన్ని వీడియోల కోసం ఇక్కడ క్లిక్ చేయండి

Also Watch:

ఉత్తమ పాపులర్ చిత్రం గా ‘కల్కి 2898 AD

దక్షిణ భారతదేశ చరిత్రలోనూ, పురావస్తు పరిశోధనల్లోనూ ఒక అత్యంత ముఖ్యమైన, ఆసక్తికరమైన ఉదంతం వెలుగులోకి వచ్చింది. కర్ణాటకలోని మాండ్య, మైసూర్ జిల్లాలలో రామాయణ కథతో సంబంధం ఉన్న పవిత్ర పురావస్తు క్షేత్రాల సమీపంలో చేపట్టిన తవ్వకాల్లో దాదాపు 35 ప్రాచీన రావణాసురుడి విగ్రహాలు బయటపడటం విజ్ఞాన లోకంలో పెద్ద చర్చనీయాంశంగా మారింది. సాధారణంగా భారతీయ సంస్కృతిలో రావణాసురుడిని రామాయణ ప్రతినాయకుడిగా పరిగణించడం పరిపాటి. కానీ, ఈ నూతన ఆవిష్కరణలు ప్రాచీన కాలపు విభిన్న ఆధ్యాత్మిక ధోరణులను, సాంస్కృతిక వైవిధ్యాన్ని కళ్లకు కడుతున్నాయి.

లభించిన విగ్రహాల రూపకల్పనను బట్టి, నాటి సమాజంలో రావణుడిని కేవలం ఒక ప్రతినాయకుడిగానే కాకుండా గొప్ప శివభక్తుడిగా, వేద పండితుడిగా, వీణ విద్వాంసుడిగా కూడా గౌరవించి పూజించే ఆచారం ఉండేదని పురావస్తు నిపుణులు అభిప్రాయపడుతున్నారు. ఈ విగ్రహాలు పురాతన కాలపు అత్యున్నత శిల్పకళా వైభవాన్ని, నాటి రాతి చెక్కడాల నైపుణ్యాన్ని స్పష్టంగా ప్రతిబింబిస్తున్నాయి.

మాండ్య, మైసూర్ పరిసర ప్రాంతాలు రామాయణ కావ్యంలో పేర్కొనబడిన దండకారణ్యం, ఇతర చారిత్రక ఘట్టాలతో సంబంధం ఉన్న ప్రదేశాలుగా నమ్ముతారు. అక్కడ ఈ స్థాయిలో రావణుడి విగ్రహాలు లభించడం వల్ల నాటి దక్షిణ భారతదేశంలోని కొన్ని తెగలు లేదా ప్రాంతాల్లో రావణుడి పట్ల ఉన్న ప్రత్యేక ఆధ్యాత్మిక కోణాలు వెలుగులోకి వస్తున్నాయి. ఈ విగ్రహాలు ఏ శతాబ్దానికి చెందినవి, వీటిని ఏ రాజవంశం కాలంలో చెక్కించారు అనే కోణంలో కార్బన్ డేటింగ్, పురావస్తు విశ్లేషణలు జరుగుతున్నాయి.

ఈ 35 ప్రాచీన విగ్రహాల లభ్యం భారతీయ ఇతిహాసాలు, సాంస్కృతిక చరిత్రకు సంబంధించిన సరికొత్త అధ్యయనాలకు తలుపులు తీసింది. రామాయణ గాథకు ఉన్న విభిన్న ప్రాంతీయ కోణాలను, ప్రాచీన దక్షిణ భారత సంస్కృతిని అర్థం చేసుకోవడానికి ఈ పురావస్తు ఆవిష్కరణ ఎంతో దోహదపడుతుంది. ప్రస్తుతం ఈ విగ్రహాలను భద్రపరిచి, మరింత లోతైన పరిశోధనలు నిర్వహించేందుకు అధికారులు చర్యలు చేపట్టారు.

మరిన్ని ట్రెండింగ్ న్యూస్ కోసం క్లిక్ చేయండి..

ఈ రోజుల్లో చాలా మంది ఆరోగ్యంపైన శ్రద్ధ పెట్టడమే పూర్తిగా మానేశారు. దీని వలన అనారోగ్య సమస్యలు ఎక్కువయ్యే అవకాశం ఉంది. కొందరు కంటి మసకతో ఇబ్బంది పడుతూ ఉంటారు. అలాంటి వాళ్ళు వీటిని తీసుకుంటే ఆ సమస్యల నుంచి ఉపశమనం పొందుతారు. అంతేకాదు, జీర్ణ సంబంధిత సమస్యలు కూడా తగ్గుతాయి.

చియా సీడ్స్ చేతిలో పట్టుకోవడానికి కూడా ఆగవు. కానీ దీనిలో ఉండే పోషకాలు ఇంకా వేరే దానిలో దొరకవు. ఈ గింజల్లో ఫైబర్, ప్రోటీన్, ఒమెగా-3 ఫ్యాటీ యాసిడ్లు ఉంటాయి ఇంకా దీనిలో మెగ్నీషియం కూడా దొరుకుతుంది. అందువలన వీటిని సూపర్‌ఫుడ్‌గా చెబుతున్నారు. ఇంకా ఇది గుండెను ఆరోగ్యంగా ఉంచుతుంది.

ఎన్ని మెడిసిన్స్ వాడినా కళ్ళ మసక తగ్గిని వారు వీటిని తీసుకుంటే ఆ సమస్య నుంచి కొద్దీ రోజుల్లోనే ఉపశమనం పొందుతారు. ఇవి తింటే ఆరోగ్యంగా ఉంటారు. ఫైబర్ వల్ల జీర్ణక్రియ సమస్యలను కూడా ఇది తగ్గిస్తుంది. ఎక్కువసేపు ఆకలి లేకుండా చేస్తుంది. ఇంకా దీనిలో ఉండే ఒమెగా-3 ఫ్యాటీ యాసిడ్లు కండరాల బలాన్ని పెంచుతాయి.

వాల్‌నట్స్‌ తింటే గుండె పనితీరును మెరుగుపరుస్తాయి. ఇంకా ఇవి కళ్ళకు కూడా చాలా మంచిది. వీటిలో ఉండే ప్రోటీన్, ఫైబర్ కడుపు నిండిన అనుభూతిని ఇస్తుంది. వీటిని మీ ఆహారంలో తీసుకుంటే జుట్టును కూడా బలంగా ఉంచుతుంది. ఇంకా వీటిలో ఉండే మెగ్నీషియం, కాపర్ శరీరానికి కావాల్సిన పోషకాలను ఇస్తాయి.

(నోట్ : ఇక్కడ రాసిన సమాచారం ఇంటర్నెట్ నుంచి తీసుకోబడింది. ఇందులోని అంశాలు కేవలం అవగాహన కోసం మాత్రమే. నిపుణులు అందించిన సమాచారం ప్రకారం ఇక్కడ తెలియజేయడమైనది. ఆరోగ్యరీత్యా ఎలాంటి సమస్యలు ఉన్నానేరుగా వైద్య నిపుణులను సంప్రదించడం మంచిది)

ప్రసిద్ధ జర్మన్ ఆటోమొబైల్ దిగ్గజం ఫోక్స్‌వ్యాగన్ తన ప్లాంట్‌లో ఒక వినూత్నమైన నిర్ణయం తీసుకుంది. సాధారణంగా ఆటోమొబైల్ కర్మాగారాల్లో అత్యాధునిక రోబోలు, వేల సంఖ్యలో ఇంజనీర్లు పనిచేస్తుంటారు. కానీ ఫోక్స్‌వ్యాగన్ ప్లాంట్‌లో మాత్రం ఏకంగా ఒక గొర్రెల మంద పనిచేస్తుంది. పోలాండ్‌లోని పోజ్నాన్ నగరంలో ఉన్న తన తయారీ ప్లాంట్‌లో గడ్డిని నియంత్రించడానికి ఏకంగా 100 గొర్రెలను సిబ్బందిగా నియమించింది ఆ సంస్థ. పోజ్నాన్‌లోని ఫోక్స్‌వ్యాగన్ కర్మాగారంలో 18.3 మెగావాట్ల సామర్థ్యం కలిగిన భారీ సోలార్ ఎనర్జీ ప్లాంట్ ఉంది. ఇందులో దాదాపు 31,000 కంటే ఎక్కువ సోలార్ ప్యానెల్స్ ఉన్నాయి. ఈ ప్లాంట్ సాయంతో కర్మాగారానికి కావాల్సిన వార్షిక విద్యుత్ అవసరాలలో 25 శాతం సమకూరుతుంది. ఎండ ఎక్కువగా ఉండే రోజుల్లో ప్లాంట్ మొత్తం విద్యుత్ అవసరాలను ఇది ఒక్కటే తీరుస్తుంది. అయితే ఈ సోలార్ ప్యానెళ్ల కింద పెరిగే గడ్డిని కత్తిరించడం పెద్ద సవాలుగా మారింది. సాధారణ యంత్రాలతో గడ్డి కోస్తే ఖర్చుతో పాటు పొల్యూషన్ కూడా పెరుగుతుంది. అందుకే ఫోక్స్‌వ్యాగన్ యంత్రాలకు స్వస్తి చెప్పి, ప్యానెళ్ల కింద ఉన్న గడ్డిని సరిగ్గా నిర్వహించడానికి 100 గొర్రెల మందను రంగంలోకి దించింది.

ఈ నిర్ణయం వల్ల కంపెనీకి ఎన్నో లాభాలు ఉన్నాయి.

ఖర్చు ఆదా: యంత్రాలతో గడ్డి కోసే ఖర్చు, మెయింటెనెన్స్ చార్జీలు భారీగా తగ్గాయి.

పర్యావరణ పరిరక్షణ: యంత్రాల వాడకం తగ్గడం వల్ల కార్బన్ ఉద్గారాలు తగ్గి పర్యావరణానికి మేలు జరుగుతుంది.

జీవవైవిధ్యం: సహజ సిద్ధమైన పద్ధతిలో గడ్డి నియంత్రణ జరిగి జీవవైవిధ్యం పెరుగుతుంది.

“ఈ ఫార్మ్ కేవలం గ్రీన్ ఎలక్ట్రిసిటీని ఇవ్వడమే కాదు.. జీవవైవిధ్యం, స్థానిక వ్యవసాయం, శాస్త్రీయ పరిశోధనలను కూడా ప్రోత్సహిస్తోంది. ఆధునిక పరిశ్రమలు ప్రకృతితో సామరస్యంగా ఎలా పనిచేయాలో ఈ ప్రాజెక్ట్ నిరూపిస్తోంది’’ అని ఫోక్స్‌వ్యాగన్ డైరెక్టర్ మార్జెనా పిలిచ్ గ్రోన్స్కా అన్నారు.

ఈ ప్రయోగాన్ని కేవలం గడ్డి కోయడానికే పరిమితం చేయకుండా ఫోక్స్‌వ్యాగన్ సంస్థ పోజ్నాన్ యూనివర్సిటీ ఆఫ్ లైఫ్ సైన్సెస్ శాస్త్రవేత్తలతో చేతులు కలిపింది. సోలార్ ప్యానెళ్ల నీడ గొర్రెలకు ఎండ వేడి నుండి ఉపశమనం కలిగిస్తుందా? ఈ విధానం వల్ల నేల నాణ్యత, స్థానిక సూక్ష్మ వాతావరణం, జీవవైవిధ్యంపై ఎలాంటి ప్రభావం పడుతుందనే అంశాలపై శాస్త్రవేత్తలు సమగ్ర పరిశోధనలు చేస్తున్నారు.

ఈ గొర్రెల మంద యజమాని జస్టినా నోవాక్ గజెక్ మాట్లాడుతూ.. గొర్రెలు సోలార్ ప్లాంట్ వాతావరణానికి చాలా త్వరగా అలవాటుపడ్డాయని తెలిపారు. ప్యానెళ్ల మధ్య చిన్న చిన్న గుంపులుగా విడిపోయి అవి చాలా ప్రశాంతంగా గడ్డి మేస్తున్నాయని, ఈ వాతావరణంలో అవి సురక్షితంగా భావిస్తున్నాయని తెలిపారు. పారిశ్రామిక రంగానికి, ప్రకృతికి మధ్య సమతుల్యతను కాపాడేలా ఫోక్స్‌వ్యాగన్ చేపట్టిన ఈ ఈకో ఫ్రెండ్లీ ప్రయోగంపై ప్రపంచవ్యాప్తంగా ప్రశంసలు వ్యక్తమవుతున్నాయి.

Best Scheme: కేంద్ర ప్రభుత్వం ఎన్నో పథకాలను ప్రవేశపెడుతోంది. తక్కువ పెట్టుబడితో మెచ్యూరిటీకి లక్షలాది రూపాయలు సంపాదించే స్కీమ్‌లు ఉన్నాయి. సరైన సమయంలో పెట్టుబడిని ప్రారంభిస్తే ధనవంతులు కావచ్చు. అలాంటి పథకం గురించి తెలుసుకుందాం..

ప్రభుత్వం చిన్న పొదుపు పథకాల ద్వారా ప్రతి పేద, మధ్యతరగతి వ్యక్తికి ఆర్థిక సహాయం అందించడానికి కృషి చేస్తుంది. ఈ కారణంగా అర్హులైన వ్యక్తులు తమ అవసరాలకు అనుగుణంగా పెట్టుబడి పెట్టేందుకు వీలుగా వివిధ పథకాలు ప్రారంభించింది ప్రభుత్వం. ఈ పథకాలు మార్కెట్‌తో ముడిపడి ఉండవు. ఎలాంటి రిస్క్‌ లేకుండా మీ డబ్బుకు పూర్తి భరోసా ఉంటుంది.

మీకు గణనీయమైన లాభాలను అందించగల ఒక ప్రభుత్వ పథకం గురించి తెలుసుకుందాం. ఈ పథకం కింద మీరు కేవలం వడ్డీ రూపంలోనే రూ.50 లక్షల వరకు సంపాదించవచ్చు. మీరు మీ సమీపంలోని పోస్ట్ ఆఫీస్ ద్వారా ఈ పథకాన్ని పొంది, మీ పెట్టుబడిపై గణనీయమైన లాభాలను ఆర్జించవచ్చు. ఈ పథకం పేరు సుకన్య సమృద్ధి యోజన (SSY). దీనికి గురించి చాలా మందికి తెలిసినా పెద్దగా పట్టించుకోరు. ఈ పథకం కింద మీరు మీ కుమార్తె పేరు మీద ఖాతా తెరిచి పెట్టుబడి పెట్టడం ప్రారంభించవచ్చు. మీ కుమార్తెకు 15 ఏళ్ల వయస్సు వచ్చే వరకు పెట్టుబడి పెట్టడం తప్పనిసరి. ఆమెకు 21 ఏళ్లు నిండిన తర్వాత మీరు ఈ పథకం నుండి మొత్తం మొత్తాన్ని ఉపసంహరించుకోవచ్చు.

ఇది కూడా చదవండి: Ambani Antilia: వెండి తలుపుల నుండి రాతి శిల్పాల వరకు.. అంబానీ ఇంట్లో పూజా మందిరం చూస్తే మైమరచిపోతారు..!

మీ కుమార్తె పుట్టిన కొద్ది రోజులకే మీరు ఈ పథకంలో పెట్టుబడి పెట్టడం ప్రారంభిస్తే, ప్రతి నెలా తక్కువ మొత్తంలో పెట్టుబడి పెట్టాల్సి ఉంటుంది. మీరు 15 సంవత్సరాల తర్వాత పెట్టుబడిని ఆపివేయవచ్చు. ఆ తర్వాత మీకు 21 ఏళ్ల వయస్సు వచ్చే వరకు వడ్డీ ప్రయోజనాలు అందుతూనే ఉంటాయి. ఇతర చిన్న పొదుపు పథకాలతో పోలిస్తే ఈ పొదుపు పథకం అత్యధిక వడ్డీ రేటును అందిస్తుంది. ఇది త్రైమాసిక ప్రాతిపదికన నిర్ణయిస్తారు. జూలై నుండి సెప్టెంబర్ త్రైమాసికానికి వడ్డీ రేటు 8.20%.

సుకన్య సమృద్ధి యోజన కింద ఒక ఆర్థిక సంవత్సరంలో కనీస జమ మొత్తం రూ.250 కాగా, గరిష్ట మొత్తం రూ.1.50 లక్షలు. మీరు ఒక సంవత్సరంలో గరిష్టంగా రూ.1.50 లక్షలను ఒకేసారిగా గానీ, పలు వాయిదాలలో గానీ జమ చేయవచ్చు లేదా నెలవారీగా పెట్టుబడి పెట్టవచ్చు. 15 సంవత్సరాల కాలపరిమితి పూర్తయ్యే వరకు డిపాజిట్లు చేయవచ్చు. కానీ ఖాతా తెరిచిన తేదీ నుండి 21 సంవత్సరాల వయస్సు వచ్చినప్పుడు మెచ్యూరిటీ వస్తుంది.

ఒక వ్యక్తి తమ కుమార్తె పుట్టినప్పుడు రూ.1.5 లక్షలు పెట్టుబడి పెట్టడం ప్రారంభిస్తే ఆమెకు 21 ఏళ్ల వయస్సు వచ్చేసరికి లేదా మెచ్యూరిటీకి చేరుకునే సమయానికి రూ.72 లక్షలు లభిస్తాయి. ఇందులో రూ.50 లక్షలు కేవలం వడ్డీ నుండే వస్తాయి.

మీరు పోస్టాఫీసులో సంవత్సరానికి రూ.1,50,000 డిపాజిట్ చేస్తున్నారని అనుకుందాం. మీరు ఈ డిపాజిట్‌ను 15 సంవత్సరాల పాటు కొనసాగించి, మీ కుమార్తెకు 21 ఏళ్లు నిండినప్పుడు అది మెచ్యూర్ అవుతుంది. ఇప్పుడు మీరు 15 సంవత్సరాలలో రూ.22,50,000 డిపాజిట్ చేస్తారు. 21 సంవత్సరాల చివరలో మీరు 8.2% వడ్డీ రేటుతో మొత్తం రూ.71,82,119 అందుకుంటారు. మీ వడ్డీ రాబడి రూ.49,32,119 అవుతుంది. అంటే మీరు పెట్టిన పెట్టుబడికంటే రెట్టింపు వడ్డీ వస్తుంది.

ఇది కూడా చదవండి: Bank Deposit: ఈ బ్యాంక్‌లో రూ.5 లక్షలు ఎఫ్‌డీ చేస్తే.. 444 రోజుల తర్వాత ఎంత డబ్బు వస్తుందో తెలుసా?

మరిన్ని బిజినెస్ వార్తల కోసం ఇక్కడ క్లిక్ చేయండి

ఐటీఆర్ రిటర్న్ లో ఉద్యోగి చేసిన పొరపాటు
​ఒక ప్రభుత్వ రంగ సంస్థ లేదా నిబంధనలకు కట్టుబడిన కంపెనీలో పనిచేస్తున్న సదరు ఉద్యోగి స్వచ్ఛంద విరమణ పథకం కింద విఆర్ఎస్ తీసుకుని దాదాపు రూ.65.21 లక్షల పరిహారాన్ని పొందారు. అయితే, ఆ సంవత్సరం ఆదాయపు పన్ను రిటర్న్లు దాఖలు చేస్తున్న సమయంలో, సరైన పరిజ్ఞానం లేకపోవడం వల్ల ఆ మొత్తాన్ని పన్ను మినహాయింపు ఉన్న ఆదాయంగా కాకుండా, పన్ను పరిధిలోకి వచ్చే సాలరీ ఇన్ కమ్ కింద పొరపాటున నమోదు చేశారు. దీనివల్ల ఆయన భారీ మొత్తంలో పన్ను చెల్లించాల్సిన పరిస్థితి తలెత్తింది.

​విఆర్ఎస్ నిబంధనలు మరియు పన్ను మినహాయింపు
​ఆదాయపు పన్ను చట్టంలోని సెక్షన్ 10 (10సి) ప్రకారం అర్హత కలిగిన సంస్థల ఉద్యోగులు విఆర్ఎస్ కింద పొందే మొత్తంపై పన్ను మినహాయింపు పొందే హక్కు ఉంటుంది. అయితే ఉద్యోగి తన రిటర్న్లలో దీనిని తప్పుగా చూపించడంతో అసెస్సింగ్ ఆఫీసర్ ఆ మొత్తాన్ని పన్ను పరిధిలోకి తీసుకుని మినహాయింపును తిరస్కరించారు. తదనంతరం ఈ వివాదం అప్పీలేట్ అధికారుల వద్దకు చేరింది.

​ఐటీఏటీ పూణే ఇచ్చిన కీలక తీర్పు
​ఈ కేసును విచారించిన ఐటీఏటీ పూణే బెంచ్, ఉద్యోగికి అనుకూలంగా తీర్పు వెలువరించింది. ఐటీఆర్‌లో రాయడంలో పొరపాటు జరిగినంత మాత్రాన చట్టబద్ధంగా వచ్చే పన్ను మినహాయింపు హక్కును ఉద్యోగి కోల్పోరని స్పష్టం చేసింది. ఒక ఆదాయం చట్టప్రకారం పన్ను రహితమైనది అయినప్పుడు, పన్ను చెల్లింపుదారుడు పొరపాటుగా దానిని పన్ను పడే ఆదాయంగా చూపించినప్పటికీ.. ఆదాయపు పన్ను శాఖ దానిపై పన్ను వసూలు చేయడం సరైనది కాదని స్పష్టం చేస్తూ రూ.65.21 లక్షల విఆర్ఎస్ సొమ్ముపై పన్ను మినహాయింపును పునరుద్ధరించింది.

​సవరించిన ఐటీఆర్ సమయం దాటినా ఊరట
​సాధారణంగా ఐటీఆర్‌లో తప్పులు దొర్లితే సవరించిన రిటర్న్ దాఖలు చేయడానికి ఒక నిర్దిష్ట సమయం ఉంటుంది. అయితే, ఆ గడువు దాటిపోయినప్పటికీ అప్పీలేట్ స్థాయిలో సరైన ఆధారాలు సమర్పిస్తే న్యాయం జరుగుతుందని ఈ తీర్పు నిరూపించింది. పన్ను నిపుణుల అభిప్రాయం ప్రకారం, పన్ను అధికారుల బాధ్యత కేవలం పన్ను వసూలు చేయడమే కాకుండా, పన్ను చెల్లింపుదారులకు చట్టప్రకారం రావాల్సిన మినహాయింపులను కూడా అందించడం అని ట్రైబ్యునల్ స్పష్టం చేసింది.

​పన్ను చెల్లింపుదారులు తీసుకోవాల్సిన జాగ్రత్తలు
​ఈ తీర్పు ఉద్యోగులకు మరియు ఇతర పన్ను చెల్లింపుదారులకు పెద్ద ఊరట నిచ్చినప్పటికీ, ఐటీఆర్ దాఖలు చేసే సమయంలో అత్యంత జాగ్రత్తగా ఉండాలని నిపుణులు సూచిస్తున్నారు. ముఖ్యంగా విఆర్ఎస్, గ్రాట్యుటీ, ప్రావిడెంట్ ఫండ్ వంటి పెద్ద మొత్తాల పరిహారం పొందినప్పుడు, వాటికి వర్తించే పన్ను మినహాయింపు విభాగాలు సరిగ్గా ఎంచుకోవాలి. ఏవైనా సందేహాలు ఉంటే అనుభవజ్ఞులైన టాక్స్ కన్సల్టెంట్లను సంప్రదించి రిటర్న్లు దాఖలు చేయడం ద్వారా ఇలాంటి అనవసరపు కోర్టు కేసులు, వివాదాల నుండి తప్పించుకోవచ్చు.

​గమనిక:
ఇది కేవలం సమాచారం మాత్రమే. పైన పేర్కొన్న వివరాలు ఆదాయపు పన్ను అప్పీలేట్ ట్రైబ్యునల్ తీర్పులు మరియు అంతర్జాతీయ పన్ను నివేదికల సాధారణ విశ్లేషణల ప్రాతిపదికన అవగాహన కోసం మాత్రమే అందించబడ్డాయి, దీనికి సంస్థ ఎలాంటి బాధ్యత వహించదు. మీ ఆదాయపు పన్ను రిటర్న్లు, విఆర్ఎస్ పరిహారం మరియు ఇతర పన్ను మినహాయింపుల కోసం అర్హులైన ఛార్టర్డ్ అకౌంటెంట్ లేదా టాక్స్ కన్సల్టెంట్‌ను సంప్రదించి సలహా పొందడం శ్రేయస్కరం